என்ன எண்ணங்களோ.. என்ன கனவோ... என்ன காரணமோ..

அர்த்தமில்லாத கனவுகள் அடிக்கடி காண்பவன் நான்.  அதற்கு அர்த்தம் ஏற்படுத்திக் கொள்ள நினைப்பேன்!  சில கனவுகள் யோசிக்க வைக்கும்..   என்ன காரணமாய் இருக்கும் என்று!  யானை என்னைத் துரத்துவது போல தொடர் கனவு கண்டு அதை தளத்திலும் பகிர்ந்திருக்கிறேன்.  வேறு சில நீண்ட கனவுகள் பற்றியும் எழுதி இருக்கிறேன்.  அடிக்கடி அல்லது அதிகம் படிக்கப்படும் பதிவுகளில் அடிக்கடி இடம்பெறும் பதிவாகவும் கனவுகள் பற்றிய பதிவு இருக்கிறது!


அம்மா திதி புது வீட்டில் கொடுக்க முடிந்த என்னால் அப்பாவின் திதியை கொடுக்க முடியவில்லை.  

பொதுவாகவே நான் அடிக்கடி ஒன்றைச் சொல்லிக் கொண்டிருந்தால் அது நடக்காமல் போய்விடுகிறது.  எல்லோரும் சாதாரணமாக அடிக்கடி ஏதாவது ஒன்றை, அதையே நினைத்து / சொல்லிக் கொண்டிருந்தால் அது நடக்கும் என்றுதான் சொல்வார்கள்.  என் சமீபத்து அனுபவம் நேர்மாறாய் இருக்கிறது.

இந்த தேதியிலிருந்து இரண்டு வாரங்கள் விடுப்பு எடுக்கப்போகிறேன் என்று சொல்லிக்கொண்டே இருந்தேன்.  எடுக்க முடியாமல் போனது.  வீட்டைக் காலி செய்யப்போகிறேன் என்று நான் சொன்ன தேதியும், காரணங்களும் மறுக்கப்பட்டன - இல்லாத சட்டங்களையும் அதிகாரத்தையும் காட்டி!

அது மாதிரி நான் சொல்லிக் கொண்டிருந்தது, "அம்மாவை இந்த வீட்டுக்கு அழைத்து வந்தாச்சு..   அடுத்து அப்பாவையும் அழைத்து வரவேண்டும்..."

ஏதோ அப்பா அம்மா எல்லாம் பழைய வீட்டிலேயே இருந்து கொண்டு எங்களைத் தேடிக்கொண்டிருப்பது போலவும், உரிய முறைப்படி அவர்களை இங்கு வரவைப்பது போலவும் மனதுக்குள் ஒரு நினைப்பு!  26 வருடங்களுக்கும் மேல் அங்கிருந்த காரணமோ..   அல்லது அந்த வீட்டில் அப்பாவும் அம்மாவும் வந்து புழங்கிய காரணமோ!

அப்படிச் சொல்லிக் கொண்டிருந்ததில் அப்பாவுக்கு இந்தப் புது வீட்டின் அமைப்பு ரொம்பப் பிடிக்கும் என்கிற உணர்வு மேலோங்கி இருந்தது.  ஆனால் கொரோனா அமர்க்களத்தில் திதி கொடுக்க முடியாமல் போக, நான் சொல்லிக் கொண்டிருந்தது / நினைத்துக் கொண்டிருந்தது நடக்கவில்லை.  கொஞ்சம் ஏமாற்றம்தான்.

ஆனால் மார்ச் மாதத்தில் ஒரு கனவு வந்தது.  அதில் அப்பா வந்தார்.  அதிசயம்!  அதுவும் புது வீட்டில் இருந்தார்.  ஆனால் அந்தக் கனவின் வேறு சில அம்சங்கள் சற்றே சங்கடமான விஷயங்களாக இருந்ததால் வெளியில் சொல்லிக்கொள்ள முடியவில்லை...  என்ன எண்ண ஓட்டங்களோ...  என்ன கனவோ...  என்ன காரணமோ.. 

யானை துரத்துவது போல கனவு வந்தபோது நான் பிள்ளையாருக்கு ஏதோ வேண்டுதல் டியூ என்று சொன்னார்கள்.  வேறு சில கனவுகளுக்கும் வெவ்வேறு பலன்கள் அவரவருக்குத் தோன்றியது போல சொல்லிக் கொண்டிருந்தார்கள்.  பலன் பற்றி பெரிதாக கவலைபப்டுவதில்லை என்றாலும் சிலசமயம் சில கனவுகள் மனதை அலைக்கழிக்கும்தான்!

அதுவும் அதிகாலைக் கனவுகள் பலிக்கும் என்றும் சொல்வார்கள்.  நல்ல கனவாய் இருந்தால் சரி, கெட்ட கனவாய் இருந்தால்...?  எனக்கும் வேறு சிலருக்கும், ஏன், உங்களில் சிலருக்கும் உங்கள் கனவுகள் பலித்த நேரங்கள் உண்டு என்பது நமக்குத் தெரியும்.

ஸிக்மாண்ட் ப்ராய்ட் புத்தகம் நான் படித்ததில்லை.  கனவுகள் ஏன் வருகின்றன ('கனவு ஏன் வந்தது?  காதல்தான் வந்தது..' என்று பாடல் வரி மனதில் ஓடுகிறது!)

புது வீடு வந்ததும் மெதுவாய் புத்தகப் பெட்டிகளைத் திறந்து கிளறும்போது இந்தப் புத்தகம் கிடைத்தது!  கனவுகளும் அதன் பலன்களும்.  அப்பா 1963 இல் வாங்கி இருக்கிறார் பாருங்கள்..

அவர் காப்பிரைட் பற்றி பேசி இருக்கிறார்.  ஐம்பது வருடங்களுக்கு மேல் ஆகிவிட்டபடியாலும், நான் அந்தப் புத்தகத்தை பதிப்பிக்கப் போவதில்லை என்பதாலும் நான் விதி மீறவில்லை என்று சொல்லிக் கொள்கிறேன்!  காப்பிரைட் உரிமை ஐம்பது வருடங்கள்தான் செல்லும் என்று எங்கோ படித்த நினைவு!

வியாசர் கனவுகளுக்கு பலன் எழுதி இருக்கிறாராம்.  அதைப் படித்ததும் பகிரலாம் என்று தோன்றியது. ....

இப்போதெல்லாம் எழுத ஆரம்பித்த விஷயம் நீண்டு விடுவதால் இரண்டு வாரங்கள் தொடர்வது தொடர்கதையாகி வருகிறது.  எபப்டியோ வியாழன் ரொம்பினால் சரி என்று எனக்குத் தோன்றும்.  நெல்லையின் சதவிகிதக் கணக்கு சரியாய் வரும் என்றுதான் தோன்றுகிறது.  ஏகாந்தன் ஸார் என்ன சொல்கிறாரோ!

அது மாதிரி இந்தப் புத்தகத்தின் முன்னுரை பகுதிகளை அடுத்தவாரம் தருகிறேன்.  

====================================================================================

தினமலர் சொல்கிறார்கள் பகுதிக்கு லிங்க் தரமுடியாது என்பதால்தான்  நல்ல விஷயங்கள் அங்கு கிடைக்கும்போது அதை எடுத்து பேஸ்புக்கில் பகிர்ந்து விட்டு அதற்கு லிங்க் கொடுப்பேன் - இதை முன்னரே சொல்லி இருக்கிறேன்.  பாஸிட்டிவ் செய்திகள் பல இபப்டிக் பகிர்ந்திருக்கிறேன்.  அது அல்லாத சில விஷயங்களை ஒன்றிரண்டு வியாழனில் பகிர்ந்திருக்கிறேன்.  அதுபோல ஒன்று...

முன்னர் ரேடியோ செய்திகள் கேட்டவர்களுக்கு "ஆகாஷ்வாணி...   செய்திகள்...   வாசிப்பது.. சரோஜ் நாராயணஸ்வாமி.." எனும் குரல் பரிச்சயமாகி இருக்கும்.  காலையும் மாலையும் 7.15 க்கு ஒலிபரப்பாகும் தமிழ் செய்திகள் அது.  மறைந்த பூர்ணம் விஸ்வநாதன் கூட இப்படி செய்தி வாசித்திருக்கிறார்.

சரோஜ் நாராயணஸ்வாமி பற்றி தினமலர் 'சொல்கிறார்கள்' பகுதியில் வந்ததை இங்கு பகிர்கிறேன்.

'ஆகாசவாணி... செய்திகள் வாசிப்பது சரோஜ் நாராயணசுவாமி...' என்ற கணீர் குரலுடன், 1962 முதல், 50 ஆண்டுகள், 'ஆல் இந்தியா ரேடியோ'வில் பணியாற்றி ஓய்வுபெற்று, மும்பையில் வசிக்கும் சரோஜ் நாராயண சுவாமி: 

"ஆல் இந்தியா ரேடியோவில் செய்தி வாசிப்பாளராக நான் தேர்வான உடனே, என் மாமா, 'உன் குரல் உலகம் எங்கும் ஒலிக்கும்; மிகவும் புகழ் அடைவாய்' என, ஆசிர்வாதம் செய்தார்.

பி.ஏ., ஆங்கிலம் படித்து விட்டு, தமிழ் செய்தி வாசிப்பாளராக ஆனது, எனக்கே ஆச்சர்யமாக இருந்தது. என் தாய்மொழி தமிழ் மீது, எனக்கு இருந்த ஆர்வம் தான், அந்த மொழியில் சிறப்பாக செய்தி வாசிக்க துாண்டியது. மேலும், என் தொழிலை நான் மிகவும் நேசித்தேன். 

காவிரிக் கரையோரம் வசித்த பெற்றோருக்கு பிறந்ததால், தமிழ் என் நாவில், சரளமாக வந்தது; அன்று, தமிழகம் முழுவதும் என் குரலை கேட்க காத்திருந்தது. 

அதை இன்று நினைத்தாலும் ஆச்சர்யமாக உள்ளது.ஆரம்ப நாட்களில், செய்தி வாசிக்க நிறைய பயிற்சி செய்ய வேண்டும். ல, ள, ழ மற்றும் ண, ன எழுத்துக்களை சரியாக உச்சரிக்காவிட்டால், பொருளே மாறிவிடும். ஆங்கிலம் மற்றும் ஹிந்தியில் இருக்கும் செய்தியை, தமிழில் மொழி மாற்றம் செய்த பிறகே, தமிழில் வாசிக்க முடியும்.ெவளிநாட்டு செய்திகளை வாசிக்கும் போது, அந்த நாட்டின் தலைவர்கள் பெயரையும் சரியாக உச்சரிக்க வேண்டும். அந்த நாட்டில் உள்ள அதிகாரிகளுக்கு போன் செய்து, அந்த தலைவர்களின் பெயரை எப்படி உச்சரிக்க வேண்டும் என்பதை, கேட்டு தெரிந்து கொள்வேன். 

நான் வாசிப்பதில், எந்த தவறும் வந்து விடக் கூடாது என்பதில், மிகுந்த கவனமாக இருப்பேன். 

எந்த வார்த்தைகளுக்கு இடையே, இடைெவளி விட வேண்டும்; எந்த வார்த்தைக்கு, அழுத்தம் கொடுக்க வேண்டும் என்பதை அறிந்து, அதன்படி செய்வேன்.

செய்தி வாசிக்கும் நேரத்திற்கு, 2 - 3 மணி நேரத்திற்கு முன்பாகவே, அலுவலகம் சென்று விட வேண்டும். 

எனக்கு, எப்போதும் அழகாக இருக்க பிடிக்கும். என் புகுந்த வீட்டில், என்னை யாரும் குறை கூறியது இல்லை. என் கணவருக்கு என் மீது மிகுந்த பாசம் உண்டு. உதாரண தம்பதியாக நாங்கள் வாழ்ந்தோம்.

குழந்தைகள் பிறந்ததும், கணவரும், அவரின் பெற்றோரும் மிக ஆதரவாக இருந்தனர். அதனால், செய்தி வாசிக்க, இரவில் எந்த நேரமும் சென்று வர முடிந்தது.என் கணவர் நாராயணசுவாமி, எனக்கு கிடைத்த வரம். அவர் இறந்து, 10 ஆண்டுகள் ஆகின்றன. எங்களுக்கு ஒரு மகன், மகள். இருவரும் உயர்ந்த வேலைகளில் உள்ளனர். ஒவ்வொரு நாளும் புதுப்புது செய்திகளை அறிந்து கொள்ள, அதை வாசிக்க எனக்கு கிடைத்த வாய்ப்பு, இறைவன் கொடுத்த வரம்!--


========================================================================================

பொக்கிஷம் :

இந்த வாரம் மிச்சமிருக்கும் ரூபி ஜோக்ஸ் மற்றும் கடைசியில் மற்றொரு மதன் ஜோக்...   சுருக்கமாக முடிக்கிறேன்!

அப்படியே மதன் ஞாபகத்துக்கு வரவில்லை?  அவரேதான் இந்தப் பெயரிலும் வரைந்தாரோ!

மறக்க மாட்டேங்க..  நான் அப்படிப்பட்ட ஆளில்லீங்க...!

இதுவன்றோ நிரூபணம்!

"அவ்வளவுதானா?  கொஞ்சம் பகட்டாய்ச் சொல்லக் கூடாதா?" என்று பார்க்கிறாரோ அந்தப் பெண்மணி?!

சிரிப்புத் திருடன் சிங்காரவேலு ஞாபகம் வரவில்லை?

இது மதன்!

==========================================================================================