அருள்மொழி கூறும் பறவைகள் ஒலி கேட்டதுண்டா?

 

நெல்லைத்தமிழன்: 

ஒருவன் உடலுழைப்பு செய்துகொண்டு, சைக்கிளை மாத்திரம் உபயோகித்து, வீட்டில் செய்யும் உணவை மாத்திரம் சாப்பிட்டுக்கொண்டு, வேறு சினிமா போன்ற பொழுதுபோக்குகளே இல்லாமல் இருந்தால், அவனால் அந்த தேசத்தின் பொருளாதாரத்திற்கு ஒரு பிரயோசனமும் இல்லை என்று படித்தேனே. உண்மையா?  

# பணம் சுழற்சியில் இருப்பதுதான் நிதி நிலையில் ஆரோக்கியத்திற்கு அடையாளம் என்ற விவாதத்தின் அடிப்படையில் இது ஓரளவு உண்மைதான்.‌ ஆனாலும் மிச்சம் ஆகிற பணத்தை குழியில் புதைத்து வைக்காமல் வங்கியில் போட்டு வைப்பவர் அதன் மூலமாக நாட்டின் நிதி நிலைமையை மேம்படுத்த ஒரு மறைமுக உதவியே செய்கிறார் என்பதும் சரிதான்.

சமூகத்தின் தன்மையால், ஒருவன் தான் மேற்கொண்ட தனக்கு விருப்பமான ப்ரொஃபஷனில், அறமற்ற செயல்களைச் செய்ய நேரும்போது என்ன நினைப்பான்? (உதாரணம், மக்களுக்குச் சேவை செய்ய மருத்துவம் படித்துவிட்டு வேலை செய்யும் கம்பெனிக்காக சிசேரியன், ஸ்கேனிங் போன்றவற்றை ஆதரிப்பது, மக்களுக்குச் சேவை செய்ய பொது வாழ்வுக்கு வந்து, வாக்கு பெறுவதற்கே மக்களுக்கு லஞ்சம் கொடுக்கவேண்டியிருப்பது, மேலிடத்திற்காக பல தவறுகளைக் கண்டுகொள்ளாமல் அல்லது அதற்கு உடன்படுவது). 

# அடிப்படையில் யோக்கியமாக, தவறுகள் இழைக்காமல் இருக்க வேண்டும் என்கிற ஊக்கம் இருக்கிறவர்களுக்குக் கூட சில சமயம் அந்த நேர் வழியில் இருந்து சற்றுப் பிறழ வேண்டிய நிர்ப்பந்தங்கள் ஏற்படுவதை நான் என் வாழ்க்கையிலேயே பார்த்திருக்கிறேன். சில சந்தர்ப்பங்களில் நமது ஆசை சற்றே தலை தூக்கி, நம்மை சரியான வழியில் செயல்பட விடாமல் தடுப்பதையும் பார்த்திருக்கிறேன்.

பதின்ம வயதுவரை பெண் குழந்தையைவிட பையனைப் பிடிப்பதும், அதன் பிறகு பெண்ணின் மீது பையனை விட அதிகமாக பாசம் காட்டுவதும் இயல்பான ஒன்றா?   (இதை உடனே அரசியல் கேள்வின்னு நினைத்து, அன்புமணி, இராமதாஸ், மகள் வயிற்றுப் பேரன் என்றெல்லாம் கற்பனையை ஓட்டிவிடாதீர்கள்)

# ஒரு குழந்தையைப் பற்றிய அபிப்பிராயம் மற்றொரு குழந்தையை பற்றியதுக்கு மாறாக இருப்பது புரிந்து கொள்ளக் கூடியது. அதற்கு நியாயமான காரணங்களும் இருக்கும்.  ஆனால் அன்பு பாசம் என்பது,  ஒரு குழந்தையிடம் அதிகம் ஒரு குழந்தையிடம் குறைவு என்பதை என்னால் புரிந்து கொள்ள முடியவில்லை. 

என்றாலும்,  விரைவில் திருமணம் ஆகி நமக்குக் கொஞ்சம் அந்நியப்பட்டுப் புக்ககம் போகப் போகிற பெண் என்பதால் மகள் மேல் பாசம் அதிகம் இருக்கிறதோ என்னவோ.‌

எல்லோரும் இயற்கைச் சூழலில் வாழ்வதற்கு ரொம்பப் பிடிக்கும் என்றெல்லாம் சொல்கிறார்களே. அந்த மாதிரி இயற்கைச் சூழலில் நாம் இப்போது வாழ்வது என்றால், நமக்கு உடல்நிலை மிக fit ஆக இருக்கவேண்டும் அல்லவா? பிபி, ஷுகர், மற்றும் பலவற்றை வைத்துக்கொண்டு நாம் இயற்கைச் சூழலில் எப்படி வாழ்வது? (அவசரத்துக்கு நார்க்கட்டிலில் நான்கு பேர் தூக்கிக்கொண்டு, பல மைல் கடந்து ஆஸ்பத்திரிக்குக் கொண்டு செல்ல வேண்டியிருக்கும்)

# நாம் கற்பனை செய்வது பலவும் கற்பனை செய்யும் போது நன்றாகத் தான் இருக்கும். ஆனால் அதுவே வாஸ்தவமாக ஆகும்போது அவ்வளவு நன்றாக இருக்குமா என்பது ஒரு பெரிய தேனும் பாலும் ஆறாக ஓடியது என்று சொல்லும் போது அதிலே எவ்வளவு மொய்க்கும் என்பதை நாம் மனதளவில் கற்பனை செய்து பார்ப்பதில்லை. இந்த இயற்கையோடு இசைந்த வாழ்வு என்பதும் அந்த மாதிரி ஒரு பொய்மான். கற்பனையில் மிக நன்றாக இருக்கும். உண்மையாக வரவழைத்துக் கொண்டாள் நூறு பிரச்சனைகள் நாம் எதிர்பாராதது எல்லாம் முன்னே வந்து நிற்கும். இதுதான் உலகம் இப்படியானது தான் வாழ்க்கை.

ஒரு பெண்ணைத் திருமணம் செய்துகொள்ள, அந்தப் பெண்ணுக்கு முக்கியமாக என்ன என்ன தேவை? (மாற்றுத்திறனாளிப் பெண்ணைத் திருமணம் செய்துகொண்டால், அதனை ஏதோ மிகப் பெரிய தியாகம்போலச் சித்தரித்து செய்திகள் வருகின்றனவே அதனால் எழுந்த கேள்வி). அழகு முக்கியமா, உடற்தகுதி-மாற்றுத்திறானாளியாக இல்லாமலிருப்பது முக்கியமா?, ஸ்மார்ட்னெஸா? நன்கு வேலை செய்யும் திறமையா? நல்ல குணமா?  இல்லை தங்களை (பெற்றோர்) வயதான காலத்தில் பார்த்துக்கொள்வாளா என்ற அளவீடா? இல்லை பணமா?

# அழகு, பணவசதி, கைகொடுக்க உறவுகள், ஆரோக்கியம் எல்லாமே முக்கியம் தான். இதில் எது எது எவ்வளவு அமைகிறது என்பது அவரவர் அதிர்ஷ்டத்தை பொறுத்தது . இதில் மிக எளிதில் விட்டுக் கொடுக்கக்கூடிய அம்சம்  அழகு அடுத்து பண வசதி.‌

வாழ்க்கைத் துணை அமைவது இறைவன் கொடுத்த வரம், அல்லது நமது கர்மபலன் என்று திடமாக நம்புகிறவன் நான்.

சமீபத்தில் ஸ்ரீராம், பந்தியின் பரிமாறுவதைப் பற்றிய கருத்தில் //சாப்பிடுபவர்கள் தேவை இல்லாததை வேண்டாம் என்று சொல்லப் பழக வேண்டும்.  யார் வீட்டு காசோ என்பது போல வீண் செய்யக் கூடாது. // என்று எழுதியிருந்தார். கொஞ்சம் சாப்பிட்டுப் பார்க்காமல் எப்படி ஒன்றை வேண்டாம் என்று சொல்லமுடியும் நமக்கு அந்த ஐட்டம் பிடிக்காது என்று இருந்தாலொழிய.  கேட்டு வாங்கிப் போட்டுக்கொண்டு வீணாக்குவது அராஜகம். அதைக் குறிப்பிடவில்லை. அதுவும் தவிர, என்ன ஐட்டம் பரிமாறப்போகிறார்கள் என்று பார்ப்பதற்குள்ளேயே இலையில் வேகமாகப் பரிமாறிவிட்டால் என்ன செய்வது?

# இலைக்கு முன் உட்கார்ந்தவுடனேயே " ரொம்ப ரொம்ப கொஞ்சம் " என்று உணர்த்துவது போல கையை இலைக்குக் குறுக்கே வைத்துக் கொண்டு தான் நான் உட்காருவேன். எது பரிமாறினாலும் முதலில் மிகச் சொற்பமான அளவு போதும். நமக்கு பிடித்ததானால் அது நன்றாகவும் இருந்தால் பிறகு கேட்டு வாங்கிப் போட்டுக் கொள்ளலாம்.‌ போடாவிட்டாலும் பரவாயில்லை.  இதுதான் என்னுடைய பந்தி மனப் பாங்கு. 

இதிலே ஆபத்து என்னவென்றால்,  நாம் என்னதான் சொன்னாலும் எப்படி சொன்னாலும்,  இயந்திரத்தனமாக ஒரு கரண்டியில் எடுத்து வீசி விட்டுப் போய் விடுவார்கள்.  இது பல பந்திகளில் நான் சந்தித்த சவால்.

இன்றைய வெள்ளி பாடல் (விஜய்) கேட்டபின் எனக்கு எழும் கேள்வி. கதாநாயகன் 80 வயதானாலும் கதாநாயகனாக நடிக்கிறான், தனக்கு 20 வயதுப் பெண்ணை கதாநாயகியாகப் போடணும் என்கிறான். ஆனால் கதாநாயகிக்கு 35 வயதானாலே, கூசாமல் 70 வயது கதாநாயகனுக்கு அம்மா ஆக்கிடறாங்க. இது கொடுமையாகத் தெரியவில்லையா?

# நிச்சயமாகக் கொடுமைதான். ஆனால் படம் என்பது நியாய உணர்வுக்கான போஸ்டர் அல்ல. அது பணம் சம்பாதித்துத் தரக்கூடிய சாதனம்.  நாயகனை அவரது இமேஜ் காரணமாகவும் நாயகியை அழகு கவர்ச்சிக்காகவும் பயன்படுத்துகிறார்கள்.‌

நீங்கள் இயக்குநராகி, நடிகர் விஜய், ரஜினி போன்றோரை இயக்கினால், ஆரம்ப காலத்தில் அவர்களுக்கு கதாநாயகியாக நடித்த சங்கீதா, ராதிகா, ஹீரா போன்றோரை கதாநாயகியாக ஆக்குவீர்களா?

# நான் எடுக்கும் படம் தோல்வியடைய நானே ஏன் காரணமாக வேண்டும் ?

= = = = = =

& கேள்வி : என்னப்பா @CGSenu நெல்லை கேள்விகளுக்கு நீ ஒன்றும் பதில் சொல்லவில்லையே ! 

@CGSenu: நல்ல மாட்டுக்கு ஒரு சூடு ! 

கே. சக்ரபாணி சென்னை. 

1.  ஒவ்வொரு  பறவைகளும்  ஒவ்வொரு  விதமாக  ஒலி எழுப்பி  எதையோ தெரிவிக்கிறது.  இதுவரை   யாரேனும். அந்த  ஒலிகளுக்கு  அர்த்தம். கண்டுபிடித்து, அவை என்ன  சொல்கின்றன  என்று கண்டுபிடித்திருக்கிறார்களா?  

# இது பற்றி விரிவான ஆய்வுகள் செய்யப்பட்டுள்ளன.‌

& ஆம் - பறவைகள் எழுப்பும் ஒலி ஒவ்வொன்றுக்கும் அர்த்தம் உள்ளது. 

இதை Penguin birdsworth  என்பவர் பதினெட்டாம் நூற்றாண்டின் தன்னுடைய புத்தகத்தில் பறவைகள் பாஷையிலேயே குறிப்பிட்டுள்ளார். 

அது இதோ : 

👈👥👼👹

💂💃💥

💘😊👿🙋

💩💃💙

👭💫😻  

இதில் கடைசி வரியின் அர்த்தம் : " பாம்பு மற்றும் பூனைகளிடம் எச்சரிக்கை தேவை - கவனமாக இருங்கள் பிள்ளைகளே (பறவைக் குஞ்சுகளே! ) 

2.  வெல்டிங்கிற்கும்    வெட்டிங்கிற்கும்  உள்ள    ஒற்றுமை  என்ன? 

# இரண்டுமே இணைப்புதான்.

& Wedding : Physical change. Temporary change. No heat, light and sound take place (even during fighting by the wife) 

Welding : Chemical change. Permanent change. Heat, light and sound occur during a chemical change. 

Chemical change and Physical change - lesson in my JTS days! 

= = = = = = = = = = = 

KGG பக்கம். 

பாண்டிச்சேரி பயணப் படங்கள். 

இந்த வாரத்துடன் பா சே பயணப் படங்கள் முடிவடைகிறது. 

கடலலைகளையும், நினைவலைகளையும் பின்னே ஒரு சுமையாக சுமந்துகொண்டு, பாண்டிச்சேரி விட்டுக் கிளம்பிய போது .. 

பத்து வயதுக்கு உட்பட்ட சிறுவன் அல்லது சிறுமி ஆற்றங்கரைக்கோ அல்லது கடற்கரைக்கோ சென்றால், தவறாமல் செய்யும் ஒன்று : மணலில் கோபுரம் கட்டுவது. 

நான் கட்டிய கோபுரங்கள் எல்லாமே நாகை கடற்கரையிலும் மற்றும் அந்தக் காலத்து காக்கா பிள்ளையார் கோவில் குளத்தின் கரையில் கொட்டி வைக்கப்பட்ட ஆற்று மணலிலும் நூற்றுக் கணக்கில் இருந்திருக்கும். 

எங்கள் பாண்டிச்சேரி பயணத்தில் நாங்கள் எல்லோருமே 11 வயதுக்கு மேற்பட்டவர்கள்தான். 

ஆனாலும் அங்கே வேறு யாரோ - சிறு வயது ராஜராஜ சோழன் அல்லது சோழி கட்டியிருந்த கோபுரம் என் கண்ணில் பட்டது. ஒரே கோபுரத்தின் இரண்டு படங்கள். 

கடலோரம் மணலெடுத்து 

கவிதைகளா(ய்) வீடு கட்டி 

கம்பு நட்டு வேலி கட்டி 

கச்சிதமாய் மகிழ்ந்திருந்த 

காலங்களின் நினைவுகளுடன் .. 

பாண்டிச்சேரி பயணப் படங்கள் நிறைவு பெறுகிறது. 

= = = = = = = = = = = = =

படப் போட்டிகள் பற்றி .. 

கடந்த பிப்ரவரி, மார்ச், ஏப்ரல், மே நாலு மாதங்கள் ஒரு தலைப்பு கொடுத்து, அதற்கான படங்கள் கேட்டு, அவற்றிற்கு வாசகர்களை வோட்டுப் போடச் சொல்லி , சில படங்களைத் தேர்ந்தெடுத்தோம். 

போட்டி என்று பெயரிட்டதால் அதில் பங்கேற்பதற்கு பலருக்கு தயக்கம் ஏற்பட்டது. ஒரு சிலர் மட்டுமே படப்போட்டியின் உண்மைத் தன்மை உணர்ந்து படங்கள் அனுப்பி வந்தார்கள். 

இனி வருகின்ற வாரங்களில், வாசகர்கள், தாங்களே ஒரு தலைப்பு அல்லது தீம் தேர்ந்தெடுத்து, (உதாரணம் : மேகங்கள், நிழல்கள், வித்தியாசமான கோணம் etc ) அதற்கு சில வரிகள் சேர்த்து படத்துடன் விளக்கம் அளிக்கலாம். அந்தப் படம் & வரிகள் பற்றி வாசகர்கள் கருத்துரைப் பகுதியில் தங்கள் கருத்துகளைப் பதியலாம். 

படம் அனுப்புபவர்கள், சுய படங்கள் (selfie) குடும்ப உறுப்பினர்களின் படங்கள் ஆகியவற்றைத் தவிர்க்கவும். 

இன்றைய பதிவில் நான் எடுத்த ஒரு வித்தியாசமான படம் இடம்பெறுகிறது. 

நான் இருக்கும் அடுக்குமாடி குடியிருப்பைச் சுற்றியுள்ள ஓடு(!) பாதையில் (jogging path ) நடந்தபோது ஒரு கொடுக்காப்புளி காய் / பழம் அதற்குப் பக்கத்தில் ஓர் இலை இரண்டும் கண்ணில் பட்டது. 

மனது அதை 💖U என்று படித்தது. 

உடனடியாக செயலில் இறங்கி, I என்பதைக் குறிக்க ஒரு குச்சி பிறகு ஒரு பூ என்று தரையில் அமைத்து, அதை படமாக எடுத்தேன். 

இதோ அது: 

இது வித்தியாசமான ஒரு சிறு முயற்சி. அவ்வளவுதான். இதைப் பார்த்து நீங்க யாரும் இலை, பூ, பழம் என்று குச்சி எடுத்துக்கொண்டு ஓடாதீர்கள்! 

நீங்கள் அனுப்புகின்ற படம் + விவரம் engalblog@gmail.com என்ற email விலாசத்திற்கோ அல்லது 9902281582 (குரல் அழைப்புகள் ஏற்கப்படாது ) என்ற whatsapp எண்ணுக்கோ அனுப்பவும். 

= = = = = = = = = =