"திங்க"க்கிழமை - சிப்பி பாஸ்தா பாயசம் - துரை செல்வராஜூ ரெஸிப்பி

 சிப்பி பாஸ்தா பாயசம்

(Shell Pasta பாயசம்)

தேவையான பொருட்கள்

Shell Pasta ½ கப் 100 grms

பழுப்பு சர்க்கரை ¾ கப் 80 grms

முற்றிய தேங்காய் ஒன்று

சோள மாவு 1 tbsp

ஏலக்காய் 2

முந்திரிப்பருப்பு 20

நெய் 1 tbsp 

குங்குமப்பூ ஒரு சிட்டிகை

செய்முறை

தேங்காயைத் துருவி சிறிதளவு தண்ணீர் விட்டு இரண்டு தடவையாக அரைத்து பால் பிழிந்து கொள்ளவும் ( உத்தேசமாக 500 ml) 

சர்க்கரையை  சிறிதளவு தண்ணீர் விட்டு காய்ச்சி - முழுவதுமாக இளகியதும்  வடிகட்டி எடுத்துக் கொள்ளவும். 

பாஸ்தாவை நன்றாக வேக வைத்து நீரில் அலசி வடிகட்டவும். 

100 ml பாலில் 15 முந்திரிப் பருப்புகளை மையாக அரைத்துக் கொள்ளவும்..

50 ml  பாலில்  சோள மாவை கரைத்துக் கொள்ளவும்..

மீதமுள்ள முந்திரியை நெய்யில் வறுத்துக் கொள்ளவும்..  ஏலக்காயை பொடி செய்து கொள்ளவும்..

மீதமுள்ள பாலை  அடுப்பில் ஏற்றவும்.. கொதித்து வரும்போது அலசி வைத்துள்ள பாஸ்தாவை சேர்க்கவும்..  தீயைக் குறைத்து வைக்கவும். 

பாலில் அரைத்த முந்திரியுடன் இளகிய சர்க்கரையையும்  சோள மாவு பால் கரைசலையும் கொதித்து வரும் பாஸ்தாவுடன் சேர்க்கவும்..

வறுத்த முந்திரி ஏலக்காய் பொடி, குங்குமப் பூவையும் பாயசத்தில் சேர்த்து நன்றாக கலந்து விடவும்.. தளதளத்து வரும்போது தீயை நிறுத்தி விட்டு இறக்கவும்.

சூடு ஆறியதும் Chiller ல் வைத்து குளிரூட்டிய பின் பரிமாறலாம்..

தேங்காய்ப் பால் பிழிந்தெடுக்கத் தெரியாதே என்றால் 

செய்முறையில் பாக்கெட் பால் 400 ml சேர்த்துக் கொள்ளவும்..

***

இது மிகவும் சத்தானது.. 

ஆகா..ஓகோ.. என்றெல்லாம் இல்லை..

மாதம் ஒருமுறை சாப்பிடலாம்..

நம்முடைய நலம்

நம்முடைய கையில்!..

***