வெள்ளி வீடியோ : உள்ளத்திலே உள்ளதுதான் உலகம் கண்ணா..

 1977 ல் வெளியான கிருஷ்ணகானம் பற்றி முன்னரே சொல்லி, அதிலிருந்து டி எம் எஸ் பாடல் ஒன்றையும் பகிர்ந்திருந்தேன். 

இன்று அதே ஆல்பத்திலிருந்து இன்னொரு பாடல்.  இதுவும்  கண்ணதாசன் கைவண்ணத்தில் உருவானதுதான்.  பாடியிருப்பவர் இசை அமைப்பாளர் எம் எஸ் விஸ்வநாதன் அவர்களே.  பாடலின் ஆரம்ப இசையில் இருந்து, ஓங்கிய எம் எஸ் வி குரல் வரை கேட்கவே சிலிர்க்கும்.  

பாடலின் இடையே வந்து கொண்டிருக்கும் "ஓம்... ஓம்... ஹரி ஓம்..." காதில் ஒலித்துக் கொண்டே இருக்கும்.  

முதலில் எல்லாம் கிருஷ்ணகானம் என்றால் ஒன்று டி எம் எஸ் பாடல், இல்லை என்றால் எஸ் பி பி பாடல் என்றுதான் ஒலிபரப்புவார்கள்.  பின்னர் மற்ற பாடல்களையும் ஒலிபரப்பத் தொடங்கினார்கள்.  எல்லாப் பாடல்களுமே அருமையான பாடல்கள்.  பி சுசீலா, எஸ் ஜானகி, வீரமணி பாடிய அனைத்துப் பாடல்களுமே அருமையான பாடல்கள்.

ஓம் ஓம் ஓம் ஓம் 

அமர ஜீவிதம் சுவாமி அமுத வாசகம் 

பதித பாவனம் சுவாமி பக்த சாதகம்  

ஓம் ஓம் 

அமர ஜீவிதம் சுவாமி அமுத வாசகம் 

பதித பாவனம் சுவாமி பக்த சாதகம்  

முரளிமோகனம் சுவாமி அசுர மர்த்தனம் 

கீத போதகம் ஸ்ரீ கிருஷ்ண மந்திரம்  

அமர ஜீவிதம் சுவாமி அமுத வாசகம் பதித பாவனம் சுவாமி பக்த சாதகம் ஓம் ஹரி ஓம் ஓம் ஹரி ஓம் ஓம் ஹரி ஓம் ஓம் ஹரி ஓம்  

நளின தெய்வதம் சுவாமி மதன ரூபகம்... 

நாக நர்த்தனம் சுவாமி மான வஸ்திரம் 

பஞ்ச சேவகம் சுவாமி பாஞ்ச சன்னியம் 

கீதபோதகம் ஸ்ரீ கிருஷ்ண மந்திரம்  ஓம் ஓம் 

அமர ஜீவிதம் சுவாமி அமுத வாசகம் பதித பாவனம் சுவாமி பக்த சாதகம் ஓம் ஹரி ஓம் ஓம் ஹரி ஓம் ஓம் ஹரி ஓம் ஓம் ஹரி ஓம்  

சந்திய பங்கஜம் சுவாமி அந்திய புஷ்பகம் 

சர்வ ரட்சகம் சுவாமி தர்ம தத்துவம் 

ராக பந்தனம் சுவாமி ராச லீலகம் 

கீதபோதகம் ஸ்ரீ கிருஷ்ண மந்திரம் ஓம் ஓம்  

அமர ஜீவிதம் சுவாமி அமுத வாசகம் பதித பாவனம் சுவாமி பக்த சாதகம் ஓம் ஹரி ஓம் ஓம் ஹரி ஓம் ஓம் ஹரி ஓம் ஓம்...

=======================================================================

பாலசுப்ரமணியம் என்பவர் 1970 ல் சிவாஜிக்காகவே எழுதிய இதன் கதையை சிவாஜி நிராகரித்து விட்டார்.  பின்னர் இந்தக் கதை கன்னடத்தில் எடுக்கபப்ட்டு மாபெரும் வெற்றிப் படம் ஆனபிறகு சிவாஜி சம்மதிக்க, 1975 ல் தமிழில் எடுத்தார்கள்.  

சிவாஜியின் 175 வது படமாக அது அமைந்தது.  இதன் ஒரு சிறு வசனத்துண்டை இன்றும் வாட்சாப் காணொளிகளில் அவ்வப்போது நண்பர் தின மற்றும் விசேஷங்களுக்கு ஃபார்வேர்ட் செய்வார்கள்.  நண்பர்கள் நன்றாய் இருக்க வேண்டும் என்று சிவாஜியின் பிரார்த்தனை அது.

அவன்தான் மனிதன்.  

சிவாஜி, முத்துராமன், மேஜர், ஜெயலலிதா நடித்த திரைப்படம்.  ஏ ஸி திருலோகசந்தர் இயக்கத்தில், பாடல்களை கண்ணதாசன் எழுத, எம் எஸ் விஸ்வநாதன் இசை.  பாடல்கள் அத்தனையும் இனிமையான பாடல்கள்.  மிக அருமையான பாடல்கள்.  வாழ்க கண்ணதாசன், வாழ்க எம் எஸ் வி...

இந்தப் படத்திலிருந்து 'அன்பு நடமாடும் கலைக்கூடமே' பாடலையும், 'எங்கிருந்தோ ஒரு குரல் வந்ததது' பாடலையும் முன்னரே பகிர்ந்திருக்கிறேன்.

கண்ணதாசன் வரிகள் யாவும் வாழ்க்கை அனுபவங்கள்.  ஒவ்வொருவரும் தங்கள் அனுபவங்களோடு அவர் வரிகளை பொருத்திப் பார்த்துக் கொள்ள முடியும்.  அதிலும் கண்ணன் பாடல்கள் எழுதுவது என்றால் அவருக்கு அல்வா சாப்பிடுவது போல...   எத்தனை பாடல்கள் எழுதி இருக்கிறார்...

இந்தப் பாடலை பாடி இருப்பவர் டி எம் எஸ்.  

ஆட்டுவித்தால் யார் ஒருவர் ஆடாதாரே கண்ணா

ஆசை என்னும் தொட்டிலிலே ஆடாதாரே கண்ணா

ஆட்டுவித்தால் யார் ஒருவர் ஆடாதாரே கண்ணா

ஆசை என்னும் தொட்டிலிலே ஆடாதாரே கண்ணா

நீ நடத்தும் நாடகத்தில் நானும் உண்டு

நீ நடத்தும் நாடகத்தில் நானும் உண்டு

என் நிழலில் கூட அனுபவத்தில் சோகம் உண்டு

பகைவர்களை நானும் வெல்வேன் அறிவினாலே

ஆனால் நண்பரிடம் தோற்று விட்டேன் பாசத்தாலே

நண்பரிடம் தோற்று விட்டேன் பாசத்தாலே

பாஞ்சாலி உன்னிடத்தில் சேலை கேட்டாள்

அந்த பார்த்தனவன் உன்னிடத்தில் கீதை கேட்டான்

நானிருக்கும் நிலையில் உன்னை என்ன கேட்பேன்

இன்னும் நன்மை செய்து துன்பம் வாங்கும்

உள்ளம் கேட்பேன்

நன்மை செய்து துன்பம் வாங்கும் உள்ளம் கேட்பேன்

கடலளவு கிடைத்தாலும் மயங்க மாட்டேன்

அது கையளவே ஆனாலும் கலங்க மாட்டேன்

உள்ளத்திலே உள்ளதுதான் உலகம் கண்ணா

இதை உணர்ந்து கொண்டேன் துன்பம் எல்லாம்

விலகும் கண்ணா

உணர்ந்து கொண்டேன் துன்பம் எல்லாம் விலகும் கண்ணா

ஆட்டுவித்தால் யார் ஒருவர் ஆடாதாரே கண்ணா

ஆசை என்னும் தொட்டிலிலே ஆடாதாரே கண்ணா