பந்திக்கு முந்தாதே

 

ஒரு திருமணத்துக்கோ வரவேற்புக்கோ செல்லும்போது என்னதான் அவசரமாக இருந்தாலும் முதல் பந்தியில் அமர்வதை தவிர்த்து விடுவதே நல்லது என்பது என் கட்சி.

அவசரமாகச் செல்ல வேண்டும் என்றால் இரண்டாம் பந்தியில் அமரலாம்.  மேலும் அதற்கு மேலான பந்திகளில் அமர்ந்தால் சில ஐட்டங்கள் குறைய வாய்ப்பும் இருக்கும்!!

ஆனால் முதல் பந்தியில் ஏன் அமரக்கூடாது என்பதற்கு முக்கியமான காரணம் இருக்கிறது. 

காரணம்,  இருக்கிற எல்லா வரிசை இலைகளிலும் முக்கால்வாசி எல்லாவற்றையும் பரிமாறி வைத்து விடுவார்கள்.  பார்க்கும்போதே ஒரு அவெர்ஷன் வரும்.  பரிமாறுபவர்கள் ஓரமாக நின்று வேடிக்கை பார்த்துக் கொண்டிருப்பார்கள்.

இலையில் அமர்ந்தபின் ஒவ்வொன்றாய் பரிமாறினால், என்னென்ன பரிமாறுகிறார்கள் என்ற எதிர்பார்ப்பும் இருக்கும்.  வேண்டாதவற்றை தடுத்து நிறுத்தவும் முடியும்.  அனாவசியமாக வேஸ்ட் ஆகாது, அல்லது கஷ்டப்பட்டு உள்ளே தள்ள வேண்டாம்.  அப்படியே சாப்பிடாமல் வைத்து விடலாமே என்பீர்கள்.  என்னால் அது முடியாது.  இலையை சுத்தமாக காலி செய்வதே வழக்கம்.  

உட்கார்ந்தபின் பரிமாறுவதில் சில ஐட்டங்களை உடனுக்குடன் காலி செய்வதும் வசதி.

தயாராயிருக்கும் இலையில் வெட்கமின்றி சென்று அமர்ந்தால், இலையில் என்னென்ன இருக்கிறது என்று அனுமானித்து எடுக்கும் முன்னரே பரிமாறுபவர்கள் சாதம், சாம்பாருடன் நிற்பார்கள்!

அப்புறம் என்று சொல்லவும் முடியாது.  அந்த அப்புறம் எவ்வளவு நேரம் கழித்து வருமோ...   வருமோ அல்லது வராமலே போகுமோ....!

==========================================================================================

ராமர் க்ஷத்ரியர், அவர் வில்லாளியும் கூட. வேட்டையாடிய விலங்குகளை தசரத குடும்பம் சமைத்து உண்டிருக்கும். அரசர்கள் எல்லோருமே அசைவத்தை விரும்பிச் சாப்பிட்டது அந்நாளில் இயல்பாகவே இருந்திருக்கும்.

அரச குமாரரான ராமரை, அக்கால வழக்கப்படி தெய்வத்துக்குச் சமமாக வைத்து வணங்கியிருப்பார்கள். ராமசரிதையை வால்மிகி எழுதிய பின் அவரது புகழ் ராமாயணமாக நாடெங்கும் பரவி நிலை​ பெற்று விட்டது.

அன்று போல் இன்றும் ராமர் வணங்கப் பட்டாலும் ராமருக்கு சைவ நைவேத்தியங்களே படைக்கப்படுகின்றன. அசைவம் உண்ட ராமர் காலப்போக்கில் சைவராகி விட்டார். அசைவ-சைவ உணவுகளில் ஏற்றத் தாழ்வு இல்லை. எல்லாம் உணவே.

ஆலயங்களில் பலிபீடங்கள் பிரமாண்டமாக இருப்பது, ஒரு​ காலத்தில் மிருகங்களை பலிபீடத்தில் வைத்து வெட்டி, இறைவனுக்குப் படைத்த நினைவின் எச்சங்களே.

இன்று ராமர் புலால் உண்டிருப்பார் என்பதை ஏற்காத சமூகமாக இந்திய சமூகம் கட்டமைக்கப் பட்டு வெகுகாலமாகி விட்டது.

அடித்தட்டு மக்கள்தான் இன்றும் தங்கள் தெய்வங்களுக்கு மாமிசப்​ படையல் படைத்து வழிபட்டு புராதனத் தொடர்பு அறுபடாமல் காப்பாற்றி வருகின்றனர்.

-வண்ணநிலவன்

===================================================================================

தாராசுரம்...

\ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \

நியூஸ் ரூம் 

- காபூல்: தெற்காசிய நாடான ஆப்கானிஸ்தானைச் சேர்ந்த ஒருவர், தனக்கு 140 வயதாகிறது என தெரிவித்துள்ளார். அவர் கூறும் தகவல்களை தலிபான் அரசு சரிபார்த்து வருகிறது.

- பெங்களூரு: தனது குழந்தையின் கழுத்தில் இருந்த தங்கச்சங்கிலியை, விமான பணிப்பெண் திருடிவிட்டதாக பெண் ஒருவர் போலீசில் புகார் அளித்து உள்ளார்.  (20 கிராம், 80,000 மதிப்பு என்கிறார்!)

- கைகலாசா என்றொரு நாடு இல்லை.  நித்யானந்தா எங்கே?  கைலாஸா நாட்டை உருவாக்குவதற்காக அமேசான் காடுகளில் சிறு பகுதியை வாங்க நினைத்து சீடர்கள் காது, நாடு கடத்தல்!

- ரோஷினி சென்னை பல்லாவரம் அடுத்த பொழிச்சலூர் ஊராட்சி பள்ளியில் 5-ம் வகுப்பு படித்து வந்தார். இவரது தாய் கவுசல்யா வேலைக்கு சென்று வருகிறார். அவர் வேலைக்கு சென்று விட்டு வருவதற்குள் வீட்டு வேலைகளை செய் து வைக்கும்படி மகள் ரோஷினியிடம் கூறி சென்றிருக்கிறார்.  அதைச் செய்து வைக்காததால் வேலை முடிந்து வீட்டுக்கு வந்தால் தனது தாய் தன்னை அடிப்பாரோ? என பயந்த மாணவி ரோஷினி, தனது தம்பி கண் எதிரேயே வீட்டில் தூக்குப்போட்டு தற்கொலை செய்து கொண்டதாக தெரிகிறது

- சென்னை: மேற்கு மாம்பலத்தில் வீடு புகுந்து திருடிய இருவர், நெதர்லாந்து நாட்டிற்கு சென்றிருந்த வீட்டு உரிமையாளரின் மொபைல் போனில் ஒலித்த அலாரத்தால் வசமாக சிக்கினர்.

- புதுக்கோட்டை: கறம்பக்குடி அருகே ஆட்டை திருடி, சந்தையில் விற்பனைக்காக கொண்டு வரப்பட்டபோது, அதே சந்தையில் தன் எஜமானரை பார்த்த ஆடு, ஓடிச்சென்று அவரிடம் தஞ்சமடைய, ஆடு திருடிய நபர் ஓட்டம் பிடித்தார். அவரை வியாபாரிகள் சுற்றிவளைத்து பிடித்தனர்.

- தான் 'கொலை செய்த' மனைவி நேரில் வந்ததால் அதிர்ச்சியான நபர்.

- மும்பை : மஹாராஷ்டிராவில் முகலாய மன்னர் அவுரங்கசீபின் கல்லறை அமைந்துள்ள குல்தாபாத் நகரம், ரத்னாபூர் என பெயர் மாற்றப்படவுள்ளதாக, அம்மாநில அரசு தெரிவித்துள்ளது.

- ஆண்களுக்கு சேலை உடுத்தி 100 நாள் வேலையில் மோசடி  யாத்கிர் : கர்நாடகாவில் நடந்த ஊரக வேலைவாய்ப்பு உறுதித் திட்டத்தில் பணியாற்றியதாக, சேலை அணிந்து ஆண்கள் போஸ் கொடுத்த சம்பவம் அதிர்ச்சியை ஏற்படுத்தியுள்ளது. இது தொடர்பாக, மாவட்ட பஞ்சாயத்து அதிகாரி, 'சஸ்பெண்ட்' செய்யப்பட்டார்.

- சென்னை : 'நடிகர் சிவாஜியின் அன்னை இல்லம் வீட்டின் மீது, எந்த உரிமையும் கோர மாட்டேன்' என, அவரது மூத்த மகன் ராம்குமார் தரப்பில், சென்னை உயர்நீதிமன்றத்தில் பிரமாண மனு தாக்கல் செய்யப்பட்டது.  [அண்ணன் என்னடா தம்பி என்னடா]

- சுமார் 10,000 ஆண்டுகளுக்குமுன்  அழிந்துபோன ஓர் பிரம்மாண்ட ஓநாய் இனத்துக்கு (டையர் -பயங்கர ஓநாய்கள்) அமெரிக்க விஞ்ஞானிகள் மீண்டும் உரு கொடுத்து உருவாக்கியுள்ளனர்.

- வாஷிங்டன்: அமெரிக்காவின் பொருட்களுக்கு 34 சதவீதத்தில் இருந்து 84 சதவீதமாக வரியை சீனா உயர்த்தி உள்ளது. இதனால் இருநாடுகளுக்கு இடையே வர்த்தகப்போர் தீவிரம் அடைந்துள்ளது.

- வாஷிங்டன்: அமெரிக்காவுக்கு படிக்க செல்லும் இந்திய மாணவர்களின் எண்ணிக்கை கடந்த ஆண்டை காட்டிலும் சரிந்து வருகிறது.

-  இனி ஆதார் நகல் வேண்டாம்; வருகிறது புதிய செயலி.  புதுடில்லி : பல சேவைகளை பெறுவதற்கு, ஆதார் அட்டை நகல் தருவதை தவிர்த்து, டிஜிட்டல் முறையில் ஆதார் சரிபார்ப்பு வசதி வழங்கும் புதிய 'மொபைல் போன்' செயலி விரைவில் அறிமுகமாக உள்ளது.

-  வட்டி விகிதம் 6 சதவிகிதமாக குறைவதால் வீடு, வாகனக் கடன் வட்டிகள் குறையுமாம்.

-  சீனாவின் அதிரடியாலோ என்னவோ அமெரிக்கா, ட்ரம்ப் பரஸ்பர வரிவிதிப்பை மூன்று மாதங்களுக்கு நிறுத்தி அருளியிருக்கிறார்!

- பெங்களூருவில் குடிநீர் கட்டணம் குறித்த அதிகாரப்பூர்வ அறிவிப்பு இன்று வெளியாகும் என்று எதிர்பார்க்கப்படுகிறது.  உயர்கிறதாம்!

== == =         = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =+

முதல் இரவுக்குள் நுழையும் புதுமணத்தடிகம்பதிகள்.  தேசு என்னும் வேதாந்த தேசிகன் ஒரு பெருமையான நல்ல குடும்பத்திலிருந்து வந்தவன் என்றாலும் பிணம் தூக்குபவன் ஆகிப்போகிறான்.  அவனுக்கும் ஒரு உடனடிக்காதல் வந்து விடுகிறது.  பெண்ணுக்கும் இவன் உருவம் பார்த்து பிடித்துப் போகிறது.  திருமணம் முடிந்து முதலிரவு அறையில்...  அவன்  ஆளுமை மிக்கவள்.

..............  இத்தனை குழப்பங்கள் வருமா என்ன? ஆனால் தேசுவுக்குள் நடந்த இந்தப் போராட்டம் மட்டும் நிஜமாய் ஆடியது. சந்தோஷம் என்ற உணர்வு அமிழ்ந்து போய் ஏதோ ஒரு விதமான பயமும் துக்கமும் மனசைப் பேயாய் அலைக்கழித்தது.

அம்மா அப்பா இவர்கள் இல்லாததால் ஏற்படும் ஒரு விதமான தனிமை இந்த துக்கத்தை ஏற்படுத்துகிறதா? இல்லை, தன் பக்கத்தில் பொங்கிப் பொங்கி உட்கார்ந்து இருக்கும் கல்யாணியைப் பார்த்து இந்த அவஸ்தை ஏற்படுகிறதா என்று புரியவில்லை.

எத்தனை திடமும் நம்பிக்கையும் இந்தப் பெண்ணிடம் என்ற உணர்வே தன்னை அடித்துப் போடுவதாகத் தேசுவுக்குத் தோன்றியது. இந்தப் பத்து வருடத்தில் யாரும் அவனை இத்தனை பாதித்ததில்லை. தன் தகுதிக்கு மீறிய எது கிடைத்தாலும் அதற்காய் அச்சப்படும் ஒரு மனிதனாய்த் தேசு அவதிப்பட்டான். வேறு யாருக்கும் தெரியா விட்டாலும் தன் மனசைப் பொறுத்தவரை தான் கல்யாணிக்குத் தகுந்தவன்தானா என்று மனசு கிடந்து அல்லாடியது. நரசிம்மனின் கல்யாணத்தில் வைத்து அம்பி சொன்ன விஷயங்கள் மீண்டும் நினைவுக்கு வந்தது.

'எத்தனையோ விதத்தில் தன் உணர்வுகளைச் சமாதானப்படுத்திக் கொள்ளும் வசதி ஓர் ஆணுக்கு உண்டு. ஆனால் பெண் அப்படி அல்லவே. ஒரு நேர்மையான பெண் தன் உணர்வுகளை நசுக்கியே நரைத்துப் போகிறாள். அவள் முகத்தில் இருபத்து நாலு, இருபத்தாறு வயசில் கிழடு தட்டிப் போவதுகூட இதனால்தான். இந்த உணர்ச்சி நசுக்கல்களுக்குப் பதிலாக ஏதோ ஒன்று கழுத்தை நீட்டி வாங்கிக் கொண்டு இந்த மட்டும் போதும் என்று அமைதி அடைவதைத் தவிர வேறு என்ன இருக்கிறது? ஒரு அவஸ்தையிலிருந்து தப்பித்துக் கொள்ளும் பொருட்டு ஒருவன் கைகளில் விழுந்து பின் அந்த அவஸ்தையின் மருந்து இதுதான் என்று உணர்ந்து அந்த உணர்த்தலோடு சேர்ந்து இந்த பெண்களுக்கு ஒரு ஞானம் வந்து விடுகிறதோ!'

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

நான் வந்த பிறகுதான் அது நடந்ததா.. அதெல்லாம் தப்பு.. ஓபனாக பேசிய இளையராஜா..

"நான் திரைத்துறைக்கு வந்து ஐம்பது வருடங்கள் ஆகிவிட்டன. ஆனாலும் நான் ஒவ்வொரு ராகத்திலும் ரசித்தே இசையமைப்பேன். நான் இசையமைக்கும் பாடல் முதலில் எனக்கு பிடித்தால்தான் மற்றவர்களுக்கு பிடிக்கும். இப்படி ஒவ்வொன்றையும் ரசித்து ரசித்து செய்வதால்தான் என்னுடைய இசையை எல்லோருக்கும் பிடித்திருக்கிறது. வித்தியாசமாகவும் தெரிகிறது. நான் இசையமைத்த பல பாடல்கள் எனக்கே பாடம் சொல்லிக்கொடுத்திருக்கிறது. இயக்குநரும், தயாரிப்பாளரும் கேட்கிறார்கள் என்பதற்கு மட்டும் ஒரு பாடலை கொடுத்தால் அது ரசிகர்களிடம் கண்டிப்பாக எடுபடாது என்பதுதான் உண்மை.

ரசனைதான் முக்கியம்: ஒரு பாடலுக்கு எதிர்பார்ப்பே இல்லை என்றால் அங்கு ரசனை மட்டும்தான் முக்கியமான ஒன்றாக இருக்கும். எல்லையே இல்லாத கற்பனைதான் பாடலுக்கு முக்கியம். எத்தனை ட்யூன்களை போட்டாலும் பாட்டுக்கு எது தேவையோ அதை மட்டும் கொடுப்பது எல்லாம் ஒரு யுக்திதான்.

திருக்குறள் ஏன் இரண்டு அடிகளில் ஏழு சீர்களில் இருக்கிறது. அதற்கும் குறைவாகவே அதில் இருக்கும் பொருளை தர முடியும். பல பாடல்களுக்கு நான் முதல் வரி எழுதியிருக்கிறேன். இசையமைக்கும்போது வரிகள் தானாகவே வந்துவிடுகின்றன. நான் 2000ஆம் வருடவாக்கில் வெண்பா எழுத முயற்சித்தேன். ஆனால் இலக்கணப்படி எழுதினால் நினைத்ததை என்னால் சொல்ல முடியவில்லை.

இலக்கணம் தேவையில்லை: நினைத்ததை சொல்ல வேண்டுமென்றால் இலக்கணம் தேவையில்லை. பிறகு கேப் விட்டு எழுதினேன். பாடலாசிரியர்கள், கவிஞர்களிடமெல்லாம் பேசினேன். அப்படியே அவை என்னை மெருகேற்றிவிட்டன. நான் வந்த பிறகுதான் பாடல் பாமர மக்களுக்கான மொழியில் வந்தது என்று சொல்வது தவறு. நான் வருவதற்கு முன்னரும் அப்படிப்பட்ட நிலைதான் இருந்தது. எனவே அப்படி சொல்லாதீர்கள். ஏகப்பட்ட பாடல்களை உதாரணமாக சொல்ல முடியும். அனைத்து நல்ல வார்த்தைகளும் நான் இசையமைக்கும் பாடல்களில் அதுவாகவே வந்து அமர்ந்துகொள்ளும். ரசனைதான் ஒரு பாடலுக்கு ரொம்ப முக்கியம்.

இசை தெரியும் என்று நம்பவில்லை: எந்த வேலை பார்த்தாலும் அது முழுமையாக தெரிந்தால்தான் அந்த வேலை முழுமையடையும். இப்போதுவரைக்கும் எனக்கு இசை தெரியும் என்று நான் நம்பவில்லை. அப்போ இசை தெரிந்தவர்களுக்காக நான் நிறைய விஷயங்களை கற்றுக்கொண்டு தேடவேண்டும். இசை தெரியாதவர் வாயில் என்ன வருகிறதோ அதை பாடுவார். இசை என்பது கணக்கு போட்டு வருவதில்லை. இசையை கட்டுக்குள் வைத்து வெளியிட்டால் அது யாருக்குள்ளும் கனெக்ட் ஆகாது. அழகோடு, இயல்போடு இருந்தால்தான் அது மக்களை சென்றடையும்"

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

வியர்த்த இரவுகளின்

தனிமையில்

தென்றலாய்

உன் நினைவுகள்... 2013

================================================================================

பொக்கிஷம் :