"திங்க"க்கிழமை : சைவ இறால் தொக்கு - ஜெயக்குமார் சந்திரசேகரன் ரெஸிப்பி

 

சைவ இறால் தொக்கு

திண்டுக்கல் சமையல்

மறுபதிப்பு - JKC. நன்றி முகநூல்.

ஸ்ரீராம் பெரிய்ய்ய ஹோட்டலில் சைவ இறால் சாப்பிட்டதை குறிப்பிட்டு அதை படமும் எடுத்து வெளியிட்டார். நான் சைவ இறால் என்றால் என்ன, எதைக் கொண்டு சைவ இறால் செய்யப்படும் என்ற கேள்வியை எழுப்பினேன். பதில் கிடைக்கவில்லை. கேள்வி மண்டையைக் குடைந்து கொண்டே இருந்தது.

அப்போதுதான் இந்த சமையல் குறிப்பை முக நூலில் கண்டேன். நான் அறிந்த சைவ இறால் தொக்கு செய்யும் முறையை எ பி வாசகர்களும் தெரிந்து கொள்ளட்டும் என்ற ஆர்வத்தால் இங்கே பதிவாக தந்துள்ளேன்…..ஸ்ரீராம் வெளியிடுவார் என்ற நம்பிக்கையில்.

சைவ இறால் தொக்கு செய்வது எப்படி .....

தேவையான பொருட்கள்

பனீர் – 100 கிராம்,

வெள்ளை கொண்டைக் கடலை – 150 கிராம்,

மிளகாய்த்தூள் – ஒரு டேபிள் ஸ்பூன்,

கடலை மாவு – ஒரு டேபிள் ஸ்பூன்,

மைதா மாவு – ஒரு டேபிள் ஸ்பூன்,

வெங்காயம் – ஒன்று,

தக்காளி – 2,

இஞ்சி பூண்டு பேஸ்ட் – ஒரு டீஸ்பூன்,

உப்பு – தேவையான அளவு

மல்லித்தூள் – ஒரு டேபிள் ஸ்பூன்,

மிளகுத்தூள் – 1/4 டீஸ்பூன்,

மஞ்சள்தூள் – 1/4 டீஸ்பூன்,

கரம் மசாலா – 1/4 டீஸ்பூன்,

எண்ணெய் பொறிப்பதற்கு – தேவையான அளவு,

கருவேப்பிலை கொத்தமல்லி – சிறிதளவு

செய்முறை

முதலில் வெள்ளை கொண்டைக் கடலையை முதல் நாள் இரவே தண்ணர் ஊற்றி ஊற வைத்துக் கொள்ளுங்கள். மறுநாள் காலை யில் ஒரு மிக்ஸி ஜாரை எடுத்து ஊற வைத்திருந்த கொண்டைக் கடலை யை அதில் சே ர்க்க வே ண்டும். பிறகு பனீரை நறுக்கி அதையும் சேர்த்துக் கொள்ளுங்கள். தண்ணீர் ஊற்றாமல் நன்றாக அரைத்துக் கொள்ளுங்கள். அரைத்த இந்த பேஸ்ட்டை ஒரு பாத்திரத்தில் சேர்த்து அதில் அரை டேபிள் ஸ்பூன் அளவிற்கு மிளகாய் தூளை சேர்த்து, கடலை மாவையும், மைதா மாவையும் சே த்து நன்றாகப் பிணைந்து கொள்ளுங்கள்.

தேவைப்படும் பட்சத்தில் ஒரு டேபிள் ஸ்பூன் மட்டும் தண்ணீரைச் சேர்த்து பிணைந்து கொள்ளலாம். அதிகளவில் தண்ணீர் சேர்க்கக்கூடாது. இதை நன்றாக பிணைந்து மிருதுவான மாவாக மாற்றிக் கொள்ளுங்கள். இப்பொழுது இந்த மாவை சிறு சிறு உருண்டைகளாக எடுத்து நீள வாக்கில் உருட்டி அதில் கத்தியை பயன்படுத்தி இறால் போல நடுவில் லேசாக நறுக்கிக் கொள்ளுங்கள். இப்படி அனைத்து மாவையும் இறால் வடிவத்தில் தயார் செய்து அதை சுருட்டி வைத்துக் கொள்ளுங்கள்.

இப்பொழுது அடுப்பில் ஒரு கடாயை வைத்து இறாலை பொரிப்பதற்குத் தேவையான அளவு எண்ணையை ஊற்றி இறாலை போட்டு லேசாகச் சிவக்கும் வரை போட்டு எடுத்து வைத்துக் கொள்ளுங்கள்

மீதம் இருக்கும் எண்ணையிலேயே பொடியாக நறுக்கிய ஒரு வெங்காயத்தைப் போட்டு நன்றாக வதக்க வேண்டும். வெங்காயம் வதங்கிய பிறகு அதில் பொடியாக நறுக்கி வைத்திருக்கும் தக்காளி, இஞ்சி, பூண்டு பேஸ்ட், தேவையான அளவு உப்பு மீதம் இருக்கும் மிளகாய் தூள், மல்லித் தூள், மிளகுத் தூள், மஞ்சள் தூள், க்ரம் மசாலா இவை அனைத்தையும் சேர்த்து நன்றாக வதக்க வேன்டும்.

பச்சை வாடை போகும் வரை வதக்க வேண்டும். இவை அனை த்தும் நன்றாக வதங்கிய பிறகு இதில் கால் டம்ளர் அளவிற்கு தண்ணீரை ஊற்றி நன்றாக கலந்து விடுங்கள். இப்பொழுது நாம் வறுத்து எடுத்து வைத்திருக்கும் இறாலை அந்த தொக்கில் போட்டு இறால் நன்றாகத் தொக்கை உரியும் அளவிற்குப் பிரட்டி விட வேண்டும். சிறிது நேரத்தில் இறால் அந்தத் தொக்கை அனைத்தையும் உறிந்து விடும். இப்பொழுது பொடியாக நறுக்கி வைத்திருக்கும் கருவேப்பிலை கொத்தமல்லியை தூவி இறக்கினோம் என்றால் சுவையான சைவ இறால் தொக்கு தயாராகி இருக்கும்...

#திண்டுக்கல்சமையல்

சமையல் இரண்டு பகுதிகள். முதலில் இறால் செய்ய வேண்டும். அதற்கு பனீர், கடலை மாவு, ஊற வைத்த சன்னா அரைத்தது, மைதா, மிளகாய் தூள் சேர்த்து கட்டியாக பிசைந்து, இறால் வடிவ பொம்மைகள் உண்டாக்கி எண்ணையில் பொரித்து எடுக்க வேண்டும்.

பின்னர் தொக்கு உண்டாக்க வேண்டும். வெங்காயம், தக்காளி, இஞ்சி பூண்டு விழுது, மிளகாய் தூள், மிளகு தூள், மல்லித்தூள், மஞ்சள் தூள், கரம் மசாலா, ஆகியவற்றை பேஸ்ட் பருவம் வரும் வரை எண்ணையில் வதக்கவும்.

பொரித்த சைவ இறால்களை இந்த பேஸ்டில் நன்றாகப் பிரட்டிய பின் பொரித்த கருவேப்பிலை, நறுக்கிய கொத்தமல்லித் தழை தூவி பரிமாறவும்.

செய்முறையில் உப்பைப் பற்றி கூறவில்லை, தேவைக்கேற்ப உப்பு சேர்க்க மறக்காதீர்கள்.