வெள்ளி வீடியோ : நாயாய் அலைந்து தேடி தாய்மாமன் பிடித்து வந்தார்

 கலைவாணன் அல்லது பாரதிசாமி எழுதிய பாடலாய் இருக்க வேண்டும்.  குன்னக்குடி வைத்தியநாதன் இசையாய் இருக்க வேண்டும்!  எல்லாம் யூகம்தான்!

சூலமங்கலம் சகோதரிகள் குரலில் ஒரு முருகன் பாடல்..

முருகா உந்தன் சிரிப்பு 

முத்தமிழின் உயிர்ச் சிரிப்பு 

குமரா உந்தன் சிரிப்பு 

குழந்தையின் முதல் சிரிப்பு -  முருகா 

கண்களிலே பொங்கிவரும் அருள் சிரிப்பு 

உந்தன் கைகளிலே தாங்கி வரும் வேல் சிரிப்பு

கண்களிலே பொங்கிவரும் அருள் சிரிப்பு 

உந்தன் கைகளிலே தாங்கி வரும் வேல் சிரிப்பு  

உன்னழகை ஏந்தி வரும் கால் சிரிப்பு - அந்த 

பழனியிலே தோன்றி விடும் வேல் சிரிப்பு - முருகா 

தத்துவங்கள் பேசிவரும் தவச்சிரிப்பு -என்றும் 

தென்கடலில் அலைபாடும் பூச் சிரிப்பு 

தத்துவங்கள் பேசிவரும் தவச்சிரிப்பு -என்றும் 

தென்கடலில் அலைபாடும் பூச் சிரிப்பு 

வெற்றியெனும் கொடிபறக்கும் புகழ்ச்சிரிப்பு 

கருணை ------   மணம்பரப்பும் உன் புன்சிரிப்பு  - முருகா 

==========================================================================================

1953 ல் வெளிவந்த படம் மனம்போல் மாங்கல்யம்.  ஜெமினி கணேசன் (R கணேஷ்) சாவித்ரி, பாலசரஸ்வதி, சாரங்கபாணி நடித்து மிகப்பெரிய ஹிட்டான காமெடி படம்.  ஆனால் சோகம் என்ன என்றால் இப்போது அந்தப் படம் அழிந்து போய்விட்டதாம்.  காப்பாற்றி வைக்கத் தவறிய படங்களில் ஒன்று.

ராமராவ் இசையில் கனகசுரபி பாடல்கள் எழுதி இருக்கிறார்.  பாடல்களும் ஹிட்.  இத்தனை வருடங்கள் கழிந்தும் அந்தப் படப் பாடல்கள் அந்தக் கால ரசிகர்கள் மனதில் நின்று கொண்டிருக்கிறது, குறிப்பாக இந்தப் பாடல்.  அப்போது இலங்கை வானொலி உள்ளிட்ட வானொலிகளில் இந்தப் பாடல் கேட்ட நினைவில் திடீரென ஒருநாள் இது நினைவுக்கு வர, இந்த வாரத்துக்கு ஷேர் செய்ய அந்தப் பாடலையே தெரிவு செய்து விட்டேன்.

இந்தப் பாடலை ஏ எம் ராஜாவும் பி லீலாவும் பாடி இருக்கிறார்கள்.  மேலும் இந்தப் படத்தில் விஜய் வர்மா, எம் எல் வசந்த குமாரி, (ராதா) ஜெயலட்சுமி ஆகியோரும் பாடி இருக்கிறார்கள்.

பாடல் இடம்பெற்ற யு டியூப் பக்கத்தில் கிடைத்த சில சுவாரஸ்யமான கமெண்ட்ஸ் கீழே...

பிருந்தாவன சாரங்கா, காபி, தேஷ், சாரங்கா ஆகிய 4 ராக சங்கமத்தில். இப்பாடலின் இசைக்கோர்வை பிரம்மாதம்தான்

இந்தப் பாடல் சாரங்கா இராகத்தில் அமைக்கப்பட்ட பாடல் .இதனிடையே வரும் சில வரிகள் கோபாலகிருஷ்ண பாரதியார் அவர்களின் கவிதை வரிகள் . அந்தப் பாடலும் சாரங்கா இராகத்தில் அமைக்கப்பட்ட பாடல் தான்.

சிவனைக் குறித்து கவிஞர் எழுதிய நிந்தா ஸ்துதி என்ற வகையான ‌பாடல். பேயாண்டி தனைக் கண்டு நீயேண்டி மையல் கொண்டாய் பெண்களுக்கு அழகா மோடி

Picture: Manampole Mangalyam (1953), Lyrics Writer: Kavignar Surabi, Music Composer: Chaluri Rajeshwara Rao, Singers: Aemala Manmatharaju Rajah, Porayadhu Leela Amma, Actors: Gemini Ramasamy Iyer Ganesan, Nadigaiyar Thilagam Savithiri Ganesan.

மாப்பிள்ளை டோய் மாப்பிள்ளை டோய்

மணியான மதராசு மாப்பிள்ளை டோய்

மைலேடி டோய் மைலேடி டோய்

மனம்போல வந்து வாய்ச்ச பெண் ஜோடி டோய்..

காப்பியில் பலதேய்க்கிறார் மாப்பிள்ளை டோய் 

கோப்பையிலே தீனி திங்கிறார் மாப்பிள்ளை டோய்

காப்பியில் பலதேய்க்கிறார் மாப்பிள்ளை டோய் 

கோப்பையிலே தீனி திங்கிறார் மாப்பிள்ளை டோய்- மாப்பிளை 

சோப்பாலே மூஞ்சி தோய்க்கிறா சுந்தரி டோய் 

சுண்ணாம்பை குழைச்சு பூசுறா சுந்தரி டோய்

சோப்பாலே மூஞ்சி தோய்க்கிறா சுந்தரி டோய் 

சுண்ணாம்பை குழைச்சு பூசுறா சுந்தரி டோய்   (மைலேடி டோய்)

சொன்னாலும் புரியாது சுயமாவும் தெரியாது 

சொன்னாலும் புரியாது சுயமாவும் தெரியாது 

மன்னாதிமன்னனென்று

மனசுக்குள்ளே நினைச்சுடுவார் (மாப்பிள்ளை டோய்)

பேயாண்டிதனைக்கண்டு நீயேண்டி மையல் கொண்டாய் 

பெண்களுக்கழகாகுமோ 

ஸா ரி ஸ
ஸரிஸநி தபமப
ஸரிஸரி மபடப மப
ஸா ரிஸ
ஸரிஸநி ஸரிஸநி தபமப
ஸரிஸரி மபதப
ஸரிமரி ஸநிதஸஸ ரிஸநித பமமப
தபம ரிக மகரிஸ

நாயாய் அலைந்து தேடி தாய்மாமன் பிடித்து வந்தார் 

நாயாய் அலைந்து தேடி தாய்மாமன் பிடித்து வந்தார் 

ஓயாத குறும்பைக் கண்டு தீராத காதல் கொண்டேன்