வெள்ளி வீடியோ : அந்தரங்கம் யாவும் அந்த ரங்கன் அறிவான்

வருஷ ஆரம்பத்தை பக்தியோடு ஆரம்பிப்போமா?! 

சீர்காழி கோவிந்தராஜன் அவர்களின் இந்தப் பாடல் எனக்குமிகவும் பிடிக்கும்.  கீதா அக்கா, ரிஷபன் ஜி இந்தப் பதிவைப் பார்த்தால் அவர், அனுராதா பிரேம்குமார், முதலானவர்கள் அதிகமாக ரசிக்கக் கூடும்.  

ஆம், ஸ்ரீரங்கனைப்பற்றிய பாடல் இது.  

பாடலை எழுதியவர் யார் என்று தெரியவில்லை.  ரொம்ப வருஷங்களுக்கு முன்னிலிருந்து கேட்டுக் கொண்டிருக்கும் பாடல் இது.  இதுவும் நாராயணா என்னும் பாராயணம் எனும் பாடலும் ஜோடிப்பாடல்கள் மாதிரி.  சீர்காழி கோவிந்தராஜன் பாடல்களில் இன்னொரு ரசிக்க வைக்கும் பாடல் "கீதை சொன்ன கண்ணன் வண்ணத் தேரில் வருகிறான்"

ஆழமான பக்தி பாவம் கொண்ட மெலடி வகை சார்ந்த இந்தப் பாடல் எனக்குப் பிடித்த பக்திப் பாடல்களில் ஒன்று.

காவிரி சூழ்பொழில்...  சோலைகள் நடுவினில்..

கருமணி துயில்கின்றது...

கண்ணனின் நித்திரை வண்ணங்கள் காட்டிடும் 

ஸ்ரீரங்கம் தெரிகின்றது...  ஸ்ரீரங்கம் தெரிகின்றது 

மாவிலைத் தோரண வாயில்கள் தாண்டிட 

கோயில் ஒளிர்கின்றது 

மாவிலைத் தோரண வாயில்கள் தாண்டிட 

கோயில் ஒளிர்கின்றது 

மத்தளம் மேளங்கள் கொட்டிமுழக்கிட  

மத்தள, மேளங்கள் கொட்டிமுழக்கிட 

மண்டபம் மலர்கின்றது - மணி 

மண்டபம் மலர்கின்றது 

ஆறெங்கும் சுற்றினும் அவனருள் கிட்டிடும் 

ஓரிடம் ஸ்ரீரங்கமே ஓரிடம் ஸ்ரீரங்கமே 

ஆறெங்கும் சுற்றினும் அவனருள் கிட்டிடும் 

ஓரிடம் ஸ்ரீரங்கமே ஓரிடம் ஸ்ரீரங்கமே 

அந்தரங்கம் யாவும் அந்த ரங்கன் அறிவான் 

அந்தரங்கம் யாவும் அந்த ரங்கன் அறிவான் 

அவன்தான் வைகுண்டனே அவன்தான் வைகுந்தமே 

போனது போகட்டும் இனியாகிலும் நெஞ்சம் 

புனிதம் ஆகட்டுமே 

போனது போகட்டும் இனியாகிலும் நெஞ்சம் 

புனிதம் ஆகட்டுமே 

புன்னகை புரிந்திடும் மன்னவன் பொற்பாதம் 

கண்கள் காணட்டுமே...

புன்னகை புரிந்திடும் மன்னவன் பொற்பாதம் 

கண்கள் காணட்டுமே...

கண்களும் காணட்டுமே...