​​"திங்க"க்கிழமை - தஹி மதுர் - துரை செல்வராஜூ ரெஸிப்பி

 தஹி மதுர்..

என்னங்கடா இது!.. மறுபடியும் சமசுக்கிருதமா?..

தஹி மதுர் என்றால் தயிர் மதுரம்..

#₹#₹%&%&#₹ !?...

நம்ம லஸ்ஸி தாங்க!..

இந்த மாரி ஜென்டமிள்..ல சொல்ல வேண்டியது தானே!..

எல்லாம் வெயில் கோளாறு தான்!.. 

தஹி மதுர் அடிச்சா... சை.. லஸ்ஸி குடிச்சா எல்லாம் சரியாய்டும்.. ன்னு சொல்ல வர்றே.. அதானே..பா!..

அதே தாங்க... அதே தான்!..

சரி சொல்லு!..

புத்தம்புது தயிர் - ஒன்றரை கப்

அட.. அதுக்கு எங்க போறது?..  டப்பா தயிரு ஒத்து வருமா இதுக்கு?..

அதெல்லாம் கெமிக்கலுங்க..

அப்போ என்ன தான் செய்றது?..

வீட்ல விவரம் சொல்லி அரை லிட்டர் பசும்பால் வாங்கி கொடுத்தீங்கன்னா அதை தயிராக்கிட்டுப் போறாங்க...

அதுக்குத் தெரியுமா இதெல்லாம்?..

இல்லத்தரசிகளுக்கு தான் எல்லாந் தெரியுமே!..

இருந்தாலும் ...

தண்ணீர் விடாமல் பாலை நன்றாகக் காய்ச்சி ஆற வைத்து உறை ஊற்றி வைக்க வேண்டும்.. இதுதான் முக்கியம்.. இப்படிக் கிடைத்த தயிருடன் கால் tsp பட்டைத் தூளும் மூன்று tbsp பழுப்புச் சர்க்கரையும் மூன்று குவளை குளிர்ந்த நீரும் சேர்த்து தயிர் மத்தினால் சிலுப்பிக் கொள்ளவும்.. 

பாரம்பரிய தயிர் மதுரம் தயார்..

மத்து எல்லாம் சொல்றீங்க!?. மத்துக்கு எங்கே போறது?.. நான் பார்த்ததே இல்லையே!.. 

வாழ்க்கையே மிக்சி ன்னு ஆனதுக்கு அப்புறம் தயிர் மத்து எப்படி கைக்கு வரும்?..

வீட்ல தயிர் மத்து இருந்தால் மின்செலவு குறையும்!.. தவிர கைகளுக்கும் நல்ல பயிற்சி!..

கையில் காசு பணம் நிறைய இருந்தால்  முந்திரி/ பிஸ்தா வாங்கி சன்னமாக பொடி செய்து தயிர் மதுரத்தில தூவிக் கொண்டு அருந்தலாம்..

நம்முடைய நலம்

நம்முடைய கையில்!..

**"