சுமித்ராவின் மகன்கள் - நக்கீரர்கள் மேயும் இடம்

1)  ".......எவ்வளவு மழை பெய்தாலும் புயல் அடித்தாலும் வேலைக்கு வராமல் இருந்தது இல்லை, கூட்டிப் பெருக்கும் வேலை என்றாலும் அதிலும் நேர்த்தியாக உழைத்தவர் இவர் இருக்கும் இடத்தில் ஒரு குப்பை கூளத்தை பார்க்க முடியாது அதிகம் பேசாதவர் ஆனால் அசராத உழைப்பாளி கடமையில் அர்ப்பணிப்போடு இருந்திருக்கிறார்; எந்த ஒரு புகாரும் இல்லாமல் சிறப்பாக பணியாற்றி இருக்கிறார். அவரைப் போல ஒரு தொழிலாளி கிடைப்பது அபூர்வம்'' என்று நகராட்சி நிர்வாகிகள் மனம் திறந்து பாராட்டி பேசிக்கொண்டு இருந்தனர்.

அப்போது கண்களைத் துடைத்தவாறு கலெக்டர் பேச ஆரம்பித்தார்.
கலெக்டராகிய நானும் இந்த என்ஜீனியரும் இந்த டாக்டரும் மூவரும் ஒரே வயிற்றில் பிறந்து வளர்ந்த அண்ணன் தம்பிகள்.  எங்களைப் பெற்றெடுத்த தாய் யாரோ அல்ல.. இதோ உங்கள் முன் நேர்மையான துப்புரவு தொழிலாளியாக பெயர் எடுத்து நிற்கிறாரே சுமித்ரா தேவி அவர்தான் எங்கள் தாய்...."


3) மறுபடியும் தவிர்க்க முடியாமல் ஒரு தண்ணீர்க்கதை.  ஆமாம் 250 அடி, முன்னூறு அடி என்றெல்லாம் ஆழத்தை அதிகப் படுத்திக்க கொண்டே போகலாமோ?

5)  விழுப்புரம் மாவட்டத்தில் உள்ள புத்திராம்பட்டு அரசு துவக்கப் பள்ளியில், போதிய ஆசிரியர்கள் இல்லாததால், கிராமத்து பெண்களே, பாடம் நடத்தி, அசத்தி வருகின்றனர்.  இக்கிராமத்தைச் சேர்ந்த மற்றும் வெளியூர்களில் இருந்து, மருமகள்களாக வாழ வந்துள்ள, படித்த பெண்கள் நான்கு பேர், ஊதியம் ஏதுமின்றி, மாணவர்களுக்கு பாடம் நடத்தி வருகின்றனர். இவர்கள், ஒன்று முதல், ஐந்தாம் வகுப்பு வரை மாற்றி, மாற்றி வகுப்புகள் எடுத்து வருகின்றனர்.  இக்கிராமத்தைச் சேர்ந்த, முன்னாள் ராணுவ வீரர் தங்கவேலன் என்பவர், உடற்கல்வி ஆசிரியராகவே மாறி, மாணவர்களுக்கு, தினமும் உடற்பயிற்சி கற்றுத் தருவதுடன், விளையாட்டு போட்டிகளிலும் ஈடுபடுத்தி வருகிறார்.... 

அரசு என்ன செய்கிறது? என்று கேட்கக்கூடாது. நாம்தானே அரசு.


7)  இலவசமாகக் கொடுக்கும் எதற்கும் மதிப்பில்லைதான்.  எனினும்...

"..................சென்னையில் பணியாற்றிய இவர், ஒராண்டுக்கு முன், மணப்பாறைக்கு மாறுதலாகி வந்தார்.இங்கு வந்தது முதல், போக்குவரத்து தொடர்பான விழிப்புணர்வு நிகழ்ச்சிகளை தினமும், சாலையோரத்தில் நடத்தி வருகிறார். மேலும், பள்ளி, கல்லுாரி மாணவ, மாணவியரிடமும், விழிப்புணர்வு ஏற்படுத்தி வருகிறார்.'தலைகவசம் உயிர் கவசம்' என, நேற்று முன்தினம், தன் சொந்த செலவில், இருசக்கர வாகன ஓட்டிகள், 50 பேருக்கு, இலவசமாக, ஹெல்மெட் வாங்கி வழங்கியுள்ளார்...................

9)  "..................இதையடுத்து, தனி ஆளாக நடவு செய்ய, ராஜலட்சுமி முடிவு செய்தார். அவர் மட்டும், மூன்று நாட்களில், 1 ஏக்கர் நிலத்தில், நெற்பயிர்களை நடவு செய்தார். மாணவியின் இந்த செயலுக்கு, அப்பகுதியில் உள்ள விவசாயிகள், பொதுமக்கள், வெகுவாக பாராட்டினர்............."

தஞ்சை அருகே, 1 ஏக்கர் நிலத்தில், தனி ஆளாக, நெற்பயிரை நடவு செய்த கல்லுாரி மாணவிக்கு, பாராட்டுகள் குவிந்துவருகின்றன.

=====================================================================================================

கடந்த வார - 22-6-19 முதல் 28-6-2019வரையிலான பதிவுகளின் விமர்சனம்... 

எங்கள் ப்ளாகின் வார விமரிசனத்தில் இன்று என்பங்கு.  என்னிடம் விமரிசனம் எழுதக் கேட்கும் ஸ்ரீராமுக்கு நிறையவே தில். 'குண்டக்கா மண்டக்கா' என்று ஏதாவது எழுதி பெயரை (அப்படி ஒன்று இருந்தால்) கெடுத்துக்கொள்ளாதே'  என்று உள்மனம் சொன்னாலும்  நான்  நானாகத்தானே இருக்க முடியும்

சனி 22-06-2019  பாசிடிவ் செய்திகள் 

பெரும்பாலும் தினமலர் பத்திரிகை உபயம். இம்மாதிரி பாசிடிவ் செய்திகள் ஏதாவதுபலன் தருகிறதா?  நல்லது நினைப்பவர்கள் எங்காவது நல்லது செய்து கொண்டுதான்  இருக்கிறார்கள்.  அதை வாசகப் பெருமக்களுக்கு  எடுத்துச்செல்கிறது எங்கள் ப்ளாக். அல்ஜிமர் வியாதியால்  கஷ்டப்படும் பலருக்கும் உதவி செய்கிறது பாலக் காட்டில் இயங்கும் காருண்யா இல்லம் அது பற்றி நான் ஒருபதிவு எழுதி நண்பர்கள் உதவி கோருகிறது அந்நிறுவனம்  என்று எழுதி இருந்தேன்.  தேவைப்பட்ட டிடெயில்ஸை  கொடுத்திருந்தேன். 

ஆனால், அலாஸ்...! ஒருவர்கூட உதவ வில்லை. படிக்க நன்றாக இருக்கும்   பலசங்கதிகள்  நம்மால் பின்பற்ற முடிவதில்லை.  இருந்தாலும்   நல்லநிகழ்வுகள் எங்கோ நடக்கிறதுஎன்பது மகிழ்ச்சி தரும் செய்தியே. தண்ணிர் பற்றக்குறை என்பது ஒரு சீசனல் செய்தியாகி விட்டது. தொலைக்காட்சிகளில்  நீருக்காக அலையும் மக்களை நோக்கும் போது  பெரும்பாலும் அடிமட்ட பிரஜைகளாகவே இருக்கிறார்கள்.  ஓரிரு குட நீருக்காக  அலைபவருக்கு  அது போதுமா என்பதே பெரிய கேள்விக்குறி!  அவர்கள் பலரும்  ஒரு மிஸ்ட் கால் தராதவர்களோ? ஒரு  பிரபல சினிமா பெரியவர் ஒரு மிஸ்ட் கால் கொடுத்தால் நதிகளை இணைக்கும்பணி நிறைவேறலாம் என்று சொன்னது ஏனோ இப்போது நினவுக்கு வருகிறது.  எந்த நல்ல  செய்தியும்  டோக்கனிசமாக இருக்கலாமா  என்னும் கேள்வியோடு இன்றைய விமரிசனம்  நிறைவு பெறுகிறது

ஞாயிறு  23-06 – 2019

 இன்றைய எங்கள் ப்ளாகில்விமரிசனம்செய்யும்படி எனக்கேதும்  தெரிய வில்லை.  புகைப்படங்களின்  அணிவகுப்பு. ம்யூசிய விசிட்.  இதில் இருக்கும்படங்கள் நெஞ்சில் நீங்கா நினைவாய் இருக்குமா?  படம் எடுக்கும் போது இன்னும் சில விளக்கங்கள்  தேவைப்படலாம். வில் அம்புடன்  உண்டி  வில்லும்   உபயோகப்படுத்தியதை பெருமையுடன் பேசிக்கொண்டே இருக்கிறோமா நாம்?   பின்னூட்டங்கள் வழக்கம் போல்  வாட்ஸாப்  நிலையிலேயே இருக்கின்றன. ஏதோ ஓரிருவர் கருத்து சொல்லி இருக்கிறார்கள். ஊக்கப்படுத்தவேண்டியதுதான். ஆனால்……..  அதற்காக  குறை என்று தோன்றுவதைச் சொல்லக் கூடாதா?  பின்னூட்டங்கள் ஏதோ வருகைப்பதிவேடு போல் இருக்கிறதே..

திங்கக் கிழமை  24-06-2019

இன்று  திங்கக்  கிழமை என்னும் நினைவே இருக்கவில்லை. தில்லையகத்து கீதா சமையல் குறிப்புகளுக்காகக் கூடவே மெனக்கெடுகிறார்.  தானாக செய்ததைச் சொன்னால் யாராவது குறை கூறுவார்களோ  என்னும் சந்தேகத்தில் எல்லோரையும் அழைத்து அவர்கள் முன்னிலையில் செய்வதுபோல் ஒருபாவனை! என்ன செய்ய! யாரும் குறை சொல்லக் கூடாது இல்லையா? ஆனால் இன்றைய விமரிசனம் வேறு மாதிரி அமைந்து விட்டது. வெண்டைக்காயை லேடிஸ் ஃபிங்கர் என்பார்கள்.  லேடிஸ் ஃபிங்கர்  மிருதுவாக சன்னமாக இருக்கும் என்பதை குறிப்பது. அம்மாதிரி வெண்டைக்காய்கள்கிடைப்பது கடினம்.  கடைகளில் ஒடித்துப் பார்க்கவிடமாட்டார்களே!

 திங்கக் கிழமை யில் வரும்சமையல் குறிப்புகள் பலரும் செய்துபார்த்து இருப்பர்.  வித்தியாசமாக, பலரும்   செய்து பார்க்காத,  சமையல் குறிப்புக்காக காத்திருக்கிறேன் ஒரு சினிமாவில் வந்த வசனம்  நினைவுக்கு வருகிறது  ஒருவர் ஒன்று சொல்வார் மற்றவர் /அதுதான் தெரியுமே/ என்பார்...

  
வெண்டைக்காய் – ¼ கிலோ

கொத்தமல்லி விரை – ஒரு டேபிள் ஸ்பூன் (படத்துல அந்த தட்டுல இருக்குப் பாருங்க..அந்த ஸ்பூன்) (இதைப் பொடியாகவும் போடலாம்)

 ஓ அப்படியா அதான்  தெரியுமே

ஜீரகம் – ½ டேபிள் ஸ்பூன் (இதையும் பொடியாகவும் போடலாம்)

சிவப்பு மிளாகாய் தூள் – 1/2 டீஸ்பூன் 

மஞ்சள் பொடி – ¼ டீஸ்பூன்  

ஓ இதுவும் தெரியுமே

கொப்பரை – துருவியது ¼ கப் அல்லது தேங்காய் துருவியது ¼ கப் அதை கொஞ்சம் லைட்டாக வறுத்து ஈரம் கொஞ்சம் போனால் போதும். 

கறிவேப்பிலை 3, 4 குச்சி இலைகள் – (இது கொஞ்சம் ட்ரையாக இருந்ததால் பொடித்துக் கொண்டுவிட்டேன். அதைப் படம் எடுக்காமலும் விட்டுவிட்டேன். 

உப்பு – தேவையானது. உப்பு போடணும் அல்லவா 

அதுவும்  தெரியுமே

ஒரு எலுமிச்சம் பழம். (தேசிக்காய்) இதோ எல்லாம் நாங்கள் எடுத்து வைச்சாச்சு  தெசிக்காய் 

இது என்ன தெரியலையே (அடுப்பங்கரையில் பூனை இருக்க வேண்டுமா  தெரியாதே.....

25-06 – 2019  கேட்டு வாங்கிப் போட்டகதை

கதை கீதாரெங்கனுடயது என்றதுமே சில நல்ல வார்த்தைகள் சொல்லலாமே என்று நினைத்தேன்.   தில்லையகத்து கீதாவுக்கு எதையும் ஷார்டாக  ஸ்வீட்டாக  சொல்லத் தெரியுமா என்பதே என் சந்தேகம்.  படிக்கும் போதே சரியான இடியாப்ப சிக்கல் போல் இருக்கிறதே என்று தோன்றியது நிஜம். கதைகளில் பல வகை உண்டு. அதெல்லாம் கதாதசிரியரின் கற்பனையை  பொறுத்தது.  கதை என்றால், ஒரு துவக்கம், நடுவு,  பின் ஒருமுடிவு என்று இருக்க வேண்டும் என்று தள வாசகர்களில் ஒருவர் சொன்ன நினைவு.  கதையைக் கொண்டுபோக சிரமப் பட்டிருப்பார் என்று நினைக்கிறேன்.  

அந்த மாதிரி நேரங்களில் ஸ்ரீராமின்  கவிதைகள் கை கொடுத்து இருக்கிறது என்றே தோன்றுகிறது.  பொதுவாக காதல் என்பது பெண்களுக்கு ஒரு நாவல். ஆண்களுக்கு ஒரு அத்தியாயமென்பார்கள். ஆனால் இக்கதையில் நேர்மாறாக இருக்கிறது.  கீதா விமரிசனம் பாசிடிவாக இருக்கவேண்டுமென்று விரும்புவார். நான் சொல்லி இருப்பதெல்லாம் அது நோக்கி எழுத முனக்கும் என்றே நம்புகிறேன். நண்பர் விஜி தேவைக்கு மீறி ஒருவார்த்தை கூட இருக்கக் கூடாது என்பார்.  அது கவிதைகளுக்குப் பொருந்தலாம்.  

ஆனால் கதைகள் அப்படி அல்ல. வாசகர்கள் எளிதில் உள்வாங்கிக் கொள்ள வேண்டும். நெல்லை தமிழன் சொன்னதுபோல் கதையில் ஒருமுதியவர் ஆற்றங்கரையில் அமர்ந்திருப்பது போல் படம்  மிஸ்ஸிங். எனக்கு என்னவோ கீதா அதே படத்துக்கு இரண்டு மூன்று கதைகள் எழுதி வைத்திருப்பார் போல தோன்றுகிறது.  அதில் இதுவும் ஒன்றாயிருக்கலாம்.  அறுபது வயது என்பது ஒரு வயசல்ல! ஏனோ தெரியவில்லை, அறுபது வயதுக்காரர்களை மிக வயதானவர் போல் எண்ணுகின்றனர்.

26-06 -2019 பேய்க்கவிதைகள்

 எங்கள் ப்ளாகின் தினங்களில் கேள்விகளுக்கு பதில் கொண்டது யார் எப்போது கேள்விகள் கேட்கிறார்களென்றே எனக்குத் தெரியவில்லை. 

கேள்வி கேட்பவர்கள் தனக்கு பதில் தெரியாததால் கேள்விகள் கேட்கிறார்களா,  பதில் சொல்பவர் தனக்கு எல்லாம் தெரியும் என்று நினைத்து பதில் தருகிறாரா?  பள்ளிகளில் கேள்வி கேட்பவருக்கு ஏதோ பதில் தெரிந்திருக்கும்.   விடை கூறுபவர் தான் நினைத்ததை பதிலாகக் கூறுகிறாரா  என்று சோதித்துப் பார்ப்பார்கள. 

பகுப்பாய்வு செய்வதெல்லாம்  நடக்கிறதா?  ஏதோ டைம்பாஸ்...   நிறைய கற்பது உபயோகப்படாமல் போகிறது. வலைத்தளமே ஒரு தமாஷ்ஆகிப் போகிறது.  எல்லாமே நகைச்சுவைதானா? மனதில்  பட்டதைச் சொன்னால் சிலர் வருந்துவார்கள். ஆகவே எதையும் கண்டும் காணாமல் போவதே  நல்லது என்னும்  கொள்கையே  வலைத்தளங்களில்  காணப்படுகிறது.  பதில்  கூறுபவர்

 / கேட்கப்படும் எந்த  ஏன் கேள்விக்கும் பொய்யான பதில்கள் கூடாது.  'ஏன் ஏன் பகுப்பாய்வு'  உங்களுக்கு நீங்களேசெய்துகொள்ளும் சுய பரிசோதனை. ஆகவே உங்களை நீங்களே கேள்வி கேட்டு, உண்மையான பதில்கள் கூறி, நிகழ்வின் மூலகாரணத்தை அறிந்துகொள்ளுங்கள். 

நாம் எங்கோ உடோப்பியவில் இருக்கிறோமா  

வலைத்தளங்களில் இருந்து  யாராவது கற்கிறார்களா? நிறையவே நக்கீரர்கள் மேயும் இடமல்லவா?  நானும் அப்படித்தானோ?  அப்படித்தான் தோன்றும் பலருக்கும்.

 27=06- 2019 பல்லிக்கு ஒரு கவிதை 

நைமிசாரண்யம் என்பது பற்றி குறிப்புகள் பல...  108 திவ்ய க்ஷேத்திரங்களில் ஒன்று என்பதை அறியும்போது  இம்மாதிரி பாடல்களை எழுதிய வைணவ பெரு மக்களுக்கு  குருவாயூர் தெரியாதது  ஆச்சரியமே. அயோத்தி அருகே இருக்கும் நைமிசாரண்யத்துக்குப்போய் பாடல்கள் புனைந்தவர்கள்  அருகில் இருக்கும் குருவாயூர் பற்றிக் கூறாததால் அது பாடல் பெற்ற தலமாக வில்லை.  வாட் எ பிட்டி!  கோவில்களைச் சுற்றிய இடங்களில் இயற்கை உபாதைகளைத் தணித்துக் கொள்ளும் இடங்களில் மன்னார்குடி ராஜகோபாலசுவாமியின்   கோவில் மதிலைச் சுற்றியுள்ள இடம் முதலாவதாக இருக்கும்.  'ஏண்டா வந்தோம்?' என்று ஆகி விட்டது எனக்கு.  ஆண்டு 1970 என்று நினைவு.

/    நான் எல்லா சன்னதிகளிலும் பத்து ரூபாய் போட்டேன்.  பத்திரிநாதர் அருளாய் பிரம்படியும் வாங்கிக்கொண்டேன்! வாங்கிக்கொண்டோம்!இங்கு தீர்த்தமாடிய பின்தான் லலிதா தேவியைத் தரிசிக்கச் செல்லவேண்டும் /

வட இந்தியக் கோவில்களுக்குப் போனால்  இந்த தர்ம அடி  உண்டுபோல்  தெரிகிறது.  காசியில் பைரவர் சந்நதியில் அடிக்க வந்த பண்டாவைத் தடுத்துவிட்டேன்.   பாவம் என் அண்ணா...  அடியும் வாங்கி பணமும்  கொடுத்தார்.

கோமுகி அல்லது கோமதி நதி ஆழம் இல்லையா?  குளிக்க முடிந்ததா?

28-06-2019 வெள்ளி வீடியோ

 இன்றைக்கு ஸ்ரீராமை பாராட்டியே தீருவது என்று இருக்கிறேன்.   பின்னேஎன்ன?  சும்மாவா? இணையத்தில் மேய்ந்து பலரும் கேட்காத

 பாடல்களை போடுவது...  அதற்கும்  பாடல் தவிர அக்கப்போர் புரியும்  வாசகர்கள், யார் யார் என்றும், அவர் சரித்திரம் என்னவென்றும்,  பலரும் அறிந்திராத தகவல்கள்!  சும்மாவா? காரண கர்த்தாவைப் பாராட்ட வேண்டும்தானே...?