முடிவதற்குள் ஒரு முத்தம்

============================================================​

கர்ணனின் முடிவு​

     ... இதற்குள் சல்யன் கர்ணனிடம்  "அஸ்திரத்தை அர்ஜுனனின் கழுத்துக்கு குறி வைத்து எய்.  தலையைக் குறி வைக்க வேண்டாம்" என்று யோசனை கூறினான்.  ஆனால் கர்ணன், "ஒரு தடவை வைத்த குறியை கர்ணன் மாற்ற மாட்டான்" என்று கூறி அந்த நாகாஸ்திரத்தை எய்தான்.  (விதிதான் அவனுக்கு அந்த அகம்பாவத்தைக் கொடுத்திருக்க வேண்டும்)


     அஸ்திரம் தீயைப்போல் ஜொலித்துக்கொண்டு வருவதைக் கண்ணபிரான் பார்த்தார்.  தேரை அழுத்தி ஐந்து அங்குலம் தரையிலழுத்தும்படி செய்தார்.  அஸ்திரம் அர்ஜுனனின் ரத்தினம் இழைத்த கிரீடத்தை எடுத்துச் சென்றது.  அவனது தலை தப்பியதும் ஆகாயத்தில் அனைவரும் கண்ணபிரானின் திறமையைக் கொண்டாடினார்கள்.


     உடனே அர்ஜுனன் வெல்

​வெட் துணியைக் கொண்டு தலைமயிரைச் சேர்த்து அடக்கித் தலைப்பாகையாகக் கட்டிக்கொண்டு போருக்குத் தயாரானான்.  அசுவசேனன் அர்ஜுனனின் கிரீடத்தை எடுத்துக்கொண்டு மேலே கிளம்புவதைக் கண்ணபிரான் அர்ஜுனனுக்கு காட்டினார்.  "உன்னைக் கொல்ல வந்த தட்சகன் மகனைக் கொன்று விடு" என்று உத்தரவிட்டார்.  உடனே அர்ஜுனன் திரும்பவும் ஆறு பாணங்களைத் தொடுத்து அந்தப் பாம்பைத் துண்டித்து விட்டான்.

     மீண்டும் கர்ணனும் அர்ஜுனனும் போரிட்டார்கள்.  பெரிய பெரிய அஸ்திரங்களை ஏவிக் கொண்டார்கள்.  இதற்கிடையே கர்ணனுடைய 

​தே​

ரின் இடது சக்கரம் தரையில் அழுந்தியது.  கர்ணன் சட்டென்று கீழே குதித்து அதைத்  தூக்கி நிறுத்திச் சரிப்படுத்த முன்வந்தான்.  அப்போது,  "அர்ஜுனா, நீ சிறந்த வீரன்.  அதர்மமான

​ ​

காரியம் செய்ய மாட்டாய்.  நீ தேரில் இருக்கிறாய்.  நான் தரையில் இருக்கிறேன்.  என்மேல் 

​பா​

ணம் தொடுப்பது முறையல்ல.  இந்தச் சக்கரத்தைத் தூக்கி விடும்

​ ​

வரையில் பொறுத்திரு" என்றான்.

     அப்போது கண்ணபிரான் கர்ணனைப் பார்த்து, அவன் பாண்டவருக்குச் செய்த தீங்குகளை ஒவ்வொன்றாகக் கூறினார்.:  " நீ இப்போது தர்மம் பேசுகிறாயே!  அப்போது இந்த தர்மம் எங்கே போயிற்று?" என்றார்.  கர்ணன் வெட்கித் தலைகுனிந்தான்.  பிறகு கர்ணனும் அர்ஜுனனும் பிரம்மாஸ்திரம் முதலிய அஸ்திரங்களை ஒருவர் மேல் ஒருவர் பிரயோகித்துக் கொண்டார்கள்.

     நெருப்பு போல ஒளிரும் ஒரு கொடிய அஸ்திரத்தைக் கர்ணன் அர்ஜுனன் மேல் ஏவினான்.  அது அர்ஜுனனுடைய மார்பைத் தாக்கியயது.  தலை சுழன்று காண்டீபத்தை அவன் நழுவ விட்டான்.  அந்தச் சமயம் பார்த்துக் கர்ணன் தன் தேர்ச் சக்கரத்தைத் தூக்கிவிட முயன்றான்.  அதற்குள் அர்ஜுனனுக்கு நினைவு வந்து விட்டது.  கர்ணன் தன் தேரில் ஏறுவதற்கு முன் அவனைக் கொ

​ல்லு​

வதற்கு உத்திரவிட்டார் பகவான்.  அர்ஜுனனும் அப்படியே சிறந்த அஸ்திரத்தை எடுத்து, "நான் தவம் செய்திருந்தால், பெரியோர்களைத் திருப்தி செய்திருந்தால், யாகம் முதலியவற்றைச் செய்திருந்தால் இந்த அஸ்திரம் பகைவனைக் கொல்லட்டும்" என்று கூறி அதைக்

​ ​

கர்ணனின் மேல் தொடுத்தான்.  கர்ணனின் தலை அறுபட்டது.  அவன் கீழே விழுந்தான்.  அனைவரும் "ஹா! ஹா!" என்று கூவினா

ர்​

.

-- பைண்டிங் செய்யப்பட புத்தகம் ஒன்றிலிருந்து கிடைத்த வரை...   --

[ தமிழில் மொழியாக்கம் செய்திருப்பவர் வி எச். சுப்பிரமணிய சாஸ்திரி.  ஆனால் எதிலிருந்து என்று தெரியவில்லை!  மஞ்சரி 1963.]


======================================================================

==================

காற்றுள்ளபோதே....

​எப்ப வரும்னு தெரியாது 

பிரேக் அப்.  

வா 

அதற்குள் ஒரு 

முத்தமாவது இட்டுவிடுகிறேன்!

காதலிக்கும் காலம்

கோபத்தை மறைக்க வேண்டும்.  

அதிருப்தியை அடக்கவேண்டும். 

நாற்றங்களை மறைக்க வாசனைகளைத் தெளிக்க வேண்டும்.

கொஞ்சகாலம்தான்.   

ஆயிடும் கல்யாணம்.   அப்புறம் காமிக்கலாம் 

அதெல்லாத்தையும் மொத்தமா .

ஆபத்தில்லே..

=================================================================

கலவரக் காக்கைகள் 

​​

​காக்கைகள் ராஜ்ஜியத்தில்

திடீர்க் கலவரம்

அந்தி சாயும் நேரத்தில்

அலறிப் பறக்கின்றன

எங்கிருந்து வந்ததென

அறிய முடியாத

ஆயிரம் காக்கைகள்...

'கா...கா...கா..'

கானம் கேட்டு

காரணம் அறிய

மாடியிலிருந்து எட்டிப்பார்த்த

என்

மண்டையில் தட்டி

உள்ளே அனுப்பின

இரண்டு

கோபக் காக்கைகள்.

கலவரத்தின் காரணம்

அறியாமலே

சுற்றிப் பறந்து வட்டமிட்ட

காக்கைகளைப்

பார்த்தபடி கீழே இறங்குகிறேன்

காரணமின்றிக்

கரைவதில்லை காக்கைகள்..

அறியத்தான் முடிவதில்லை

அவைகளின் அரசியலை.​

============================================================

படங்கள்   ::  இணையத்திலிருந்து நன்றியுடன் 

தமிழ்மணத்தில் வாக்களிக்க.......