புதன் 200219 : பசங்களை பெத்து ஆளாக்குவதன் பர்பஸ் என்ன?

நெல்லைத்தமிழன் : 

பசங்களை பெத்து ஆளாக்குவதன் பர்பஸ் என்ன?




$ வம்சாவிருத்தி.  முதுமை காப்பீடு.

 # ஆதி காலத்தில் "வம்ச விருத்தி" முக்கிய காரணம்.  "புத்" என்னும் நரகம் தவிர்த்தல், சிரார்த்தம் செய்ய அச்சாரம் இப்படியான காரணங்கள் இருந்தன. விவசாயக் குடும்பங்களில் முதுமைக்குக் காப்பீடு பிரசித்தியானது. 
அன்பு, பாசம் காரணமாக அவையத்து முந்தியிருக்கச் செய்து, மகிழ்ச்சி அடைதல் எக்காலத்திலும்.

               

தமிழ் நிலத்துக்குச் சம்பந்தமில்லாத கோதுமை, கடுகு போன்றவை நம் உணவை எப்படி ஆக்கிரமித்திருக்கும்?

$ பரங்கி, மிளகாய் மற்றும் கேரட், பீன்ஸ் இப்படி எல்லாமே வந்து சேர்ந்தவை தானே. கடுகும் கோதுமையும் அப்படியே.

# கடுகு எப்போது வந்ததோ தெரியவில்லை, கோதுமை 1948 பக்கம் இங்கு வந்ததைக் கண்டிருக்கிறேன். 
சப்பாத்தி பூரி முதலியன எப்படிச் செய்ய வேண்டும் என்று இலவச புத்தகம் வழங்கப் பட்டது. 
இடம் பெயர்கின்ற மக்களுடன் அவர்கள் உணவும் உடையும் மொழியும் பயணிப்பது இயல்புதானே.

உங்களை பெர்மனென்டா ஒரு நாட்டுக்கு அல்லது பகுதிக்கு புலம் பெயர்க என்று சொன்னால் எது உங்கள் சாய்ஸ், எது தண்டனைனு நினைப்பீங்க?

$ காய்கனிகள், தானியங்கள் கிடைக்கும்,  தட்ப வெப்ப நிலை மிதமாக இருந்து, மற்ற மக்களும் மகிழ்ச்சியுடன் இருக்கும் எந்நாடும்.

 # நான் பார்த்த வேற்று நாடுகள் வெகு சொற்பம். அமெரிக்கா தண்டனையாகத் தோன்றலாம்.  பிடித்தமான நாடு வேறேதுமில்லை. 

& நித்தியின் கைலாஷ் நாடு ஓ கே. சைனா தண்டனை. 

சின்ன வயதில் எந்த உணவுக்கு ஆசைப்பட்டு அது கிடைக்காமல் ஏங்கியிருக்கிறீர்கள்?

 # சின்ன வயசில் அடையும் அரிசிமாவு உப்புமாவும் கொழுக்கட்டையும் அபூர்வ வஸ்துக்கள்.  

& எனக்கும் அடை, அரிசிமாவு உப்புமாதான் ஞாபகம் இருக்கிறது. 

               

(உள்ளத்தில் நல்ல உள்ளம் உறங்காதென்பது .... கண்ணதாசன் ) மோசமான உள்ளங்கள்தாம் உறங்குமா? 
க.தா தவறா எழுதியிருக்கிறாரே! 

# நல்ல உள்ளம் நல்லது செய்ய எந்நேரமும் துடிப்பாக இருக்கும் என்று சொல்கிறாரோ ? நல்லதல்லாத உள்ளம் சரக்கு சாப்பிட்டு உறங்கிப் போய்விடுமோ ??

& 'விதுர நீதி' என்ற தலைப்பில், சில வருடங்களுக்கு முன்பு, டிசம்பர் சீசனில், டாக்டர் சுதா சேஷையன்,  சிவகாமி பெத்தாச்சி அரங்கில் உரையாற்றினார். அப்பொழுது அவர் சொன்ன ஒரு ஜோக்: 

"கர்ணன் நல்லவன் இல்லை. கர்ணனை  நல்லவனாக நாம் எல்லோரும் நினைக்கக் காரணமானவர்கள் மூன்று பேர். முறையே பி ஆர் பந்துலு, சிவாஜி கணேசன் மற்றும் கண்ணதாசன்" என்றார்.  அவர் சொன்னபடிப் பார்த்தால், கர்ணன் கெட்ட உள்ளம்தான்! 


வல்லிசிம்ஹன் :  

1, நினைவுகள்,கனவுகள், நனவுகளுக்குள் வாழ்க்கை நகருகிறது. இந்த மூன்றில் எது உயர்ந்தது? Practically.

$ நிகழ்காலத்துக்கு ஈடு இணை உண்டோ?

# நினைவு வேறு,  நனவு வேறா ?
எண்ணங்கள் ஆசைகளின் இடையே உயர்வு தாழ்வு என்று ஏதும் இல்லை. கனவுகள் என்பவை இயலாது எனக் கருதப்படும் ஆசைகள் என்பதால் நிறைவேறும் கனவுகள் அதிக மகிழ்ச்சி தரக் கூடும்.

                 

2, இந்த வயதில் படிப்பு,இந்த வயதில் திருமணம்,
இந்த வயதில் ஆன்மீகம், என்று வரையிறுப்பது எதனால்.?

$ கற்பது இளமையில் சுலபம்
மணவாழ்க்கை குடும்பத்தை நிர்வகிக்கும் திறனிருக்கும் வரை. முதுமையில் ஆன்மீகம் தவிர வேறு துறையில் நாட்டமிருந்தால் அதுவும் தான்.

 # அந்த வயதைக் கடந்தும் அது இல்லை என்றால் மரியாதை இராது என்பதால்தான்.

3, இந்த வரையப்பட்ட வளையத்திற்கு வெளியே
இருப்பவர்களுக்கு மரியாதை மறுக்கப் படுகிறதா?

 # மரியாதை இதைக் கொண்டு மட்டும் தரப்படுவதில்லை. அதற்கு வேறுபல காரணங்கள் உண்டு.

கீதா சாம்பசிவம் :

1.தமிழ், ஆங்கிலம், தெலுங்கு, கன்னடம், மராட்டி, ஹிந்தி என அனைத்து மொழிகளும் ஒவ்வொரு மாவட்டத்துக்கும் ஏற்ப மாறுவது ஏன்? உதாரணமாகச் சென்னைத் தமிழ் என முன்னெல்லாம் தனியே இருந்தது. இப்போது அதிகம் இல்லை வெளிமாநிலத்தவரின் வரவால். அதே போல் மதுரைத்தமிழ், திருநெல்வேலித்தமிழ், நாகர்கோயில் தமிழ், பாலக்காட்டுத் தமிழ், ஆற்காடு தமிழ் என்றெல்லாம் இருப்பது போல் மற்ற மொழிகளிலும் உண்டு. அதற்கு என்ன காரணம்?

$ அண்டை மாவட்ட வார்த்தைகள் ஊடுருவதும் சம்பிரதாயங்கள் கலப்பதும் சகஜம்.

# சுற்றுப்புறத்தில் பேசப்படும் ஸ்டைல் அதிகம் புழங்கும் சொல்லாட்சி எல்லாராலும் அனுசரிக்கப் படுகிறது.
மக்களிடையே போக்குவரத்து மலிந்தால் எல்லாம் சேர்ந்து ஒரு புதுக் கதம்பம் உருவாகிறது.

2. நீங்கள் பார்த்தவரைக்கும் நல்ல சுத்தமான செந்தமிழ் எங்கே பேசுகிறார்கள்? செந்தமிழில் பேசினால் புரிந்து கொள்பவர்கள் உண்டா?

$ (மைலாப்பூர் டாங்க் / புரசைவாக்கம் டாங்க் அருகே) சென்னை போக்குவரத்து வண்டிகளில் போய்க்கொண்டிருக்கும்போது, நடத்துனர் 'குளத்திலிறங்குபவர்கள் இறங்குங்கள்' என்று  செந்தமிழில் சொன்னால் .... ! 

 # இலங்கைத் தமிழ் மிகத் தூய்மையானது. அடுத்ததாக நெல்லைத் தமிழர். மற்றபடி யாரும் இலர்.

& நல்ல சுத்தமான தமிழ், அந்தக்கால கதாநாயகி, கதாநாயகர்கள் க்ளைமேக்ஸ் காட்சிகளில் மட்டும் பேசுவார்கள். 

                    
3. எல்லா சமையல் நிகழ்ச்சிகளிலும், "இப்போ, வந்து, பார்த்தீங்கன்னா!" மிளகாய்க்கு அதிகக் காரம் இருந்தா கொஞ்சமா எடுங்க, வந்து பார்த்தீங்கன்னா இதுக்குத் தக்காளி கொஞ்சமாச் சேர்க்கணும். வந்து, பார்த்தீங்கன்னா! என்றே சொல்லுவது ஏன்?

 $ எல்லா மொழிகளிலும் இந்த மாதிரி சொற்கள் உண்டு.

 # பேசுபவர் கோர்வையாகப் பேசத் தடுமாறும்போது இது சகஜம். தோனி யூ நோ மாதிரி.

& வகுப்பில், என்னுடைய தமிழாசிரியர் ஒருவர் சொன்னார், "தமிழில் மூன்று  வார்த்தைகள் இல்லாமல் இருந்திருந்தால், நன்றாக இருந்திருக்கும். அவை சும்மா, வந்து, பண்ணி." 

அப்போ ஒரு பையன் எழுந்து, " சார், (பக்கத்துப் பையனைக் காட்டி) இவன் சும்மா வந்து என்கிட்டே பேசிக்கிட்டே இருக்கான் சார். தயவு பண்ணி இவனை வேறு இடத்தில் உட்காரச்சொல்லுங்கள்." 

              

4. ஊடகப் பேச்சாளர்கள் பேசும்போது தடுமாறுவது ஏன்? ஒரு நிகழ்ச்சியைப் படம் பிடிக்கச் சென்றால் அவர்களால் தடுமாறாமல் பேசவே முடியவில்லை. ஒரே பதட்டமும், கை, கால் ஆட்டங்களும் அதிகம் இருக்கும். வந்து, வந்து, என்றே சொல்லுவார்கள். இதுக்கெல்லாம் பயிற்சி கொடுத்த பின்னர் அனுப்ப மாட்டாங்களா? ஹிஹி, யாருங்க அங்கே ஊடகங்களில் கேட்கணும்,இங்கே ஏன் கேட்கிறேனு சொல்றது? நம்ம எ.பி. ஆ"சிரி"யர்களுக்குத் தெரியாததே இல்லையாக்கும்.

$ எல்லா நிகழ்வுகளுக்கும் பயிற்சி பெற்று வந்து பேசவேண்டும் என்றால் பொதிகை மாதிரி தீபாவளி நிகழ்ச்சிகளை பொங்கலுக்கும்  பொங்கல் நிகழ்ச்சிகளை தமிழ் புத்தாண்டுக்கும் போடுவது போல இருக்கும்.

 # பப்ளிக் டாக் என்றால் பெரும்பாலும் எவரானாலும் சிறு தடங்கல்கள் இருக்கும். பயிற்சி கொடுத்துச் செய்தால் இயல்பாக இராது. 

5. இந்தக் காலத்தில் நடக்கும், முறை கெட்ட காதல், பழி வாங்குதல் போன்றவற்றைப் பார்த்தால் அந்தக் காலத்தில் பதினைந்து வயதுக்குள் பெண்ணுக்கும், இருபது வயதுக்குள் ஆணுக்கும் திருமணம் செய்தது நல்ல விஷயம் எனத் தோன்றுகிறது. உங்கள் கருத்து?

 $ இந்த சம்பவங்கள் எல்லாக் காலத்திலும் குடத்திலிட்ட விளக்காக இருந்திருக்கலாம் என்றே தோன்றுகிறது.

 # ஒரு பிரச்சனை தீர்ந்து புதிதாகச் சில உருவாகும். இந்தத் தலைமுறையில் எதிர்பார்ப்புகள் விரைவாக மாறி விடுகின்றன. 

                    

6. வட மாநிலங்களில் இப்போதும் அநேகமாகப் பெண் +2 முடித்ததும் திருமணம் நடத்திவிடுகிறார்கள். அதற்குப் பின்னர் கல்லூரியில் சேர்ந்து படிப்பார்கள். நான் சொல்லுவது மத்தியதர, கீழ் மத்தியதரக் குடும்பங்களில்! இதனால் ஆண், பெண் மனதளவில் நெருங்கித் தங்கள் அகங்காரத்தைக் குறைத்துக்கொண்டு ஒருவருக்கொருவர் அனுசரித்து வளைந்து கொடுத்து வாழ முடியும் என்பது என் தனிப்பட்ட கருத்து! இதைக் குறித்த உங்கள் கருத்து என்ன?

$ அனுபவமின்மை காரணமாக எதுவும் சொல்லாத தோன்றவில்லை.

# மேலே காண்க.

ஏஞ்சல் : 

1, உங்கள் வாழ்க்கையில்   மிக  முக்கியமான நபர் யார் ??கட்டாயம் ஒருவரை மட்டுமே சொல்லணும் :)

 $ நான் தான்.

 # என் பதினொன்றாம் வகுப்பாசிரியர். 

& :  "$" தான்.  

2, உங்களை சுற்றி நிறையபேர் இருந்தா பிடிக்குமா ? அல்லது ஓரிரண்டு பேர் மட்டும் இருந்தால் பிடிக்குமா ?    இந்த இரண்டில் எது உங்களுக்கு அதிக சந்தோஷத்தை தரும் ?

 $ நிறையப்பேர் என்று சொன்ன பின்..இரண்டாவது பாகம் தேவையா?

# அதிகப் பேர்.

& உங்களைச் சுற்றி நிறைய பேர் இருந்தா பிடிக்குமா? - எனக்குப் (பைத்தியம்) பிடித்தால்தான் சுற்றி நிறையப் பேர் இருப்பார்கள். பைத்தியக்காரனைச் சுற்றிப் பத்து பேர்!  


3, நம்மால் நம்மையே நேசிக்க இயலுமா ?  

 $ முடியும். 

.# எல்லாருக்கும் சாத்தியமாக இருக்கிறது.

4, பெர்சனல் ஸ்பேஸ் என்பது மனிதர்களுக்கு மிக முக்கியம் என்பது எனது கருத்து .இதைப்பற்றி நீங்கள் என்ன நினைக்கறீங்க ?

$ அப்படீன்னா?

 # ஆமோதிக்கிறேன்.

5, ஒரு மனிதனை சமுதாயம் எந்த அளவுக்கு பண்பாளனாக / பண்பாளியாக  உருவாக்க இயலும் ?

$ சமுதாயத்துடன் இருக்கும் தொடர்பைப் பொறுத்தது.

 # அது தருவோர் பெறுவோரின் தகைமை சார்ந்தது. 

6, சமுதாய கட்டமைப்பு எந்த அளவில் இப்போ இருக்கு ? வளர்கிறதா ? அல்லது தேய்கிறதா ?

$ தேவையற்ற விஷயங்களால் நீர்த்துப் போகிறது.

# பலவீனமாக இருக்கிறது. சுயநல வெறி காரணமாக. 

7, நம் மக்கள் அடக்கடவுளே என்று சொல்றதைபோல் கடவுள் பேச்சுவாக்கில் என்ன சொல்வார் :))  ? 

$ "அடப்பாவி"  (மனிதா என மாட்டார்..சகல ஜீவ ராசிகளுக்கும்) பொதுவாக! 

# அதிருப்தி அல்லது ஏமாற்றம் இன்மையால், கடவுளுக்கு அப்படி ஒரு  சந்தர்ப்பம் அமையாது. 

8, மோதிரக்கையால் குட்டு வாங்கினா நல்லா வலிக்கும் ஆனா வாங்கினாலும் மோதிரக்கையால் குட்டு என்பது பொருந்தவில்லையே எப்படின்னு விளக்கவும் ?

# ஒரு மரியாதைக்குரிய நபர் நம்மைக் கண்டிக்க சிரத்தை காண்பிக்கும் அளவுக்கு நம் தரம் இருக்க வேண்டும். 

& சில திருமணங்களில், பெண்ணுக்கு மோதிரம் போடுவதற்கு,  இதுதான் காரணம் என்று நினைக்கிறேன். 

9, இலையுதிர் காலம் ரோட்டோரம் காய்ந்த இலை  சருகுகளை பார்த்ததும் கூட்டி அள்ள  தோணும் எனக்கு ..இது என்ன மாதிரி மனநிலை ? இப்படி உங்களுக்கும் தோன்றியிருக்கா ?

 $ இப்போதே சரி செய்து விடவேண்டும் என்று துடிப்பவர்கள் பிற்காலத்தில் பார்க்கின்சன் நோய்க்கு ஆளாவர் என்கிறார்கள்.

 # நறுவிசை நாடும் நிலை. எனக்கு இல்லை. 

& ஒரு ஜென் கதையில், ஜென் குரு சொல்வது நினைவுக்கு வருகிறது. 

தன் வருகைக்காக, சருகுகள், பழுத்த இலைகள் அகற்றப்பட்டு சுத்தம் செய்யப்பட்ட ஒரு தோட்டத்தைப் பார்க்கும் ஜென் குரு சொன்னார், 
" நாள் என்பது பகல் மட்டும் அல்ல. இரவும் சேர்ந்ததுதான். 
மரணம் வாழ்க்கைக்கு எதிரி இல்லை. அதுவும் வாழ்வின் ஓர் அங்கம்தான். அதுபோலவே தோட்டத்தில் இருக்கும் சருகுகளும், பழுத்த இலைகளும். எல்லாமே இயற்கையின் அங்கங்கள்." 

அடுத்த தடவை, ரோட்டோரம் காய்ந்த இலை, சருகுகளைக் கண்டால், அவைகளை அகற்றும் எண்ணத்தை விட்டு, அப்படியே இயற்கையை இரசியுங்கள். மனம் லேசாகி, டென்சன் குறையும். 


10, மெய் ,மெய்மை இரண்டும் ஒன்றா ? 

$ truth and truthfull ess?

# மெய் அகத்தில் இருப்பது.  மெய்மை - ஒரு பொருளை மட்டுமே சாராத நிலைப்பாடு.


பானுமதி வெங்கடேஸ்வரன்: 

உங்கள் பள்ளி,கல்லூரி நாட்களில் உங்கள் அபிமான ஹீரோவின் நடை,உடை பாவனைகளை காப்பியடித்ததுண்டா? அதையே உங்கள் குழந்தைகள் செய்த பொழுது எப்படி ரியாக்ட் செய்தீர்கள்?


# இரண்டுமே நடக்கவில்லை. ஆனால் கையெழுத்து படிவதில் பலரிடமிருந்து நிறைய காப்பி வந்தது.  கையெழுத்து என்றால் நாம் எழுதும் ஸ்டைலும் ஆவணங்களுக்கான கையெழுத்தும் அதில் அடக்கம்.

& அபிமான நடிகர்களை நான் காப்பியடித்ததில்லை. ஆனால், காப்பியடித்த நண்பர்களை இரசித்ததுண்டு. என் குழந்தைகள் யாரையும் காப்பியடித்தது இல்லை. 
                 
இனிமேல் திரும்பி  வர முடியாத தூரத்திற்கு போய் விட்டோம் என்று நீங்கள் கருதும் விஷயங்கள் எவை?
                   

$ கூட்டுக்குடும்பம்
திறமைக்கு ஏற்ற வேலை
உணவுப்பழக்கங்கள்
கோவில் வழிபாடு

# பெரும் பிரச்சினை:
அரசியல் ஊழல்-அநாகரிகம்

போலீஸ் ஆசிரியர்கள் டாக்டர்கள் வக்கீல்கள் இவர்களிடம் திறமை மற்றும் நேர்மைக் குறைபாடு.

காணாமல் போனது: 

தக்கவர்களிடம் மரியாதை - படிமானம் - பொறுப்பணர்ச்சி - சிக்கனம் .

தீராத நோயாய்த் தொடர்வது: 

ஆடம்பரம், காலவிரயம் - அற்ப சந்தோஷங்களில் அதீத நாட்டம்.

திசை திரும்பிப் போனது :

இறை வழிபாடு, கர்மானுஷ்டானங்கள்.

==============================================

1, 10, 19, 28 ஆம் தேதியில் பிறந்தவர்களைப் பற்றி, பொதுவாகக் 
கூறப்படுவது என்ன? 

படைப்பாற்றல் மிக்கவர்கள். தன்னந்தனியாக நின்று எதையும் சாதித்துக்காட்டத் தயங்காதவர்கள். எந்தத் தொழிலில் ஈடுபட்டாலும், அந்தத் தொழிலின் நுணுக்கங்களை அலசி ஆராய்ந்து அதில் தனக்கென ஒரு பாணியை ஏற்படுத்திக்கொள்வார்கள். வாக்கு சாதுரியம் கொண்டவர்கள். நேர்மறை எண்ணங்கள் கொண்டவர்கள். அழகு எங்கே இருந்தாலும், அதை இரசிப்பவர்கள். வயதில் மூத்தவர்களுக்கு மதிப்புக் கொடுப்பார்கள். (இன்னும் நிறைய சொல்லலாம் என்றாலும் ..... தன்னடக்கம் தடுப்பதால் ..... இதோடு நிறுத்துகிறேன்!) 

 ஒன்றாம் எண் கூட்டுத்தொகை உள்ள தேதிகளில் பிறந்தவர்களை தோல்வி அடையச் செய்வது, சில விஷயங்களில் அவர்கள் காட்டும் தயக்கம். 

ஒன்றாம் எண்காரர்கள் 2, 4, 7 என்ற எண் கூட்டுத்தொகை வருகின்ற தேதிகளில் பிறந்தவர்களுடன் நட்பாக இருப்பார்கள். 
 
மாமன்னர் அலெக்சாண்டர் முதல், ஜெர்மனியின் இரும்பு மனிதர் பிஸ்மார்க், அலெக்சாண்டர் டூமாஸ் (எழுத்தாளர்), காப்டன் குக், சிவாஜி கணேசன் என்று பல மனிதர்கள் ஒன்றாம் எண்காரர்கள்.  

பெப்ரவரி பத்தொன்பதாம் தேதியில் பிறந்தவர் மராத்திய மன்னன் சிவாஜி. 
         
வாசகர்கள் அனுப்பிய கருத்து : 

வல்லிசிம்ஹன்  : 

ஒன்றாம் நம்பர் வலுவானது. Aggressiveness இருக்கும். அடங்கியும் போவார்கள். (பேரன் 1 ஆம் தேதி பிறந்தவன்) Brilliant personality. 10 ஆம் தேதி பிறந்த பெரிய தம்பியும் நினைத்ததை முடிப்பவன். Against all odds he came up to the CEO position of his company. At the same  time very humble towards elders. 28 th born Younger brother became the best person at his Central excise job. If he was alive he would have got the Presidential award. What I am trying to say is they are very tenacious about their goal. Born helpers. Soft-spoken.

பானுமதி வெங்கடேஸ்வரன் : 

ஒன்றாம் எண்காரர்கள் ஆளுமையும், ஆதிக்க மனப்பான்மையும் கொண்டவர்கள். பத்து பேருக்கு மேலே இருக்க வேண்டும் என்று நினைப்பார்கள். தாங்கள் முதன்மையாக மதிக்கப்பட வேண்டும் என்ற எண்ணம் மேலோங்கி இருக்கும். சுருக்கமாக சொன்னால் கல்யாண வீடென்றால் தாங்கள்தான் மணமகன்/மணமகள், இழவு வீடென்றால் பிணம் என்னும் மனப்பாங்கு. 
இதில் 10 எண்காரர்கள் மிதவாதிகள். 19 எண்காரர்கள் மகிழ்ச்சியாக இருப்பது துர்லபம் காரணம் எத்தனை வளர்ந்தாலும் உடனே அடுத்த இலக்கை நிர்ணயித்து விடுவார்கள். அதிர்ஷ்டகாரர்கள்தான். 

28ம் எண்காரர்கள் கொஞ்சம் அதிர்ஷ்டகட்டை. திறமைக்கேற்ற வெற்றி கிட்டாது. மேடு பள்ளமான வாழ்க்கை.

======================================

மீண்டும் சந்திப்போம்.


======================================