"திங்க"க்கிழமை 171009 : ஒரு போண்டா வெள்ளை அப்பம் ஆன கதை! - கீதா சாம்பசிவம் ரெஸிப்பி

எப்போவும் அமாவாசை நாளன்று காலை கஞ்சியோ அல்லது வேறே ஆகாரமோ சாப்பிடாமல் பத்தரைக்குள் சாப்பிட்டுடுவோம். மத்தியானம் பசிக்கும் தான்! 


ஆனால் முன்னெல்லாம் காஃபி மட்டும் குடிச்சுட்டு ஏதேனும் பழங்கள் எடுத்துக்குவோம். இப்போ நம்ம ரங்க்ஸுக்கு சர்க்கரை மேலும், கீழும் நாட்டியம் ஆட ஆரம்பிச்சப்புறமாப் பசி தாங்கலைனு மத்தியானம் ஏதேனும் பண்ணிக் கொடுக்க வேண்டி இருக்கு! 


அநேகமா அவலை ஊற வைத்துத் தேங்காய், மிளகு, ஜீரகப் பொடி சேர்த்துத் தாளிதம் செய்து கொடுத்துடுவேன். இன்னிக்கு அவல் இல்லை! வேறே இட்லி மாவும் ஏதும் கைவசம் இல்லையா என்ன பண்ணறதுனு யோசிச்சுட்டுக் கடைசியிலே மங்களூர் போண்டா மாதிரிப் பண்ணலாம்னு தீர்மானிச்சேன். 


அதை வெறும் மைதாவிலும் பண்ணலாம். ஆனால் இப்போல்லாம் மைதா சேர்ப்பதைக் குறைத்து வருவதால் ரவை+மைதா+அரிசி மாவு+உ.மாவு சேர்த்துப் பண்ணலாம்னு முடிவு செய்தேன்.

ஒரு பாத்திரத்தை எடுத்து அதில் ஒரு கரண்டி ரவை போட்டேன்.

மற்ற மாவுகளையும் ஒவ்வொன்றாகச் சேர்த்தேன். அதில் உப்பு, பெருங்காயத் தூளையும் சேர்த்துக் கலக்கி வைத்தேன். புளித்த தயிர் இரண்டு கரண்டி விட்டு அதில் கலக்கினேன். மாவு நல்ல இட்லி மாவுப் பதத்துக்கு இருக்கணும்.

தயிர் விட்ட மாவுக் கலவை கலக்கும் முன்னர்!

அதில் போட வைத்திருக்கும் இஞ்சி, பச்சை மிளகாய், கருகப்பிலை

எல்லாம் போட்டுக் கலந்த மாவு போண்டோ போடத் தயாரான நிலையில். 

எண்ணெயில் போடும்போது திடீர்னு ஒரு யோசனை. போண்டாவாக உருட்டாமல் வெள்ளை அப்பமாகப் போட்டால் என்னனு! 

சரினு அப்படியே போட்டுட்டேன். உளுந்து அரைச்சு அரிசி மாவு சேர்த்துப் பண்ணின வெள்ளை அப்பம் மாதிரியே இருந்தது. அமாவாசை மட்டும் இல்லைனா வெங்காயச் சட்னியோடு சாப்பிடலாம். :) 

தமிழ்மணத்தில் வாக்களிக்க......