வெள்ளி வீடியோ : மனதில் கவிதை வரைந்து வரைந்து என்னை மயங்கச் செய்வதும் கேளிக்கையோ?

 பி சுசீலா பாடல்களில் இந்த லிஸ்ட் ரொம்ப பிரபலம்.  மாணிக்க வீணையேந்தி, கலைவாணி உன் கருணை தேன்மழையே, ஜெயஜெயதேவி ஜெயஜெயதேவி துர்க்கா தேவி சரணம் பாடல்கள்.

இதில் மாணிக்க வீணையேந்தி பாடல் சிறு வயதிலிருந்தே என் தங்கைக்கு உயிர்.  அடிக்கடி பாடிக்கொண்டே இருப்பாள்.  ஜெயஜெயதேவி பாடல் என் மகனுக்கு மழலை மாறா பருவத்தில் மிக பிடித்தமான பாடல்.  "உக்கா தேவி" என்று பாடுவான்!

நவராத்திரி முடிந்து சரஸ்வதி பூஜை அன்று இந்தப் பாடல் கட்டாயம் ஒவ்வொரு வீட்டிலும் ஒலிக்கும்.  அமைதியான குரல் தெய்வீகம் ததும்பும் பாடல்.

மாணிக்க வீணை ஏந்தும் மாதேவி கலைவாணி

தேன் தமிழ் சொல்லெடுத்து பாட வந்தோம்

அம்மா பாட வந்தோம்

அருள்வாய் நீ இசை தர வா நீ

இங்கு வருவாய் நீ லயம் தரும் வேணி அம்மா

மாணிக்க வீணை ஏந்தும் மாதேவி கலைவாணி

தேன் தமிழ் சொல்லெடுத்து பாட வந்தோம்

அம்மா பாட வந்தோம்

நாமணக்க பாடி நின்றால் ஞானம் வளர்ப்பாய்

பூமணக்க பூஜை செய்தால் பூவை நீ மகிழ்வாய்

மாணிக்க வீணை ஏந்தும் மாதேவி கலைவாணி

தேன் தமிழ் சொல்லெடுத்து பாட வந்தோம்

அம்மா பாட வந்தோம்

வெள்ளைத் தாமரையில் வீற்றிருப்பாய்

எங்கள் உள்ளக் கோவிலிலே உறைந்து நிற்பாய்

வெள்ளைத் தாமரையில் வீற்றிருப்பாய்

எங்கள் உள்ளக் கோவிலிலே உறைந்து நிற்பாய்

கள்ளமில்லாமல் தொழும் அன்பருக்கே என்றும்

அள்ளி அறிவைத் தரும் அன்னையும் நீ

வாணி சரஸ்வதி மாதவி பாரதி வாகதீஸ்வரி மாலினி

காணும் பொருளில் தோன்றும் கலைமணி

வேண்டும் வரம் தரும் வேணி

நான்முகன் நாயகி மோகனரூபிணி

நான்மறை போற்றும் தேவி நீ

வானவர்க்கமுதே தேனருள் சிந்தும்

கான மனோகரி கல்யாணி

அருள்வாய் நீ இசை தர வா நீ

இங்கு வருவாய் நீ லயம் தரும் வேணி அம்மா

மாணிக்க வீணை ஏந்தும் மாதேவி கலைவாணி

தேன் தமிழ் சொல்லெடுத்து பாட வந்தோம்

அம்மா பாட வந்தோம்….

=================================================================================================================

1966ல் வெளியான திரைப்படம் மஹாகவி காளிதாஸ்.  சிவாஜி கணேசன், சௌகார், முத்துராமன் உள்ளிட்டோர் அடித்தது..  ஆர் ஆர் சந்திரன் இயக்கத்தில் கே வி மதாதேவன் இசையில் உருவான படம்.  பாடல்களை கு மா பாலசுப்ரமணியமும் கண்ணதாசனும் எழுதி இருக்கிறார்கள்.

இந்தப் படத்தின் பாடல்கள் அனைத்தும் தேன்...   தேன்,,,  தித்திக்கும் தேன்.

கண்ணதாசன் பாடல்.  TMS குரல்.  அடாணா எனும் கம்பீரமான ராகம்.

மாணிக்க வீணையே மரகதப் பதுமையே வைரத்தில் தோய்ந்த மனமே

மதங்கமா முனிவரின் மாதவச் செல்வியே மாதுளம் சிவந்த விழியே

ஆணிப்பொன் கட்டிலே அரியாசனத்திலே அரசாள வைத்த தேவி

அறியாத நெஞ்சிலே ஓம் எனும் எழுத்திலே ப்ரணவம் தந்த காளி

யார் தருவார் இந்த அரியாசனம்

யார் தருவார் இந்த அரியாசனம்

புவி அரசோடு எனக்கும் ஒரு சரியாசனம்

யார் தருவார் இந்த அரியாசனம்

புவி அரசோடு எனக்கும் ஒரு சரியாசனம்

அம்மா யார் தருவார் இந்த அரியாசனம்

பேர் தரும் நூலொன்றும் கல்லாதவன்

உயர்ந்த பேறு பெரும் இடத்தில் இல்லாதவன்

பேர் தரும் நூலொன்றும் கல்லாதவன்

உயர்ந்த பேறு பெரும் இடத்தில் இல்லாதவன்

சேரும் சபையறிந்து செல்லாதவன்

சேரும் சபையறிந்து செல்லாதவன்

அங்கு தேர்ந்த பொருள் எடுத்து சொல்லாதவன் தனக்கு

யார் தருவார் இந்த அரியாசனம்

புவி அரசோடு எனக்கும் ஒரு சரியாசனம்

கருத்த நின் கூந்தலுக்குக் கவி வேண்டுமா

உன் காலிட்ட சதங்கைக்கு ஜதி வேண்டுமா

கருத்த நின் கூந்தலுக்குக் கவி வேண்டுமா

உன் காலிட்ட சதங்கைக்கு ஜதி வேண்டுமா

சிறுத்த உன் இடையாட இசை வேண்டுமா ஆ..

சிறுத்த உன் இடையாட இசை வேண்டுமா

உன் சிங்காரக் கைக்கு அபிநயம் வேண்டுமா

அடுத்த பாடலும் கண்ணதாசன் எழுதிய பாடல்தான்.  "கலைமகள் எனக்கொரு ஆணையிட்டாள்" பாடலையும், இந்தப் பாடலையும் பூப் போட்டுப் பார்த்து இந்தப் பாடலைப் பகிர்கிறேன்!!

இந்தப் பாடலைக் கேட்கும் முன்னரோ பின்னரோ கவியரசரின் மகன் சொல்லும் இந்த விஷயங்களைக் கேட்டு விடுங்கள்.  கண்ணதாசன் எந்த சூழ்நிலையில் இந்தப் பாடலை எழுதி இருக்கிறார், குற்றம் குறை இருந்தால் மன்னிக்கச்ச்சொல்லி தொடங்கி, பாடலின் ஆரம்பம் (கலைமகள் எனக்கொரு ஆணையிட்டாள்) ஏன் அப்படி அமைத்திருக்கிறார் என்று புரியும்.

       

இப்போது இந்தப் பாடலுக்கு வருகிறேன்....

மலரும் வான் நிலவும் சிந்தும்

அழகெல்லாம் உன் எழில் வண்ணமே

குழலும் யாழிசையும்

கொஞ்சும் ஒலியெல்லாம் உன் குரல் வண்ணமே

மலரும் வான் நிலவும் சிந்தும்

அழகெல்லாம் உன் எழில் வண்ணமே

குழலும் யாழிசையும்

கொஞ்சும் ஒலியெல்லாம் உன் குரல் வண்ணமே

கனவில் தோன்றி சிரித்து நான்

காணும் இடமெங்கும் இருக்கின்றாய்

கனவில் தோன்றி சிரித்து நான்

காணும் இடமெங்கும் இருக்கின்றாய்

கனியில் ரசமாய் இனித்து இனித்து என்

கையில் கிடைக்காமல் மறைகின்றாய்

கனியில் ரசமாய் இனித்து இனித்து என்

கையில் கிடைக்காமல் மறைகின்றாய்

கையில் கிடைக்காமல் மறைகின்றாய்

மலரும் வான் நிலவும் சிந்தும்

அழகெல்லாம் உன் எழில் வண்ணமே

குழலும் யாழிசையும்

கொஞ்சும் ஒலியெல்லாம் உன் குரல் வண்ணமே

மனதில் கவிதை வரைந்து வரைந்து என்னை

மயங்கச் செய்வதும் கேளிக்கையோ?

மனதில் கவிதை வரைந்து வரைந்து என்னை

மயங்கச் செய்வதும் கேளிக்கையோ?

தனிமைத் துயரில் தவிக்கத் தவிக்க

என் தலைவா உனக்கிது வேடிக்கையோ?

தலைவா உனக்கிது வேடிக்கையோ?

மலரும் வான் நிலவும் சிந்தும்

அழகெல்லாம் உன் எழில் வண்ணமே

குழலும் யாழிசையும்

கொஞ்சும் ஒலியெல்லாம் உன் குரல் வண்ணமே