"திங்க"க்கிழமை : புளிச்சகீரை ஊறுகாய்/ Gongura Pickle - அதிரா ரெஸிப்பி

புளிச்சகீரை ஊறுகாய்/ Gongura Pickle

ஸ்ஸ்ஸ்ஸ் பொறுங்கோ, எல்லாரும் வந்த பிறகு சமியலை ஆரம்பிக்கலாம்:))

ஒரு ஆறுமாதத்துக்கு முன்பு எங்கள் தமிழ்க் கடைக்கு ஒரு இலை வந்திருந்தது. இது என்ன இலை எனக் கேட்டேன்.. இதுதான் கொங்குறா கீரை .. இது கேரளாவில்தான் பேமஸ் என்றார் கடையில் நின்ற தம்பி. 

சரி எதுக்கும் எடுப்போம் என வாங்கி வந்து, எப்படிச் சமைப்பதெனத் தெரியாமல் அஞ்சுவை விளக்கம் கேட்ட இடத்தில், பருப்புச் சேர்த்து சமைக்கலாம் என்றா. அப்படியே செய்தேன் ஆனா பெரிதாக பிடிக்கவில்லை நமக்கு.

பின்பு வாங்குவதில்லை என விட்டு விட்டேன். சமீபத்தில் ஒரு குறிப்பு பார்த்தேன், அந்த இலையில் ஊறுகாய் செய்திருந்தார்கள்.. எனக்கு ஆசை வந்து விட்டது, கடைக்குப் போனால்.. என் நல்ல காலம், கொங்குறா இலைகள் வந்திருந்துது, உடனே வாங்கி வந்து ஊறுகாய் செய்தேன்.. சூப்பரோ சூப்பர்.. என்னா ஒரு சுவை. செய்த உடனே சாப்பிட கொஞ்சம் உறைப்பாக இருந்தது, வைத்துச் சாப்பிட சுவையோ சுவை.

இதுக்கு எண்ணெய் கொஞ்சம் அதிகமாகவே சேர்க்கோணும், ஆனால் நான் அப்படிச் சேர்க்கவில்லை. 

===============================இடைவேளை===============================

இந்த கொங்குறா ஊறுகாய் செய்த வாசத்தில:), உல்லாசக் கப்பல்கூட நம் ஏரியாவுக்கு வந்துதே:))... கிட்டவாகச் சென்று படமெடுத்தேன்.. அதே சூரியனின் தொல்லையால்:) கர்ர்ர்ர்ர்:).. படம் இருட்டாகி விட்டது. கப்பலில் பாருங்கோ.. நடுவிலே மேலே சுவிமிங் Pool தெரியுது.. அதில் பெரிய ரீவி இருக்கு. நான் படமெடுத்தபோது ரீவியிலே ரொம் அண்ட் ஜெரி போச்சுதா.. ரொம் ஜெரிக்கு அடிச்ச இடத்தில ஜெரி ஆத்தில ஜம்ப் பண்ணுவதை என் ரெண்டு கண்ணாலும் பார்த்தேன் எனச் சொன்னா நம்பவா போறீங்க:)) சரி விடுங்கோ சமையலைக் கவனிப்போம்:))

================()()()()()()================

தேவையானவை:

கொங்குறா இலைகள், செத்தல் மிளகாய் உங்கள் காரத்துக்கு ஏற்ப போடவும்.. கொஞ்சம் உறைப்பாகவும் இருந்தால்தான் ஊறுகாய் சுவையாக இருக்கும். கொஞ்சம் புளி, உப்பு, ஒரு 3,4 பற்கள் உள்ளி. மற்றும் நல்லெண்ணெய்.[எங்கே உள்ளியைக் காணேல்லை இங்கு எனத் தேடப்புடா கர்:)) அது செய்யும்போதுதான் இம்முறை வரும்:)]

செய்முறை:

முதலில் கொஞ்சம் எண்ணெய் விட்டு அதில் மிளகாயை நன்கு முறுகப் பொரிச்சு எடுங்கோ, இறக்கும்போது அந்தச் சூட்டிலேயே புளியையும் போட்டு சூடுகாட்டி எடுங்கோ[இது என் ஐடியா:)]

பின்னர், மீண்டும் எண்ணெய் விட்டு.. இதில் நான் விட்ட எண்ணெய் போதாது, நீங்க இன்னும் கொஞ்சம் அதிகமாகவே விடலாம், எண்ணெயில் இலைகளைப்போட்டு நன்கு வதக்கோணும். வதங்கியதும் இப்படிக் கரைந்தது போல வரும்.. அந்தச் சூட்டில் உள்ளியையும் போட்டு இறக்குங்கோ.. உள்ளியை வதக்க தேவையில்லை[இதுவும் அதிராட ஐடியாத்தான்... “நீங்க எங்கேயோ போயிட்டீங்க அதிரா” என நீங்களெல்லாம் ஜொள்றது கேய்க்குது தங்கூ தங்கூஊ:))]

அடுத்து உப்புப் போட்டு, அனைத்தையும் சேர்த்து அந்த வதக்கிய எண்ணெயுடனே... மிக்ஸியில் அரைத்து எடுக்கவும். ஸ்ஸ்ஸ் இடிபட்டு என் அழகிய “மண் டிஸ்” ஐ உடைச்சுப் போடாதையுங்கோ கர்:)).. லைனில வந்தால் ஒவ்வொரு கரண்டி தருவேனாக்கும்:)..., வெள்ளை ரைஸ் உடன் சேர்த்துச் சாப்பிட நன்றாக இருக்கும், மற்றும்படி பாண், ரொட்டி, புட்டு அனைத்துக்குமே ஒத்துப்போகுது இது.

பார்த்தீங்களோ.. பானுமதி அக்காவின் குறிப்புக்களைவிட ஈசியான குறிப்பெல்லோ இது:)).. இதுக்குத்தான் அதிராவின் சமையல் குறிப்புக்களைத் தேடித்தேடிச் செய்யுங்கோ என்றால் ஆருமே கேட்பதில்லை கர்ர்ர்ர்ர்ர்:)).

ஊசிக்குறிப்பு:

இது ஸ்ரீராமின் விசாளக்கிழமைப்:) பூக்களுக்கு எசப்பாட்டு:) எங்கட ஏரியாப் பூக்கள்..[அழகாயிருக்கு, நல்லாயிருக்கு எனும் சொற்கள் தடை செய்யப்பட்டுள்ளன:).. அதையும் தாண்டி ஏதாவது ஜொள்ளுங்கோ:)]

ஊசி இணைப்பு:

ஹா ஹா ஹா என்னா ஜோக்க் என்னா ஜோக்க் சிரிச்சதில் வயிறு நோகுது எனக்கு..:) உங்களுக்கு?:)) சரி சரி இதுக்கெல்லாம் முறைக்கக்கூடா:)).. ஊறுகாய் செய்யுங்கோ:))

>>>>>>>>>>__()__<<<<<<<<<<