"திங்க"க்கிழமை : கோஸ் உப்புமா - புவனா குமார் ரெஸிப்பி

என்ன பேரு வைக்கலாம் ... எப்படி..அதை செய்யலாம்.

உப்புமா என்றால் ஓடுகிறவர்கள்  உசிலி என்க! 

அரிசி பருப்பு போட்டு செய்யும் உசிலியை சற்று வித்யாசமாக செய்யும் கர்னாடக சமையல் பாணியில்  

படக்கதையாகவே வருவதால் தனியாக செய்முறை என்று எழுதவில்லை.

படங்களைக் கடைசிவரை பார்த்துப் பின் சமைத்து சுவைக்கலாம்  

தாளிப்புக்கு கடுகு உளுத்தம் பருப்பு

கறிவேப்பிலை  என்று சொல்லவும் வேண்டுமா ?

கடலை பருப்பு  100 கி

தனியா (மல்லி) 100 கி

 துவரம் பருப்பு 100 கி 

மிளகாய் வற்றல் 15...20

புழுங்கலரிசி  250 கி 

புழுங்கல் அரிசி, பருப்பு, மல்லி எல்லாவற்றையும் நீரில் ஊற விடுங்கள் 2.. 3 மணி நேரம்.

மிக்ஸியில் அரைத்து எடுக்கும் முன் மிளகாயையும்  சேர்த்து அரைக்கவும்

கோஸ் 500 கி  நறுக்கும் முன் & நறுக்கிய  பின் 

நரம்பு நீக்கிப் பொடியாக ....

மேலே  அரைத்த மாவு  கோசுடன் கூடி உப்பு சேர்த்து இட்லியாக வேகிறது

பெரிய வெங்காயம் 4 கூடிய வரை பொடியாக நறுக்கிக் கொள்ளவும்

வாணலியில் தாளிக்க எண்ணெய்

தாளித்த எண்ணெயில் வெங்காயத்தைப் போட்டு நன்கு வதக்கி..

கறிவேப்பிலையையும் சேர்த்து....

வேகவைத்த இட்லிக்களை உதிர்த்து வாணலியில் சேர்க்கும்போது கொஞ்சம் மஞ்சள் பொடி +++..

கோஸ் உப்புமா  சிறிது பழுப்பு நிறம் வரும் வரை .... வதக்கி

சாப்பிட தயார்

கொஞ்சம் (கொஞ்சம் என்ன..நிறையவே ) கிட்டப் போய் ஒரு பார்வை பார்த்துடுவோமே