Futures Options.

மார்ஜின் ட்ரேடிங் என்பது புரோகர் உங்களை ஆயிரம் ரூபாய் முதலீடு செய்யச்சொல்லி அதன் பேரில் பத்தாயிரம் ரூபாய்க்கு ஷேர் வாங்க அனுமதிப்பதாகும். இதனால் போண்டி ஆனவர்கள் பல பேர்.  பண வசதி கிடைத்திருக்கிறது என்பதால் அளவுக்கு மேல் வாங்கி நஷ்டப்படுவது இயல்பான பலவீனம்.

பியூசர்ஸ் / ஆப்ஷன்ஸ் பற்றி மிகச் சுருக்கமாக சொல்கிறேன். விளக்கமாக வேண்டும் என்றால், hdfcsec.com தளத்தில்  knowledge சென்டர் பகுதியில் பார்க்கவும்.

நிப்டி இன்டெக்ஸ் நாளுக்கு நாள் அல்ல நிமிஷத்துக்கு நிமிஷம் மாறுகிறது என்பது நம்  எல்லாருக்கும் தெரியும். அந்த இன்டெக்ஸ் ஐ ஒரு பங்காக எண்ணிக் கொள்ளுங்கள். இதில் ஐம்பது பங்குகளை ஒரு லாட் என்கிறோம்.  இந்த ஒரு லாட் ஐ வாங்க Rs. 4424 x 50  முதலீடு செய்யத் தேவையில்லை.  ரிலையன்ஸ் மணி இல 40000 இருந்தால் ஒரு லாட் ஐ வாங்கலாம். பத்து நிமிஷத்தில் இன்டெக்ஸ் பத்து பாயின்ட் ஏறி விட்டால் உங்கள் லாபம் Rs 10 x 50  500 ஆகிறது.  உடனே விற்று லாபத்தை வரவில் வைத்துக் கொள்ளலாம்.  இன்டெக்ஸ் இறங்கினால் நஷ்டம்.  ஆனால் லாபம் வரும் வரை காத்திருக்கலாம். அல்லது stop loss முறையில் கொஞ்சம் நஷ்டம் இருக்கும்போதே விற்று விட்டு வெளியே வந்து விடலாம். பியூசர்ஸ் ஒரு  மாதம் முதல் மூன்று மாதம் வரை உயிருடன் இருக்கும். அதற்குள் உங்கள் லாபத்தை சம்பாதித்துக் கொள்வது உங்கள் சாமர்த்தியம். இதில் விளையாட மார்கெட் எப்படிப் போகும் எப்போது திரும்பும் என்ற தீர்மானம் இருக்கவேண்டும்.

ஆப்ஷன்ஸ் கூட இதே தான். ஆனால் நிபிட்டி ஐ இந்த விலைக்கு விற்கிறேன் அல்லது இந்த விலைக்கு வாங்குகிறேன் என்ற உரிமைக்கு ஒரு பிரீமியம் செலுத்தி ஐம்பது வாங்க வேண்டும். லாபம் பார்த்தால் விற்று விடலாம்.

Derivatives Trading  இல பெரிய கவர்ச்சி நீங்கள் வாங்கித்தான் விற்க வேண்டும் என்பதில்லை.  அதிக விலை இருக்கும் போது விற்று வைத்துக் கொண்டு விலை குறையும் போது வாங்கி லாபம் பார்க்கலாம்.

இந்த வியாபாரம் மிக ஆபத்தானது. எச்சரிக்கை புத்திசாலித் தனம், தீர்க்க தரிசனம் எல்லாம் வேண்டும்.  வாரி இறைக்க நிறைய பணம் எல்லாமே இருக்கவேண்டும். ஜாக்கிரதை.