வெள்ளி வீடியோ : கோவில் சிற்பங்கள் எல்லாம் நேரில் நின்றாடக் கண்டேன்

 எடுத்த எடுப்பிலேயே சற்றே உயர்ந்த ஸ்தாயியில் டி எம் எஸ் "முருகா நீ வரவேண்டும்..  நான் நினைத்தபோது நீ வரவேண்டும்.."  என்று கட்டளையாக வேண்டுகோள் வைக்கும்போதே பாடல் களைகட்டி விடுகிறது.

N S சிதம்பரம் எழுதிய பாடலுக்கு தானே இசை அமைத்து சுத்தசாவேரி ராகத்தில் பாடி இருக்கிறார் டி எம் எஸ்.  

நினைத்தபோதெல்லாம் வருவானா முருகன்?  மனதிலேயே  உறைபவன் நேரில் வரவும் வேண்டுமா என்ன!

​முருகா நீ வரவேண்டும்!

முருகா நான் நினைத்த போது

நீ வரவேண்டும்!

முருகா நீ வரவேண்டும்!

நினைத்த போது நீ வரவேண்டும்!

நீல எழில் மயில் மேல் அமர் வேலா!

நினைத்த போது நீ வரவேண்டும்!

உனையே நினைந்து

உருகுகின்றேனே

உணர்ந்திடும் அடியார்

உளம் உறைவோனே!

​​

நினைத்த போது நீ வரவேண்டும்!

கலியுக தெய்வம் கந்தா நீயே!

கருணையின் விளக்கமும் கடம்பா நீயே!

மலையெனத் துயர்கள் வளர்ந்திடும் போதில்

மாயோன் மருகா முருகா என்றே

நினைத்த போது நீ வரவேண்டும்!

 

1977 ல் வந்த படம் 'ஒளிமயமான எதிர்காலம்'.  விஜயகுமார் - சுமித்ரா நடித்திருக்கும் இந்தப் படத்துக்கு இசை விஜயபாஸ்கர்.  இயக்கம் கிருஷ்ணமூர்த்தி.  படம் பற்றி வெறெந்தத் தகவலும் கிடைக்கவில்லை.  அந்தப் படத்திலிருந்து ஒரு பாடல்.

எஸ் பி பி -வாணி ஜெயராம் குரலில் இனிமையான பாடல்.  எழுதியவர் யார்?  தெரியாது.

மாமதுரை நாட்டினில் வைகைக்கரைக் காட்டினில் 

காதல் பாட்டொன்று கேட்டேன் 

கண்கள் கூடுவதைப் பார்த்தேன் ஆ...

கண்கள் கூடுவதைப் பார்த்தேன் 

தோற்றம் பொன்னூஞ்சலாட்டம் தோகை கொண்டாடும் தோட்டம் 

ஆடை மேல்நாட்டு ஜாடை ஆசை தீராத போதை 

மாந்தளிர் மஞ்சள் பல்லாக்கு மயக்குது நெஞ்சில் என்னோடு 

மைவிழி தான் சொல்லும் தூது...மைவிழி தான் சொல்லும் தூது 

கோவில் சிற்பங்கள் எல்லாம் நேரில் நின்றாடக் கண்டேன் 

பாடும் பண்பாடு கண்டேன் நானும் பண்பாடு என்றேன் 

பொன்னியின் வெள்ளம் கண்டாயோ பூவையின் உள்ளம்  கண்டாயோ 

யாருக்கு யார் சொல்லவேண்டும் 

யாருக்கு யார் சொல்ல வேண்டும்..

ஏதோ நான் சொல்ல வந்தேன் எண்ணம் முள்ளாக நின்றேன் 

நானும் ஓடோடி வந்தேன் நாணம் தள்ளாட நின்றேன் 

பச்சைக்கிளி வார்த்தை வராது ஆயினும் ஆசை விடாது 

நாம் இனி நமக்காக வாழ்வோம் 

நாம் இனி நமக்காக வாழ்வோம்