கோவிட் VACCINE பற்றி உங்கள் கருத்து ?

 

ஏஞ்சல் : 

1, எதிர்மறை விஷயங்கள் செய்திகள் எதுவும் சிலருக்கு பார்க்கவோ கேட்கவோ பிடிப்பதில்லை இதன் காரணம் என்னவா இருக்கும் ? 

 # "கண்ணே நல்வாக்கு நீ சொல்லடீ"  எனும் சென்டிமென்ட்டுக்கு எதிர்த்துணை உணர்ச்சி. பிடித்ததை நாடுவதும் பிடிக்காததை ஒதுக்குவதும் மனித இயல்பு.

& இனிய உளவாக இன்னாத கூறல்

  கனியிருப்பக் காய்கவர்ந் தற்று

(அதிகாரம்:இனியவை கூறல் குறள் எண்:100)

நேர்மறை செய்திகள் இனியவை. எதிர்மறை செய்திகள் இன்னா 

2, The Greatest Showman  இந்த ஆங்கிலப்படத்தை தமிழில் ரிமேக்கினால் யார்  அந்த Hugh Jackman கேரக்டருக்கு பொருத்தமாக இருப்பார் ?

A , சித்தப்பா ரஜினி 

B , அங்கிள் கமல்  இந்த படத்தை கண்டிப்பாக பார்த்துவிட்டு பதில்  சொல்லவும் :)))))))))))

# படம் பார்க்க முயற்சிக்கிறேன். பின்னர் பதில் சொல்கிறேன். ரஜினி கமலைத் தாண்டி நல்ல நடிகர்கள் கிடையாதா என எதிர்க்கேள்வியைக் கேட்டு வைக்கிறேன். 

& அது யாரு அந்த Hugh Jackman என்று தேடிப்பார்த்தேன். The Greatest Showman கதையையும் படித்துப் பார்த்தேன். 

கதையைப் படித்தால் 'பறக்கும் பாவை' சினிமா ஞாபகம் வந்தது. 

ஸ்டில் படத்தைப் பார்த்தால், 

 

' அன்பே வா ' எம்ஜியார் போல போஸ் கொடுக்கிறார். ஆக, 'சி ர / அ க' இருவருமே இந்த கேரக்டருக்குப் பொருத்தம் இல்லை. 

3, எத்தனையோ வாத்தியக்கருவிகள் இருக்க நம் அன்றாட வாழ்வில் //ஜால்ரா //  மட்டும் அடிக்கடி இடம்பெறுவதேன் ??   

# விலை மலிவு கற்பதெளிது ஆமோதிப்பு=காரியசித்தி. 

& ஜால்ரா போடுவது மற்றவர்களைப் பார்த்தே போடத் தெரிந்துகொள்ளலாம். தெரிந்துகொண்டு ஜால்ரா போடுவதால் ஆதாயங்கள் அதிகம். 

4,  கோவிட் VACCINE பற்றி உங்கள் கருத்து ?

# தயக்கம் அச்சம். போடத்தான் வேண்டுமா என்ற வினா.

& ஏதோ எல்லோருக்கும் பயன்பட்டால் சரிதான். 

5, இளைய தலைமுறை மூத்த தலைமுறையைவிட  விட சில விஷயங்களில்  அவதானமாக விழிப்புடன் இருக்கிறார்கள் என்பதில் உடன்படுகிறீர்களா ?

# கெட்டிக்காரர்களாக இருக்கிறார்கள், எச்சரிக்கையாக இல்லையோ என்று தோன்றுகிறது.

& அந்த 'சில விஷயங்கள்' என்னென்ன என்று சொல்லிவிடுங்களேன்! 

6, நிஜ வாழ்க்கை உலகம் என்பது  வேறு ஆனால் அடிக்கடி மக்கள்  போலியான விஷயங்களில் திசை திருப்பப்படுவதன் காரணம் என்ன ? 

# கவர்ச்சி, உடனடித் திருப்தி - சந்தோஷத்தில் நாட்டம் ஆகியவற்றின் ஈர்ப்பு சக்தி மிக்க வலுவானது.

& நிஜ வாழ்க்கை உலகம் - அன்றாடம் அனுபவிக்கும் / அவதிப்படும் சமாச்சாரம். போலியான விஷயம் - என்பது ஒரு மாற்றத்திற்காக மன சந்தோஷத்திற்காக நாம் காணும் சினிமா போல. 

7, Thug Life ..எல்லாருக்கும் வாழ்க்கையில் ஒரு சிறு ரௌடி பேபி அல்லது ரௌடி பையன் // நானும் ரவுடிதான் மொமெண்ட் .. அனுபவமாவது இருந்திருக்கும் .அப்படி உங்கள் வாழ்க்கையில் நடந்த ஒரு சம்பவம்  எதாவது இருக்கா ?

# இருக்கிறது ஆனால் சொல்லத் தரமில்லாததாக..

& எல்லாம் இப்போ மறந்து போச்சு! 

8, ஸ்கூல் படிக்கும்போது செய்த சில அற்ப விஷயங்கள் இப்போ படு அற்பத்தனமா  தோணுது  உங்களுக்கு அப்படிப்பட்ட அனுபவங்கள் இருக்கா ?.உதாரணத்துக்கு ஒரு ரூபா காயின் போட்டு சும்மா தோணின நம்பருக்கு கால்போட்டு பேசியிருக்கோம் நானும் தோழிகளும்.இப்போ நினைச்சா அது தப்புன்னு தோணுது ..

# என் பள்ளி வாழ்க்கை கல்வி தாண்டிய நடவடிக்கை முற்றும் அற்றதாக இருந்தது. 

& ஸ்கூலுக்குப் பக்கத்தில் உள்ள தோட்டங்களில் (ஊட்டி பக்கத்தில் படித்த சமயம் ) முள்ளங்கி, உருளைக்கிழங்கு, வால்பேரி போன்ற பல விஷயங்களை கூட்டமாக போய் திருடித் தின்றது. ஜூனியர் டெக்னிகல் ஸ்கூல் படித்த சமயத்தில் மாங்காய் / கொய்யா தோப்புகளில் பறித்துத் தின்ற மாங்காய் / கொய்யாக்காய் எல்லாம் நினைவில் இருக்கு. பறித்து சாப்பிடுவோமே தவிர வேறு லாப நோக்கம் எதுவும் கிடையாது. 

9, திருப்தியடைதல் / போதும் என்ற மனம் என்பது சிலருக்கு மட்டும் மிகவும் கடினமான ஒன்றாக இருக்கே அது ஏன்  ?

# திருப்தி தேடுகிற நபரின் ஆசைகளின் ஆழம், தீவிரம் ஆகியவற்றின் அடிப்படையில் வேறுபடும். 

& ஆசை துறந்தால் அகிலம் உனக்கு + ஆசையே துக்கத்திற்குக் காரணம் என்றெல்லாம் அந்த நாட்களில் சொன்னார்கள். இப்போ சிலர், 'அத்தனைக்கும் ஆசைப்படு' என்கிறார்கள். சுயமாக சிந்திப்பவர்கள் இதில் எதிலும் சிக்காமல் அளவோடு ஆசைப்பட்டு, ஆசைப்பட்டது கிடைக்கவில்லை என்றாலும் மனதைத் தேற்றிக் கொண்டுவிடுவார்கள்.  

10, சில விஷயங்கள் தவறு ஆனாலும் சிலநேரம் சரியாக மனசுக்கு தோணும் அப்படி உங்களுக்கு தோணியிருக்கா ?       

# பல முறை அன்றாடம்.

& மீண்டும் அந்த சில விஷயங்கள் என்ன என்று சொல்லிடுங்க! 

11, உலகமே பயத்துடன் அடுத்த நாளை எப்படியிருக்குமோ என  எதிர்நோக்கி காத்திருக்கும் வேளையில் சென்னை சினிமா தியேட்டர்கள் திறப்பது அத்யாவசியமா ??

# நிச்சயமாக இல்லை தான். ஆனால் ஆயிரக் கணக்கான குடும்பங்களின் வாழ்வாதாரம் எனும் உண்மை யோசிக்க வைக்கிறது. 

& இல்லை. 

12, சிலர் மட்டும் எப்பவும் ஒருவித வன்மம்  ,குரோதம் ,வெறுப்பு ,ஆக்ரோஷம் போன்ற பிசாசு குணங்களுடன் திரிவதேன் ?இது பிறப்பால் அமைந்ததா ? அல்லது சூழ்நிலைகளால் அமைந்ததா ?

# எல்லாவற்றுக்கும் மனோதத்துவ அடிப்படையில் காரணம் இருக்கும். அவர்களுக்கே தெரியாமல் கூட இருக்கலாம். 

& சூழ்நிலைகளால் அமைவது. 

நெல்லைத்தமிழன் : 

1. நமக்குச் சம்பந்தமில்லாதவரது மரணம் நம்மை பாதிப்பது ஏன் ? 

# 'நமக்கும் இதுதான் ஒரு நாள்' என உள்மனதில் தோன்றுவதால் தான்.

& நம்முள் இருக்கின்ற இரக்க உணர்ச்சிதான் காரணம். 

2.  எந்த ஒரு துக்க நிகழ்வும் வெகு சீக்கிரமே நம் மனதால் மறக்கப்பட்டு அதன் தாக்கம் போய்விடுவது எப்படி?  

# எதனுடைய தாக்கமானாலும் (நல்லதோ அல்லாததோ) காலக்கிரமத்தில் வீரியம் தேய்ந்து நினைவாக மட்டும் இருப்பது மனதின் படைப்புத் தத்துவம். அது ஒரு வரப்பிரசாதம்.

3.  ஒரு நண்பர், உங்களை வாங்கன்னு ஒரு ஹோட்டலுக்குக் கூட்டிச் சென்றால் நீங்கள் முதலில் ஆர்டர் செய்வது எது?  

# சூடாக பஜ்ஜி/போண்டா/வடை. குடிக்க வெந்நீர்.

& யார் கூட்டிச் செல்கிறார்களோ அவர்களுடைய choice ல விட்டுவிடுவேன். அவர்தானே பணம் கொடுப்பவர். அவருடைய நிதி நிலைமை + மன நிலை தெரியாமல் நான் எதையும் ஆர்டர் செய்யமாட்டேன். எங்கள் நண்பர்களிடையே எழுதப்படாத ஒப்பந்தம் - யார் அழைக்கிறார்களோ அவர்கள்தான் பில் தொகை செலுத்தவேண்டும். 

4.  திருமணத்துக்குப் பெண் பார்த்த அனுபவம் பகிரமுடியுமா? அங்கேயே 'சம்மதமா' என்று பெற்றோர்/அண்ணன்கள் கேட்டு நெளியவைத்த அனுபவம் உண்டா? 

 # முன்பே பகிர்ந்து விட்டதாக நினைவு. 

& இங்கே சென்று பாருங்கள் : 

5.  என்ன வாங்கிக்கொடுத்தாலும் என்ன செய்தாலும் திருப்தி அடையாதவர்கள் பெண்கள் என்று உபநிஷத்துகள் கூறுவதில் உண்மையுண்டா?

# உபநிடதங்கள் அப்படிச் சொல்கிறதா என்று தெரியவில்லை.  பொதுப்படையாகச் சொல்லப் படுவது எல்லாருக்கும் பொருந்தாது.  ஆணோ பெண்ணோ, நீடித்த அல்லது நிரந்தர திருப்தி என்பது எளிதில் கிடைப்பது அல்ல.

& நம்ம வாசகிகள் எல்லோரும் வந்து இதற்கு பதில் சொல்லி, நெ த சந்தேகத்தைத் தீர்க்கவும்! 

= = = 

 சென்ற வாரம் குறிப்பிட்டிருந்தது போல, 2020 ஆம் ஆண்டு திங்கள் / செவ்வாய் பதிவுகளின் விவரங்கள் இப்போ பார்ப்போம். 

திங்க கிழமைப் பதிவுகள் : 

முதல் மூன்று இடங்களைப் பிடித்தவர்களுக்கு எங்கள் பாராட்டுதல்கள். 

அதிகம் பேர் படித்த சமையல் பதிவு : கத்தரிக்காய் பனீர் பிரட்டல் -  அதிரா ரெஸிப்பி   https://engalblog.blogspot.com/2020/01/blog-post_13.html

அதற்கு  அடுத்தபடியாக :   'நம்ம வீட்டு' மிளகுக்குழம்பு! - ரமா ஸ்ரீனிவாசன் ரெஸிப்பி    https://engalblog.blogspot.com/2020/02/blog-post_17.html

அதற்கும் அடுத்த இடம்   :மசாலா சப்பாத்தியும், வரமிளகாய் சாஸும் - ஸ்ரீராம்         https://engalblog.blogspot.com/2020/02/blog-post_3.html 

செவ்வாய் கதை பதிவுகள் : 

ஜீவி சார் எழுதியவைகளில் 4 தொடர்கதை , 7 சிறுகதை. 

துரை செல்வராஜு எழுதியவைகள் 1 இரு வாரத் தொடர். 14 சிறுகதைகள். 

எனவே அதிகக் கதைகள் என்ற கணக்கில், துரை செல்வராஜு இந்த வருடமும் முதலிடம் பெற்றுள்ளார். 

அதிகம் பேர் படித்த கதை :   கல்யாண காலம் - துரை செல்வராஜூ          https://engalblog.blogspot.com/2020/05/blog-post.html

அதற்கு அடுத்த இடம் :    புது வீடு - துரை செல்வராஜூ         https://engalblog.blogspot.com/2020/06/blog-post.html

அதற்கு அடுத்தபடியாக :   பூக்களுக்கிடையே கெண்டி - கமலா ஹரிஹரன்         https://engalblog.blogspot.com/2020/02/blog-post.html

புள்ளி விவரங்களை உங்களுக்காக திரட்டித் தந்துள்ளவர் : கௌதமன் 

= = = = 

மின்நிலா பொங்கல் மலர் தயார். 

ஜனவரி 14 ஆம் தேதி வெளியிடப்படும். 

மலரைப் படித்து நிறை / குறைகளை விமரிசனமாக (ஐநூறு வார்த்தைகள் அளவில்) எழுதி பிப்ரவரி 28 ஆம் தேதிக்குள் அனுப்பவும். சிறந்த பத்து விமரிசனங்களுக்கு பரிசு அளிக்கப்படும். 

மொத்தம் 295 (A4) பக்கங்கள்  Size: 21.3 MB 

email மூலம் பெற விரும்புவோர், உங்கள் email id எங்களுக்கு தெரியப்படுத்தவும். 

நன்றி. மீண்டும் சந்திப்போம். 

= = = =