நான் தரிசனம் செய்த கோவில்கள் :: காஞ்சி வைகுண்டப் பெருமாள் கோவில் பகுதி 3 :: நெல்லைத்தமிழன்

 

வைகுண்டப் பெருமாள் கோவில் (பரமேச்வர விண்ணகரம், காஞ்சி) – கடைசிப் பகுதி

 முந்தைய பகுதிகளில் குறிப்பிட்டபடி, கோவிலின் உள்சுற்றில், நான்கு பக்கங்களிலும் சிற்பத்தொகுதிகள் உள்ளன. இவை பல்லவ அரச மரபையும் முக்கிய நிகழ்ச்சிகளையும் சிற்பங்கள் வாயிலாக க் கூறுகின்றன.

இரண்டாம் பரமேச்வர வர்மன் மறைந்தபிறகு, ஆட்சிப் பொறுப்பில் முக்கியமானவர்கள், சிம்மவிஷ்ணுவின் தம்பி பீமவர்மனின் தற்போதைய வாரிசு அரசனான இரண்யவர்மனிடம், பல்லவ குலத்திற்கு ஒரு அரசனைத் தர வேண்டினர். அவன், தான் சிறிது வயோதிக நிலையில் இருந்தால், தன் மகன் நால்வரையும் அழைத்து யார் காஞ்சீபுர பல்லவ அரசிற்குத் தலைமையேற்கச் செல்கிறீர்கள் என்று கேட்க, மற்ற மூவரும் மறுத்த நிலையில், சிறியவனான 12 வயது பல்லவமல்லன் தான் அரசனாகச் செல்கிறேன் என்று விநயத்துடன் சொன்னானாம்.  காஞ்சீபுரத்திற்கு வந்து அரசனாக அபிஷேகம் செய்துகொண்டான். இரண்டாம் நந்திவர்மன் என்ற பெயரும் பெற்றான்.

இவை எல்லாமே கோவில் உட்புறச் சுவரில் சிற்பங்களாக வடிக்கப்பட்டுள்ளன. அடுத்த முறை செல்லும்போது நான் நிறைய நேரம் செலவழித்து இவற்றைப் பார்த்துப் புரிந்துகொள்ளவேண்டும் என்று நினைத்திருக்கிறேன்.

இப்போது படத்தொகுதி.

இது தொல்லியல்துறையின் கீழ் வரும் கோவில். வாய்ப்பு கிடைக்கும்போது, இந்தப் பழமையான கற்றளிக் கோவிலைத் தரிசிக்க மறக்காதீர்கள். நம் வரலாற்றின் அடிச்சுவட்டைக் காணத் தவறாதீர்கள்.

= = = = = = = = = = =