படிக்காததால் நேர்ந்த அவமானங்கள் ....

1)  ஒரு ரூபாய்க்கு வடையுடன் 12 ரூபாய்க்கு சாப்பாடு.  தாத்தா பாட்டி கடை.  இதிலும் அவர் நாலு பெண்களுக்குத் திருமணமும் செய்து வைத்திருக்கிறார்.  "லாபம் கிடக்குது; உழைப்புக்கான கூலி கிடைச்சா போதும்" என்று சொல்கிறார் அம்மா என்று அன்புடன் அழைக்கப்படும் லட்சுமி அம்மாள்.  (தகவல் மற்றும் லிங்க் உதவிக்கு நன்றி ராஜி சகோ)

2)  இரவு 10 மணிக்கு மீண்டும் ஆட்டோவை எடுத்துக்கொண்டு கிளம்புகிறார். ஹோட்டல்களுக்குச் சென்று, மீதமாகும் உணவுகளை சேகரித்துக்கொண்டு, வீட்டுக்கு வருகிறார். அங்கு தனது தாயுடன் சேர்ந்து, உணவை தனித்தனியே பார்சல் செய்கிறார். ஆதரவற்றவர்களின் இருப்பிடங்கள் நோக்கிச் செல்கிறார். சிறிது நேரத்தில், பசித்தவர்களின் வயிறு போல, வாசுதேவனின் மனமும் நிறைகிறது.  இவ்வாறு யாருக்கும் பயனின்றி வீணாகும் உணவுகளைச் சேகரித்து சாலையோரவாசிகளின் பசியாற்றுகிறார் மதுரையைச் சேர்ந்த ஆட்டோ டிரைவர் டி.ஆர்.வாசுதேவன் (31).

3)  படிக்காததால் தனக்கு நேர்ந்த அவமானங்கள் இனி யாருக்கும் நேரக்கூடாது என்ற வைராக்கியம்தான் ஏழைக் குழந்தைகளுக்கு கல்வி கற்பதற்கான வசதிகளை ஏற்படுத்தி தரத் தூண்டியிருக்கிறது பெரியகுளம் விவசாயி சரவணனுக்கு.