எம் ஜி ஆர் வயது 102 - ஒரு வெட்டி ஆராய்ச்சி...

(1)

"...  அதனால்தான் யாருக்கு பட்டம் பதவி வந்தாலும் நான் அது பற்றி கவலைப்படுவது கிடையாது.  அப்படிக் கவலைப் பட்டுக் கொண்டிருந்தால், இந்த 56 வயதில் துணிந்து பல விஷயங்களை என்னால் செய்து கொண்டிருக்க முடியாது...."

இப்படி எம் ஜி ஆர் சொல்லி இருப்பது 1971 இல்.  பாரத் பட்டம் பெற்றதற்காக நடந்த ஒரு பாராட்டு விழாவில்.

அதே கட்டுரையில் தான் கடந்த 36 ஆண்டுகளாக சினிமாத்துறையில் இருப்பதாக ஒருமுறை அல்ல, இரண்டு முறை பேசி இருக்கிறார் எம் ஜி ஆர்.

"சுமார் 36 ஆண்டு காலம் சினிமாவில் உழைத்துக் கொண்டிருக்கிறேன்.  என்னால் பலன் பெற்றவர்கள் எத்தனை பேர் என்று கூறி என்னை உயர்த்திக்கொள்ள விரும்பவில்லை" என்று ஒரு இடத்திலும்,

"36 வருடங்களாக நான் நடித்துக் கொண்டிருக்கிறேன்.  எனக்கு ஒரு பரிசு கிடைக்கும்போது அதை நான் ஏன் வாங்க மறுக்கவேண்டும்?" என்று இன்னொரு இடத்திலும் பேசியிருக்கிறார்.  இதெல்லாம் ஒரே மேடைப்பேச்சில் எம் ஜி ஆர் பேசியதுதான்.

ஆயின், எம் ஜி ஆர் 1915 இல் பிறந்தவர் என்றாகிறது.  ஏனெனில் அவர் சினிமாவில் நடித்த முதல் படம் எல்லிஸ் ஆர் டங்கன் இயக்கத்தில் 'சதி லீலாவதி'.  அது 1935 இல் தயாரிப்பில் இருந்து 1936 மார்ச் மாதம் வெளியான படம்.   எனவே முப்பத்தாறு வருடங்கள் என்று அவர் பேசி இருப்பதும் தெரியாமலோ, தவறாகவோ பேசி விடவில்லை என்று தெரிகிறது.  அப்படி இருக்க தன் வயதை அவர் தவறாகச் சொல்லி இருக்க வாய்ப்பில்லை என்றே தோன்றுகிறது.

ஆனால் இணையங்களிலும், எல்லா இடங்களிலும் விக்கியிலும் எம் ஜி ஆர் 1917 ஜனவரி 17 இல் பிறந்தவர் என்றே சொல்லப் படுகிறது.  எம் ஜி ஆர் நூற்றாண்டு விழாவும் இந்த வருடம்தான் நடத்தப படுகிறது.  

யார் சொல்வது பொய்?  

இந்த உரையில் அவர் மறைமுகமாக சிவாஜி கணேசனைத் தாக்கியிருக்கிறார்.  அதுவும் மிகை நடிப்பைச் சொல்லி!

========================================================================================

(2)

இந்த வீடியோ உங்களுக்குள் என்ன எண்ணங்களைத் தோற்றுவிக்கிறது?  

மனநிலை பிறழ்ந்த நிலையிலும் அவர் உள்ளத்தில் பதிந்திருக்கும் இளையராஜா இசை பற்றி சிந்திக்கிறேன்.  பாடலின் Bhaaவங்களில்தான் என்ன ஒரு ஆவேசம்!

காணொளி காண முடியாத ஒளியாக இருக்கிறதா, காண முடிகிறதா என்று சொல்லுங்கள்.  எனக்கு வாட்ஸாப்பில் வந்தது.

====================================================================================================

[3]

பகிரப்பட்டதில் படித்ததில் ரசித்ததில் (எத்தனை 'தில்?) பிடித்த ஒரு வரி...

​

கடவுளுக்கு நீங்களாகவே ஒரு உருவம் கொடுத்து விட்ட படியால்..கடவுள் உங்கள் எதிரில் இருந்தாலும் தெரிவதில்லை!

======================================================================================================

[4]

ஒரு மயக்கும் மாலைப் பொழுதில் நான் கேட்ட பாடல்கள்...   எந்தெந்தப் பாடல்கள் தெரிகிறதா?

>  அருவிமகள் அலையோசை இந்த அழகுமகள் வளையோசை
பொதிகைமலை மழைச்சாரல் உந்தன் பூவிதழின் மதுச்சாரல்...

>  புது அறையில் புகுந்து மணவறையில் கலந்திருக்கக் கல்யாண நாள் வருமோ...

>  தோள்களில் சாய்ந்திட, தோகையை ஏந்திட , யார்... நீ...!

>  நூலை நான் மாலையாக்கிச் சூடட்டுமா...  சூடாக முத்தக்கலை கூறட்டுமா...

>  அந்திக் கருக்கலில் ஆற்றங்கரையினில் சந்திக்கச் சொன்னதென்ன... என்னை அணைக்கையில் தன்னை மறந்தவன் சிந்தித்து நின்றதென்ன...
நினைக்கையில் இனிப்பாக இருக்கறா ..
நெருங்கையில் நெருப்பாகக் கொதிக்கிறாள்

>  கண்ணுக்குள்ளே வா.. நெஞ்சுக்குள்ளே போ போ..

====================================================================================================

[5]

=============================================================================================================