"திங்க"க்கிழமை : வாழைப்பழ கேக் - பானுமதி வெங்கடேஸ்வரன் ரெஸிப்பி

 

வாழைப்பழ கேக்

இது என் அக்காவின் பேத்தி செய்த ரெஸிப்பி.

தேவையான பொருட்கள்:

கோதுமை மாவு  - 1 கப்

ஆல் பர்பஸ் மாவு - 1 கப்

நன்கு பழுத்த வாழைப்பழம் - அளவைப் பொறுத்து 3 அல்லது 4

உடைத்த பாதாம் & வால் நட்ஸ் -  1 கப்

சர்க்கரை - 1 கப் அட ஈவ்

பட்டை பொடி - 1/2டீ ஸ்பூன்

சமையல் எண்ணெய் - 1/2 கப்

வெனிலா எஸென்ஸ் 1/2 டீ ஸ்பூன்

பேக்கிங் பவுடர் 1 1/2 டீ ஸ்பூன்

பேக்கிங் சோடா 1/2 டீ ஸ்பூன்

செய்முறை:

முதலில் கோதுமை மாவு, ஆல் பர்பஸ் மாவு, பட்டை பொடி, பேக்கிங் சோடா, பேக்கிங் பவுடர் இவைகளை கலந்து சலித்து வைத்துக் கொள்ளவும்.

ஒரு அகலமான பாத்திரத்தில் வாழைப்பழங்களை உரித்து போட்டு, நன்கு மசித்துக் கொள்ளவும். 

பின்னர் சர்க்கரை சேர்த்து நன்றாக கலக்கவும். 

அதன் பிறகு குக்கிங் ஆயிலை சேர்த்து கலக்கவும்.

பின்னர் சலித்து வைத்திருக்கும் மாவை சேர்த்து நன்றாக கலந்து கடைசியில் உடைத்த பாதாம், வால் நட் இவைகளை சேர்த்து கலக்கவும். 

இதற்கிடையில் அவனை (Oven) 10 நிமிடங்களுக்கு 350°(F)க்கு ப்ரீ ஹீட் பண்ணி தயாராக வைத்துக் கொள்ளவும்.

பத்து நிமிடங்களுக்குப் பிறகு வாழைப்பழ மாவு கலவையை 

ஒரு பேக்கிங் ட்ரேயில் சிறிது வெண்ணெய் தடவி அல்லது மாவை தூவி ஊற்றி அவனுக்குள் வைத்து 350°(F) இல் இருபது நிமிடங்களுக்கு பேக் பண்ணவும்.  பட்டர் பேப்பரிலும் ஊற்றலாம். 

இருபது நிமிடங்கள் கழித்து வெளியே எடுத்து ஒரு டூத் பிக் அல்லது கத்தியை தேங்கியுள்ள நுழைத்து வெளியே எடுத்தால் எதுவும் ஒட்டியிருக்க கூடாது. கேக்கில் மேல் புறம் கோல்டன் ப்ரவுனில் இருப்பதும் ஒரு அடையாளம்.

முட்டையில்லாத, வெண்ணெய் இல்லாத கேக்கை விநாயகருக்கு படைத்து விட்டு சாப்பிடவும்.