வெள்ளி வீடியோ : மல்லிகை பூச்செடி பூத்தது போல் என் உள்ளமும் பூத்ததடி

1990 இல் வெளிவந்த திரைப்படம் பெரிய வீட்டுப் பண்ணைக்காரன்.  கார்த்திக் கனகா நடித்த படம்.  முந்தைய வருடம் வெளியான பாண்டி நாட்டுத் தங்கம் தந்த வெற்றியினால் அதே போல எடுக்க நினைத்திருப்பார்கள் போலும். இளையராஜா கைவிடவில்லை.

வழக்கம்போல நான் பார்க்காத படம்.  பாடல்களை ரசிக்கத் தவறவும் இல்லை!  இவை எல்லாம் பெரும்பாலும் நான் அலுவலகம் செல்லும்போது ஜெயவிலாஸ் பஸ்களில் போடக் கேட்டு ரசித்த பாடல்கள்...

ரசிக்கத்தக்க பாடல்களைக் கொடுத்திருப்பார் இளையராஜா. மனோ குரலில் 'சும்மா நீ நிக்காதே' பாடல், 'முத்துமுத்து மேடைபோட்டு' என்று யேசுதாஸ்- ஜானகி குரலில், 'மல்லிகையே மல்லிகையே' என்று யேசுதாஸ்-சித்ரா குரலில்... 

இன்று மூன்று பாடல்களை பகிர்கிறேன்.  (ரொம்ப ஓவரோ!!)

மூன்றாமிடத்தில் சும்மா நீ நிக்காதே பாடல்...  கவிஞர் பிறைசூடன் எழுதிய பாடல்.  மனோ குரல்.  எஸ் பி பியின் நகல்குரல் என்று அப்போது சொல்லப்பட்டவர்.  அப்புறம் தனியாக ஒருஇடத்தைப் பிடித்துக்கொண்டார்.

சும்மா நீ சுத்தாதே சொன்னாலே தட்டாதே 

ரெண்டு கையும் உண்டு காலும் உண்டு எதுக்காக இங்கு உழைக்கணும் அதுக்காக 

உண்மை உழைப்புக்கு பலன் உண்டு உயர்வாக 

நன்மை விளைந்திடும் நமக்காக 

வெள்ளிமணிதான் ஒலிக்கும் எங்க மீனாக்ஷி சிரிப்பினிலே 

வெண்ணிலவுதான் சிரிக்கும் அவள் கண் ஆட்சி அரசினிலே 

வந்து அவள் அழகைக்கண்டால் அந்த சொந்தமொழி மறந்துவிடும் 

சொல்லிச் சொல்லிப் பாட்டெடுத்தால் 

துன்பம் சொல்லிக்கொண்டு பறந்து விடும் 

தந்தாளே பொன்னுலகம் வந்தோமே பாடுபட 

இது போனா மறுபடி வருமா 

கை அசைவில் நாதம் எழும் சிறுகண் அசைவில் கீதம் வரும் 

கொல்லவரும் கொடியவரும் இவர் மெல்லிசைக்கு அடிபணிவார் 

பைந்தமிழின் காணிக்கையோ நல்ல பண்ணிசைக்கும் மாணிக்கமோ 

தன் உழைப்பில் உயர்ந்தவர்தான் என் இளையராஜனம்மா  

நல்ல மனம் நல்லுழைப்பு அன்னையருள் இங்கிருந்தா 

இந்த உலகம் அவன் காலடியில் 

இரண்டாம் இடத்தில் யேசுதாஸ் - சித்ரா பாடியிருக்கும் இந்தப்பாடல் கவிஞர் நா காமராஜன் எழுதிய பாடல்.

மல்லிகையே மல்லிகையே தூதாகப் போ 

துள்ளிவரும் தென்றலையே நீ சேர்த்துப்போ 

நோய்கொண்டு நான் சிறு நூலாகினேன் 

தேயாமலே பிறைபோல் ஆகிறேன் 

தாங்காது இனி தாங்காது 

சந்திரனும்சுட்டது இங்கே சந்தனமும் போனது எங்கே 

ஒத்தையிலே நிக்கிறேன் கண்ணே நித்திரையும் கெட்ட்து பெண்ணே 

மணிக்குயில்பாடும் குரல் கேட்டு வருவாயா 

தனிமையில் வந்து ஒன்று கேட்டால் தருவாயா 

மீண்டும் மீண்டும் நீ அதைக் கேட்டுப் பாரம்மா 

என்மனசு என்னிடமில்லை ராத்திரியில் எத்தனை தொல்லை 

செண்பகமும் மல்லிகை மொட்டும் வந்து வந்து வாட்டுது என்னை 

கனவுகள் போலே கண்ணில் நீயே வரும் நேரம் 

மனதினில் பாலும் இன்பத்தேனும் கலந்தோடும் 

ஆடிப்பாடத்தான் வரும் ஆசைத் தேரும் நீ 

முதலிடத்தில் மனோவும் சித்ராவும் பாடியிருக்கும் இந்தப் பாடல் கவிஞர் மு மேத்தா எழுதியது.

நிக்கட்டுமா போகட்டுமா 

நீலக் கருங்குயிலே நீலக்கருங்குயிலே 

தாவணி போய் சேலை வந்து 

சேலை தொடும் வேளை வந்து 

தாவுதடி  

சொல்லட்டுமா தள்ளட்டுமா 

சோலைக் கருங்குயிலே சோலைக் கருங்குயிலே  

ஓடையில் நான் அமர்ந்தேன் அதில் என்முகம் பார்த்திருந்தேன் 

ஓடையில் பார்த்த முகம்  அது உன் முகமானதென்ன 

வாடையில் வாடிடும் பூவினைப்போல் 

என் நெஞ்சமும் ஆனதென்ன  

தேரடி வீதியிலே  ஒரு தோரணம் நான் தொடுத்தேன் 

தோரண வாசலிலே  ஒரு தோழியை கைப்பிடித்தேன் 

பிடித்த கரம் இணைந்திடுமா இணைந்திடும் நாள் வருமா  

ராத்திரி நேரத்திலே ஒரு ராகமும் கேட்டதடி 

கேட்டது கிடைக்குமென்று ஒரு சேதியும் சொன்னதடி 

மல்லிகை பூச்செடி பூத்தது போல் என் உள்ளமும் பூத்ததடி  

அம்மனின் கோவிலிலே அன்று ஆசையில் நான் நடந்தேன்  

உன் மனக்கோவிலிலே மெட்டி ஓசையில் பின் தொடர்ந்தேன் 

நாடியது நடந்திடுமா நடந்திடும் நாள் வருமா