வெள்ளி வீடியோ : வாழ்க்கை எல்லாம் தீர்ந்ததே வடிவம் மட்டும் வாழ்வதேன் இளமை மீண்டும் வருமா

 

தமிழ்நம்பி அல்லது பாரதிசாமி எழுதிய பாடலுக்கு தானே இசை அமைத்து அல்லது குன்னக்குடி வைத்தியநாதன் இசையில் சூலமங்கலம் சகோதரிகள் பாடிய முருகன் பாடல்.. 

முருகனுக் கொருநாள் திருநாள்​ அந்த முதல்வனின் வைபவப் பெருநாள்
(முருகனுக் கொருநாள்​....

கடம்பனுக் கொருநாள் திருநாள்​ நல்லக் கார்த்திகைப் பெருநாள் ஒரு நாள்
(முருகனுக் கொருநாள் ​

வைகாசி விசாகத் திருநாள்​ அந்த வண்ணக் கதிர்வேலன் பெருநாள்
வடிவேல் குமரனின் திருநாள்​ சோமவாரத்தின் திங்கள் பெருநாள்
வடிவேல் குமரனின் திருநாள்​ சோமவாரத்தின் திங்கள் பெருநாள்
கந்த சஷ்டிக்கொருத் திருநாள்​ கந்தன் கருணைப் பொழிகின்றப் பெருநாள்
கந்த சஷ்டிக்கொருத் திருநாள்​ கந்தன் கருணைப் பொழிகின்றப் பெருநாள்

சரவணன் பிறந்தத் திருநாள்​ அருள் சந்தனம் வழங்கிடும் பெருநாள்
செந்தூர் வாசலில் ஒருநாள்​ கந்தன் காவடி ஆடிடும் பெருநாள்
வள்ளிக் குமரனின் மண நாள்​ நம் வாழ்வின் சுடர் ஒளிப் பெருநாள்

முருகனுக் கொருநாள் திருநாள்​ அந்த முதல்வனின் வைபவப் பெருநாள்

=================================================================================================

தமிழ்த் திரையுலகம் கண்ட முதல் பின்னணிப்பாடகர் திருச்சி லோகநாதன் என்று எங்கேயோ படித்த ஞாபகம்.  அதுவரை அந்ததந்த நடிகர்களே பாடிக்கொண்டனர்.

தங்கவேலு வீட்டுத் திருமணத்தில் மதுரை சோமு பாடிய கச்சேரியை ரசித்துக் கேட்டவர் கையிலிருந்த வெள்ளி வெற்றிலைப் பெட்டியை பரிசாக அவருக்கு அளித்து விட்டாராம்.  'தூக்குத்தூக்கி' படத்தின் அத்தனை பாடல்களையும் பாட ஒப்பந்தமானபோது ஒரு பாடல் பாட 500  ரூபாய் கேட்டாராம்.  தயாரிப்பாளர்கள் தயங்கியபோது அவர் கைகாட்டிய மதுரைப் பையன்தான் நம்ம TMS.

இன்று 'தைபிறந்தால் வழிபிறக்கும்' படத்தில் அவர் பாடிய 'ஆசையே அலைபோலே' என்கிற பாடல் பகிர்வு, தத்துவப் பாடல்.

திரைப்படத்துக்கு இசையமைத்தவர் கே. வி. மகாதேவன். அ. மருதகாசி, கண்ணதாசன், கு. சா. கிருஷ்ணமூர்த்தி, கே. முத்துசுவாமி, சுரதா ஆகியோர் பாடல்களை எழுதி இருந்தாலும் இன்று பகிரப்படும் பாடலை எழுதியவர் கண்ணதாசன்.  தத்துவப்பாடல் எழுதுவது கவிஞருக்கு அல்வா சாப்பிடுவது போல..  விளையாடி இருக்கிறார்.  1956 ல் வெளிவந்த படம்.  எஸ் எஸ் ஆர்- வி கே ஆர் நடித்த இந்தப் படத்தில்தான் பிரேம் நசீர் முதன் முதலில் தமிழ்ப் படத்தில் நடித்திருக்கிறார்.

ரசிக்க வைக்கும் வரிகளையும், டியூனையும் கொண்ட பாடல்.  பாடலைக் கேட்டால் ஒரு தத்துவார்த்த மனநிலை ஏற்பட்டு 'என்னவோ வாழ்க்கை, என்னவோ போடா' என்று தோன்றுமோ என்னவோ...

ஆசையே அலைபோலே நாமெலாம் அதன்மேலே

ஓடம்போலே ஆடிடுவோமே வாழ்நாளிலே! (ஆசை)

பருவம் என்னும் காற்றிலே

பறக்கும் காதல் தேரிலே

ஆணும் பெண்ணும் மகிழ்வார்

சுகம் பெறுவார் அதிசயம் காண்பார்!

நாளை உலகின் பாதையை இன்றே யார் காணுவார்? (ஆசை)

வாழ்க்கை எல்லாம் தீர்ந்ததே

வடிவம் மட்டும் வாழ்வதேன்

இளமை மீண்டும் வருமா

மணம் பெறுமா முதுமையே சுகமா!

காலம் போகும் பாதையை இங்கே யார் காணுவார்? (ஆசை)

சூறைக்காற்று மோதினால்

தோணி ஓட்டம் மேவுமோ

வாழ்வில் துன்பம் வரவு

சுகம் செலவு இருப்பது கனவு!

காலம் வகுத்த கணக்கை இங்கே யார் காணுவார்? (ஆசை)

ஒன்று தெரியுமோ...   பிற பாடகர்கள் பாடிய பாடல்களில் சிலவற்றை தனக்குப் பிடித்த பாடல்களாக SPB ஒரு லிஸ்ட் பாடி இருக்கிறார்.  அதில் இதுவும் ஒன்று.  அதைக் கேட்க வேண்டுமானால்..