வெள்ளி வீடியோ 180622 : கங்கை நதிக்கென்ன தாகமோ... என்ன வேகமோ... தன்னை மீறுமோ

​1983 இல் அல்லது 1979 இல் உருவான பாடலாய் இருக்கவேண்டும்.   வெளி வராத  திரைப்படம் மலர்களிலே அவள் மல்லிகை.  இசை கங்கை அமரன் என்கிறது இணையம். பாடல் எழுதியது யார் என்று தெரியவில்லை.​  

 

கங்கை அமரனாய்தான் இருக்கவேண்டும்.

பி. சுசீலா குரலை பெரும்பாலும் கீழ், மற்றும் மத்திய ஸ்தாயிகளிலேயே கேட்டிருப்போம்.  ஜெயச்சந்திரனும் அங்ஙனமே...

அவர்களை உச்சஸ்தாயியில் பாடவைத்தால் எப்படி இருக்கும் என்கிற வித்தியாசமான எண்ணம் இந்த இசையமைப்பாளருக்கு வந்திருக்கவேண்டும்.

பாடலின் ஆரம்பமே சுசீலாம்மா குரல் இவ்வளவு உயரத்தில் தொடங்கினால் சரணங்களில்?  கேளுங்களேன்.

வெளிவராத படம் என்பதால் காட்சி கிடையாது!

சில இடங்களில் கதவிடுக்கில் மாட்டிய எலி ஞாபகத்துக்கு வரும் என்றாலும்...

அந்தக் காலத்தில் நான் ரசித்த பாடல்களில் ஒன்று.

சிந்து நதியோரம் தென்றல் விளையாடும் 

கண்ணன் வரவும் கன்னி உறவும் காதல் கீதம் பாடும் 

கன்னி இளமயில் சின்ன மணிக்குயில் 

என்னை நெருங்கிடும்போது எண்ணம் போகும் தூது 

கையிரண்டில் அள்ளி காதல் கதை சொல்லி 

உள்ளம் மகிழ்ந்திடும்போது இன்பம் வேறு ஏது?

நெஞ்சில் எடுத்தேன் கொஞ்சிக் களித்தேன் வஞ்சி உனக்கென வாழ்கிறேன் 

இன்னும் அதற்கென்ன பார்வையோ தேவையோ என்ன தேவையோ 

சின்னஞ்சிறு சிட்டு உந்தன் கைகள் பட்டு 

தன்னை மறந்திடும்போது தனிமை என்பதேது?

மொட்டவிழ்ந்த முல்லை கட்டழகின் எல்லை 

தொட்டுத்தழுவிடும்போது சொர்க்கம் வேறு ஏது?

மங்கை அழகி மலையருவி பொங்கிப்பெருகிடும் என்மனம் 

கங்கை நதிக்கென்ன தாகமோ என்ன வேகமோ தன்னை மீறுமோ