ஆல மரத்தின் ஆயிரம் பறவைகள்

தீபாவளி வாழ்த்துகள் அனைவருக்கும்.  சம்பிரதாயமாக கேட்க வேண்டும் என்றால்  "கங்கா ஸ்நானம் ஆச்சா?" என்று கேட்க வேண்டும்.  'அது கங்காவையல்லவா கேட்கவேண்டும்?' என்பது புராதன ஜோக்.

தீபாவளியின் சுவாரஸ்யங்களும் நடைமுறைகளும் மாறிக்கொண்டே வருகின்றன.  குறைந்து கொண்டே வருகின்றன.  சிறு பிள்ளையிலிருந்து பெரியவர்கள் ஆனதும் மாறும் மாற்றங்கள் வேறு.  இந்தக் காலத்தில் சிறிய குழந்தைகளுக்கே தீபாவளியின் சுவாரஸ்யங்கள் என எதிலும் நாட்டமில்லை.

தீபாவளி அன்று சன், ராஜ், விஜய் போன்ற தொலைக்காட்சிகளில் என்ன சிறப்புத் திரைப்படம் என்ன என்று பார்க்கும் ஆவல் இருந்தது ஒரு காலம்.  இப்போது யு டியூப், OTT போன்றவை வந்த பிறகு அவைகளும் மதிப்பிழந்து போய்விட்டன. 

தீபாவளி பலகாரங்கள் மதிப்பிழந்து விட்டன.  எங்கும், எப்போதும் கிடைக்கும், வெளியிடங்களில் வாங்கக்கூடிய, வகைவகையான பலகாரங்களை சாப்பிட்டு அலுத்து விட்டது.  முன்பெல்லாம் பலகாரங்கள் சாப்பிட, ஏன், சில வீடுகளில் இட்லி சாப்பிடவே தீபாவளிக்கு காத்திருப்பார்கள்.

புதுத்துணி என்பதும் தீபாவளி, பொங்கல், பிறந்த நாளுக்குதான்.  வீட்டின் வருமான வசதியைப் பொறுத்து.  அதிலும் கட்டுப்பாடு இருக்கும்.  சில வீடுகளில், ஏன், எங்கள் வீட்டிலேயே தீபாவளிக்கு வீண் செய்யாமல் பள்ளி யூனிஃபார்மை புதுத்துணியாக எடுத்தது உண்டு.  

இப்போது, நினைத்தால் கடைக்குப் போய் ரெடிமேடாகவே பல்வகைத்த துணிகள் எடுக்கலாம்.   டெய்லர்களுக்கு முன்பு இருந்த மதிப்பு, மவுசு இப்போது இல்லை என்றே சொல்லலாம்.  அட, இந்த டீ ஷர்ட்.....  நாங்கள் எங்கள் பள்ளி நாட்களில் இதை 'பனியன் சட்டை' என்று சொல்வோம்!  இன்று அந்த டீ ஷர்ட்டில் எத்தனை வகை, என்ன விலை!  மகன்கள் எனக்கு வாங்கி இருக்கும் டீ ஷர்ட் விலை கேட்டு எனக்கு தலை சுற்றுகிறது!

இன்றைய காலகட்டத்தில் தீபாவளி அன்று காலை மூன்று மணிக்கும், நான்கு மணிக்கும் யாரும் எழுவதே இல்லை.  சென்னை போன்ற பெரு நகரங்களில் நிச்சயம் இல்லை.  சிறிய ஊர்களில் இருக்குமோ என்னவோ...  அன்றும் காலை பத்து மணிக்குதான்  திருப்பள்ளியெழுச்சி!  அப்புறம் எங்கே கங்கா ஸ்நானம் செய்வது!  

சிறு வயதில் எங்கள் வீடுகளிலும் அதிகாலை எழுந்து குளிக்கும் முன் ஒரு சரம் வைப்பது வழக்கம்.  அதற்கென்றே சற்று காசு போட்டு பெரிய சரம் ஒன்று வாங்குவோம்.  'நாங்கள் எழுந்து விட்டோம்' என்று மற்ற தெருவாசிகளுக்கு அறிவிக்கும் அது.  அப்படி எழும் நேரம் எண்ணெய் புகை வாசமும், வெந்நீர் கொதிக்கும் வாசமும், தீபாவளி மருந்தின் வாசமும் கலந்து நம்மை அடையும்!  மங்கலான வெளிச்சத்தில் புதுத்துணிகளும், பட்டாசும், பலகாரங்களும் காத்திருக்கும்.  அம்மா அடுப்படியிலும், அப்பா ஹாலிலும் இருப்பார்கள்.  பாட்டி இருந்தால் இதற்கெல்லாம் அவர்தான் தலைமைப் பொறுப்பேற்பார்.

பட்டாசு வகைகள் சத்தம் எனக்கே கர்ணகடூரமாய் இருக்கிறது.  சத்தம் இல்லாமல் கண்ணைக் கவரும் மத்தாப்பூ, வாண வகைகள் மனத்தைக் கவர்கின்றன.  அரசாங்கம் இதிலும் கட்டுப்படுகள் விதித்து மிச்சம் மீதி இருக்கும் அந்த சுவாரஸ்யத்தையும் கெடுத்து வருகின்றன.

புதுப் படங்களில் இன்னும் சிலருக்கு ஆர்வம் இருக்கிறது.  தீபாவளி ரிலீஸில் 'தலைவன்' படம் வருகிறதா என்று பார்த்து முதல் நாள் முதல் காட்சி பார்க்கும் ஆவல் இன்னும் கொஞ்சம் மிச்சம் இருக்கிறது.  இதுவும் உதிரும் நாள் வெகு தூரத்தில் இல்லை.

இன்று தீபாவளிக்காக இரு பாடல்கள்..

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

நியூஸ் ரூம் 

பானுமதி வெங்கடேஸ்வரன் 

-  சென்னை : சென்னையில் பெண் குழந்தைகள், பெண்களின் பாதுகாப்பை உறுதி செய்யும் வகையில், 250 இளஞ்சிவப்பு ஆட்டோக்கள் இயக்கப்பட உள்ளன.

-  கான்பூர்,உத்தர பிரதேசத்தில் பணி முடித்து சென்ற பெண் கான்ஸ்டபிளுக்கு, 'லிப்ட்' அளிப்பது போல் அழைத்துச் சென்று பாலியல் பலாத்காரம் செய்தவரை போலீசார் கைது செய்தனர்.

-  முஸ்லீம் ஆணின் மூன்றாவது திருமண அங்கீகாரம் குறித்த சர்ச்சை.

-  குஜராத்தின் காந்தி நகரில் செயல்பட்டு வந்த போலி நீதிமன்றத்தில் தன்னை நீதிபதி என்று கூறிக்கொண்டு மாவட்ட ஆட்சியருக்கு உட்பட அரசு அதிகாரிகளுக்கு  உத்தரவுகள்  பிறப்பித்த சாமுவேல் என்பவரை  போலீசார் கைது செய்தனர்.

-  புதுடில்லி: திருமணத்துக்கு பின், மனைவியின் சம்மதம் இன்றி அவருடன் பலவந்தமாக கணவன் உறவு கொள்வதை குற்றமாக கருத வேண்டும் எனக்கூறி தாக்கல் செய்யப்பட்ட வழக்கு விசாரணையில் இருந்து தலைமை நீதிபதி விலகிக் கொண்டார். விரைவில் அவர் ஓய்வு பெற உள்ளதால், இந்த முடிவை அவர் எடுத்து உள்ளார். 24-10-24

சென்னை: தலைமைச் செயலகத்தில் வேளாண்துறை பிரிவு அலுவலகத்தில் பதிக்கப்பட்டிருந்த டைல்ஸ் கற்கள் காலை 11:30 மணி அளவில் படபடவென்ற சத்தத்துடன் வெடித்துச் சிதறின. இதனால் அங்கிருந்த   ஊழியர்கள் பதறி அடித்து வெளியே ஓடி வந்தனர். நிலநடுக்கம் என்று வதந்தி பரவியது. ஆனால் ஆய்விற்குப் பிறகு டைல்ஸ் வெடிப்புக்கு 'ஏர் கிராக்'தான் காரணம் என்று கண்டறியப்பட்டது.

கேரளா, திருச்சூரில் தங்க நகைகள் செய்யும் இடத்தில் மாநில ஜி.எஸ்.டி அதிகாரிகள் நடத்திய சோதனையில் கணக்கில் வராத 120 கிலோ தங்கம் பறிமுதல். 

புதுடில்லி: கேம்பிரிட்ஜ் உயர்கல்வியை தொடர விரும்பும் இளைஞர் ஒருவர் அதற்கான பொருளை சம்பாதிக்க நூதன திட்டம் ஒன்றை தீட்டியிருக்கிறார்.  

டிஸ்னி ஹாட் ஸ்டார் நிறுவனமும், ஜியோ சினிமா நிறுவனமும் இணைந்து நாட்டின் மிகப்பெரிய ஒ.டி.டி. தளமாக உருவெடுக்க உள்ளது. அப்படி இணையும் பட்சத்தில் அதன் பெயர் ஜியோ ஹாட் ஸ்டார் என்று மாறலாம் என்று யூகித்த பொறியாளராகிய அந்த இளைஞர் அந்த பெயரை முன்கூட்டியே பதிவு செய்து வைத்திருக்கிறார். இப்போது ரிலையன்ஸுக்கு ஜியோ ஹாட் ஸ்டார் என்னும் பெயர் வேண்டுமென்றால் அந்த இளைஞருக்கு அவர் கேம்ப்ரிட்ஜில் கல்வியைத் தொடரத் தேவையான தொகையைக் கொடுத்து அந்தப் பெயரை பெற்றுக் கொள்ள வேண்டும் என்று தன் வலைப் பக்கத்தில் குறிப்பிட்டிருக்கிறார். ரிலையன்ஸ் என்ன செய்யப் போகிறது என்று பார்க்கலாம்.

சிக்மகளூரு: செக்கில் தேங்காய் எண்ணெய் ஆட்டுவதற்காக தன்னுடைய இரண்டு வயது பெண் குழந்தையையும் அழைத்து வந்த தந்தை, குழந்தையை பைக் அருகில் நிற்கச் சொல்லிவிட்டு சென்றிருக்கிறார். பின்னர் குழந்தையை தனியாக விட்டு விட்டு வந்திருப்பதை மறந்து மது குடிக்க சென்றிருக்கிறார். சிறிது நேரம் கழித்து குழந்தை நினைவு வந்து, பைக் அருகில் சென்று பார்த்தபொழுது குழந்தையைக் காணவில்லை. சுற்றுப்புறங்களில் குழந்தையைத் தேடி விட்டு 

போலீசில் புகார் கொடுத்திருக்கிறார். இதற்கிடையில் அழுது கொண்டிருந்த குழந்தையை தங்கள் வீட்டிற்கு அழைத்துச்சென்று வைத்துக் கொண்டிருந்த தம்பதியினர், போலீசிடம் ஒப்படைத்தனர்.

தும்கூரு: சிநேகிதியோடு பிக்னிக் சென்ற பத்தொன்பது வயது பொறியியல் மாணவி ஆற்றில் அடித்துச் செல்லப்பட்டு ஒரு பாறையிடுக்கில் மாட்டிக் கொண்டார். அவரை போராடி 22 மணி நேரங்களுக்கு பிறகு தீயணைப்பு படையினர் மீட்டனர் . கும்மிருட்டான குகைக்குள் 22 மணி நேரம் காத்திருந்த அந்தப் பெண்ணின் தைரியத்தையும், திடத்தையும் மீட்புக் குழுவினர் பாராட்டினர். கர்நாடகாவில் ஒரு மஞ்சுமல் பாய்ஸ், இல்லை கேர்ல்ஸ்.

பெங்களூரு: வாகன நெரிசலில் சிக்காமல் சுமுகமாக செல்ல வழி வகுக்கும் வகையில் பெங்களூர் நகர போக்குவரத்து போலீசார் சோதனை முறையில் செயல்படுத்திய இ-பாத் வெற்றி.

சென்னை: சென்னை பிராட்வே ராஜாஜி சாலையில் ரிசர்வ் வங்கியில் ஆயுதப்படை போலீஸ் ரோந்து பணியில் இருந்த பொழுது அதிகாலையில் திடீரென அபாய எச்சரிக்கை அலார்ம் ஒலித்தது. அப்போது பணியில் இருந்த தர்ஷினி என்னும் பெண் போலீஸ் தன் துப்பாக்கியில் தோட்டாக்களை நிரப்பியுள்ளார். அலாரம் தானாகவே ஒலிக்கத் தொடங்கியது அறிந்து, தோட்டாக்களை அகற்ற முயன்றபொழுது துப்பாக்கி எதிர்பாராத விதமாக பலத்த ஓசையோடு வெடித்தது. அதிர்ஷ்டவசமாக தர்ஷினி காயம்படாமல் தப்பித்தார்.

புதுடில்லி: ஆன்லைன் ஷாப்பிங் தளங்களின் அதீத அதிகரிப்பால் நாடு முழுவதும் கடந்த ஓராண்டில் மட்டும் கிட்டத்தட்ட 2 லட்சம் மளிகைக் கடைகள் மூடப்பட்டதாக அகில இந்திய நுகர்வோர் பொருட்கள் நிறுவன கூட்டமைப்பு தெரிவித்துள்ளது.

புதடில்லி: மெட்ரோ நகரங்களை விட பிற நகரங்களில் வசிக்கும் மக்களே தங்களது மாதாந்திர செலவுகளுக்காக கிரெடிட் கார்டுகளை பயன்படுத்துவது 'பேங்க் பஜார்' நிறுவனத்தின் ஆய்வில் தெரிய வந்துள்ளது.

டேராடூன்: டில்லியில் தீபாவளியை ஒட்டிய நாட்களில் காற்றின் மாசுபாடு மிகவும் அதிகமாவதால் அருகில் இருக்கும் மலைவாச ஸ்தலங்களான நைனிடால், முஸெளரி போன்ற இடங்களுக்கு செல்பவர்களின் எண்ணிக்கை கணிசமாக அதிகரித்துள்ளதாம். முன்பு இது ஆஃப் சீஸனாக கருதப்பட்டது. 

அனைவருக்கும் இனிய தீபாவளி வாழ்த்துகள்! 

===================================================================================================

60ஆம் வருட அமுதசுரபி தொகுப்பிலிருந்து....

பிரார்த்தனையின் பலன் 

இனி காத்திருப்பது அபாயமாகும் என்று டாக்டர் அன்சாரி முடிவு செய்தார். இதை அவர் மகாத்மாவிடம் கூறினார். உபவாசத்தை உடனே விட்டுவிட வேண்டும் என்றும் எச்சரிக்கை செய்தார். சில மணி நேரத்தில் காந்திஜி நினைவு இழந்து விடக்கூடும் என்று அஞ்சினார்.  

காந்திஜி டாக்டர் அன்சாரியைப்  பார்த்து "நீங்கள் எல்லாவற்றையும் கணக்கு போட்டு விட்டீர்கள். ஆனால் பிரார்த்தனையின் பலனை கணக்கு போடவில்லையே...  இன்று மட்டும் என்னை சும்மா விட்டு விடுங்கள்" என்றார். 

டாக்டர் சாஹேப் ஒப்புக்கொண்டார். 

அடுத்த நாள் சிறுநீரை பரிசோதித்து பார்த்துவிட்டு, 'இனி அசிட்டோன் அபாயம் இல்லை' என்று கூறிவிட்டு, காந்திஜிக்கு உணவு அளிக்க வேண்டும் என்று வற்புறுத்துவதை விட்டுவிட்டார்.

----------------------------------------------------------------------------------------------------------------------------------------------------------------------------

உயிர்ப்பு 

1) அடுக்கடுக்காய் கிளைகள் 

விரிய 

அசையாது 

நாள் முழுதும் 

காத்திருக்கும்  

அந்த அடர் ஆலமரத்தின்

ஆழ்மௌனம் 

மாலையில் கலைகிறது 

கூடு திரும்பும் பறவைகளின் 

குக்குக்கூ ஓசைகளால் .

அல்லது 

2) சுற்றி பறந்து 

சுறுசுறுப்புடன் 

மாலையில் 

கூடு திரும்பி 

சலசல ஓசைகளால் 

உயிர்ப்பு தரும் அந்த 

பறவைக் குடும்பத்துக்காக 

மதிய நேரங்களில் ஒரு 

மௌன தவத்தில் இருக்கிறது  

அந்த அடர்மரம்.

=================================================================================================

================================================================================================

இணையத்தில் பார்த்தது...  இங்கே கொண்டு வந்தது...!

Self Surgery 

In 1961, Soviet General Practitioner Leonid Rogozov performed a self-appendectomy at Novolazarevskaya Station. His extraordinary feat brought to light the importance of medical training for isolated personnel, influencing military medicine to emphasize self-reliance and emergency procedures.  Post-service, Leonid returned to Leningrad, where he continued his medical career, contributing to the field of surgery and inspiring countless medical professionals. His bravery and skill during that self-surgery remain legendary. The general’s account of self-surgery has been used as a case study in medical training programs.

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

இப்படிச் சொல்லலாமா என்று அங்கு சிலர் கேட்டிருந்தார்கள்...  ஆனால் இதிலும் கொஞ்சம் நியாயம் இருக்கிறது..  இல்லையா ஜீவி ஸார்?

===================================================================================================

படித்ததை பகிர நினைத்தது....  முரண்பாடுகள் 

=================================================================================================

பொக்கிஷம்.  

இணையத்தில் திரு சௌரிராஜன் கிருஷ்ணன் என்பவர் பகிர்ந்திருந்த இந்த மதன் ஜோக்ஸை JKC ஸார் அனுப்பி இருந்தார்.  தீபாவளியை ஒட்டியும், மதன் ஜோக்ஸ் பகிர்ந்து நாளானதாலும் இவற்றையே இங்கு பொக்கிஷப்பகுதியில் பகிர்கிறேன் - திரு சௌரிராஜனுக்கும் நன்றியுடன்.

= = = = = = = = = = = = = = = = =