தற்போதுள்ள சௌகரியங்களில் எதை உங்களால் இழக்க இயலாது?

 

கேள்வி பதில்கள் :

பானுமதி வெங்கடேஸ்வரன்: 

கணவனோ மனைவியோ எப்படிப்பட்டவர்களாக இருந்தாலும் நமக்கு வாய்த்தது இதுதான் என்று சகித்துக் கொண்டு வாழ்ந்தது முந்தைய தலைமுறைகள். ஆனால் பிடிக்காத ஒரு விஷயத்தை அப்படி ஏன் சகித்துக் கொள்ள வேண்டும்? என்று கேட்கும் இன்றைய தலைமுறை.. எது சரி என்று நினைக்கிறீர்கள்?

# சகிப்புத்தன்மை காட்டி பொறுத்துப் போவதற்கான காரணம் என்ன என்பதைப் பொறுத்தது இதற்கான விடை.  மிகவும் துன்பந்தரும் சூழ்நிலை இருக்குமானால் சட்டப்படி விலகி இருப்பதே இருபாலருக்கும் சரியான தீர்வு.

மோர்க்குழம்பு, இருவுளிக் குழம்பு எனப்படும் இருபுளி குழம்பு, கடி எதை அதிகம் விரும்புவீர்கள்?

# பாக்கி இரண்டும் பரிச்சயம் இல்லாத காரணத்தால் மோர்க்குழம்பு..!

& இவற்றுள் பிடிததது:  மோர்க்குழம்பு. 

கேள்விப்படாதது : ஈருளி எனக்கு ஒரு புளியே கேஸ் ட்ரபுள் வரும். இருபுளி டபுள் ட்ரபுள்! 

கடி : நானே ஒரு கடி ஜோக் மன்னன்; எனக்கு எதற்கு வேறு கடிகள்! 

கல்கண்டு பத்திரிகையில் வந்த கேள்வி பதில், துக்ளக்கில் வந்த கேள்வி பதில், அரசு பதில்கள், மதன் கேள்வி பதில், சுஜாதா கேள்வி பதில், குல்வந்த் சிங் கேள்வி பதில் எது ரசனைக்குரியது?

# குஷ்வந்த் சிங்தானே? பிளிட்ஸ் கரஞ்சியா, ஃபிலிம் இண்டியா பாபு ராவ் படேலை விட்டு விட்டீர்களே ! 

எல்லா கே.ப -உம் ரசனையானவைதான். மிகவும் பிடித்தது சுஜாதா, மதன், தமிழ்வாணன், அரசு, சோ.

Ask Abby சில பகுதிகள் டைஜெஸ்டில் ரசித்துப் படித்ததுண்டு. (லேசான ஏ பதில் ஒன்று மட்டுமே நினைவில் இருக்கிறது!)

& தமிழ்வாணன் - 70%, துக்ளக் 100%, அரசு 100+ , மதன் 90, சுஜாதா 100%. குஸ்வந்த் சிங் காலத்தில் எனக்கு ஆங்கில அறிவு 0 என்பதால் படித்தது இல்லை. 

நெல்லைத்தமிழன் :

1. பெங்களூரில் நிறைய உயரமான அடுக்குமாடிக் குடியிருப்புகள் வந்துகொண்டே இருக்கிறதே. அதுக்கெல்லாம் தண்ணீர் மின்சாரம் இதுக்கெல்லாம் எங்க போவாங்க?  அதே சமயம் செக்யூரிட்டி, வீட்டுவேலை என்று பலவற்றிலும் வேலை வாய்ப்பு அதிகமாவதும் உண்மை.   

# கண் திருஷ்டி போடாதீர்கள்.  எப்படியோ நடந்து கொண்டுதானே இருக்கிறது ?

2.  இளமையில் உங்களுக்கு மிக விருப்பமான உணவாக இருந்து இப்போது பிடிக்காமல் போனது எது?   

# எதுவுமில்லை - ஜவ்வு மிட்டாய் போன்ற சிறுவயது தின்பண்டங்கள் தவிர.

& அப்படி எதுவும் இல்லை என்று நினைக்கிறேன். 

3.  நான் இப்போதெல்லாம் 11 மணிக்கு மேல்தான் காலை உணவு உண்கிறேன். அடுத்த உணவு இரவு 6 மணிக்குள். இடையில் ஏதாவது கொறிப்பேன்.  ஒரு நாளைக்கு இத்தனை வேளை சாப்பிடணும், இத்தனை மணிக்குள் சாப்பிடணும்னு ஏதாவது இருக்கிறதா?  

# இது பற்றி பலவிதமான கருத்துக்கள் உலவுகின்றன.  அவரவருக்கு  (பருமன் உட்பட) சிரமம் தராத எதுவானாலும் சரிதான்.

4. இன்றைக்கும் உங்களால் உங்கள் சொந்த ஊருக்குச் சென்று (நாகப்பட்டினம், தஞ்சாவூர்) சொச்ச வாழ்க்கையைக் கழிக்க இயலுமா?  

# முடியும் என்றுதான் தோன்றுகிறது.  போய் இருந்து பார்த்தால்தான் உறுதியாகச் சொல்ல முடியும்.

& முடியாது. 

5. தற்போதுள்ள சௌகரியங்களில் எதை உங்களால் இழக்க இயலாது?

# இணைய சேவைகள். மின் விசிறி.

& கம்ப்யூட்டர், இணையம், மொபைல் ஃபோன். 

= = = = = = = = 

படமும் பதமும் :

நெல்லைத்தமிழன் : 

18, 19 டிசம்பரில், கர்ண வதத்தைப் பற்றி நிறைய எங்கள் பிளாக் பதிவுகளில் அலசியிருந்தனர். கர்ணன் தேர் அழுந்திய பகுதியில் (அங்குதான் அவன் உயிரை விடுகிறான்) அருகில், கர்ணனிடம் ஒரு பிராமணர் யாசகம் கேட்கும் சிலை இருக்கிறது. மகாபாரதத்தில் இல்லாத ஒன்றை அங்கு காட்சியகப்படுத்தியிருக்கிறார்கள். நான்கூட ஒரு கணம், அத்தகைய இடத்தில் இருக்கிறோமே என்று மயங்கிவிட்டேன்.

அந்த பிராமணன் நான் இல்லை. அந்தச் சிலையை மறைத்துக்கொண்டு இருப்பது நான். 

கர்ணன் தேர் அழுந்திய இடம் இதுதான். அங்கு கிணறு போன்ற ஒரு அமைப்பு உள்ளது. இங்குதான் கர்ணன், அர்ஜுனனால் தலை கொய்யப்பட்டு இறந்தான் என்று சொல்கின்றனர். இது குருக்ஷேத்திரத்தில், கர்ணன் மேடு என்று அழைக்கப்படும், தொல்லியல் துறை பாதுகாப்பில் இருக்கும் மிகப் பெரிய ஏரியாவில் உள்ளது. இது பற்றி கிருஷ்ண அனுபவம் தொடரில் எழுதுவேன். 

குருக்ஷேத்திரத்தில் பார்த்த அர்ஜுனனுக்குத் தேர் ஓட்டும் கிருஷ்ணர். அதன் மேல் பருந்து, அதனை கருடன் என்று கற்பனை செய்தால் நல்லா இருக்கு இல்லையா?

தேர் ரொம்ப அழகாக இருக்கிறது இல்லையா?

தேரின் பின்புறம். 

= = = = = = = = =

KGG பக்கம். 

11.3.2026 அன்று ஃபோன் பிரச்சனை குறித்து ஒரு பகுதி எழுதியிருந்தேன். பிறகு தொடர்வதாக சொல்லி தொடரும் போட்டேன். 

சென்ற 18.3.26 அன்று தொடர்ந்து எழுத இயலவில்லை. 

அது என்ன பிரச்சனை என்றால், பெங்களூர் ஏர்டெல் சிம் போட்ட போனில்தான் நான் சிறு செலவுகளுக்கு amazon pay மூலம் pay செய்வேன். QR code ஸ்கேன் மொபைல் நம்பர் மூலம் பணம் செலுத்துவது எல்லாமே amzon பே உற்ற துணை. 

ஆனால், அந்த ஃபோன் உயிர் போய் திரும்பி வந்ததில், Amazon பே சிக்கலாகி விட்டது போலிருக்கு.  ஆட்டோவில் சென்றால் back pain வரும் என்ற அச்சத்தால் ஆட்டோ பயணம் மேற்கொள்வது இல்லை. டாக்ஸியில் ஒரு சிறு தூரப் பயணம் முடித்து amazon பே மூலம் ஸ்கேன் செய்தால் - சுற்றி சுற்றி வருகிறது. Amazon UPI - add bank அக்கவுண்ட் என்றெல்லாம் கேட்டு அந்த போனில் linked பாங்க் அக்கவுண்ட் கிடையாது என்பதால் முழி பிதுங்கி அப்புறம் வேறு போனில் இருந்த phonepe வழியாக கட்டணம் செலுத்தி, சமாளித்தேன். ஆனால் அந்த phonepe app கூட அதன் பிறகு வேலை செய்யவில்லை. 

இரண்டு வாரங்களுக்கு முன்புதான் என்னென்னவோ அஜகஜாந்திரங்கள் செய்து மொபைல் மாற்றி மொபைல் என Amazon Pay யை விரட்டிப் பிடித்து, மீண்டும் அதை வேலை செய்ய வைத்தேன். இப்போது கூட அது ஸ்கேன் and pay பகுதியில் தகராறு செய்கிறது! 

ரொம்ப சிரமங்களுக்குப் பிறகு, தன் உயிரை விடுவதற்கு முன் பெங்களூரு ஏர்டெல் ஃபோன் கேட்ட பாஸ் கோட் என்ன என்று கண்டுபிடித்தேன். கூகிள் apps நிறுவும்போது கேட்ட ஸ்கிரீன் லாக் பாஸ் நம்பர்தான் அது! 

முதல் வேலையாக இரண்டு ஃபோன்களிலும் ஸ்கிரீன் லாக் வேண்டாம் என்று disable செய்துவிட்டேன் ! 

சுபம்! 

= = = = = = = = = =