வெள்ளி வீடியோ : இங்கு நேத்திருந்தது பூத்திருந்தது காட்டுக்குள் ஒரு நெருஞ்சி

புதிய சங்கமம்.  சாருஹாசன் இயக்கத்தில் 1983 ஆம் ஆண்டு வெளிவந்த படம்.  சுஹாசினி, பிரபு, சந்திரசேகர் நடித்த திரைப்படம்.

இதைத்தவிர வேறு விவரம் எதுவும் தெரியாது.  சுஹாசினி ஆரம்ப காலங்களில் எல்லா விதமான படங்களிலும் நடித்திருக்கிறார்.  கலைப்படம் என்று சொல்லக்கூடிய படங்களாய் இருந்திருக்கும் என்று நினைக்கிறேன். கல்யாண காலம்,புதிய சங்கமம் (இது அவர் தந்தையே இயக்கிய படம்), மருமகள், ஆகாய கங்கை என்ற படங்களில் எல்லாம் நடித்திருக்கிறார்!

பாடல் அப்போது கேட்டிருக்கிறேன்.  மறுபடியும் சில நாட்களுக்கு முன் நினைவு வந்தது.  வெள்ளி வீடியோவில் இணைத்து விடலாம் என்று எடுத்து விட்டேன்.

சற்றே கிராமத்து வாசனை வீசும் பாடல்.  காட்சியில் சந்திரசேகரும் சுஹாசினியும்.  அவர்கள் காதல் ஒரு சிறு பெண்ணுடைய சாட்சியில் அரங்கேறுகிறது.  பின்னணி இசை கவர்கிறது.

பாடல் எழுதியவர் யார் என்று தெரியவில்லை.  இசை கங்கை அமரன். பாடலையும் அவரே எழுதி இருக்கக்கூடும்.

முக்கியமான குறிப்பு :  காட்சியாக காணாமல் பாடலைக் கேட்டால் குறை சொல்ல மாட்டீர்கள்.

எனக்கும் உனக்கும் இனிமேல் என்ன குறை 

இருக்கும் வரைக்கும் படிப்போம் அன்புக்கதை 

இது அரியசம்பவம் உன் அழகு மங்கலம் 

தரும் மஞ்சள் குங்குமம் புதிய சங்கமம் 

உன்னால் வந்தது என்னால் வந்தது உலகில் நமது சொந்தம் 

உனைக் கண்ணால் கண்டதும் நெஞ்சால் தொட்டதும் கனிந்துவிட்டது மஞ்சம்..

இங்கு நேத்திருந்தது  பூத்திருந்தது காட்டுக்குள் ஒரு நெருஞ்சி 

ஒரு காலம் வந்தது  நேரம் வந்தது மலர்ந்து விட்டது குறிஞ்சி  

உன் அன்பு எனது இல்லம் அது இனிக்கும் சர்க்கரை வெல்லம் 

இது எந்தன் பாக்கியம் இனிய காவியம் 

நெஞ்சில் உள்ளதும் நினைவில் உள்ளதும் நடந்து விட்டது இன்று 

இங்கு கொஞ்சி நிற்குது குலுங்கி நிற்குது நெறஞ்ச மனசு ரெண்டு 

எப்படி எப்படி நடக்குமென்று எவருக்கிங்கே தெரியும் 

எல்லாம் வல்லவன் போடும் முடிச்சை யாரால் அவிழ்க்க முடியும் 

அந்த விதியின் வலிமை பெரிசு சொந்த மதியின் வலிமை சிறிசு 

ஒரு தெய்வம் வந்தது உறவைத் தந்தது...