கணவன் வீட்டில் வசிக்கும் பெண்ணிற்குப் பிறந்தகத்தின் மேல் பற்று இருப்பது தவறா?

 

கீதா சாம்பசிவம் : 

பொதுவாக அம்மா என்றால் ஓர் புனித பிம்பம் உருவாக்கப்பட்டு விட்டது என்பது என் கருத்து. உங்கள் கருத்து என்ன?

# அம்மா என்றால் அன்பு,  அக்கறை என்பது பெரும்பாலும் உண்மைதானே.  அம்மாவை மிக உயரிய ஸ்தானத்தில் பார்ப்பது நமது பண்பாடு.

& அது சரிதானே! 

அம்மா என்றழைக்காத உயிரில்லையே
அம்மாவை வணங்காது உயர்வில்லையே
நேரில் நின்று பேசும் தெய்வம்
பெற்ற தாயன்றி வேறொன்று ஏது? 

அம்மா எனில் சாதாரணமானவளாக இருக்க மாட்டாளா? எப்போதுமே தியாகி தானா?

# தியாகம்‌ என்பது ஒருசில இடங்களில் காணப்படுவதும் வாஸ்தவம்.  

& சாதாரணமாகவும் இருந்துகொண்டு, தன் குழந்தைகளுக்காக / குடும்பத்துக்காக தியாகமும் செய்யலாம். 

*    உங்களுக்கு ஏன் அப்படித் தோன்றுகிறது?

தான் பெற்ற குழந்தைகளையே சரியாகக் கவனிக்காத அம்மாக்களைப் பார்த்திருக்கீங்களா?

# விதி விலக்காக பொறுப்பற்ற அம்மாக்களும் இருக்கக்கூடும். 

& அவருடைய குடும்பத்தில் கணவனால் நிறைய பிரச்சனை இருந்தால்தான் தான் பெற்ற குழந்தைகளையே சரியாக கவனிக்காத அம்மா உருவாகக் கூடும். நான் இதற்கு சில உதாரணங்களை கண்கூடாகக் கண்டது உண்டு. 

*  பார்த்திருக்கிறேன்.  சமீபத்தில் செய்தித்தாள்களிலும் நிறையவே செய்திகள் கண்ணில் படுகின்றன.

1. திருமணம் ஆன பெண்கள் ஏன் தாய்வீட்டிலேயே கணவனோடு இருக்காமல் கணவன் வீட்டிற்கு வந்து வாழத் துவங்குகின்றனர்? (ஶ்ரீலங்காவில் தமிழர்களில் மாப்பிள்ளை தான் மாமியார் வீடு போகிறார். இங்கே மாமியார் வீடென்றால் அர்த்தமே வேறே!)

# இதெல்லாம் காலம்‌காலமாக இருந்து வரும் பழக்கம். கணவன் வீட்டில் மணப்பெண் எஜமானியாக நுழைகிறாள்.  பிறந்த வீட்டிலேயே தொடர்ந்தால் இந்த மரியாதை கிடைக்காமல் போகலாம். 

& அதே போல - திருமணம் செய்துகொண்ட ஆண் அவனுடைய அம்மா அப்பாவுடனும், பெண் தன்னுடைய அம்மா அப்பாவுடனும் தொடர்ந்து இருந்துகொண்டால் எந்தப் பிரச்னையுமே இல்லாமல் சந்தோஷமாக இருக்கும். குழந்தைகள் பிறந்தால், அவர்கள் யாருடன் இருக்க விருப்பமோ அவர்களுடன் இருந்துகொள்ளலாம். படிக்கும் வயது வந்தவுடன் அவர்களை ஹாஸ்டலில் சேர்த்துவிடலாம். அம்மா அப்பா இருவருக்கும் வயதாகிவிட்டால் அவர்களை முதியோர் இல்லத்தில் சேர்த்துவிடலாம். 

2. கணவன் வீட்டில் வசிக்கும் பெண்ணிற்குப் பிறந்தகத்தின் மேல் பற்று இருப்பது தவறா?

#  தவறு இல்லை என்பது மட்டும் இல்லை அவசியம் கூட. 

* இல்லாமல் இருந்தால்தான் தவறு!

3. பற்று எனில் வாரம் ஒரு முறையாவது பிறந்த வீட்டுக்கு வந்து குறைந்தது 2 நாட்களாவது தங்கிப் போகும் பெண்கள் பற்றி என்ன நினைக்கிறீர்கள்? எங்க வீட்டிலேயே உதாரணங்கள் உண்டு.

# அன்புப் பரிமாற்றம் இருந்தால் இப்படி வந்து போவது ஆனந்தமாகவே இருக்கும்.

& வீட்டிற்கு வந்து தங்கிப் போனால்தான் பற்றா !! தூர இருந்தால் சேர உறவு என்பது உண்மை இல்லையா? 

* எந்த வயதில்?  பாவம் கணவனும் குழந்தைகளும்.

4. உள்ளூரிலேயே பிறந்தகம், புக்ககம் இரண்டும் இருப்பது சரியா? இல்லை சரியாக வராதா?

 # வசதிதான்.

& சண்டை பிடிக்கும் மருமகள்களுக்கு வரப்ரசாதம்.  

* ஆ...   ஆழம் பார்க்கும் கேள்விகள்!

5. இன்றைய திருமணங்கள் ஒப்பந்த ரீதியிலேயே இருப்பதன் காரணம் என்ன?

# பணவசதிக்கு முக்கியத்துவம் கொடுப்பதுதான்.

6. திருமண பந்தத்தின் முழு அர்த்தமும் புரிந்துதான் இப்போதெல்லாம் திருமணங்கள் நடைபெறுகின்றனவா?

# முழு அர்த்தம் என்றால் என்ன என்று எனக்குப் புரியவில்லை. 

7.சப்தபதி முடிந்த பின்னரும் கருத்து வேறுபாட்டால் மருமகளை அப்படியே விட்டு விட்டுச் சென்றால் அது சட்டப்படி சரியா? அந்தப் பெண் அதன் பின்னர் வேறு திருமணம் செய்துக்கலாமா? அல்லது முறைப்படி விவாகரத்து பெற வேண்டுமா? ஏனெனில் ஹிந்து திருமணச் சட்டபப்டி சப்தபதி ஆனாலே போதும். அந்தத் திருமணம் செல்லும் என்பார்கள்.

# சப்தபதி பற்றிய தீர்ப்பு மிகப் பழையது. இப்போது செல்லுமா தெரியவில்லை. சட்ட வல்லுநர்கள்தான் பதில் சொல்ல வேண்டும்.

* மத, சம்பிரதாய நம்பிக்கைகளில் நீதிமன்றம் சட்டம் இயற்ற / மாற்ற முடியுமா?  

8. மாமியார்/மாமனாரை "லகேஜ்" எனச் சொல்லும் மருமகள்கள் அவங்க பெற்றோரைப் பற்றியும் அப்படி நினைப்பார்களா?

 # மாட்டார்கள். 

* நினைப்பவர்களும் உண்டு.

& மாமியார், மாமனாரை லக்கேஜ் என்று சொல்லும் மருமகள்கள் போற்றப்பட வேண்டியவர்கள். நாம் பயணம் செல்லும்போது, நம்முடைய லக்கேஜ் எல்லாவற்றையும் எப்போதும் கண்ணும் கருத்துமாகப் பார்த்துக்கொள்வோம். பாதுகாப்பாகப் பூட்டி வைப்போம். மேலும் பயணங்களில், லக்கேஜ் எப்பொழுதுமே நம் தலைக்குமேலே, உயரத்தில்தான் வைப்போம்.   

9. படிப்புக்கும் புகுந்த வீட்டில் ஒத்துப் போவதற்கும் ஏதேனும் சம்பந்தம் இருக்கா? படிக்காத பெண் மட்டும் ஒத்துப் போவாளா? இல்லை வளர்ப்பு காரணமா?

# வளர்ப்பு எல்லாம் இல்லை. தனிமனித மனப்பாங்குதான் காரணம்.

& என்னைக் கேட்டால், வளர்ப்புதான் காரணம் என்பேன். 

* காலங்களும் பழக்கங்களும் மாறிவரும் நிலையில் அதை மனதளவில் ஏற்றுக்கொள்ள முடியாத மூத்த தலைமுறையாக இருக்கலாம்.  காலம் மாறிக்கொண்டிருக்கிறது.  முன்பெல்லாம் பெரும்பாலும் வீட்டிலேயே சாப்பிட்டு, எப்போதாவது ஹோட்டலுக்குச் செல்வோம்.  இப்போதெல்லாம் நிறைய வீடுகளில் ஹோட்டலும் ஸ்விக்கி, ஜோமட்டோவும்தான்!

10.இப்போதைய சிக்கலான மணவாழ்க்கைக்கு ஒரே குழந்தை என்னும் பெற்றோர் எடுத்திருக்கும் முடிவுதான் காரணம் என்பது என் கருத்து. இது சரியா?

# ஒரு குழந்தை எப்படிக் காரணமாக இருக்கும் ? இரண்டு இருந்தால் ஆளுக்கு ஒன்றாக ப் பிரித்துக் கொள்வார்களா என்ன ?

& யாருக்கு சிக்கல்? 

Jayakumar Chandrasekharan: 

வழக்காடு மன்றங்களுக்கு ஏன் பட்டி மன்றம் என்று பெயர் வந்தது?

# வழக்காடு மன்றம் என்பது பிற்காலத்தில் அறிமுகமானது. அதற்கு முன்பு பட்டி மண்டபம் என்றும் பட்டிமன்றம் என்றும் சொல்லப்பட்டு வந்தது . மன்றம் என்ற சொல் மண்டபத்தின் திரிபு என்பது  ஏற்றுக்கொள்ளக் கூடியதுதான். பின்னர் வந்ததில் இருந்து மன்றத்தை எடுத்து முன்னர் இருந்த மண்டபத்துக்குப் பதிலாக பொருத்தப்பட்டதாகச் சொல்வார்கள்

எம் தில்லை நாயகம்: 

நம் தமிழில் பட்டிமன்றம், வழக்காடு மன்றம் போன்ற நிகழ்வுகள் உள்ளதை போன்று மற்ற மொழிகளில் இவை உள்ளனவா? 

# பட்டி மன்றம் போல அந்தக் காலத்தில் Debating Society என்று இங்கிலாந்து நாட்டில் கல்லூரிகளில் பிரசித்தம். அதன் தாக்கம் நம் நாட்டிலும் இருந்தது.  ஆர்.கே.நாராயணன் தமது நாவல் ஒன்றில் கதாநாயகன் விவாத மேடையில்  வெற்றி பெற்ற மகிழ்ச்சி பற்றி எழுதியிருக்கிறார்.

மேலும் தமிழில் பல அர்த்தம் தரும் ஒரே சொல்லால் ஏற்படுவது போன்ற குழப்பங்கள் மற்ற மொழிகளில் உள்ளனவா?

& எல்லா மொழிகளிலும் அந்தக் குழப்பம் உண்டு. 

உதாரணமாக ஆங்கிலத்தில், 

(Homophones are words that sound the same but are different.

Homographs are words that are spelled the same but are different.

Homonyms can be homophones, homographs, or both.)

Examples for homographs :

1. Park - A public play area or to bring a vehicle to a stop and leave it temporarily.
2. Bat - A type of sports equipment or an animal.
3. Bass - A type of fish or a genre of music.
4. Minute - Small or a unit of time. (& also angular measurement unit)
5. Bark - An animal or outer layer of a tree.
6. Sewer - A drain or a person who sews.
7. Crane - A bird or a machine used at construction sites.(& பாக்குப் பொட்டலம் !!)
8. Tear - To rip something, or the liquid that flows from eyes when crying.
9. Bow - A weapon for shooting arrows or a formal way of greeting or showing respect.
10. Saw - A sharp tool used for cutting hard materials or past tense for the word 'see'.
11. Pen - An object which is used for writing or a small area in which animals are kept.
12. Wave - Seawater coming into shore or a friendly hand gesture.
13. Fine - A levy of money as a consequence of a wrong action or a high-quality item.
14. Learned - The past tense of 'learn' or knowledge.
15. Wound - The past tense of 'wind' or an injury.
16. Degree - Award conferred by a college or university, a position on a scale of intensity, a measure for arcs and angles, the highest power of a term or variable, a unit of temperature on a specified scale, a seriousness of something. (& நம்ம ஊர்ல கும்பகோணம் டிகிரி காபி) 
17. Bear - An animal or to endure.
18. Lead - Starting in front or a metal.
19. Skip - Jump or to miss out.
20. Fair - Appearance or equal judgement.

= = = = =

படம் பார்த்து கருத்து எழுதுங்க : 

1) 

எங்கள் கருத்து : " அம்மா நகராட்சி தேர்தலுக்கு வோட்டு கேட்டு வராங்க. நமக்கு எலக்ஷன் ஐ டி கார்டு, ரேஷன் கார்டு எல்லாம் இருக்கா? "  

2)

" நம்ம பக்கமும் வருவாங்களா? நமக்கும் எலும்புத்துண்டு ஏதேனும் கிடைக்குமா? " 

3) 

இந்தக் காட்சிக்குப் பொருத்தமான திரைப்பாடல் என்ன? 

= = = = =