அந்த நிஜ ஹீரோவுக்கு ஒரு சல்யூட்.......

1)  பெங்களூரில் சித்தலிங்கய்யா என்று ஒரு காவல் அதிகாரி, வயிற்றில் குத்தப்பட்டுக் குடலெல்லாம் வெளிவந்து சாலை ஓரத்தில் சாகக்கிடந்த ஒரு பெண்ணை, குடலை வயிற்றில் தள்ளி வயிற்றை துணியால் கட்டி, ஆட்டோவில் மருத்துவமனைக்கு எடுத்துப்போய், அந்தப் பெண்ணுக்குத் தேவையான AB+ ரத்தம் அந்த மருத்துவமனையில் இல்லாததால் அதே ரத்தப் பிரிவைச் சேர்ந்த அவரே ரத்த தானம செய்து அந்தப் பெண்மணியைப் பிழைக்க வைத்துவிட்டார்.

அந்த நிஜ ஹீரோவுக்கு ஒரு சல்யூட்.  (நன்றி எழுத்தாளர் ஆனந்த் ராகவ், முகநூல்) 

2)  மரபுக்கு மாறாக, ஜம்மு - காஷ்மீரைச் சேர்ந்த, 16 வயது சிறுவன் இர்பான் ரம்ஜான் ஷேக்குக்கும், சவுர்யா சக்ரா விருது வழங்கப்பட்டது. தன் வீட்டுக்குள் நுழைய முயன்ற பயங்கரவாதிகளை, அடித்து விரட்டியதற்காக, அச்சிறுவனுக்கு இந்த விருது வழங்கப்பட்டுள்ளது. 

இர்பான் ரம்ஜான் ஷேக்குக்கு, ராணுவத்தினருக்கு வழங்கப்படும் வீர தீர விருது வழங்கப்பட்டது.

3)  வடநாட்டில் தமிழர்களுக்காக தமிழர்களால் செய்யப்படும் சேவை...

4)  ........... அதில், 12 வயது மதிக்கத்தக்க ஒரு சிறுவன் மட்டும் மயங்கி நிலைகுலைந்தான்.

ஹோலி கொண்டாட்டத்தை படம் பிடித்துக்கொண்டிருந்த தனியார் செய்தி நிறுவன புகைப்படக் கலைஞர் ரவிக்குமார் என்பவர் அந்தச் சிறுவனை மீட்டு உடனடியாக முதலுதவி அளித்துள்ளார்.