"திங்க"க்கிழமை : கம்பங்-கொள்ளுப் புட்டு:) - அதிரா ரெஸிப்பி

கப்பங்-கொள்ளு சுவீட் புட்டு:)..

கடவுளே.. இண்டைக்கு என் சுவீட் புட்டுக்கு என்ன ஜொள்ளுவினமோ?:))

  

கம்பில், கொள்ளில் எல்லோரும் தோசை, இட்லி செய்கிறார்கள், நான் புட்டு அவிப்பமே எனக் களம் இறங்கினேன்... யூப்பரா வந்துதே...

முக்கால் கப் கொள்ளும், அரைக்கப் கம்பும் எடுத்து  ஊறப்போட்டேன்.. கிட்டத்தட்ட ஒரு இரவு முளுக்க.

பின்பு தண்ணியை வடித்து நன்கு உலர விட்டேன். உலர்ந்தபின் வறுத்து எடுத்தேன். வறுத்தபின் அப்படியே மிக்ஸியில் போட்டு அரைத்து, அரிக்காமலேயே புட்டு அவித்தேன்... நல்ல இனிமையாக மிக யூப்பராக வந்துதே.

அரித்து எடுக்காமையால், கரகரப்பாக இருந்தது, அப்போ மா கடுமையான உதிர்வாக இருந்திடுமோ எனும் பயத்தில் 3,4 மேசைக்கரண்டி அரிசி மாச் சேர்த்துக் குழைச்சேனாக்கும்:)..

ஊறப்போட்ட கம்பன் கொள்ளு ஃபமிலி:))

உலர விட்டபின் ஒன்றாக வறுத்தேன்

நன்கு வறுத்து, அரைத்து எடுத்தபின்... அரிசி மா கொஞ்சம் சேர்த்தேன் + உப்பும் சேர்த்து.....

 

தண்ணியை நன்கு கொதிக்க விட்டு, பின்பு கொஞ்சம் ஆவி போக விட்டபின், கொஞ்சம் கொஞ்சமாக சேர்த்து குழைக்க வேண்டும்.... குழைச்ச பின்னர், பெரிய சிறிய கட்டிகளாக வரும்.. அதனால இப்படி சுளகில் போட்டு, அல்லது பேப்பர், அல்லது அகல போர்ட் எதிலாவது போட்டு, இப்படி நல்ல விழிம்புள்ள கப்பால்... டொக்கு டொக்கு டொக்கென கொத்த வேண்டும், அப்போ எல்லாம் ஒரே சைஸ் உருண்டைகளாகி விடும்:)... நிறைய மா எனில் மிக்ஸியின் நடுக் கப் இருக்குதுதானே, அதில் கொஞ்சம் கொஞ்சமாகப் போட்டு ஒரு ஒரு தடவை சுத்த விட்டும் எடுக்கலாம்..

இந்தச் சுளகு ஃபுரொம் சென்னை ஆக்கும்:)) அக்கா தந்தவ.. இலங்கைச் சுளகு பெரிதாகவும் நல்ல வெள்ளையாகவும் இருக்கும், இது சின்ன சைஸ் ஆகவும், உள்ளே ஏதோ மெழுகு போல போட்டிருக்கினம்.. அது சாணி போட்டு மெழுகியதைப்போல இருக்கு:)), ஏன் அப்படி எனத் தெரியவில்லை.

அத்தோடு தேங்காய்ப்பூவுக்குள் கொஞ்சம் உப்பும் கொஞ்சம் சீனியும் கலந்து எடுத்து, ரெடியா வையுங்கோ.. இன்னொரு டிஸ் ல சக்கரையை தூளாக்கி வச்சிருக்கிறேன்...

இப்போ புட்டுப் பானையில் தண்ணி நன்கு கொதிச்சதும், குழலை எடுத்து முதலில் தேங்காய்ப்பூ.. பின்பு மா... பின்பு சக்கரை .. திரும்ப தேங்காய்ப்பூ.. பின்பு மா... இப்படி மாறி மாறிப் போட்டு, கொதிக்கும் பானையில் வைத்து மூடி விடவும்.

============================= இடைவேளை================================

கொஞ்ச நேரம் அவியட்டும், அதுவரை கொஞ்சம் பேபி அதிராவோடு பேசுவோம்:)

ஸ்ஸ்ஸ்ஸ் எதுக்கு ஜோகமா:) இருக்கிறீங்க :)) எல்லோரும் இம்முறை இப்புட்டு அவிச்சு, கொமெண்ட்ஸ் உம் போடுவினம்.. சிரியுங்கோ:))

======================================================================

 நன்கு அவிந்து ஆவி வரத் தொடங்கியதும் இறக்கவும்.

 

இனிப்புப் பிரியர்கள் எல்லோரும் ஓடி வாங்கோ.. ஆளுக்கு ஒரு புட்டு எடுங்கோ:)) 

ஊசி இணைப்பு:

இவதான் எங்கள் ஊருக்கு ஒவ்வொரு வருடமும் சமரில், தவறாமல் வந்து போவா.. இவவுக்கு நான் வச்சிருக்கும் பெயர்.. “கண்ணழகி”... 

கீதா!! இவவைத்தான் சொன்னேன்:)

தமிழ்மணம்.