மனைவியிடம் பொய்சொல்லிமாட்டிக்கொண்ட அனுபவம் உண்டா?

 

கே. சக்ரபாணி சென்னை 28: 

 நீங்கள்   மனைவியிடம்  பொய்சொல்லிமாட்டிக்கொண்ட அனுபவம்  உண்டா?

# பொய் சொல்வது உண்டு. மாட்டிக் கொள்ளாதபடிக்கு சொல்லத் தெரியும் என்பதால் இதுவரை பிரச்சினை இல்லை.

& ரொம்ப யோசித்துப் பார்த்தேன். பொய் சொன்னது உண்டு; ஆனால் அதில் மாட்டிக்கொள்ள எதுவும் இல்லை! அது என்ன பொய் என்று கேட்கிறீர்களா? 

" உலகத்தில் நீ ஒருத்திதான் ரொம்ப அழகு " 

பானுமதி வெங்கடேஸ்வரன்: 

பெரும்பாலும் மக்களுக்கு 50 வயதிற்கு பிறகுதான் முறையான உணவு, உடற்பயிற்சி இவைகளில் ஆர்வம் வருகிறது. காரணம் என்ன?

$ முன் பாதி (வயது) கல்லையும் ஜீரணிக்கும்!

# உடல் தவறான வகையில் மாறி வருகிறதோ என்ற கவலை 50க்கு மேல்தான் இயல்பாக வருகிறது.

& பிறந்தது முதல், படிப்பு முடிக்கும் வரையில் அம்மாவின் உணவுக் கட்டுப்பாட்டு திட்டத்தில் வளர்கிறோம். அம்மா, நமக்கு எது பிடிக்கும், எப்படி இருந்தால் பிடிக்கும், எது உடம்புக்கு ஒத்துக்கொள்ளும் என்றெல்லாம் பார்த்து அதற்கேற்ப நமக்குக் கொடுத்து வளர்க்கிறார்கள். 

வேலை பார்க்க ஆரம்பித்தவுடன், சூழ்நிலைக்கேற்ப - சுவைக்கேற்ப நமக்குக் கிடைப்பதை சாப்பிட்டு வளர்கிறோம். 

கல்யாணத்திற்குப் பிறகு, கணவன் அல்லது மனைவிக்குப் பிடித்தவை என்று முன்னுரிமை மாறுகிறது. 

குழந்தை(கள்?) பிறந்த பிறகு அவர்களின் நலன் முன்னுரிமை பெறுகிறது. 

நம்முடைய ஐம்பது வயதில் குழந்தைகள் தலையெடுத்து, அவர்கள் வேலை பார்க்க ஆரம்பித்தவுடன் நமக்கு முறையான உணவு, உடற்பயிற்சி - இவற்றின் மீது ஆர்வம் வருகிறது. 

ஆக - அந்தந்த வயதில் - இந்த உணவு / உடற்பயிற்சி வழக்க சுழற்சி இயற்கையானதுதான்! 

(என்னுடைய பையன், அவனுடைய முப்பதாவது வயதிலிருந்தே, அவனுடைய அம்மா & அப்பா, குழந்தைகள் எல்லோருக்குமே ஜங்க் ஃபுட் சாப்பிட தடா போட்டுவிட்டான்!  அவனும், மருமகளும் கூட ஜங்க் ஃபுட் சாப்பிடுவதில்லை!) 

காந்தி, இந்திரா காந்தி இருவருக்கும் ஒற்றுமை,வேற்றுமை at least  one சொல்ல முடியுமா?

& முடியும். இதோ :

ஒற்றுமைகள் : 

1) பெயர். 

2) இருவரும் துப்பாக்கியால் சுடப்பட்டு இறந்தனர். 

3) இருவரையும் கொன்ற நபர், தங்களுடைய மதநம்பிக்கைகளுக்கு / கொள்கைகளுக்கு எதிராக இறந்தவர் செயல்பட்டதால் அவரை சுட்டதாக நம்பப்படுகிறது. 

4) இருவரும் உயிரிழந்த ஆண்டு எண்களில் 1,4,8,9 என்ற எண்கள்! மாத எண்ணில் 0 & 1 ; தேதி 3x ! மாதக்கடைசி.  

மகாத்மா சுடப்பட்டது 1948 (01 - "ஜனவரி" மாதம் 30 ஆம் தேதி )  

இந்திரா காந்தி சுடப்பட்டது 1984 (10 - "அக்டோபர்" மாதம் 31 ஆம் தேதி )

வேற்றுமை :

ம காந்தி : அஹிம்சை! 

இ காந்தி : ஹிம்சை :(( 

= = = = = = = =

எங்கள் கேள்விகள் : 

1) நீங்கள் சமீபத்தில் மகிழ்ச்சி அடைந்த நிகழ்வு எது? 

2) நீங்கள் சமீபத்தில் கோபம் கொண்ட நிகழ்வு எது?

3) நீங்கள் சமீபத்தில் சந்தித்த ஏமாற்றம்?

4) சமீபத்து ஆச்சரிய நிகழ்வு எது? 

= = = = = = = = = =

KGG பக்கம் : 

வந்தது ஆகஸ்ட் 16 - 1971! 

வீட்டில் இருந்த சுவாமி படங்களை எல்லாம் பார்த்து மனமார வேண்டிக்கொண்டு, CNT பாலிடெக்னிக் - ரண்டால்ஸ் ரோட் ( சில வருடங்களுக்குப் பிறகு இந்த ரோட் ஈ வி கே சம்பத் சாலை என்று பெயர் மாற்றம் செய்யப்பட்டது) -  வேப்பேரி - சென்னை 7 - நோக்கி நடந்து சென்றேன். ஆமாம் - நான் இருந்த வீட்டிலிருந்து நடந்து செல்லக்கூடிய தூரம்தான்! 

அந்த பாலிடெக்னிக் வளாகத்தில் அன்று பெரிய கூட்டம் காத்திருந்தது! சுமார் நானூறு பேர் அன்று முதல் batch எழுத்துத் தேர்வுக்கு அழைக்கப்பட்டிருந்தனர். அந்தக் கூட்டத்தில் என்னுடன் படித்த நான்கைந்து மாணவர்களும் வந்திருந்தனர். காலை, மதியம், மாலை - என மூன்று batch எழுத்துத் தேர்வுகள் நடந்தன என்று பிறகு தெரிந்துகொண்டேன். ( 3 X 400 = 1200!) 

சரியாக காலை 9 மணிக்குத்தான் எங்களை ஜூப்ளி ஹால் உள்ளே விட்டார்கள். 

ஒவ்வொருவராக தங்களுக்கு வந்த எழுத்துத் தேர்வு கடிதத்தைக் காட்டி, உள்ளே சென்று, ஆளுக்கொரு  தனி மேஜைக்குப் பின்னால் உள்ள தனி ஸ்டூலில் அமர்ந்துகொண்டோம். 

வினாத்தாள்களை ஏந்தி வந்த ஒரு ஆஜானுபாகு ஆங்கிலோ இந்தியர் 'தஸ் புஸ்' என்று ஆங்கிலத்தில் உரையாற்றினார். 

சாராம்சம் இதுதான்: 

யாரும் ஒருவருக்கொருவர் பேசிக்கொள்ளக்கூடாது. 

யாராவது ஒருவரையொருவர் பார்த்து காபி அடிக்க முயன்றால், இருவருடைய தேர்வுத்தாள்களும் பறிமுதல் செய்யப்படும். இருவரும் பரிட்சை ஹாலை விட்டு வெளியேற்றப்படுவார்கள். 

கேள்வித்தாள்கள் மேஜை மீது கவிழ்த்து வைக்கப்படும். 

முதல் மணி அடிக்கும்வரை அதை யாரும் தொடக்கூடாது, கையில் எடுக்கக்கூடாது; பார்க்கக்கூடாது; படிக்கக்கூடாது ! 

முதல் மணி அடித்தவுடன் வினாத்தாளைக் கையில் எடுத்து முதல் பக்கத்தின் மேல் வலது மூலையில் பெயர் மற்றும் எழுத்துத் தேர்வு அழைப்புக் கடிதத்தின் reference எண் ஆகியவற்றை எழுதிவிட்டு, விடைகளை வினாக்களின் கீழேயே உள்ள பகுதியில் எழுதவேண்டும். 

மொத்தம் 50 கேள்விகள். 

பரிட்சை நேரம் : 45 நிமிடங்கள். 

இரண்டாவது மணி அடித்ததும் எழுதிய கேள்வி / பதில் தாளை முன்பு இருந்தபடியே மேஜை மீது கவிழ்த்து வைத்துவிட்டு எல்லோரும் அறையை விட்டு வெளியேறவேண்டும். 

முதல் மணி அடிக்கப்பட்டது. 

வினாத்தாளை ஆவலுடன் எடுத்து பெயர் , reference எழுதி - வினாக்களை மேலோட்டமாகப் பார்த்தேன். 

பெரும்பாலான கேள்விகள் CSR புத்தகத்தில் நான் பார்த்த வகை கேள்விகள். 

ஒரு உதாரணத்திற்கு .. இந்த வகை கேள்விகள் :

1. Which of the following words is opposite in meaning to "Fast"?

a) Quick

b) Slow

c) Rapid

d) Speedy

2. Choose the correct analogy:

a) Doctor : Hospital :: Teacher : ?

a) School

b) College

c) University

d) Library

1. If A > B and B > C, then which of the following is true?

a) A > C

b) A

c) A = C

d) None of these

2. Which of the following statements is a valid conclusion from the given premises?

a) All men are mortal. Socrates is mortal. Therefore, Socrates is a man.

b) All men are mortal. Socrates is a man. Therefore, Socrates is mortal.

c) Some men are mortal. Socrates is mortal. Therefore, Socrates is a man.

d) None of these

1. If x + 5 = 8, then what is the value of x?

a) 3

b) 5

c) 7

d) 9

2. If a train travels 200 km in 4 hours, how many km does it travel per hour?

a) 50

b) 60

c) 70

d) 80

1. Which of the following shapes is a mirror image of the given shape?

a) Shape A

b) Shape B

c) Shape C

d) Shape D

( 4 shapes given )

2. Which of the following patterns comes next in the series?

a) Pattern A

b) Pattern B

c) Pattern C

d) Pattern D

( 4 patterns given ) 

.. .. 

இவற்றோடு பல முக்கோணங்கள் ஒருங்கிணைந்த படத்தைக் கொடுத்து எவ்வளவு முக்கோணங்கள் உள்ளன 

எது எடை அதிகம் - சம அளவு கொண்ட இரண்டு வாளிகளில் ஒன்றில் தண்ணீர் விளிம்பு வரை உள்ளது - மற்றொன்றில் விளிம்பு வரை ஆப்பிள் பழங்கள் உள்ளன. 

குதுப்மினாரைக் கட்டியவர் யார்? 

The phenomenon - where a substance can have different physical properties but with same chemical properties is known as ----------------.

Who is the vice chancellor of West Germany?

இப்படி சுற்றிச் சுற்றி கேள்விகள் இருந்தன. 

எல்லாவற்றையும் சமாளித்து, பதில்கள் எழுதி முடித்தேன். 

குறைந்த பட்சம் 45 கேள்விகளுக்காவது சரியான பதில்கள் எழுதினேன் என்று ஞாபகம்.  

அப்புறம்? 

= = = = = = = = = =