"திங்க"க்கிழமை : முளைகட்டிய தானிய பூரண கேழ்வரகு மாவு கொழுக்கட்டை - கீதா ரெங்கன் ரெஸிப்பி

 

 முளைகட்டிய தானிய பூரண கேழ்வரகு மாவு கொழுக்கட்டை

No முன்னுரை, கதை. Only செய்முறை.

பிடித்தவர்கள் செய்து பார்க்கலாம். 

கேழ்வரகு மாவு ஒரு பங்கு  எடுத்துக் கொண்டால் கொழுக்கட்டை அரிசி மாவு கால்பங்கு எடுத்துக்கோங்க. சூடு வரும் அளவு மட்டும் வறுத்துக் கொள்ள வேண்டும். சிவக்கவோ ரொம்ப மணம் வரும் வரை வறுக்கக் கூடாது.  

 

கேழ்வரகு மாவுக்கு இரண்டு பங்கு தண்ணீர், அரிசி மாவுக்கு சம அளவு தண்ணீர் எடுத்துக் கொதிக்க வைக்கும் போது தேவையான அளவு உப்பு, ஒருஸ்பூன் நல்லெண்ணை விட்டு கொதித்ததும் மாவில் விட்டு நன்றாகக் கிளறி் கெட்டியாகத் திரண்டு வரும் போது அடுப்பை அணைத்து மாவு ஆறியதும் நன்றாகப் பிசைந்து வைத்துக் கொண்டு விடலாம்

முளைகட்டிய பயறு அல்லது எல்லா பயறுகளின், தானியங்களின் கலவையை 10 நிமிடம் ஆவியில் வைத்து சிறிதாக மசித்துக் கொண்டு அதோடு தேங்காய், மாங்காய், விருப்பப்பட்டால் வேறு பச்சைக்காய்களும் கலந்து கொண்டு உப்பு மிளகுப் பொடி கலந்து கடுகும் பெருங்காயமும் தாளித்து கொத்தமல்லித் தழை சேர்த்து கலந்துவிட்டால் பூரணம் தயார். 

பிசைந்த மாவில் சிறிய கிண்ணமாகச் செய்து பூரணம் வைத்து மூடி ஆவியில் 20 நிமிடங்கள் வேக வைத்தால் முளைகட்டிய தானிய பூரண கேழ்வரகு மாவு கொழுக்கட்டை தயார்.

https://youtube.com/shorts/LlpC4W9CduA