திங்கக்கிழமை 170529 :: ஒடியல் கூழ் - அதிரா ரெஸிப்பி

யாழ்ப்பாணத்து ஒடியல் கூழ்

அம்மா வாங்கோ!! ஐயா வாங்கோ!! அண்ணா வாங்கோ!!  
அக்கா வாங்கோ!!தம்பி வாங்கோ!!. வெரி சோரி:) தங்கை இங்கு எனக்கு யாருமில்லை.. நான் தான் தங்கை:)[அதாரது முறைக்கிறது கர்ர்ர்ர்ர்ர்ர்ர்:) இப்போ அதுவா முக்கியம்:)]  அதிரா வீட்டில் கூழாம்..   குடிக்கலாம் வாங்கோ. 

இலங்கையில், குறிப்பா வடபகுதியில்தான் பனை மரங்கள் அதிகம், அதனால வட பகுதியில்தான் இந்த ஒடியல் கூழ் பேமஸ். பனங்கிழங்கை பச்சையாகக் காயப்போட்டு, அரைத்து மாவாக்கி எடுப்பதுதான் “ஒடியல் மா” என அழைக்கப்படுகிறது.

பனங்கிழங்கை, அவித்துக் காயப்போட்டால் அது புளுக்கொடியல் ஆகிறது, புளுக்கொடியல் மாவும் கடைகளில் கிடைக்கும், அது பின்னேரங்களில் சீனி தேங்காய்ப்பூச் சேர்த்து குழைத்து  உருண்டைகளாக்கி, ஒரு பிளேன் ரீ உடன் சாப்பிட, என்ன சுசி:) தெரியுமோ.

சரி ,,, கனக்க அலட்டாமல் விசயத்துக்கு வாறேன்:)..

ஒடியல்மா இலங்கைத் தமிழ்க் கடைகள் எங்கும் கிடைக்கும் . புது மாவாகப் பார்த்து வாங்க வேணும், பழைய மாவெனில், கூழ் தடிப்பிருக்காது, நிறமும் ஒருவிதக் கறுப்பாகிடும்(நம்மட அஞ்சுவைப்போல).

தேவையானவை:

[இங்கின இடையில் ஒரு அவசரக்குறிப்பு: இம்முறை கூழ் செய்தபோது நேக்கு.. பலாக்கொட்டையும், முருங்கி இலையும் வீட்டில் இருக்கவில்லை.. அதனால அவை இரண்டும் மிஸ்ஸிங் படத்தில்:).. அதுக்காக என் கிட்னியை ஊஸ் பண்ணி என்ன பண்ணினேன் என்பதை கீழே சொல்றேனே.. பொறுமை பிளீஸ்ஸ்.. அவசரப்படக்குடா சொல்லிட்டேன்ன் கர்ர்ர்ர்ர்ர்ர்ர்ர்ர்ர்ர்:).. பொறுமையா சொல்லித்தருவேன் அதிரா:)].

ஒடியல் மா -7, 8 மேசைக்கரண்டிகள்.
பயத்தங்காய் - 200 கிராம்
பலாக்கொட்டை - 200 கிராம்
மரவள்ளிக்கிழங்கு - 200 கிராம்
முருங்கி:) இலை..- இரு கைப்பிடி.
வெங்காயம், செத்தல் மிளகாய் தேவைக்கு[இதுபற்றி விளக்கமா கீழே சொல்கிறேன்], மிளகு ஒரு பத்து.
புளி - கொஞ்சம் பெரிய தேசிக்காய் அளவு உருண்டை தேவைப்படும்[விதை நீக்கியது], மற்றும் உப்பு.
பொதுவாக இதுக்கு குத்தரிதான் பாவிப்போம், வெள்ளை அரிசி பாவிப்பதில்லை, ஒரு உள்ளங்கை அளவு அரிசி போதும்.
[இங்கு நான் சொன்ன அளவை, கூழ் க்கு வைத்துக் கொண்டு, மேலதிகமாக உங்கள் விருப்பத்துக்கு, பலாக்கொட்டை + மரவள்ளிக் கிழங்கு எடுத்து வையுங்கோ பொரிக்க]

செய்முறை:
முதலில், ஒடியல் மாவை அளந்து எடுத்து, ஒரு டிஸ் இல் போட்டு, மாவின் மேலே நிற்கத்தக்கதாக, தண்ணி விட்டு ஊறவிடுங்கள். ஒரு மணித்தியாலம் ஊறினால் போதும்.
செத்தல் மிளகாயை உங்கள் உறைப்புக்கேற்ப..6-10 . அதனோடு, மிளகையும் சேர்த்து தண்ணியில் ஊறவிடுங்கோ.[மிளகு கட்டாயமில்லை].
புளியை சுடுநீரில் ஊற விடுங்கோ.
பயத்தங்காய் முழுவதையும் கறிக்கு வெட்டுவதுபோல வெட்டி வையுங்கோ.
பலாக்கொட்டைகளை நான்காக வெட்டி எடுங்கோ,
முருங்கி இலைகளைத் துப்பரவாக்கி எடுத்துக் கொள்ளவும்.
மரவள்ளிக் குட்டிக் குட்டி மொத்தத் துண்டுகளாக வெட்டி எடுக்கவும்.[இல்லை எனில் அவிக்கும்போது முற்றிலும் கரைந்து விடும்].

இப்போ ஊறிய மாவின் மேலே கறுப்பாக தண்ணி மிதந்திருக்கும்.. அது மாவில் உள்ள கயர். அதனை மெதுவாக ஆட்டாமல் அசைக்காமல் வடித்து ஊற்றி விடுங்கோ வெளியே. 

வடிக்க முன்

அதிகம் ஒட்ட வடித்தால். நமக்கே தெரியாமல் மாவும் சேர்ந்து போய் விடும் ஜாக்க்க்க்ர்ர்தை:). இப்படி வடிக்காது விட்டால் கூழ் கொஞ்சம் கசப்பு சுவையாக இருக்க வாய்ப்பிருக்கு.. அதனால்தான் இப்படி.

வடித்த பின்

சிலபேர், 2, 3 தடவைகள் இப்படி தண்ணி விட்டு விட்டு, ஊறவிட்டு வடிப்பார்கள்.. தேவையில்லை அப்படி, கயர்த்தன்மை உடம்புக்கு நல்லது என்பது என் கருத்து.

========================================================================
சே..சே..சே... எவ்ளோ நேரம்தான் Dish உடன் காத்திருக்கிறதாம் 

கூழ் குடிக்க கர்ர்ர்ர்ர்:)

========================================================================

அரிசியை கொஞ்ச நேரம் முன், கழுவி ஊற வைத்திடுங்கோ.  பின்பு, அரிசி, பலாக்கொட்டை, பயிற்றங்காய், மரவள்ளிக்கிழங்கு அனைத்தையும் சேர்த்து தண்ணி விட்டு, உப்பும் சேர்த்து அவிய விடோணும்.

அவிந்து வந்ததும், செத்தல் மிளகாய் + மிளகை அப்படியே மிக்ஸியில் அரைத்து எடுத்து, இதனுள் ஊத்தவும்.

பின்னர் பிளி கரைத்து விடவும்... அனைத்தும் நன்றாகக் கொதித்து வந்ததும், இந்த மாவை, தண்ணியில் கரைத்து கொஞ்சம் கொஞ்சமாக விட்டுக் [நெருப்பைக் குறைத்து வைத்துக் கொண்டே] கலக்கவும்.

எப்பவும் கேற்றிலில் கொதி தண்ணி ரெடியாக வைத்திருங்கோ, சில நேரம் கட்டியாகப் பார்க்கும், அந்நேரம் கொதி தண்ணி சேர்த்து கூழ் பதத்துக்கு எடுக்கவும்.

கொதித்ததும் முருங்கி இலை:) சேர்த்து இறக்கவும்.[என்னிடம் முருங்கி இலை இல்லாததால், நான் ஸ்பினாஜ் கீரையில் கொஞ்சம் குட்டியாக அரிந்து சேர்த்தேன்]

இடையில், உங்கள் விருப்பத்துக்கு.. குட்டியாக பலாக்கொட்டை, மரவள்ளிக் கிழங்கை வெட்டிப் பொரித்தெடுக்கவும். நல்ல சைனிஸ் செத்தல் வட்ட வட்ட மிளகாய்(உருண்டை) கிடைக்கிறதெல்லோ... அதிலும் எடுத்து, வெங்காயமும் வெட்டி பொரித்து எடுத்து வைக்கவும்.

பொரித்த அனைத்தையும் ஒன்றாகக் கலந்தாலும் ஓகே அல்லது, ஒவ்வொருவரின் தேவைக்கேற்ப டிஸ் இல் கூழை எடுத்து, இவற்றைப் போட்டும் குடிக்கலாம்.[இது சைவக் கூழ் என்பதால், நிட்சயம் இவற்றைப் பொரித்துச் சேர்த்தால்தான் சுவையாக இருக்கும்].

======================================================================

ஆவ்வ்வ்வ் பொயிண்டுக்கு வந்தாச்சு... ஹையோ இந்தத் துவக்கைப் பார்த்து ஏன் இப்பூடிப் பயந்து ஓடுறீங்க.. இது உங்களை மிரட்ட அல்ல, உங்களை மிரட்டுவேனோ:).. இங்கு வரும் நீங்க எல்லாம் வோட் போட்டு மகுடம் சூட வச்சிடுவீங்க என, எனக்குத் தெரியும், ஆனாலும் இந்த ஹன் ஐ எடுத்துப்போய் மிரட்டி:), உங்கள் நட்புக்களையும் கூட்டியாந்து வோட் பண்ண வச்சிடுங்கோ:)..

முக்கியமா, பகவான் ஜீ இடம்தான் தமனா நட்பு நண்பர்கள் அதிகம் இருக்கிறார்கள்... நான் வாடகை எல்லாம் கேய்க்க மாட்டேன்:), நீங்க தாராளமா எடுத்துப்போய்க் காட்டி,  அவர்கள் எல்லோரையும் மிரட்டிக் கூட்டி வந்து வோட் போட வச்சிடுங்கோ:) கனக்க ஆசைப்பட மாட்டேன் ஒரு 15 போதும்..:) ஹா ஹா ஹா அதாரது உறுமுறது..:) வோட் நேக்கு.. மகுடம் சகோ ஸ்ரீராமுக்கு.[நன்றி ஸ்ரீராம்.. இதனை வெளியிடுவதற்கு]

தங்கூ தங்கூ.. இது சூட்டவிருக்கும் மகுடத்துக்குச் சொன்னேனாக்கும்:)

____()____()____()____()____()____()____( நன்றி)____()____()____()____()____()____

[ அதிரா.   உண்மையைச் சொல்லவேண்டுமென்றால் பனங்கிழங்கு பக்கமே போகமாட்டேன்.  நீங்கள் சொல்லியிருப்பதைப் படத்தில் பார்த்து ரசிக்கிறேன்!    ஹேமா ரெஸிப்பி போடுகிறேனே...  எனக்கு ஒருசிறு பகுதி சுவைக்க வந்துவிடும்!  இனி நெல்லை, உங்களிடம், அஞ்சுவிடம் எல்லாமும் மாதிரிக்குக் கேட்கப்போகிறேன்.  :))  புத்தக விமர்சனத்துக்கு புத்தகக் காபி அனுப்புவது போல!!  - ஸ்ரீராம் ]

நன்றி அதிரா...  எனக்கு வேலையே இல்லை.  நீங்கள்  கொடுத்தபடியே "கோப்பி பேஸ்ட்"  பண்ணிட்டேன்! -   ஸ்ரீராம் 






தமிழ்மணத்தில் வாக்களிக்க லிங்க்.