"திங்க"கிழமை :: பேபி பொட்டேடோ புதினா குருமா - பானுமதி வெங்கடேஸ்வரன் ரெஸிப்பி

பேபி பொட்டேட்டோ  -  1/2 Kg  

புதினா                           -  1 கட்டு   

பச்சை மிளகாய்        -   4 or 5

பூண்டு                           -   5 பல் 

இஞ்சி                  -   சிறு துண்டு   

லவங்க பட்டை  -    சிறு துண்டு 

தேங்காய் துருவல்     -    4 tb.sp  

தயிர்                                 -   1 tb.sp 

உ ப்பு        - தேவையான அளவு    

பெரிய வெங்காய     - 2 or 3

தாளிக்க ஒரு மேஜைக் கரண்டி எண்ணையும், சிறிது சீரகமும்.             

செய்முறை: 

பேபி பொட்டேட்டோ எனப்படும்  சிறு உருளைக் கிழங்கை வேக வைத்து தோலுரித்து தனியாக வைத்துக் கொள்ளவும். புதினா கீரையை ஆய்ந்து நன்கு அலம்பி, வெங்காயம் தவிர மேலே சொல்லப் பட்டிருக்கும் மற்ற பொருள்களோடு சேர்த்து அரைத்துக் கொள்ளவும். 

ஒரு வாணலியை அடுப்பில் வைத்து எண்ணெய் ஊற்றி, சீரகம் சேர்த்து தாளித்துக் கொள்ளவும். அதில் பொடியாக நறுக்கிய வெங்காயத்தை சேர்த்து பொன்னிறமாக வதக்கவும்.  

பின்னர் வேக வைத்து தோல் உரிக்கப்பட்ட உருளைக் கிழங்குகளை அதில் சேர்த்து, அரைத்து வைக்கப்பட்டிருக்கும் புதினா மசாலா கலவையோடு உப்பும் சேர்த்து கொதிக்க விடவும். உ.கிழங்கும், புதினா கலவையும் சேர்ந்து கொதித்ததும் தயிர் சேர்த்து கிளறி,ரெண்டு நிமிடம் அடுப்பில் வைத்திருந்து பின்னர் இறக்கி விடலாம். சப்பாத்தி,பூரி போன்றவைகளுக்கு சரியான சைட் டிஷ் இது. 

குறிப்பு: சிறு உருளை கிழங்கில்தான்  இதை செய்ய வேண்டும் என்பதில்லை. பெரிய உ.கிழங்கிலும் செய்யலாம். வேக வைத்த கிழங்குகளை சிறு துண்டுகளாக நறுக்கிக்கொள்ள வேண்டும்.  புதினாவுக்கு பதிலாக கொத்துமல்லியும் உபயோகிக்கலாம், அல்லது இரண்டும் சேர்த்தும் செய்யலாம். 

[ கண்டிப்பாக ஒருமுறை செய்து பார்க்கிறேன்.  என் ஆவல் பெருகுதே...!  - ஸ்ரீராம். ]