மனம் வறண்ட மக்களின் வனம் அழித்த செயல்

படித்துக் கொண்டிருக்கும் புத்தகத்திலிருந்து....  

சங்கமக்ராம மாதவனை சர்வதேச தரத்திலேயே எல்லோரும் அங்கீகரித்துள்ளார்கள்.  கால்குலஸை நியூட்டனுக்கு 200 வருடங்களுக்கு முன்பே மாதவனுடைய கேரளா ஸ்கூல் கண்டுபிடித்துவிட்டது.

**********************************

............................................

ஆனால் நீலாண்டன் - 

"வியாஸேவா ரிதினிஹதே 

ரூபஹ்ருதேவ்யாஸ ஸாகரா பிஹதே - 

ஸ்த்ரீஸராதி விஷமஸங்க்யா 

பக்தம்ருணம் ஸ்வம் ப்ருதக்ரமால் குர்யால்."

என்று சொல்லி நிறுத்தியதும் இட்டிக்கோரா கொஞ்சம் ஆலோசித்தவாறு இருந்துவிட்டான்.  ஆனால் நிமிடத்துக்குள் விஷயம் பிடிபட்டபோது மகிழ்ச்சியைப் பொறுக்க முடியாமல் எழுந்தவன் நீலாண்டனை இரண்டு கைகளாலும் கட்டியணைத்துத் தழுவிக் கொண்டான்.

"நம்பூரி, நீ சாதாரணமானவன் இல்ல.  ஹைபேஷ்யாவோட மூணாம் வரிசையில சொன்னதுதான் இது.  விட்டத்த சமுத்திரத்தால் பெருக்கி ரூபத்தால் வகுத்து,  பின் விட்டத்த சாகரத்தால பெருக்கியதை த்ரீ, சரம் முதலான வரைமுறையற்ற  எண்களால் வகுத்தும், கழித்தும் கூட்டிக்கொண்டும் இருங்கள் என்பது ஒரு மொற.  அலெக்ஸாண்டிரியாவிலேயே நான் இதப்பத்தி கத்துக்கிட்டேன்தா.  ஆனா,  இத எப்படி நான் தெளிவிப்பது?"

"தெளிவிக்கணும்னு யாரு சொன்னாங்க?"

"அதா, உங்களோட கேள்வி நம்பூரி.  மேற்கத்திய நாடுங்கள்லவுள்ள மொறய ஒட்டி சும்மா ஒரு சித்தாந்தத்த சொன்னா மட்டும் போதாது.  அத தெளிவுபடுத்தணும்.  இங்க அது வேணாம்.  எந்த சித்தாந்தத்தையும் தெளிவுபடுத்தினாதா அது சித்தாந்தமாயி கணக்காக்க முடியும்னு ஹைபேஷிய மொற சொல்றது...  ஆமாம், இந்த ஹைபேஷியா யாருன்னு உங்களுக்குத் தெரியுமா நம்பூரி?"

"இல்லியே..."

"ஏறக்குறைய ஆயிரம் வருஷத்துக்கு முன்னால அலெக்ஸாண்டிரியாவிலிருந்த ரொம்ப திறமைசாலியான ஒரு பொண்ணு அவ.  உலகத்திலவுள்ள இன்றைய கணக்கோட அடிப்படை பூராவும் அந்தப் பொண்ணோட சித்தாந்தங்கதா.  ஹைபேஷ்யாவின் மூணாம் வரிசைன்னு சொல்றதுதா இப்ப நீங்க சொன்னது நம்பூரி.  நான் கற்றதயொட்டி அத இப்படித்தா எழுதமுடியும்...

பை = 

"ஹைபேஷ்யாவின் சித்தாந்தங்கள் லத்தீனிலும் ஹீப்ருவிலும் அரபியிலுமெல்லாமாக உலகம் முழுவதும் பரவியிருக்கு "

"இத மூணாம் வரிசைன்னு சொன்னீங்களே..  அப்படின்னா ஒன்னாம் வரிசை எது?"

"அது ரொம்ப பிரபலமாச்சே...  அதயொட்டிதானே கடவுளு இந்த ஒலகத்தையே படைச்சாராம்.  பார்ப்பதற்கு அழகான எந்தவொரு பொருள் எடுத்து நோக்கினாலும் அதுல இந்த வரிசையப் பார்க்கலாம்.  சூரியகாந்திப் பூவுக்குள் நடுவுலவுள்ள மகரந்தங்களை ஒருமுறை எண்ணிப் பாருங்க..   இல்லேன்னா அன்னாசிப்பழத்தப் பாருங்க.  அதுக்கெல்லாம் ஒழுங்கு இல்லாமைக்கு ஒரு ஒழுங்குண்டு.  அதா ஹைபேஷ்யாவின் ஒன்னாம் வரிசை.   0, 1, 1, 2, 3, 5, 8, 13, 21, 34, 55... ன்னு அப்படியே போவும்.  இந்த வரிசையிலவுள்ள ஒரு எண்ணோடு கூட முன்னாலுள்ள எண்ணக் கூட்டினா அடுத்த எண் கிடைக்கும்.  இதக் குறுக்கும் நெடுக்கும் இடும்போதுதான் சூரியகாந்தியிலவுள்ள வடிவம் உண்டாவும்.  இப்ப ரோம ராஜ்யத்துலவுள்ள சில ஆளுங்க நாங்கதான் இதயெல்லாம் கண்டுபிடிச்சோம்னு சொல்லித் துள்ளித் திரியறாங்க."

"இந்த ஹைபேஷ்யா அசாத்தியமான புத்திசாலிதா.  நம்ம முன்னால கெடக்கற பொருளுங்கள இதுவா இப்படிப்பட்ட கனக்குக் கண்ணோட்டத்துல நோக்கத் தோணலயே...."

"அது மட்டுமல்ல.  இந்த வரிசையிலவுள்ள அடுத்தடுத்த ரெண்டு எண்களுக்கு இடையில ஒரு அளவுண்டு.  அதுக்கு புனித அளவுன்னுதான் சொல்லுவாங்க...  1.6180339887...   அதான் கடவுளோட படைப்புங்களிலவுள்ள சௌந்தர்யத்தின் அளவு.  ஹைபேஷ்யாவின் உடலிலுள்ள எல்லா உறுப்புகளும் துல்லியமான புனித அளவுலதா இருந்துதாம்.".....

"அதா சுவாரஸ்யம்.. ஆகாயத்தில நாம பாக்குற மின்னற வெள்ளை நட்சத்திரங்களைப் போல கருப்பு நட்சத்திரங்களும் இருக்காம்.  ஒரு வெள்ளை நட்சத்திரத்துக்கு பதினெட்டு கருப்பு நட்சத்திரம்னு வைச்சிகிட்டா, அப்போ வானம் முழுவதிலும் எத்தன நட்சத்திரம்னுதா கண்டங்கோரனோட கேள்வி"'

ஃபிரான்ஸிஸ் இட்டிக்கோரா -   ட்டி.டி. ராமகிருஷ்ணன்.

தமிழில் குறிஞ்சிவேலன்.

உயிர்மைப் பதிப்பகம் - 275 ரூபாய். 352 பக்கங்கள்.

===========================================================================================================

திருச்சி,  ஸ்ரீரங்கத்தில் மழையும்.  கீதாக்கா, திருமதி வெங்கட் முகநூலில் சொல்லி இருக்கிறார்கள்.  சென்னை அனல் பறக்கிறது.  போரில் தண்ணீர் வேறு குறைந்து கொண்டே வருகிறது..   2013 இல் நான் வைத்த வேண்டுகோளை மறுபடி வைக்கிறேன்...!!

=============================================================================================================

ஏப்ரல் 26 ம் தேதி பதிவில் சுஜாதா ரசித்த கன்னியப்பன் எழுதிய பாரதி கவிதை உல்டா ஒன்று வெளியிட்டிருந்தேன்.  இது என் தந்தை பாஹே 2012 ஏப்ரல்ஆறாம் தேதி பகிர்ந்தது.   இதுவும் கூட பாரதி கவிதை உல்டாதான்!

எனக்கும் கூட 

                              காணி நிலம் வேண்டும் - 

பால்கனியுடன் ஒரு மாடி அறை 

                              அட்டாச்டு பாத்ரூமுடன்,

                              கீழே மெஸ் நடத்தும் மாமி -

                              இரு வேளை காபி, மதிய சாப்பாடு 

இரவு டிபன், பால்

                              அப்பப்போ செகண்ட் டோஸ் காபி - 

                              மாமி தந்து விட வேண்டும் (விலைக்குத்தான்)

பத்திரிகைக் கடை ஒன்று மஸ்ட்.

                              ஒரு நூலகம் கூட ரொம்ப ரொம்ப அவசியம். -

                              எல்லா லேட்டஸ்ட் வெளியீடுகளுடனும்.

மாமிக்கு ஒரு பள்ளிப் பையன்    

                              சைக்கிளுடன் இருக்க வேண்டும்.

                              மருந்துக் கடை பத்திரிகைக் கடைகளுக்குப்

                              போய் வருபவனாக அவன் -

ஒரு கல்லூரி மாணவி

                              மாமிக்கு இருக்கட்டுமே - 

                              மறந்து விட்ட ஒண்ணா

                              மாமி இரண்டாம் தாரமாக 

                              இருந்தால் பெட்டர் - 

                              குடியிருப்பு ஒழுங்கான வீதியாக

                              எல்லையில் ஓடும் ஆறு -

                              குளிக்க வசதியான படிக்கட்டுடன் -

                              ரொம்ப முக்கியம்

                              கரையில் ஒரு படர்ந்து விரிந்த ஆலமரம்.

                              தலைவைத்துப் படுக்க வேர்கள் புடைத்து -

இந்த சொர்க்கம்

                              எங்கே கிடைக்கும் -

                              எனக்கு வேண்டுமே.......  

                              வேண்டவே வேண்டாம்

                              எனக்கு எப்போதும் -

                              ஒரு கடப்பாடு போல

                              வேளா வேளைக்கு 

                              கட்டாய உணவு.

                              பேசத் தெரியாத,

                              படித்ததைப் பகிரத் தெரியாத

                              நட்பு, உறவு.

                              விஜய்களும், தனுஷ்களும், ரஜினிகளும் 

                              அழையா விருந்தாளிகளாய்

                              தினம் தினம் வந்துபோகும்

                              முட்டாள் பெட்டி

                              வார, மாத பருவ ஏடுகள். 

 ==========================================================================================================

உறவில் ஒருவர் நைட்டிங்கேல் பற்றி கவிதை (மாதிரிதான்!!!) எழுதித் தரச் சொல்லிக் கேட்டிருந்தார்.  சுமாராய் ஒன்றை எழுதி,  அவருக்கு வாட்ஸாப்பில் அனுப்பி ஒரு வாரமாகிறது.  ப்ளூ டிக்கும் விழுந்திருக்கிறது.  இன்னும் அபிப்ராயம் வரவில்லை!  சோகம்!

நைட்டிங்கேல்..

சேவைகளின் மொத்த அகராதி 

அன்பின் மிச்சம் ;

தியாகங்களின் உச்சம் 

கைவிளக்கேந்திய காரிகை 

தியாகத்துக்கெல்லாம் அவள் தூரிகை 

சேவை அவளது உயிர்நாடி - அதனால் 

பறந்தன நோய்கள் விரைந்தோடி.

நோயாளிகளுக்கு அவள் தாய் மாதிரி 

அவர்களின் 

நோய்களுக்குதான் அவள் எதிரி 

அவள் 

கடவுளின் செல்லப்பிள்ளை 

என்றும்

பணத்தைப் பெரிதாய் மதித்ததில்லை 

சேவைகளுக்குக் கொடுத்தாள் முதலிடம் 

சொந்த சுகங்களுக்கு அவள் வாழ்வில் ஏது இடம்?

அன்பிற்கும் பண்பிற்கும் அவள் கண்ணாடி  

செவிலியர்க்கெல்லாம் அவள் முன்னோடி 

சேவையால் துஞ்சவில்லை அவள் கண்ணினம் 

அவளால் பெருமை கொண்டது பெண்ணினம் 

=================================================================================================================

சந்திரபாபுவின் திருமணத்தை நடத்தி வைத்தவர், ஆர்ச் பிஷப் அடைக்கலம்; அவரே, சந்திரபாபுவின் இறுதிச் சடங்கையும் செய்ய வேண்டியதாயிற்று. அப்போது, பிஷப் அழுததைப் பார்த்து பலரும் கண் கலங்கினர். கல்லறை தோட்டத்தில் தனக்காக ஒதுக்கி வைத்திருந்த இடத்தை சந்திரபாபுவுக்காக விட்டுக் கொடுத்தார், பிஷப். 

சந்திரபாபு அடிக்கடி சொல்வது இதுதான்...

'என்னை, முற்றிலும் புரிந்து கொண்டவர்கள் யாரும் இல்லை; ஏன், என் பெற்றோர் கூட என்னை சரியாக புரிந்து கொள்ளவில்லை. ஆகவே, மற்றவர்கள் யாராவது என்னை புரிந்துகொண்டதாக சொன்னால், நம்புவதற்கு கடினமாகவும், அதேசமயம் சிரிப்பும் வரும்...' என்பார்.  

தினமலரிலிருந்து.... (அவர்கள் முகில் சிவா நூலிலிருந்து எடுத்துப் போட்டிருந்தார்கள்)

====================================================================================================

"இப்போ அவ்வளவுதான்...  சரி..  அடுத்த வாரம் பார்ப்போமா...?"