பொன்னை விரும்பும் பூமியிலே இறைவன் இருக்கின்றானா

 பொன்னை  விரும்பும் பூமியிலே       ;       இறைவன் இருக்கின்றானா 

ஆலயமணி திரைப்படம் 1962 ல் வெளியான படம்.  சிவாஜி எஸ் எஸ் ஆர் சரோஜா தேவி முதலானோர் நடித்த படத்தை கே ஷங்கர் இயக்க, கண்ணதாசன் பாடல்களை எழுத, விஸ்வநாதன் ராமமூர்த்தி இசை அமைத்திருந்தனர்.

பாடல்கள் யாவுமே ஹிட்.

இந்தப் பாடலில் ஒருமாதிரி சுயபரிதாபம் தெரிந்தாலும் ரசிக்க வைத்த. ரசிக்க வைக்கும் பாடல்.

பொன்னை விரும்பும் பூமியிலே

என்னை விரும்பும் ஓர் உயிரே

புதையல் தேடி அலையும் உலகில்

இதயம் தேடும் என் உயிரே

பொன்னை விரும்பும் பூமியிலே

என்னை விரும்பும் ஓர் உயிரே

புதையல் தேடி அலையும் உலகில்

இதயம் தேடும் என் உயிரே

ஆயிரம் மலரில் ஒரு மலர் நீயே

ஆலய மணியின் இன்னிசை நீயே

ஆயிரம் மலரில் ஒரு மலர் நீயே

ஆலய மணியின் இன்னிசை நீயே

தாய்மை எனக்கே தந்தவன் நீயே

தங்க கோபுரம் போல வந்தாயே

புதிய உலகம் புதிய பாசம்

புதிய தீபம் கொண்டு வந்தாயே

பொன்னை விரும்பும் பூமியிலே

என்னை விரும்பும் ஓர் உயிரே

புதையல் தேடி அலையும் உலகில்

இதயம் தேடும் என் உயிரே

பறந்து செல்லும்

பறவையைக் கேட்டேன்

பாடிச் செல்லும் காற்றையும் கேட்டேன்

பறந்து செல்லும் பறவையைக் கேட்டேன்

பாடிச் செல்லும் காற்றையும் கேட்டேன்

அலையும் நெஞ்சை

அவரிடம் சொன்னேன்

அழைத்து வந்தார் என்னிடம் உன்னை

இந்த மனமும் இந்த குணமும்

என்றும் வேண்டும் என்னுயிரே

பொன்னை விரும்பும் பூமியிலே

என்னை விரும்பும் ஓர் உயிரே

புதையல் தேடி அலையும் உலகில்

இதயம் தேடும் என் உயிரே

ஆலமரத்தின் விழுதினைப் போலே

அணைத்து நிற்கும் உறவு தந்தாயே

ஆலமரத்தின் விழுதினைப் போலே

அணைத்து நிற்கும் உறவு தந்தாயே

வாழைக் கன்று அன்னையின் நிழலில்

வாழ்வது போலே வாழ வைத்தாயே

உருவம் இரண்டு உயிர்கள் இரண்டு

உள்ளம் ஒன்றே என்னுயிரே

பொன்னை விரும்பும் பூமியிலே

என்னை விரும்பும் ஓர் உயிரே

புதையல் தேடி அலையும் உலகில்

இதயம் தேடும் என் உயிரே

======================================================================================== 

1950 ல் வெளியான படம் பொன்முடி.  பாரதிதாசன் எழுதிய 'எதிர்பாராத முத்தம் எனும் கவிதை நடை கதையை இந்தப் பெயரில் படமாக்கினார்கள்.  எல்லிஸ் ஆர் டங்கன் இயக்குனர்.  அயல்நாட்டு பாணியில் துணிச்சலாக காட்சிகளை எடுத்த அவருக்கு பத்திரிகைகள் எதிர்ப்பு தெரிவித்தாலும் இளைஞர்கள் பொன்முடி படத்தின் நெருக்கமான காதல் காட்சிகளில் சொக்கிப் போனார்கள்.  நரசிம்மபாரதியும் மாதுரி தேவியும் படத்தின் நாயக நாயகியர்.  கடற்கரையில் எடுக்கப்பட்ட காட்சி ஒன்று நெருக்கமானதாக கருதப்பட்டதாம் அப்போது.  கடற்கரையை சேலம் மாடர்ன் தியேட்டர்ஸ் வளாகத்திலேயே செட் போட்டு எடுத்தார்களாம்.

இப்போது வரும் படங்களை என்ன சொல்ல?!!

===========================================================================================

இறைவன் இருக்கின்றானா என்று சந்தேகப்பட்டு கேள்வி கேட்கும் இந்தப் பாடல் இடம்பெற்ற படம் ப. நீலகண்டன் இயக்கத்தில் 1966 ல் வெளியான அவன் பித்தனா திரைப்படத்தில் கண்ணதாசன் எழுத்தில் வந்தது.  இசை ஆர்.  பார்த்தசாரதி.

S S ராஜேந்திரன் அநியாயத்துக்கு நடிக்க முற்பட்டிருக்கிறார்.  துடிக்கிறார்!  அதற்கு விஜயகுமாரி தேவ்சலாம்.  இல்லை, இல்லை பின்னர் அவரும் துடிக்கிறார்!

TMS  : இறைவன் இருக்கின்றானா……

இறைவன் இருக்கின்றானா…

மனிதன் கேட்கிறான்

அவன் இருந்தால் உலகத்திலே

எங்கே வாழ்கிறான்

எங்கே வாழ்கிறான்

TMS  : நான் ஆத்திகனானேன்

அவன் அகப்படவில்லை

நான் நாத்திகனானேன்

அவன் பயப்படவில்லை

P. சுசீலா  : மனிதன் இருக்கிறானா… ஆ….ஆ…..

மனிதன் இருக்கிறானா…..ஆ….

இறைவன் கேட்கிறான்

அவன் இருந்தால் உலகத்திலே

எங்கே வாழ்கிறான்

எங்கே வாழ்கிறான்

P. சுசீலா : நான் அன்பு காட்டினேன்

அவன் ஆட்கொள்ளவில்லை

இந்தத் துன்பம் தீர்க்கவும்

அவன் துணை வரவில்லை

குழு : …………………………….

P. சுசீலா : கண்ணிலே உறுதி இல்லை

காதலுக்கோர் நீதியில்லை

ஒரு நாள் இருந்த

மறு நாள் இருக்கவில்லை

குடிசையில் ஓர் மனது

கோபுரத்தில் ஓர் மனது

கூடாத சேர்க்கை எல்லாம்

கூடினால் பல மனது

P. சுசீலா: மனிதன் இருக்கிறானா… ஆ…

TMS  : பார்ப்பவன் குருடனடி

படிப்பவன் மூடனடி

உள்ளதை சொல்பவனே

உலகத்தில் பித்தனடி

நீரோ கொதிக்குதடி

நெருப்போ குளிருதடி

வெண்மையைக் கருமை என்று

கண்ணாடி காட்டுதடி

TMS  : இறைவன் இருக்கின்றானா… ஆ…

P. சுசீலா : ஒன்றையே நினைத்திருந்தும்

ஒன்றாக வாழ்ந்திருந்தும்

பெண்ணாகப் பிறந்தவரை

கண்ணாக யார் நினைத்தார்

இருந்தால் இருந்த இடம்

இல்லையேல் மறந்து விடும்

இவர்தான் மனிதரென்றால்

இயற்கையும் நின்று விடும்

P. சுசீலா : மனிதன் இருக்கிறானா… ஆ…

TMS  : சந்தேகம் பிறந்து விட்டால்

சத்தியமும் பலிப்பதில்லை

சத்தியத்தைக் காப்பவரும்

சாட்சி சொல்ல வருவதில்லை

வழக்கும் முடியவில்லை

மனிதரின் தீர்ப்பும் இல்லை

மனிதனை மறந்து விட்டு

வாழ்பவன் இறைவன் இல்லை

TMS  : இறைவன் இருக்கின்றானா……ஆ….

P. சுசீலா : மனிதன் இருக்கிறானா……ஆ….

TMS  : இறைவன் இருக்கின்றானா…

மனிதன் கேட்கிறான்

P. சுசீலா : அவன் இருந்தால் உலகத்திலே

எங்கே வாழ்கிறான்  எங்கே… வாழ்கிறான்…

==========================================================================================