பொன்னுலகம் கண்ணில் காணும் வரை கண்ணுறங்கு... கண்ணுறங்கு..

வாலி எழுதிய பாடலை,  தானே இசை அமைத்து பாடி இருக்கிறார் T M சௌந்தர்ராஜன்.

ஓராறு முகமும் ஈராறு கரமும்

தீராத வினைதன்னைத் தீர்க்கும்

துன்பம் வாராத நிலைதன்னைச் சேர்க்கும் 

அய்யன் ஓராறு முகமும் ஈராறு கரமும்

தீராத வினைதன்னைத் தீர்க்கும்

ஆராவமுதென அருள்மழை பெய்யும்

ஆராவமுதென அருள்மழை பெய்யும்

கூரான வேல் கொண்டு கொடுமைகளைக் கொய்யும்

ஓராறு முகமும் ஈராறு கரமும்

தீராத வினைதன்னைத் தீர்க்கும்

ஸ்வாமி மலையில் சிவகுருவென்று

ஸ்வாமி மலையில் சிவகுருவென்று

திரு சீரலைவாயிலில் சூரனை வென்று

தேமதுர மொழியாள்...

தேமதுர மொழியாள் தேவானையை மணந்த

திருப்பரங்குன்றில் தரிசனம் தந்த அந்த

ஓராறு முகமும் ஈராறு கரமும்

தீராத வினைதன்னைத் தீர்க்கும்

மாமனைப்போல் இரு மாதுடன் கூடி

மாமனைப்போல் இரு மாதுடன் கூடி

மாலையில் பழமுதிர்ச் சோலையிலாடி

மாமயிலேறிட திருத்தணித் தேடி

மாமயிலேறிட திருத்தணித் தேடி

மோஹமெல்லாம் தீர்ந்து ஆவினன்குடி சேர்ந்த

ஓராறு முகமும் ஈராறு கரமும்

தீராத வினைதன்னைத் தீர்க்கும்

துன்பம் வாராத நிலைதன்னைச் சேர்க்கும்

====================================================================================================

T R ராமண்ணா தயாரிப்பில், வின்சென்ட் இயக்கத்தில் தோப்பில் பாசி மூலக்கதைக்கு தமிழில் மல்லியம் ராஜகோபால் வசனம் எழுத, வெளியான சோக சித்திரம் துலாபாரம்.  அழுவாச்சி காவியம்.

சாரதா, ஏ வி எம் ராஜன், முத்துராமன், நாகேஷ், சுந்தர்ராஜன் நடித்த படத்தில் பாடல்களை கண்ணதாசன் எழுத, ஜி தேவராஜன் இசை.

1968 ல் மலையாளத்தில் வெளியாகி விருதுகளை வாங்கிய படம்.  தமிழ் தெலுங்கு மொழிகளிலும் எடுக்கப்பட்டு வசூலைக் குவித்தது.

இந்தப் படத்திலிருந்து டி எம் சௌந்தர்ராஜன் - பி. சுசீலா பாடிய 'பூஞ்சிட்டு கன்னங்கள் பொன்மணி தீபத்தில்' பாடல்...  மென்மையான, அமைதியான, இனிமையான தாலாட்டுப் பாடல்.

அந்த பொன்னுலகம் கண்ணில் காணாமலே போவதுதான் சோகம்.  

பணக்கார வீட்டில் வளர்ந்து ஏழையான சாரதா அதற்குத் தக்க வரிகளைப் பாட, முதலிலிருந்தே ஏழையான AVM ராஜன் எளிமையான வரிகளைப் பாட,  பாடலின் முடிவில் ஏழைகளின் ஒரே என்டர்டெயின்மென்டுக்கு செல்கிறார்கள்!

பூஞ்சிட்டுக் கன்னங்கள் பொன்மணி தீபத்தில்

பால் பொங்கல் பொங்குது பன்னீரிலே

பொங்கல் பிறந்தாலும் தீபம் எரிந்தாலும்

ஏழைகள் வாழ்வது கண்ணீரிலே - இந்த

ஏழைகள் வாழ்வது கண்ணீரிலே

 

பூஞ்சிட்டுக் கன்னங்கள் பொன்மணி தீபத்தில்

பால் பொங்கல் பொங்குது பன்னீரிலே

  

பொங்கல் பிறந்தாலும் தீபம் எரிந்தாலும்

ஏழைகள் வாழ்வது கண்ணீரிலே - இந்த

ஏழைகள் வாழ்வது கண்ணீரிலே   

செல்வர்கள் இல்லத்தில் சீராட்டும் பிள்ளைக்குப்

பொன் வண்ணக் கிண்ணத்தில் பால் கஞ்சி

கண்ணீர் உப்பிட்டுக் காவேரி நீர் இட்டு

கலயங்கள் ஆடுது சோறின்றி

இதயங்கள் ஏங்குது வாழ்வின்றி

கண்ணுறங்கு கண்ணுறங்கு..

பொன்னுலகம் கண்ணில் காணும் வரை

கண்ணுறங்கு கண்ணுறங்கு..   - பூஞ்சிட்டு கன்னங்கள் 

மாணிக்கத் தேர் போல மையிட்டுப் பொட்டிட்டு

மகராஜன் செல்வங்கள் விளையாடும்

கண்ணாடி வளையலும் காகிதப் பூக்களும்

கண்ணே உன் மேனியில் நிழலாடும்

இல்லாத உள்ளங்கள் உறவாகும்

கண்ணுறங்கு கண்ணுறங்கு..

பொன்னுலகம் கண்ணில் காணும் வரை

கண்ணுறங்கு கண்ணுறங்கு..

பூஞ்சிட்டு கன்னங்கள்......