மியாவ்

மியாவ் 

அதிகாலையில் ஒலித்தது காலிங் பெல்.  திறந்தால் மளிகைக்கடைப் பையன்.    பையன் பற்றிய விவரங்களைப் படிக்க விரும்பாதவர்கள் அடுத்த பாராவை ஸ்கிப் செய்து விடலாம்.  தொடரும் விஷயங்களுக்கும்  இந்தப் பாராவுக்கும்  எந்த விதத்திலும் சம்பந்தம் இருக்காது.  மூவாயிரம் வித்தியாசங்கள் இருக்கலாம்.

பையன் என்றால் நீங்கள் 10 அல்லது 12 வயதுச் சிறுவனை கற்பனைசெய்யக் கூடாது.  இவன் 25 வயது வாலிபன்.  பி எஸ் சி பட்டதாரி.  ஆனாலும் வெளி வேலைக்குப் போகாமல் அப்பாவுக்கு உதவியாக கடையைப் பார்த்துக் கொள்ளத் தொடங்கி விட்டவன்.  மூவாயிரம் முறை சொல்லியும் வெளி வேலைகளுக்குப் போக மறுத்து விட்டான்.

'எதுவும் கொண்டுவரச் சொல்லவில்லையே...   என்ன இது காலங்காலையில்' என்று நினைக்கும்போது கையில் வைத்திருந்த அட்டைப்பெட்டியை நீட்டினான்.  பாஸிடம் "ஆண்ட்டி...   திஸ் இஸ் ஃபார் யூ..."  

                                                

என்ன என்று பார்த்தால் அதனுள்ளிருந்து "மியாவ் என்று எட்டிப்பார்த்தது சின்னஞ்சிறு பூனைக்குட்டி ஒன்று.  கொஞ்சநாட்களுக்கு முன்னால் எங்களை விட்டுப் பிரிந்த பூனையின் அதே நிறம்.  ஆனால் அதற்கு அடர்ந்த முடி இருந்தது.  மெத்மெத்தென்று இருக்கும். நீண்ட வால் அடர்முடியுடன் இருக்கும்.  இதனிடம் அது மிஸ்ஸிங் என்றாலும் அழகாகவே இருந்தது.  மூவாயிரம் வித்தியாசங்கள் சொல்ல முடியாவிட்டாலும் மூன்று வித்தியாசங்களை விட அதிகம் சொல்லலாம்.

                                

இவர்கள் கடையின் அருகே சில பூனைகள் குட்டிப்பூனைத் தயாரிப்பை மேற்கொண்டிருந்தன.  அவ்வப்போது சில குட்டிகளை எடுத்து வந்து காட்டி இருக்கிறான்.  அவன்தான் பழைய பூனை இறந்து கிடந்ததை பார்த்துச் சொன்னவன்.  (இதை நீங்க மூவாயிரம் வாட்டி சொல்லிடீங்க என்று யாரோ சொல்வது போல கேட்கிறது!)

அரைமனதுடன் வேண்டாம் என்று சொல்லியும்  இங்கேயே விட்டுவிட்டுப் போய்விட்டான்.  மிகவும் குட்டி.  தன்னுடைய தாயை அது தேடியது என்றே தோன்றியது.  கொஞ்ச நேரத்தில் பழகி விட்டாலும் விஷமம் தாங்க முடியவில்லை.  மடியிலும் தோளிலும்தான் தூங்குவேன் என்றது!  வீடு முழுக்க மூவாயிரம் நடை சுற்றி வந்தது.  முதலில் கொஞ்சம் பால் குடித்த குட்டி பின்னர் உணவைப் புறக்கணித்தது.    அதன் பின்னால் ஓடவே நேரம் சரியாய் இருந்தது.  மெல்ல மெல்ல ஒன்றியது.

இரண்டு மூன்று நாட்கள் செல்ல, மெல்லப் பழகி ஒட்டிக்கொண்டது குட்டி.  அன்று காலை எழுந்து நடைப்பயிற்சிக்குக் கிளம்பினேன்.  வெளியில் விட்டிருந்த அட்டைப் பெட்டியில் பூனைக் குட்டியைக் காணோம்.  மூவாயிரம் ரூபாயைத் தொலைத்தவன் மாதிரி பதறிப்போனேன்.

எங்கே காணோம்?   எங்கோ உலா சென்றிருக்கிறது போல என்றெண்ணியபடியே நடந்தேன்.  எதிரில் கண்ட காட்சி மூவாயிரம் ஊசி குத்தியது போல மயிர்க்கூச்செரிந்தது.  

எதிரே ஒருபெரிய மலைப்பாம்பு வளைந்து படுத்திருந்தது..   இந்த ஏரியாவில் ஏது மலைப்பாம்பு என்று மனதுக்குள் எண்ணம் ஓடும்போதே அதன் வாயில் என்ன இருக்கிறது என்பதை கண்கள் பார்க்க மனம் பதிவு செய்தது.  

எங்கள் வீட்டு புதிய பூனைக்குட்டி.  

மூன்று நாட்களாய் எங்களுடனே நடந்து மியாவ் என்று கத்திக் கொண்டு விளையாடும் குழந்தை.  மூவாயிரம் நாட்கள் பழகிய உணர்வைத் தந்த குட்டி.

மலைப்பாம்பு பற்றி மூவாயிரம் செய்தி படித்திருப்போம்.  எதுவும் நினைவுக்கு வரவில்லை!  எப்போதோ யூ டியூபில் பார்த்திருக்கும் வீடியோக்கள் நொடியில் நினைவுக்கு வர, சட்டென அதன் அருகில் சென்று பூனையைப் பிடித்து வெளியே இழுத்தேன்.  எளிதாக இருக்கும் என்று நினைத்திருந்த என் எண்ணத்துக்கு மாறாக கடினமாக இருந்தது.  வீட்டில் இருப்பவர்களை  அழைக்கவேண்டும் என்று மனதில் தோன்றியதே தவிர செயல்படுத்த முடியவில்லை.  நேரமும் இல்லை.

பாம்பின் வால்பகுதி சுழன்று என் அருகே வருவதை கவனித்தவன் துள்ளி அதனின்று விலகினேன்.  அதே வேகத்தில் மீண்டும் திரும்பிய பாம்பின் உடல் என் ஆடுகால் சதையிலிருந்து முதுகு வரை வளைத்தது.  விடுபட நினைத்த என் முயற்சிகள் பயனளிக்கவில்லை.  காலை நான்கரை மணி.  அருகில் யாரும் இல்லவும் இல்லை.  உடம்பினுள் ஏதோ நொறுங்குவது போலிருந்தது...  மூவாயிரம் ஆண்டுக்கு முன்னான என் பழைய ஜென்மங்கள் எல்லாம் நினைவுக்கு வருவது போல இருந்தது.

நினைவிழக்கையில் விழித்துக் கொண்டேன்.   கனவு!  அம்மாடி...    உடல் வியர்த்துப்போய் நடுங்கிக் கொண்டிருந்தது.   பயங்கரக் கனவு.   தொண்டை வறண்டிருந்தது.  அணைத்திருந்த ஏ ஸியை ஆன் செய்துவிட்டுப் படுத்தும் நீண்ட நேரம் தூக்கம் வரவில்லை.  ஒன்று இரண்டு எண்ணினால் தூக்கம் வருமாமே...   மூன்றாயிரம் வரை எண்ணியும் தூக்கம் வர மறுத்தது.

திடீரென செத்துப்போன பழைய பூனையின் நினைவு வந்திருக்குமோ என்று யோசித்தேன்.  ஏன் இந்தக் கனவு?  புரியவில்லை.  

எப்போது தூங்கினேன் என்று தெரியாது.  விடிகாலை மனைவியின் குரல் எழுப்பியது.

"ஏங்க...   இங்கே வந்து பாருங்க...   ப்ரவீண் என்ன கொண்டு வந்திருக்கான் பாருங்க..."

எழுந்து வெளியே வந்தேன்.  என் உடம்பில் மூவாயிரம் மயிர்க்கால்கள் குத்திட்டு நின்றன.

அவன் கையிலொரு அட்டைப்பெட்டி இருந்தது.  அதனுள்ளிருந்து "மியாவ் என்று எட்டிப்பார்த்தது சின்னஞ்சிறு பூனைக்குட்டி ஒன்று.   கொஞ்சநாட்களுக்கு முன்னால் எங்களை விட்டுப் பிரிந்த பூனையின் அதே நிறம்.  

- ஸ்ரீராம் -

==============================================================================================

சிங்கிள் ஸ்பேஸில் மூவாயிரம் வார்த்தைகள் இருந்தால் அது எத்தனை பக்கங்களை விழுங்கும் தெரியுமா?    ஆறு பக்கங்களை!

===============================================================================================

=======================================================================================================

சிங்கிள் ஸ்பேஸில் ஒரு பக்கத்தில் சாதாரணமாக மூவாயிரம் எழுத்துகள் எழுதினால் அது 500 வார்த்தைகள் ஆகலாம்!

===================================================================================

மூவாயிரத்தை ரோமன் லெட்டரில் MMM என்று குறிக்கலாம்.

=============================================================================================

==================================================================================================

 Angel Number 3000 என்று கேள்விப்பட்டிருக்கிறீர்களா?

===================================================================================================

மூவாயிரம் ஆண்டுகளுக்கும் முன் பழமையான சிவன் கோவில்.

====================================================================================================

இரண்டு கேள்விகள்....!

​மையெழுதும் கண்ணால் பொய்யெழுதிப் போனவளின் பெயர் என்ன?

பஞ்சு மிட்டாய் என்ன விலை?

==================================================================================================

இது என்ன என்று அறிய ஆவல்.  ஆனால் டுபாக்கூர் என்று தெரிகிறது!

========================================================================================================