திங்க கிழமை 140512:: பெசரட்

ஐநூறு கிராம் பயறு எடுத்துக்கொண்டு, சுத்தமான தண்ணீரில் மூன்று மணி நேரங்களுக்கு குறையாமல் ஊற விடவும். 

ஊறுகின்ற  நேரத்தில் கே டி வி யில் ஒரு படம் வேண்டுமானாலும் பார்த்துக்குங்க. 

பிறகு, தண்ணீரை வடித்துவிட்டு, பயறை மிக்சியில் அரைத்துக் கொள்ளவும். 

தேவைக்கேற்ப உப்பு, இரண்டு சிட்டிகை மஞ்சள் பொடி இருபது மிளகு, ஒரு தேக்கரண்டி சீரகம் இவற்றை மிக்சியில் அரைத்துக் கொள்ளவும். 

ஏழெட்டுப் பச்சைமிளகாய், சிறிது கொத்தமல்லித் தழை, கொஞ்சம் இஞ்சி இவைகளை நன்கு கழுவி, பொடிப் பொடியாக நறுக்கிக்கொள்ளவும். 

சிறு சுண்டைக்காய் அளவு பெருங்காயம் சேர்த்து எல்லாவற்றையும் அரைத்து வைத்துள்ள மாவில் கலந்து கொள்ளவும். 

மாவில் தேவைக்கேற்ப தண்ணீர் சேர்த்து, தோசை மாவு பதத்திற்குக் கொண்டுவரவும். 

அடுப்பில் தோசைக் கல்லைப் போட்டு, நீங்கள் கலந்துள்ள மாவை, தோசை போல் வார்க்கவும். 

தோசை ஒரு பக்கம் வெந்ததும், சிறிய வெங்காயத்தை பொடிப் பொடியாக நறுக்கி, தோசை மீது பரவலாகத் தூவவும். சிறிது நேரத்தில், கல்லிலிருந்து பெசரட்டை எடுத்து, தட்டில் போடவும். 

   

  

சுவையான பெசரட்டு தயார். சுவைத்து மகிழுங்கள்.