வெள்ளி வீடியோ : தாகத்தைத் தீர்த்து விடம்மா ... இல்லை, மோகத்தைக் கொன்றுவிடம்மா....

இன்றைய தனிப்பாடல் சீர்காழி கோவிந்தராஜன் பாடிய 'மயிலாக நான் மாறவேண்டும்.

TMS பாடிய 'மண்ணானாலும் திருச்செந்தூரில் மண்ணாவேன்' பாடல் கேட்டிருக்கிறோம் அல்லவா.. அந்த பாணியில் அமைந்த சீர்காழி கோவிந்தராஜன் பாடல் இது.

மயிலாக நான் மாறவேண்டும் வள்ளி மணவாளன்

என் தோளில் இளைப்பாறவேண்டும்

மயிலாக நான் மாறவேண்டும் வள்ளி மணவாளன்

என் தோளில் இளைப்பாறவேண்டும்

மயிலாக நான் மாறவேண்டும் வள்ளி மணவாளன்

குயிலாக நான் மாறவேண்டும்

குயிலாக நான் மாறவேண்டும்

முத்துக் குமரேசன் துதி பாடி பசியாறவேண்டும் [மயிலாக]

மலையாக நான் மாறவேண்டும்

எந்தன் முடிமீது வடிவேலன் குடியேற வேண்டும்

மலையாக நான் மாறவேண்டும்

எந்தன் முடிமீது வடிவேலன் குடியேற வேண்டும்

படியாக நான் மாறவேண்டும்

படியாக நான் மாற வேண்டும்

மெய் அடியார்கள் திருப்பாதம் முத்தாடவேண்டும்

அடியார்கள் திருப்பாதம் முத்தாடவேண்டும்   [மயிலாக]

==============================================================

==============================================================

1972 ல் வெளிவந்த 'கண்ணம்மா' எனும் 'கலர்' படத்திலிருந்து ஒரு பாடல்.  கலர் படம் என்று ஏன் தனியாக சொல்கிறேன் என்றால் படம் பார்த்தாலே அது கலர் கலர் என்று சொல்லும் 'வண்ணம்' இருக்கும்.

முத்துராமன் - கே ஆர் விஜயா நடித்த இத் திரைப்படத்தை மா லட்சுமணன் இயக்கி இருக்கிறார்.  கண்ணதாசன் பாடல்.  சங்கர் கணேஷ் இசை.

சில பாடல்கள் கேட்கும்போது இப்படி ஒரு பாட்டு வந்திருக்கிறதா என்று தோன்றும்.  சில, எப்போதோ கேட்டிருக்கிறோமே, அடடா இதை இத்தனை நாள் மறந்திருக்கிறோமே என்று தோன்றும்.  அந்தத் வகைப் பாடல் இன்றைய பாடல்.  சிலோன் வானொலிக்கு ரொம்பப் புண்ணியம்.

சென்ற வாரம் பகிர்ந்த P B ஸ்ரீனிவாஸ் கன்னடப்பாடல் எனக்கு இந்தப் பாடலை ஏனோ நினைவூட்டியது.  எனவே இந்த வாரம் இந்தப் பாடல்.

எங்கெங்கும் உன் வண்ணம்

அங்கெல்லாம் என் எண்ணம்

எங்கெங்கும் உன் வண்ணம்

அங்கெல்லாம் என் எண்ணம்

பாடுவதோ உன் மொழியே

தேடுவதோ உன் நிழலே

கண்ணம்மா...... (எங்கெங்கும்...)

.

முத்துச் சிப்பி போலே – கண்

மூடிக் கொண்ட போதும்

முத்துச் சிப்பி போலே – கண்

மூடிக் கொண்ட போதும்

மூடிக் கொண்ட கண்ணில் எந்தன்

எண்ணம் வந்து மோதும்

மௌனத்தில் வார்த்தை சொல்லம்மா - என்

நெஞ்சத்தில் என்றும் நில்லம்மா

மௌனத்தில் வார்த்தை சொல்லம்மா - என்

நெஞ்சத்தில் என்றும் நில்லம்மா

கண்ணம்மா...... (எங்கெங்கும்...)

.

தாகம் என்று சொன்னேன் - நீ

தண்ணீர் தரவில்லை

மோகம் என்று சொன்ன பின்னும்

முத்துத் தரவில்லை

தாகத்தைத் தீர்த்து விடம்மா - இல்லை

மோகத்தைக் கொன்றுவிடம்மா

கண்ணம்மா.. (எங்கெங்கும்...)