வெள்ளி வீடியோ 180518 : உடைமாற்றும் இடைவேளை அதன் பின்பே உணர்ந்தோம்

பழைய பாடல்களையே போடுகிறேன் என்று ஏஞ்சல் குற்றம் சாட்டியுள்ள காரணத்தால் இன்றைய பாடல் இன்னும் ரிலீஸ் ஆகாத ஒரு படத்திலிருந்து...


ஆனாலும் நீங்கள் எல்லோருமே இந்தப் பாடலைக் கேட்டிருப்பீர்கள்.  சித் ஸ்ரீராம் குரலில் அத்புதமான பாடல்..  (கீதா..  "மறுவார்த்தை பேசாதே" என்ன ராகம் சொன்னீங்க?)  

சமீப காலத்தில் என்னை மிகவும் கவர்ந்த பாடல்.  இந்தப் படத்துக்கான இசை தர்புகா சிவா - புதுமுகம்.  ஆனால் இந்தப் பாடல் சூப்பர் டூப்பர் ஹிட்.  அவரவர்கள் இந்தப் பாடலுக்கான காட்சியை விருப்பம்போல காட்சியாக்கி யூ டியூபில் ஏற்றுக் கொண்டிருக்கிறார்கள்.  இப்போது இந்தப் படத்தின் இயக்குனர் கெளதம் மேனனுக்கு சவால்...  எல்லோரின் எதிர்பார்ப்பையும் நிறைவேற்றும் வண்ணம் காட்சி அமைக்கப்பட வேண்டும்.  என்ன செய்திருக்கிறாரோ!

பாடல்கள் தாமரை.

இதே படத்தில் இன்னொரு பாட்டும் நன்றாயிருக்கிறது.  'எதுவரை போகலாம்'  இரண்டு பாடல்களையும் தருகிறேன் இங்கு.  முழுசும் கேட்டு விட்டுச் சொல்லுங்கள்.  சித் ஸ்ரீராம் பாடிய அந்த இரண்டாவது பாடலைப் பாடுவது கடினம் என்று எனக்குத் தோன்றியது.   முதலில் விசிறி பாடல்.

எதுவரை போகலாம் என்று நீ சொல்ல வேண்டும் என்றுதான்

விடாமல் கேட்கிறேன்

தேன் முத்தங்கள் மட்டுமே போதுமென்று சொல்வதால்

தொடாமல் போகிறேன்

யார் யாரோ கனாக்களில்

நாளும் நீ சென்று உலாவுகின்றவள்

நீ காணும் கனாக்களில் வரும்

ஓர் ஆணென்றால் நான்தான் எந்நாளிலும்

பூங்காற்றே நீ வீசாதே ஒஹோஓஒ

பூங்காற்றே நீ வீசாதே நான் தான் இங்கே விசிறி

என் வீட்டில் நீ நிற்கின்றாய்

அதை நம்பாமல் என்னை கிள்ளிக் கொண்டேன்

தோட்டத்தில் நீ நிற்கின்றாய்

உன்னை பூவென்று எண்ணி கொய்ய சென்றேன்

புகழ் பூமாலைகள் தேன் சோலைகள்

நான் கண்டேன் ஏன் உன் பின் வந்தேன்

பெரும் காசோலைகள் பொன் ஆலைகள்

வேண்டாமே நீ வேண்டும் என்றேன் உயிரே…

நேற்றோடு என் வேகங்கள்

சிறு தீயாக மாறி தூங்க கண்டேன்

காற்றோடு என் கோபங்கள்

ஒரு தூசாக மாறி போக கண்டேன்

உன்னை பார்க்காத நாள் பேசாத நாள்

என் வாழ்வில் வீண் ஆகின்ற நாள்

தினம் நீ வந்ததால் தோள் தந்ததால்

ஆனேன் நான் ஆனந்தப் பெண் பால், உயிரே…

எதுவரை போகலாம் என்று நீ சொல்ல வேண்டும் என்றுதான் நான் 

விடாமல் கேட்கிறேன்

தேன் முத்தங்கள் மட்டுமே போதுமென்று சொல்வதால்

தொடாமல் போகிறேன்

உன் போன்ற இளைஞனை

மனம் ஏற்காமல் மறுப்பதே பிழை

கண்டேன் உன் அலாதி தூய்மையை

என் கண் பார்த்து பேசும் பேராண்மையை

பூங்காற்றே நீ வீசாதே ஒஹோஓஒ

ஆனாலும் மறுவார்த்தை பேசாதே பாடல் மிகவும் பிடித்திருந்தது.

மறுவார்த்தை பேசாதே

மடி மீது நீ தூங்கிடு

இமை போல நான் காக்க

கனவாய் நீ மாறிடு

மயில் தோகை போலே

விரல் உன்னை வருடும்

மனப்பாடமாய்

உரையாடல் நிகழும்

விழி நீரும் வீணாக

இமை தாண்ட கூடாதென

துளியாக நான் சேர்த்தேன்

கடலாக கண்ணானதே

மறந்தாலும் நான் உன்னை

நினைக்காத நாளில்லையே

பிரிந்தாலும் என் அன்பு

ஒருபோதும் பொய்யில்லையே

விடியாத காலைகள்

முடியாத மாலைகளில்

வடியாத வேர்வை துளிகள்

பிரியாத போர்வை நொடிகள்

மணி காட்டும் கடிகாரம்

தரும் வாடை அறிந்தோம்

உடைமாற்றும் இடைவேளை

அதன் பின்பே உணர்ந்தோம்

மறவாதே மனம்

மடிந்தாலும் வரும்

முதல் நீ

முடிவும் நீ

அலர் நீ

அகிலம் நீ

தொலைதூரம் சென்றாலும்

தொடு வானம் என்றாலும், நீ

விழியோரம் தானே மறைந்தாய்

உயிரோடு முன்பே கலந்தாய்

இதழ் எனும் மலர் கொண்டு

கடிதங்கள் வரைந்தாய்

பதில் நானும் தருமுன்பே

கனவாகி கலைந்தாய்

பிடிவாதம் பிடி

சினம் தீரும் அடி

இழந்தோம் எழில்கோலம்

இனிமேல் மழைக்காலம்

மறுவார்த்தை பேசாதே

மடி மீது நீ தூங்கிடு

இமை போல நான் காக்க

கனவாய் நீ மாறிடு

மயில் தோகை போலே

விரல் உன்னை வருடும்

மனப்பாடமாய்

உரையாடல் நிகழும்

விழி நீரும் வீணாக

இமை தாண்டக் கூடாதென

துளியாக நான் சேர்த்தேன்

கடலாக கண்ணானதே

மறந்தாலும் நான் உன்னை

நினைக்காத நாளில்லையே

பிரிந்தாலும் என் அன்பு

ஒருபோதும் பொய்யில்லையே

மறுவார்த்தை பேசாதே

மடி மீது நீ தூங்கிடு