லபோ லபோ லப் ஜனகா கதா பினா ஜாம் ஜனகா ஒயிலாலோ ஒயிலாலோ

 

சென்ற வருடம் செப்டம்பர் கடைசி வாரத்தில் விட்டு விட்டு ஜுரம் அடித்துக் கொண்டிருந்தது.  மகன்கள் 'வா  டாக்டரைப் பார்க்கலாம்' என்று கூப்பிட்டுக் கொண்டே இருந்தார்கள்.  வழக்கம்போல நானும் மறுத்துக் கொண்டே இருந்தேன்.

​ஆனால் அக்டோபர் ஒன்றாம் தேதி இரவு சுத்தமாக மூச்சு விட முடியாமல் அடைத்துக் கொண்டது.  இப்படி வந்தால்  கொஞ்ச நேரத்தில் சரியாகும்.  ஆனால் இந்த முறை நள்ளிரவு தொங்கி காலை வரையும் நீடிக்க, வாயாலேயே மூச்சு வீட்டுக் கொண்டிருந்தேன்.  

நானே மகன்களை அழைத்தது விட்டேன்.  'ஆஸ்பத்திரி போகலாம்'!  

ராமச்சந்திரா சென்றோம்.  அழகாக, உயரமாக, மத்திம வயதுடையவராக இருந்த டாக்டர் சோமு என்னைப் பார்த்தார்.  சாதாரணமாக ஒரு GP யைப் பார்த்து அவர் ஆலோசனை பெற்று அப்புறம் எந்த சிறப்பு மருத்துவரைப் பார்க்கலாம் என்று செல்வது மரபு.  மரபு என்ன...  அப்போதுதான் இரண்டு மருத்துவர்களுக்கு காசு வாங்கலாம்!  நான் நேரடியாக ENT என்றே அனுமதி வாங்கி விட்டேன்!

நான் சென்ற சமயம் எனக்கு முன்னாள் ஒருவர் மட்டுமே இருக்க, சோமு உள்நோயாளியைப் பார்க்க வார்டுக்கு கிளம்பினார்.  'இரண்டே பேர்தான்..  எங்களை பார்த்து விட்டு வார்டுக்கு செல்லலாமே' என்று நான் நர்ஸிடம் சொன்னதை அவர் டாக்டரிடம் சொல்லி இருப்பார் போல.  அவர் மதிக்காமல் கிளம்பியதோடு, என்னை அற்பமாக பார்த்துக் கொண்டே கடந்து போனார்.

"பத்து நிமிஷத்துல வந்துடுவார் டாக்டர்" என்று சமாதானம் சொன்னார் நர்ஸ்.  சுத்தமாக 35 நிமிடங்கள் கழித்து வந்தார் அவர்.

இரண்டு மூக்குத் துளைகளிலும் ஒரு Gauze துணியை சொருகி வைக்கச் சொல்லி (LA வாம்!) பத்து நிமிடம் கழித்து வந்து இரண்டு கம்பிகளுடன் களம் புகுந்தார்.  நான் நெளிய நெளிய ("ஆடாதீங்க") கம்பிகளை உள்ளே செருகி சோதித்து, 'ஹெவியா இன்ஃபெக்ட் ஆகி இருக்கு என்றும்,  ஒரு ஆன்ட்டிபயாட்டிக் ஊசி போடவேண்டுன்றுமெ'ன்றும் 'அது வல்லிய ஊசி, அட்மிட் ஆகணும்' என்றார்.  வீட்டிலிருந்து போட்டுக் கொள்ளலாம்.  ஆனால் காலை மாலை இங்கு வந்துதான் போட்டுக் கொள்ள வேண்டும் என்றார்.  சுமார் இரண்டு மணிநேரம் இரண்டு வேளையும் படுக்கை தேவைப்படும் என்றார்.  ஊசி எழுதிக் கொடுங்கள் வெளியில் ஆள் வைத்து வீட்டிலேயே போட்டுக் கொள்ளலாமா (ராமச்சந்திராவிலிருந்து இதற்காக ஆள் அனுப்ப மாட்டார்களாம்) என்று கேட்டதற்கு 'போட்டுக் கொள்ளலாம்' என்றார்.  சற்று இடைவெளி விட்டு 'அப்படியே வெளியேயே ட்ரீட்மெண்ட்டும் பார்த்துக் கொள்ளலாம்' என்றார்.   Grrrrrrrr...  கொஞ்சம் யோசித்தபோது 'யோசித்துச் சொல்லுங்கள்' என்று சட்டென்று எழுந்து வெளியே போய்விட்டார்.  நர்ஸ் என்னை வெளியே காத்திருக்கச் சொல்ல அடுத்த நோயாளிகளை பார்க்கத் தொடங்கி விட்டார் அவர்.  

அவர் கம்பியை விட்டு குத்தியதில் அடைப்பு சற்று சுமாராக சரியாகி இருந்தாலும் ஹெவி இன்ஃபெக்ஷன் என்கிற வார்த்தை மனதில் மின்னி மின்னி மறைய,  மீண்டும் பிரச்னை வரும் அபாயம் இருந்தது.  மீண்டும் அவர் அழைத்து விசாரித்தபோது சட்டென்று 'சரி' என்றேன்.  என் மகன்கள் என்னை ஆச்சர்யத்துடன் பார்த்தார்கள்.  ஏனென்றால் சற்றுமுன் வரை வராண்டாவில் பேச்சுவார்த்தையில் எந்த முடிவும் எட்டப்படாமல் இருந்தது.

இது நான் புதிய மருத்துவ பாலிசி எடுத்து விட்ட சமயம்.  பழைய பாலிசி 24,00 ல் தொடங்கியது இந்த வருடம் 80,000 கட்டவேண்டி இருந்ததது.  அதை நிறுத்தி விடலாம் என்று எண்ணம்.  புதிய பாலிசி 20,000 ரூபாய்தான்.  எப்படியோ அட்மிட் ஆகாமல் காப்பீட்டுத்தொகையை கோரமுடியாது.  போட்ட பணத்தில் கொஞ்சமாவது திருப்பி எடுத்து விடுவது என்றும் முடிவு செய்துகொண்டேன்!

முடிவை சரியாக சொல்லி முதலிலேயே கலந்து பேசாமல் இப்படி நானாக சொன்னால் பெரியவன் முகம் சுணங்குவான்; சுணங்கினான்! ஏதேதோ  மாற்றுக் கேள்விகள் கேட்டு முடிவை ஒத்தி வைக்கச் செய்யப் பார்த்துக் கலைக்கப் பார்த்தான்.  நான் கலையவில்லை!

சோமு கூப்பிட்டுப் பேசும்போது சாண்டில்யனின் உப படைத்தலைவன் போர்த் திட்டத்தை விவரிப்பது போல விவரித்தார்.  மூக்கின் உள் சுவரில் எப்படி இன்ஃபெக்ஷன் ஆகி இருக்கிறது என்று சொன்னார்.  நிறைய சேர்த்து வைத்திருக்கிறேன் என்றார்.  சாதாரண ஆண்டிபயாட்டிக்குக்கு படியாது என்றார்.  நான் வேறு சென்ற வாரம்தான் அஜித்ரோ உபயோகித்திருந்தேன்.  சொன்னேன்.

"ஹெவி ஆன்டிபயாடிக் காலைல ஒண்ணு, ராத்திரி ஒண்ணு..  ஐவில.."

"டாக்ஸிம் இன்ஜெக்ஷனா டாக்டர்?"  - நான் என் அறிவைக் காட்ட அவசரப்பட்டேன்.

"ஏன்?  எது போடலாம் சொல்லுங்கள்..  போட்டுடுவோம்" என்றார் டாக்டர்.

'அட என்னடா' என்று நான் சும்மா இருக்க "ஸீ..  அதெல்லாம் என் பிரச்னை..  நான் பார்த்துக்கறேன்..  நீங்க நான் சொல்றதை மட்டும் செய்ங்க" என்றார்.  பேச்சுவார்த்தை முடிந்தது என்பதுபோல  அத்துடன் பாதியிலேயே பேட்டியை வெட்டிக் கொண்டு "அட்மிஷனுக்கு எழுதித்தருகிறேன் வெளில வெயிட் பண்ணுங்க" என்று துரத்தி விட்டார்!

அட்மிஷன் பேப்பர் கைக்கு வந்ததும் ஆவன செய்யப் புறப்பட்டோம்.  அவர்கள் கொண்டு வந்த படிவத்தில்  நான் தமிழில் 'பாஸ்ரீ' என்று கையெழுத்திட்டேன்.  பல்லாண்டு காலமாக அராசாங்க வேலையில் அப்போது போடப்பட்ட உத்தரவை மதித்து தமிழில் போடத்தொடங்கிய கையெழுத்து.  கையெழுத்து ஒவ்வொவரு இடத்திலும் மாறி மாறிப் போட்டால் பிரச்னை வருகிறது என்று வங்கிக்கணக்கு உட்பட எல்லா இடத்திலும் ஒரே மாதிரி தமிழில் போட பயின்று கொண்டிருந்தேன்.  

அதைப் பார்த்ததும் அந்த உதவி டாக்டர் அந்த ஃபார்மை எடுத்துச் சென்று விட்டு வேறொரு தமிழ் விண்ணப்பத்தை எடுத்து வந்தார்!!  'அட, பார்றா..  இதெல்லாம் இவ்வளவு ஸ்ட்ரிக்ட்டாகவா' என்று நினைத்துக் கொண்டேன்.

மகன் எதையும் கேள்விகள் கேட்டு ஒரு தடவைக்கு இரண்டு தடவை, இரண்டு தடவைக்கு நான்கு தடவை நான்கு தடவைக்கு..  சரி விடுங்கள்..  கேள்வி கேட்டு ஆராய்ந்துதான் செய்வான்.  காப்பீட்டு நிறுவனத்துடன் பேசிக்கொண்டு, மற்ற பார்மாலிட்டிஸ் எல்லாம் முடிந்து நான் ஒரு அறையில்  படுக்க வைக்கப்பட்டபோது மணி இரண்டு!  மகன் பொறுமையாக அவன் ஆபீஸ் காலையும், என் அட்மிஷனையும் சமாளித்தான்....

======================================================================================

என்னென்ன ஜாலம் செய்கிறீர்கள் இளையராஜா..   பெரிய மேதைகளையும் அழைத்து வந்து சிறிய துணுக்குகளாக  சேர்த்து பாடலின் தரத்தை எங் வேறு லெவலுக்கு கொண்டு சென்று..

==========================================================================================

சரத்பாபு - என் பதின்மத்தின் க்ரஷ். ‘செந்தாழம்பூவில் வந்தாடும் தென்றல் என் மீது வீசுதம்மா’ எனப் பாடியபடி ஜீப்பை ஒடித்து திருப்பும் இலாகவம் கண்டு விழுந்தவள் தான். எழ மனமே வரவில்லை. ‘நெஞ்சத்தைக் கிள்ளாதே’யில் சிடுசிடு மனைவிக்கும் செல்லத் தங்கைக்கும் இடையே பரிதவிக்கும் அண்ணனாக, சலங்கை ஒலியில் நாயகனின் நண்பனாக, நிழல் நிஜமாகிறது படத்தில் ஷோபாவின் கர்ப்பத்துக்குக் காரணமாக,  பல படங்களில் ரஜினியின் நண்பனாக, செல்ல எதிரியாக, முத்து படத்தில் நாடகப் பிரியராக - எந்தப் பாத்திரத்தை ஏற்றுச் செய்தாலும் அவற்றை நம் மனதில் நீங்கா இடம் பெறச் செய்தவர். 

ஆளவந்தான் திரைப்படத்தில் அவருடைய இணையாக நடிப்பதாக அறிந்தபோது இதயம் ஒரு முறை துடிக்க மறந்து போனது. அவ்வளவு எதிர்பார்ப்போடு அவரை நேரில் சந்தித்து எனக்குள் இருந்த தீவிர ரசிகையை அவருக்குச் சொன்னேன். ஒரு மெல்லிய புன்னகை அவரிடமிருந்து - எத்தனையெத்தனை பெண்களிடம் இந்த அபிமானத்த்தைப் பார்த்திருப்பார். 

அவரது முக ஜாடை அச்சு அசல் என் தம்பி கிஃபிலைப் போலவே இருக்கும். அதைச் சொன்னால் - அதற்கும் புன்னகை தான். 

டெல்லியில் ஆளவந்தான் படப்பிடிப்பை முடித்துக் கொண்டு இருவரும் ஒரே விமானத்தில் அருகருகே அமர்ந்து பயணித்தோம். அப்போது  என்றும் மறக்கமுடியாத ஒரு பாடம் சொல்லித் தந்தார். அக்காலத்தில் எல்லா விமானப் பயணங்களிலும் உணவு பரிமாறப்படும்.  இப்பொழுது போல பணம் வாங்கிக்கொண்டு அல்ல. ஏராளமானச் சின்னக் கிண்ணங்கள் பேப்பரால் பொதிக்கப்பட்டு பலவித உணவு ஒரு பெரிய காகிதப் பெட்டியில் ஜரிகைத் தாள் பொதித்துப் பரிமாறப்படும்.  

உணவு முடிந்து காலி கிண்ணங்களையும் அவற்றிலிருந்து பிரித்த ஏராளமான நெகிழித் தாள்களையும் மிக நேர்த்தியாக ஒன்றின் உள் இன்னொன்று வைத்து பெரிய பேப்பர் சதுரக் கிண்ணம் மூடி வந்த சில்வர் பேப்பரை ஜாக்கிரதையாக மீண்டும் பொதித்து அழகாகத் திருப்பிக் கொடுத்தார் - அவற்றைத் திரும்பப் பெற்றுக்கொள்ள வந்த விமானப் பணிப்பெண்ணிடம். 

“அவர்களும் நம்மைப் போன்றவர்களே. நம் எச்சிலை அப்படிக்கப்படியே அவர்களிடம் தரக் கூடாது” என்றார். அதன் பின் நான் எந்த பயணத்தின் போதும், தூக்கிபோடும் குப்பைகளை மிக நேர்த்தியாக பொதித்து, வந்தது போலவே திரும்பத் தருகிறேன். அப்படித் தரும் ஒவ்வொரு முறையும் நண்பர் சரத்பாபு நினைவில் வருவார். மிக நேர்த்தியாக ஆடை அணிவார். மென்புன்னகை தவிர வேறு எந்த பாவனையயும் அவர் முகத்தில் நான் பார்த்ததில்லை. 

அவரது களையான முகத்தைப் பற்றி ஒரு சக நடிகர் சொல்லும் போது - சரத்பாபுவிற்குப் பிறவி ஏழையாக ஒரு கதாபாத்திரத்தைக் கொடுக்கவே முடியாது. அப்படி ஒரு ராஜகளை அவரது முகத்தில் தாண்டவமாடும்.

-பாத்திமா பாபு  - நன்றி கந்தசாமி ஸார், ஃபேஸ்புக்.

===========================================================================================

1991 ல் வெளியான குணா திரைப்படத்திலிருந்து ஒரு பாடல்.  நீங்கள் நினைக்கும் பாடல் இல்லை!

முதலில் இலங்கைப் பிரச்னை பற்றி படமெடுக்க நினைத்து சிபி மலயில் கமல், சப் ஜான் ஆகியோர் துக்ளக் சோ விடம் ஆலோசனை கேட்க அவர் வேண்டாம் என்று சொல்லி விட்டாராம்.  பின்னர் குணாவுக்கான கதையை சப் ஜான் - இவர் கமலின் பழைய சாணக்யா பட அசோசியேட் - சொல்ல, பின்னர் கமலின் டாமினேஷன் காரணமாக சிபி மலயில் வெளியேற சந்தானபாரதி அந்த இடத்தைப் பிடித்தார்.  டப்பிங் விஷயத்தில் நடிகர் சிவாஜிக்கும் ஜனகராஜுக்கும் நடந்த ஒரு தகராறில் சந்தானபாரதியும் கமலும் சிவாஜியை (நடிகர் திலகம் அல்ல) ஆதரிக்க, ஜனகராஜ் கமலுடன் சேர்ந்து நடித்த கடைசிப் படம் இது.

வாலியின் பாடலை எஸ் ஜானகி இளையராஜா இசையில் பாடி இருக்கிறார்.  அருமையான மெலடி   உன்னை நான் அறிவேன் பாடல்.  தேவனென்றால் தேவனல்ல தரைமேல் உந்தன் ஜனனம்.. முதல் சரணத்தைத் தொடர்ந்து ஒரு கஜல் துணுக்கு..  தொடர்ந்து ஒரு துள்ளலிசை...  மீண்டும் உன்னை நானறிவேனில் முடியும் பாடல்.

 

=======================================================================================

"இது என் வீடு.. 

நான் 

பார்த்துக் கொள்கிறேன் 

நீ 

சும்மா இரு"

மகனின் வார்த்தைகளில் 

மாற்றமில்லை.

காலமும் சூழலும்தான் 

மாற்றத்தை உணர்த்துகின்றன.

சிறுவயது மழலையில் 

அவன் சொன்னபோது 

மகிழ்ந்த மனம் 

அவனுக்கு திருமணமாகி 

பத்து வருடங்கள் கழித்து 

இதைச் 

சொல்லும்போது 

உடைந்துதான் போகிறது.

======================================================================================

சீனாவில் 2 விநாடிகளில் 700 கி.மீ. வேகம் எடுத்த ரயில்: புதிய உலக சாதனை

பெய்ஜிங்: சீனாவின் தேசிய பாதுகாப்பு தொழில்நுட்ப பல்கலைக்கழகத்தின் ஆராய்ச்சியாளர்கள் ‘மேக்னெடிக் லெவிடேஷன்' எனப்படும் காந்தப்புல தொழில்நுட்பத்தின் அடிப்படையில் 1 டன் எடை கொண்ட ரயிலை இயக்கி சோதனை நடத்தினர். இதில் வெறும் 2 விநாடிகளில் அந்த ரயில் மணிக்கு 700 கி.மீ. வேகத்தை எட்டி உலக சாதனை படைத்தது.

400 மீட்டர் (1,310 அடி) நீளமுள்ள காந்தப்புல ரயில் பாதையில் இந்த சோதனை நடத்தப்பட்டது, மேலும் 700 கி.மீ. வேகத்தை அடைந்த பிறகு ரயில் பாதுகாப்பாக நிறுத்தப்பட்டது. இதன் மூலம் இதுவரை உருவாக்கப்பட்ட காந்தப்புல ரயில்களில் அதிக வேகம் கொண்ட ரயில் என்ற பெருமையை இது பெற்றது.  இந்த ரயில், தண்டவாளங்களைத் தொடாமல், அதன் மேலே காந்த விசையில் செல்லக்கூடியது. இதன் முடுக்கம் மிகவும் சக்தி வாய்ந்தது. ஒரு ராக்கெட்டை ஏவும் அளவு சக்தி வாய்ந்தது. இந்த வேகத்தில் நீண்ட தொலைவில் உள்ள நகரங்களை சில நிமிடங்களில் இந்த ரயில்கள் மூலம் நாம் இணைக்க முடியும்.

இந்த சாதனையை படைத்த ஆராய்ச்சியாளர்கள் குழு கடந்த 10 ஆண்டுகளாக இந்தத் திட்டத்தில் பணியாற்றி வருகிறது.

===============================================

சுவாரஸ்ய செய்தி - கொஞ்சம் பழசு 

1976 தினமணி 

பசுவதை தடை: கொள்கை அளவில் த.நா. அரசு ஏற்றது - கருத்தரங்கில் முதல்வர் அறிவிப்பு

சென்னை, ஜன. 11 - வாரத்தில் ஒரு நாள் மாமிச கடைகள்
மூடப்பட்டிருக்க வேண்டும், பசுவதை தடை செய்யப்பட வேண்டுமென்பதை கொள்கையளவில் தமிழ்நாடு அரசு ஏற்றுக் கொண்டு விட்டதாக முதன் மந்திரி திரு. கருணாநிதி இன்று கூறினார்.

"மஹாவீரர், வள்ளுவர், வள்ளலார் கண்ட அஹிம்சா நெறி" பற்றிய கருத்தரங்கு ஒன்றை சென்னையில் துவங்கி வைத்துப் பேசினார்.

தாம் புலால் உணவு சாப்பிடும் பழக்கமுள்ளவர் என்பதைக் குறிப்பிட்டு, இதுபோன்ற கருத்தரக்கை துவக்கி வைக்க தமக்குத் தகுதி இருக்கிறதா என்ற சந்தேகம் ஏற்படுவதாக கூறினார். ஆனால், ஒருவர் தாம் செய்த செயல்களைக் குறித்து வருத்தமடைய ஆரம்பித்தால் அது அவரை அறவழிக்கு அழைத்துச் செல்லும் என்றும், "நான் இந்த வகையைச் சேர்ந்தவன் போலிருக்கிறது" என்றும் கூறினார்.

மாமிசக் கடைகளை வாரம் ஒரு நாள் மூட வேண்டும், பசுவதைக்கு தடை விதிக்க வேண்டும் என்ற கோரிக்கைகளை கொள்கையளவில் தமது அரசு ஒப்புக் கொள்கிறது என்றும் இதுபற்றி மேலும் பரிசீலனை செய்யும் என்றும் கூறினார்.

இதுபோன்ற நடவடிக்கைகளால் மாநிலத்திலுள்ள புலாலுண்போரை ஒரு நாளில் அப்பழக்கத்தை விட்டு விடச் செய்ய முடியாது என்பது உண்மையேயானாலும், ஏதாவது ஒரு விதத்தில் முயற்சி துவக்கத்தான் வேண்டும் என்றார்.  அஹிம்சையின் உயர்வைப் பற்றி பெரியோர் கூறியுள்ள நல்லுரைகளை மக்களுக்கு எடுத்துரைப்பதன் மூலமாகவும் படிப்பபடியாகவும் புலாலுணவுப் மக்களிடம் குறையச் செய்யவேணும் என்றார். 

- இணையம் -

====================================================================================

1966 ல் உமா சந்திரனால் கல்கியில் தொடராக எழுதப்பட்ட முள்ளும் மலரும் நாவல் அதே பெயரில் 78 ல் படமானது.  ரஜினி ஷோபா சரத்பாபு நடித்தார்கள்.  பல தடைகளைக் கடந்து படம் வெளியானது.  மகேந்திரன் டைரக்டரான முதல் படம்.  பாலு மெஹந்திரா உதவியுடன் அவர் இயக்கினார்.  வித்தியாசமான இளையராஜா இசை.  படத்தில் நாயகனுக்கும் நாயகிக்கும் டூயட் கிடையாது.  இன்று பகிரும் பாடல் ஜென்சி குரலில் பஞ்சு அருணாச்சலம் எழுதிய "அடி பெண்ணே.."  இளையராஜாதான் முதல் கவர்ச்சி இப்பாடலில்.  அப்புறம் ஜென்சி.  அப்புறம் ஷோபா. 

==========================================================================================

சிவகாமியின் சபதம் - அமரர் கல்கி

முன்னுரை

நீல வானத்திலிருந்து பூரண சந்திரன் அமுத கிரணங்களை பொழிந்து கொண்டிருந்தான். பூவுலகம் மோக நிலையில் மூழ்கி அமைதி குடி கொண்டு விளங்கியது. எதிரே எல்லையின்றிப் பரந்து கிடத்த வங்காளக் குடாக் க் கடலில் சந்திர கிரணங்கள் இந்திரஜால வித்தை செய்து கொண்டிருந்தன. கரையோரத்தில் சின்னஞ் சிறு அலைகள் அதிக ஓசை செய்து அமைதியைக் குலைக் விரும்பாதலை போல இலேசான சத்தத்துடன் விழுந்து கொண்டிருந்தன.

கடல் ஓரத்து வெண் மணலில் நாங்கள் உட்கார்ந்திருந்தோம். ரஸிகமணி ஸ்ரீ டி.கே. சிதம்பரநாத முதலியார் அவர்களும் இன்னும் இரு நண்பர்களும் நானும் இருந்தோம். வேறு மனிதர்களோ, பிராணிகளோ கண்ணுக்கெட்டிய தூரம் காணப்படவில்லை.

மாமல்லபுரத்துக் கடற்கரை, பன்னிரண்டு வருஷங்களுக்கு முன்னம் நடந்த சம்பலம். ரஸிகமணி அவர்கள் வழக்கம் போல் கவிதைகளைப் பற்றி பேசிக் கொண்டிருந்தார்.

"விதியின் எழுத்தைக் கிழித்தாச்சு! - முன்பு 

விட்ட குறை வாது தொட்டாச்சு!''

என்ற ஸ்ரீ கோபாலகிருஷ்ண பாரதியாரின் பாடல் வரிகளே அழுத்தம் திருத்தமாக எடுத்துரைத்தார்கள்.

"முன்பு விட்ட குறை வந்து தொட்டாச்சு  என்னும் வரி ஒரு சக்தி வாய்நத மந்திரத்தைப் போல் என்னை மதி மயங்கச் செய்தது.  அந்தக் கடற்கரை மணலில் அதே மாதிரி வெண்ணிலவில் இதற்கு முன் எத்தனையோ தடவை நான் உட்கார்ந்திததாகத் தோன்றியது. முந்தைய பிறவியின்  விட்ட குறைதான் இங்கே என்னைக் கொண்டு வந்து சேர்த்து இன்று இந்தக் கடல் ஓரத்திலே உட்காரச் செய்திருக்கிறது என்றும் தோன்றியது.

கடலிலே ஆயிரமாயிரம் படகுகளும் அலைகளும் திடீரென்று காட்சி அளித்தன. கரையிலே கூட்டங் கூட்டமாக ஆடவரும் பெண்டிரும் நடமாடிக் கொண்டிருந்தார்கள். சற்று தூரத்தில் மாட மாளிகைகளும் கூட கோபுரங்களும் எழுந்தன. அவற்றின் உச்சியில் ரிஷபக் கொடிகளும் சிங்கக் கொடிகளும் உல்லாசமாகப் பறந்தன. இனிமை ததும்பிய இசைக் கருவிகளிலிருந்து எழுந்த சங்கீதம் நாற்புறமும்  சூழ்ந்து போதையை உண்டாக்கியது. கண்ணுக்குத் தெரிந்த பாறைகளில் எல்லாம் சிற்பிகள் கையில் கல்லுளியை வைத்து கொண்டு வேலை செய்தார்கள். எங்கேயோ யாரோ காலில் கட்டிய சதங்கையோடுஒ நடனமாடிக் கொண்டிருந்தார்கள்.

சிறிது நேரத்துக்கெல்லாம் அந்த கட்சிகள் தெளிவடைத்தன. உருவங்கள் முகங்களும் இனம் தெரியுமாறு எதிரே தோன்றின.

ஆயனரும் சிவகாமியும் மகேந்திர பல்லவரும் மாமல்லரும் பார்த்திபனும் விக்கிரமனும் அருள்மொழியும் குந்தவியும், பொன்னனும் வள்ளியும் கண்ணனும் கமலியும் புலிகேசியும்  நாகநந்தியும் என்னுடைய மனக்கண் முன்னால்  பவனி வந்தார்கள். அப்படி பவனி வந்தவர்கள் என் உள்ளத்திலேயே குடிபுகுந்தும் விட்டார்கள்.

குடைந்தெடுத்த 

இரண்டு தினங்கள் மாமல்லபுரத்தில் தங்கியிருந்தோம்.  அற்புத சிற்பங்களைத் தாங்கிய கற்பாறைகளைப் பார்த்தோம். குன்றில் கோயில்களையும் விமானங்களையும் பார்த்தோம். ஒவ்வொரு கல்லும் ஒரு கதை சொல்லிற்று. ஒவ்வொரு சிற்பமும் ஓர் இதிகாசத்தை எடுத்துரைத்தது. பார்க்கப் பார்க்க வியப்பு மிருந்தது ; கேட்க் கேட்கப் பரவசமாயிற்று.  கையில் பிடித்த கல்லுளிகளையே  மந்திரக் கோல்களாகக் கொண்டு எந்த மகா சிற்பிகள் இத்தகைய மகேந்திர ஜாலங்கள செய்தார்களோ என்று நினைத்த போது அவர்களை கையெடுத்துக் கும்பிடத் தோன்றியது. அந்தச் சிற்பியிடம் தோன்றிய பக்தியினால் தலை தானாகவே வணங்கிற்று.

*

"சிவகாமியின் சபதம் என்னும் பெயர் தாங்கிய இந்த நூலை ஏதேனும் ஒரு வழியிலே பெற்றுக் கையில் ஏந்திக் கொண்டிருக்கும் அன்பர்கள் இது 'அபாரமான புத்தகம்' என்று உடனே தீர்மானித்துவிடக் கூடும். ஆயிரத்துக்கு மேல் மேல் பக்கங்கள் உள்ள புத்தகம் அல்லவா? அதற்குத் தகுந்த கனமும் இருக்கத்தானே செய்யும்?

இவ்வளவு பாரத்தையும் ஏறக்குறைய பன்னிரண்டு வருஷ காலம் என் உள்ளத்தில் தாங்கிக் கொண்டிருந்தேன். "சிவகாமியின் சபத"த்தில் கடைசிப் பாகம் கடைசி அத்தியாயம் கடைசி வரியை வரியை எழுதி "முற்றும் என்று கொட்டை எழுத்தில் போட்ட பிறகுதான் பன்னிரண்டு ஆண்டுகளாக நான் சுமந்து கொண்டிருந்த பாரம் என் அகத்திலிருந்து நீங்கியது.

மகேந்திரரும் மாமல்லரும் ஆயனரும் சிவகாமியும் பரஞ்சோதியும் பார்த்திபனும் விக்கிரமனும் குந்தவி யும் மற்றும் பல கதாபாத்திரங்களும் என் நெஞ்சிலிருந்து கீழிறங்கி "போய் வருகிறோம்" என்று அருமையோடு சொல்லி விடைபெற்றுக் கொண்டு சென்றார்கள். வுருத்து கீழிறங்கி, "போய் வருகிறோம் 

ஆகா!  அந்தப் பழத் தமிழ் நாட்டுப் பிரமுகர்கள், பெயருக்கும் புகழுக்கும் மிக்க ஆசை கொண்டவர்கள் போலும் ! என்றென்றும் அழியாத கற்பாறையிலே அல்லவா தங்களுடைய புகழை அவர்கள் எழுதி வைத்து விட்டுச் சென்றார்கள்! வேண்டுமென்று செய்தார்களோ, வேண்டாமலே செய்தார்களோ, நினைத்துச் செய்தார் களோ, நினையாமலே செய்தார்களோ - அவர்கள் செய்துவைத்த காரியங்கள் நீடூழி காலம் அவர்களுடைய நினைவை நிலைநாட்டுமாறு அமைந்திருக்கின்றன.

*

பல காலமாகப் பண்டைத் தமிழகத்தின் பெருமையைப் பற்றியும் பண்பாட்டின் சிறப்பைப் பற்றியும் கேள்விப்பட்டுக் கொண்டிருந்தேன்; படித்துமிருந்தேன். ஆனாலும், கேட்டது படித்தது எதுவும் உள்ளத்தில் நன்கு பதியவில்லை!நம்பிக்கையும் அவ்வளவாக உண்டாகவில்லை.

மகாபலிபுரம் என்று வழங்கும் மாமல்லபுரத்துக்குச் சென்று கண்ணால் நேரிலேயே பார்த்த பிறகு நம்பிக்கை ஏற்பட்டது. ஆயிரத்து முந்நூறு ஆண்டுகளுக்கு முன்னால் நமது செந்தமிழ் நாட்டில் இவ்வளவு அற்புதமான சிற்பங்களைச் செய்த மகா சிற்பிகள் இருந்தார்கள்! அவர்களை ஆதரித்துப் போஷித்து உற்சாகப்படுத்தி அவர்களுடைய கலைத் திறனைப் பிரகாசிக்கச் செய்த மன்னர்களும் இருந்தார்கள்

அப்படியென்முக. அந்தக் காலத்தில் தமிழகத்தின். பண்பாடும் சமூக வாழ்க்கையும் எவ்வளவு மேம்பட்டடிருக்க வேண்டும்! அத்தகைய மேம்பாட்டை ஒரு சமூகம் அடைய வேண்டுமானால் அதற்கு எத்தனை நூற்றண்டுகளுக்கு முன்னாலிருந்து சமூகத்திலே கலையும் கல்வியும் நல்லரசாட்சியும் நல்லொழுக்கமும் வளர்ந்து வந்திருக்க வேண்டும்!   இதையெல்லாவற்றையும் 
 தீக்கிரையாகியது; (8) தளபதி பரஞ்சோதி பிற்காலத்தில் சேனாதிதி உத்யோகத்தை விட்டுத் தமது சொந்தக் கிராமமாகிய திருச்செங்காட்டங்குடிக்குச் சென்று சிவநேசச் செல்வராக வாழ்க்கை நடத்தியது ஆகிய இவையெல்லாம் சரித்திரபூர்வமான உண்மைச் சம்பவங்கள்.

இந்தச் சம்பவங்கள் நிகழ்ந்த காலத்தில் தென்னாடு கலை வளத்தின் தலைசிறந்து விளங்கியது என்பது சரித்திரம் ஐயமற அறிவிக்கும் உண்மையாகும். சிற்பம், சித்திரம், சங்கீதம் நடனம் ஆகிய அழகுக் கலைகள் எல்லாம் தமிழகத்தில் அப்போது வளம் பெற்றிருந்தன. இந்தக் கலைகளுள், முக்கியமாகச் சிற்பமும் சித்திரமும், வித்திய பர்வதத்திலிருந்து இலங்கை வரையில் ஏறக்குறைய ஒரே விதமாகப் பரவியிருந்தன என்பதும், ஒரே பாணியில் அமைந்திருந்தன என்பதும் சரித்திர பூர்வமாகத் தெரிய வருகின்றன அஜந்தாவின் குகை மண்டபங்களிலும் தமிழகத்தில் இப்போது சிற்றன்ன வாசல் என வழங்கும் சித்தர் வாச மலையிலும், இலங்கையில் உள்ள ஸ்ரீகிரி மலையிலும் ஒரேவிதமான சித்திரங்கள் அழியா வர்ணங்களில் எழுதிய அற்புதக் கலைப் பண்பு வாய்ந்த சித்திரங்கள் காணப்படுகின்றன, உலகத்தில் வேறு எங்கேயும் இத்தகைய பண்டைச் சித்திரங்களை காண முடியாது என்று கலை நிபுணர்கள் சொல்கிறார்கள்.

ஏறக்குறைய ஒரே காலத்தில் அஜந்தாவிலும் எல்லோராவிலும் வாதாபியிலும் கிருஷ்ணை நதிக்கரையிலுள்ள நாகார்ஜுன மலையிலும் மாமல்லபுரத்திலும் குன்றுகளைக் குடைந்து விமானங்கள் அமைக்கும் கலை பரவி மகோன்னத நிலையை அடைந்திருந்தது என்பதையும் சரித்திர ஆராய்ச்சியிலிருந்து தெரிந்து கொள்ளலாம்.

மேற்கூறிய சரித்திர உண்மைகளையெல்லாம் இந்த இரண்டு கதைகளிலும் கொண்டு வர முயன்றதன் பயனாக வாழ்க்கையிலேயே ஒப்பற்ற அநுபவம் ஒன்று எனக்குக் கிடைத்தது. அதுதான அஜந்தா யாத்திரை. அஜந்தா சித்திரங்களைப் பற்றிப் புத்தகங்களில் படித்ததை ஆதாரமாகக் கொண்டே, சிவகாமியின் சபதம்" எழுதுவதற்கு ஆரம்பித்தேன். ஆனால், கதையை எழுதிக் கொண்டு போகப் போக, ஆயனருக்குப் பிடித்தது போன்ற அஜந்தா பைத்தியம் என்னையும் பிடித்துக் கொண்டது. கதையில் நேர்முகமாக அஜந்தா வைப் பற்றிச் சொல்லும் கட்டம் வருவதற்கு முன்னால் அங்குள்ள சித்திரங்களை, அற்புதங்களை நேரிலே பார்த்துவிட வேண்டும் என்ற விருப்பமும் நாளுக்கு நாள் அதிகமாகிக் கொண்டிருந்தது. அந்த விருப்பமும் நிறை வேறுவதற்கு இறைவன் திருவருள் துணை புரிந்தது.

ரா. கிருஷ்னாமூர்த்தி

5-3-1948
*கல்கி"

=========================================================================================

பொக்கிஷம்  :

"காடெல்லாம் பிச்சிப்பூவு கரையெல்லாம் ஷெண்பகப்பூவு நாடே மனக்குதில்ல இந்த நலமாக போற பாத..."  இளையராஜா குரல் காதில் ஒலிக்கவில்லை?

ஷ்யாம் ஓவியம் 

ஸிம்ஹா ஓவியத்துக்காக...

தமிழில் பக்க எண்கள்.

பரபரப்பாக அந்நாட்களில் வனஸ்பதி விற்றாலும் நாங்கள் வாங்கினதே இல்லை!

ராமு ஓவியம்.  சுருட்டுடன் ஒரு கதாபாத்திரம்.

கன்டின்யுட்டி மாறாமல் அடுத்த ஓவியத்தில் ஓடும்போதும் வாயில் சுருட்டு!!