வெள்ளி வீடியோ : தெரியாமல் அடிப்பார்கள் தெரிந்தவர்கள் உண்மை புரியாமல் வெறுப்பார்கள் நல்லவர்கள்

 சென்ற வாரம் பழனி மலை முருகா பாடல் பகிர்ந்தபொழுது கீதா ரெங்கன்

'காவடி ஆடி வந்தால் பாடலை நினைவு படுத்தினார்.  அதுவும் கரகரப்ரியாதான் என்றும் சொல்லி இருந்தார்.  நானும் அப்படித்தான் நினைத்திருந்தேன்.  இன்று பகிர எடுக்கும்போது இந்தப் பாடலின் ராகம் பாகேஸ்வரி ராகம் என்று சொல்கிறார்கள்  ("பாகேஸ்ரீ தாயே பார்வதியே...  பாகேஸ்ரீ தாயே பார்வதியே..  இந்த லோகேஸ்வரி நீயே உலகின் துணை அம்மா "வரிகள் நினைவுக்கு வருகிறதா?)

பாடலை இயற்றியவர் ஆனையம்ப ஆதிசேஷையர் என்று போட்டிருக்கிறார்கள்.  இசை கே பி சுந்தராம்பாள்.  பாடி இருப்பதும் அவரே...

பல்லவி

காவடி ஆடி வந்தால் கந்தா என் 

மனமுருகி கண்ணீர் வழிந்தோடுதே முருகா - உன் காவடி ஆடிவந்தால் 

அனுபல்லவி

சேவடி தந்தாளும் செல்வம் அருள் குமரா 

 பாவடி தந்தாளும் பாடியாடி களிக்க  - உன் காவடி ஆடிவந்தால் 

சரணம் 1

பால் பொங்குதே தென் பழனி மலையில் அன்பர்

கால் மாறி விளையாடும் காக்ஷி எல்லாம் காண

வேல் ஏந்தி விளையாடும் வேலா வடிவேலா

வேதாந்த நிலை காட்டி ஆண்டருள்வாய் அப்பா உன் காவடி ஆடிவந்தால் 

சரணம் 2

அன்பரெல்லாம் பணிந்து “அரோஹரா” என்றால் 

அங்கமெல்லாம் நெகிழ்ந்து அசைந்தாடுதே முருகா

ஆவேசக் கலை காட்டி ஆட்டி வைத்தாய் அப்பா நின்

ஆனந்த நிலை காட்டி கூட்டி வைத்தாய் அப்பா  - உன் காவடி ஆடிவந்தால் 

======================================================================================================

1980 ல் வெளிவந்த படம் பொன்னகரம்.  சரத்பாபு- ஷோபா நடித்துள்ள இத்திரைபபடத்தை இயக்கி இருப்பவர் மாதங்கன்.  ஷோபா மரணம் அடைந்து இரண்டு மாதங்கள் கழித்து வெளிவந்த படம்.  கல்கியில் ஷோபாவின் மரணத்தால் படம் ஹிட் ஆகிவிடும் என்று இயக்குனர் எண்ணி இருப்பார் என்று விமர்சனம் செய்திருந்தார்களாம்.

ஷங்கர் கணேஷ் இசை.  படத்தின் தலைப்பு கவிஞர் புலமைப்பித்தன் எழுதிய சிறுகதை ஒன்றின் தலைப்பு.  படத்துக்கும் அந்தக் கதைக்கும் ஏதும் சம்பந்தமுண்டா என்று தெரியாது.  அந்தப் படம் பார்க்கும் பொறுமை எல்லாம் இல்லை!!  ஆனால் இந்தப் படத்தில் எனக்கு இரண்டு பாடல்கள் பிடிக்கும்.  அதில் ஒன்று ஒன்று!

கே ஜெ யேசுதாஸ் பாடிய பாடல்.  தத்துவம் போல அமைந்துள்ள இந்தப் பாடல்தான் கவிஞர் காமகோடியனின் முதல் திரைப்பாடலாம்.

இருப்பவர்க்கு ஒரு வீடு

இல்லாதவர்க்கு பல வீடு

யாரை நம்பி யாரும் இல்ல

ஆண்டவன் துணையை நீ தேடு….

வாழுகின்ற மக்களுக்கு

வாழ்ந்தவர்கள் பாடமடி

பெற்றவர்கள் பட்ட கடன்

பிள்ளைகளைச் சேருமடி (2)

சேர்த்து வச்ச புண்ணியம்தான்

சந்ததியைக் காக்குமடி

சேர்த்து வச்ச புண்ணியம்தான்

சந்ததியைக் காக்குமடி

அந்த வகையில் இந்த நிலையில்

எனக்கோர் காவல் ஏதடி..

வாழுகின்ற மக்களுக்கு

வாழ்ந்தவர்கள் பாடமடி

பெற்றவர்கள் பட்ட கடன்

பிள்ளைகளைச் சேருமடி

ஆடொன்று வளர்ப்பார்கள் தன் வீட்டில்

மிக அன்பாக மேய்ப்பார்கள் வயக்காட்டில்

ஆடொன்று வளர்ப்பார்கள் தன் வீட்டில்

மிக அன்பாக மேய்ப்பார்கள் வயக்காட்டில்

உறவொன்று விருந்தென்று வரும் போது

இந்த வெள்ளாடு உணவாகும் அப்போது

உறவொன்று விருந்தென்று வரும் போது

இந்த வெள்ளாடு உணவாகும் அப்போது

வாழுகின்ற மக்களுக்கு

வாழ்ந்தவர்கள் பாடமடி

பெற்றவர்கள் பட்ட கடன்

பிள்ளைகளைச் சேருமடி

தெரியாமல் அடிப்பார்கள் தெரிந்தவர்கள்

உண்மை புரியாமல் வெறுப்பார்கள் நல்லவர்கள்

தெரியாமல் அடிப்பார்கள் தெரிந்தவர்கள்

உண்மை புரியாமல் வெறுப்பார்கள் நல்லவர்கள்

சரியான நேரத்திலே தெய்வம் வரும்

எது சரியென்று உள்ளங்கள் தெளிந்து விடும்

சரியான நேரத்திலே தெய்வம் வரும்

எது சரியென்று உள்ளங்கள் தெளிந்து விடும்

வாழுகின்ற மக்களுக்கு

வாழ்ந்தவர்கள் பாடமடி

பெற்றவர்கள் பட்ட கடன்

பிள்ளைகளைச் சேருமடி

சேர்த்து வச்ச புண்ணியம்தான்

சந்ததியைக் காக்குமடி

சேர்த்து வச்ச புண்ணியம்தான்

சந்ததியைக் காக்குமடி

அந்த வகையில் இந்த நிலையில்

எனக்கோர் காவல் ஏதடி..

வாழுகின்ற மக்களுக்கு

வாழ்ந்தவர்கள் பாடமடி

பெற்றவர்கள் பட்ட கடன்

பிள்ளைகளைச் சேருமடி