புதன் 181024

                  
சென்ற வாரக் கேள்விக்கு, 11.6666667 என்று பதில் கூறியவர்கள் எல்லோரும் சாதாரண 10 digit calculator உபயோகப்படுத்தி, 35/3  கணக்குப் போட்டிருக்கிறார்கள் என்று தெரிகிறது. 

துல்லியமான விடை என்று பார்த்தால், அது இதுதான்: 

--------------------------------------------------------------------

அதிரா : 

1. கடவுள் ஒருநாள் உலகைக்காண[அந்த மன்சனுக்கு வேற வேலை இல்லைப்போல:))] தனியே வந்தாராம்.. கண்ணில் கண்ட “எங்கள்புளொக்” ஆசிரியர்களைப்பார்த்து நலமா என்றாராம்:).. இதுக்கு உங்கள் பதில்????  

ஓர் ஆசிரியர், 'இன்னொருவரைக் கேள்' என்றாராம்,
அவரோ 'இவரைக் கேள்' என்றாராம்,
இவரோ 'சுவரைக் கேள்' என்றாராம்!
படைத்தவனோ, உடனே ஓடிவிட்டான்!
ல ல ல ல ல் ல் லா!

நலம் மிக உண்டு எனினும் என் சார்ந்தோர்

தம்நலம் இல்லாமை பிணி.

2. ஸ்ரீராமும் நெல்லைத்தமிழனும் ஏன் படம் போட்டுக் காட்டீனம் இல்லை?:))
ஹா ஹா ஹா:)).. மருமக்களுக்கு[ஒரு ஃபுளோல வந்திட்டுது முறைக்காதீங்க:)] ஜாதகமா பதில் சொல்லப்படுவதற்கு இங்கு தடா போடப்பட்டிருக்கு:)).[ஜூப்பர் மாட்டி:) அதிரா இப்போதான் வாழ்க்கையில உருப்படியா ஒரு கிளாவி கேட்டிருக்கிறா:) ஹா ஹா ஹா] 

யார் சொன்னது, எங்கள் ப்ளாக் வலைப்பதிவில் ஸ்ரீராம் படம் வரவில்லை என்று? 2018, May 30 பதிவில் வந்திருக்குதே! 

நெல்லைத்தமிழன் என்று கூகிள் தேடல் (images)  விட்டுப்பாருங்கள். மொத்தம் நாலைந்து பேர், நெல்லைத்தமிழன் என்ற  பெயரில் உள்ளனர். நம்ம ஏரியா பதிவில், சுந்தரி சொன்ன அங்கிள்  எந்த நெ த என்றுதான் தெரியவில்லை. 

 3. மந்தையிலே இருந்து இரண்டு ஆடுகள்.. எங்கோ திசை மாறிச் சென்று விட்டன:) இரண்டும் சந்திச்சபோது.. 
பேச முடியவில்ல்ல்ல்ல்லையேஏஏஏஏஏ..  அது ஏன்?:)..

மந்தையிலிருந்து அந்த ஆடுகள் ஒன்றுக்கொன்று சண்டை போட்டுக்கொண்டு, ஒருத்தர் பேச்சு ஒருத்தர் 'கா' என்று கா விட்டுவிட்டுப் பிரிந்தன. அதனால்தான் மீண்டும் சந்திச்சபோது பேசமுடியவில்லை. 

 திசைமாறிச் செல்லும் முன்பும் பேசியதில்லையே.

ஏஞ்சல் :

1,பிரவுன் கரும் பச்சை அப்புறம் கருப்பு நிறத்தில் பதில் அளித்தது யார் யார் ?  

உண்மையைச் சொல்லவேண்டிய கட்டம் வந்துவிட்டது. இப்போ பாருங்க ஒவ்வொருவரும் வந்து உண்மையை ஒப்புக்கொள்ளப் போகிறார்கள் :

பிரவுன் நிறத்தில் பதில் அளித்தது நான்தான்.

கரும்பச்சை நிறத்தில் பதில் அளித்தது நான்தான்.

கருப்பு நிறத்தில் பதில் அளித்தது நான்தான். 

சிவப்பு நிறத்தில் பதில் அளிப்பவர் நான்தான்.

நீல நிறத்தில் பதில் அளிப்பது நான்தான். 

2,அப்புறம் என்ற வார்த்தை எதிலிருந்து மருவி வந்திருக்கும் ?
பிறகு என்பதுதானே சரியான சொற்பதம் ?

புறம். தற்போதைக்கு வெளியே உள்ளது.

இது ஆனபின் அப்புறம் கைக்கொள்ளப் படும்.

ஒரு எல்லைக்கு அப்புறம் என்பது வெறும் அப்புறம் ஆகி இருக்கலாம். எல்லை நேரம் இடம் செய்கை  இப்படி எதுவாக வேண்டுமானாலும் இருக்கலாம்.  

3,நவராத்திரி கொலுவில் பெண்களுக்கு மட்டும் ரவிக்கைத்துண்டு மற்றும் சில பொருட்கள் கொடுக்கிறார்கள் ஆண்களுக்கு என்ன தருவாங்க ? உங்களுக்கு என்ன கிடைத்தது ?

எனக்கு சில கேள்விகள் மட்டுமே கிடைத்தது.

 bill.

சுண்டல் மட்டும்தான். 

4,சிண்ட்ரெல்லா கதை நினைவிருக்கா அதில் சிண்ட்ரெல்லாவின் ஷூ கரெக்ட் சைஸா இருந்தா எப்படி ஓடும்போது கழண்டு விழும் ?
சாமி சத்தியமா இந்த டவுட் நானா கேக்கலை இவ்ளோ அறிவும் எனக்கில்லை ஒரு அரைடிக்கட் கேட்ட கேள்வி இது ..உங்கள் பதில் என்ன ?

கழன்று விழ வேண்டும் என்று விதிக்கப்பட்ட காலணிகள் கழன்று தான் விழும்.

வளைந்து கொடுக்காத பொருளில் செய்யப்பட்ட எந்தக் காலனியும் நழுவி விழ வாய்ப்புண்டு

ஷூ என்றதும் hush puppies, oxford, cambridge இப்படி நினைக்காமல் அந்தக்காலத்தில் வேறு மாதிரியாக இருக்கலாம். 

5,உங்களுக்கு மிகவும் பிடித்த நடிகர்/நடிகர்கள் யார் ? 5 பேரை வரிசைப்படுத்தனும் காரணத்துடன் ? 
வெர்றி இம்பார்ட்டண்ட் நடிகைகள் இல்லை ஒன்லி நடிகர் கர் கர்ர்ர் கள் :)  

எஸ் வி சுப்பையா,  கமல்ஹாசன், நாகேஷ், எஸ்எஸ் ராஜேந்திரன், மோகன்லால்

காரணம் இயல்பான நடிப்பு.

Rowan Atkinson (Comedy)
நாசர் (வில்லன்)
Pawan Singh. (Multiple talented)
Morgan Freeman
Rodrigo Santoro 

இந்த அஞ்சு பேர்ல, முதல் இரண்டு பேர்களைத் தவிர, மற்றப் பெயர்கள் எல்லாம் பந்தாவுக்காக திரட்டி எழுதினேன்! 

வாட்ஸ் அப் 

பானுமதி வெங்கடேஸ்வரன் :

கமல், ரஜினி, விஜய், யாருடைய காமெடி நடிப்பை அதிகம் ரசிப்பீர்கள்?

கொடுக்கப்பட்டுள்ள பெயர்களில் எனக்குப் பிடித்த காமெடி நடிப்பில் வல்லவர் கமல்ஹாசன்தான்.

கமல் படங்களில், வசனங்கள்தான் காமெடி.

ரஜினியின் காமெடி நடிப்பு, வசனங்கள் இல்லாவிட்டாலும் சோபிக்கும்.

விஜய் காமெடி நடிப்பு எல்லாமே ஒரே மாதிரி. முன்னும் பின்னும் அசைந்து கையை ஆட்டி, ஒரே முகபாவத்துடன் அவர் செய்யும் காமெடி ... ஊஹூம். 

வில்லனாக நடித்தவர்களை கதாநாயகனாக, குணசித்திர நடிகர்களாக,ஏன் காமெடியன்களாக கூட ஏற்றுக்கொள்ளும் மக்கள், ஏன் காமெடியன்களை கதாநாயகர்களாக ஏற்றுக் கொள்வதில்லை?

ஏன் ஏற்றுக்கொள்வதில்லை? நாகேஷ் நடித்த நீர்க்குமிழி, எதிர்நீச்சல், அனுபவி ராஜா அனுபவி போன்ற படங்களில், அவர்தானே கதாநாயகன். 

பெண்கள் தங்கள் பெற்றோர்களோடு தங்களுக்கு இருக்கும் உணர்வு பூர்வமான நெருக்கத்தை வெளிப்படையாக காண்பித்து கொள்வது போல ஆண்கள் செய்வதில்லையே? அதற்கு என்ன காரணம்?

 சிருஷ்டியில் ஆண்கள் பெண்கள் இருபாலருக்குமே தனித்தனியான குணாதிசயங்கள் உண்டு. அப்படி இல்லாதிருந்தால் வாழ்க்கையில் ஒரு சுவாரசியம் குறைபடுகிறது.

 இயற்கையின் நியதி என்று பார்த்தால்,  உணவைத்தேடிக் கொள்ளல், நாம் பிறருக்கு உணவாகாது இருத்தல்,  இனப்பெருக்கம் இவை மட்டுமே தான். பிற அனைத்தும் ஜீவராசிகள் தத்தம் முன்னேற்றத்திற்கு ஏற்ப தேடி கொண்டவை.

 பெண்கள் ஏன் இப்படி இருக்கிறார்கள் அல்லது ஆண்கள் ஏன் இப்படி இல்லை எனும் வினாவுக்கு ஆண்களும் பெண்களும் தமக்குத்தாமே விடை காண வேண்டியதுதான்.

அப்படியெல்லாம் இல்லாவிட்டால் ஆண் ஆணாக இல்லை, பெண் பெண்ணாக இல்லை என்றாகிவிடுமே.

======================================

இந்த வாரக் கேள்வி. 

ஒரு சமையல் குறிப்பை பதிவில் பார்க்கிறீர்கள் என்று வைத்துக்கொள்வோம். 

1. அது ஏற்கெனவே உங்களுக்கு செய்யத் தெரிந்த உணவாக இருந்தால், 

a) இது நமக்கு ஏற்கெனவே தெரிந்த விஷயம்தானே, இதை ஏன் படிப்பது என்று கடந்து போவீர்களா?

b) இவர் என்னதான் எழுதியிருக்கிறார் பார்ப்போமே என்று படித்துப் பார்ப்பீர்களா? 

c) படித்துப் பார்த்து, உங்கள் கருத்துகளை, திருத்தங்களை பதிவு செய்வீர்களா?

2) அதுவே உங்களுக்கு, தெரியாத ஒரு பண்டம் - செய்முறை என்றால்,

a) முழுவதுமாகப் படித்து, செய்முறையை நன்கு தெரிந்துகொள்வீர்களா

b) இதெல்லாம் எனக்குத் தேவை இல்லை என்று விட்டுவிடுவீர்களா?

c) சரி, செய்து பார்க்கலாம் என்று தோன்றினால், அதில் கூறப்பட்டுள்ள பொருட்களின் அளவுகளை அதில் கூறியுள்ளபடி, அப்படியே பின்பற்றி செய்வீர்களா ?

d) செய்முறையை மட்டும் தெரிந்துகொண்டு, அளவு, பொருட்கள், எடை எல்லாவற்றையும் உங்கள் சாய்ஸில் எடுத்துக்கொண்டு செய்வீர்களா?

 ================================

"இது சாப்பாட்டு வாரமா? கதை, கட்டுரை, கேள்வி எல்லாவற்றிலும் திங்கறதே வந்துருக்கு!"

======================================