திங்கக்கிழமை 170626 : பீற்றூட் இடியப்பம் - அதிரா ரெஸிப்பி

அதிராவும் பீற்றூட் உம்:).

ஸ்ஸ்ஸ்ஸ் ஓவரா பீற்றூட் சாப்பிட்டு ஒரே பிங்கி மயம்:).

வாங்கோ வாங்கோ யோசிக்காமல் வலது காலை எடுத்து வச்சு வாங்கோ நம்ம வீடுதேன்:)..


நான் பாருங்கோ நிறைய பேசமாட்டன்:).. எப்பவும் ரொம்ப அமைதி:), அதனால இண்டைக்கும் நான் பேசப்போவதில்லை:).. உங்களுக்கு ஒரு கல்லில் ரெண்டு மாங்காய் எடுத்து வந்திருக்கிறேன்... இந்தாங்கோ முதலாவது..

பீற்றூட் கறி...

இதுக்கு தேவையான பொருட்கள் எல்லாம் சொல்ல வேண்டிய தேவை இல்லை:). இங்கு நான் பாவித்திருப்பது, இலங்கைக் கறிப்பவுடர். உங்களிடம் இல்லை எனில், நீங்கள் உங்கள் உறைப்புக் கறிக்கு எப்படி தூள்வகை சேர்ப்பீங்களோ அப்படி சேர்த்துக் கொள்ளுங்கள்.

முதலில், எண்ணெய் கொஞ்சம் விட்டு, வெங்காயம் மிளகாய் போட்டு வதக்குங்கள். வதங்கியதும், குட்டிக் குட்டியாக வெட்டிய பீற்றூட் ஐக் கொட்டிப் பிரட்டுங்கள். அதன் பின், இப்படிக் கறித்தூள் போட்டுப் பிரட்டுங்கோ.

பிரட்டியதும், பீற்றூட்டின் மேல் இருக்கும்படியாக தண்ணி சேர்த்து, நெருப்பைக் குறைத்து, நீண்ட நேரம், உப்பையும் சேர்த்து, மூடி அவிய விடுங்கோ.

இடையிடையே, பிரட்டி விடவும், நெருப்பைக் குறைத்து அவியவிடும் போதுதான் நன்கு கனிந்து  அவிந்திருக்கும் இப்படி.

இப்போ கறிவேப்பிலை சேர்க்கவும், இல்லையெனில் ஸ்பிறிங் அனியன் சேர்க்கலாம். நன்கு பிரட்டலாகியதும் இறக்கி, தேசிக்காய்ப் பிளி சேர்க்கவும்.

டொட்டடொயிங்:).. கறி ரெடியாச்சா?:) சரி இப்போ இடியப்பம் அவிக்கலாம் வாங்கோ:).

பீற்றூட் இடியப்பம் - அதிரா ஸ்பெஷல்

முதலில் இந்த இடியப்பம் பற்றிக் கொஞ்ச நேரம் பேசப்போறேனே பீஸ்ஸ்ஸ்ச்:). இது என்ன ஒரு இனிப்புச் சுவை தெரியுமோ? சும்மாவே சாப்பிடலாம் போல இருக்கும். அதிலும் அவித்து ஒரு மணி நேரம் போனபின் பார்க்க என்ன ஒரு டார்க் ரெட் கலர்.. பார்க்கப் பார்க்க அயகோ அயகூஊஊ:).

இப்படிச் செய்து, ஏதும் பார்ட்டி, கெட்டுக்கெதருக்கு வைக்க சூப்பராக இருக்கும்.

இதுக்கு நான் பாவித்திருப்பது, நன்கு அவித்து அரித்து எடுத்த பிளேன் ஃபிளவர் 2 கப்.  பீற்றூட் ஒரு கிழங்கு.

முதலில், பீற்றூட்டை  தோல் நீக்கி கழுவி, Greater  இல் இப்படித் துருவி எடுங்கோ. பின்பு 1 அல்லது 1.5 கப் தண்ணி விட்டு நன்கு அவித்தெடுத்து, வடியால் வடித்து அந்த நீரை எடுத்துக்கொள்ளுங்கோ.

மாவுக்குள் உப்புப் போட்டுக் கலக்கிய பின், இந்த தண்ணியைக் கொஞ்சம் கொஞ்சமாக விட்டு, இடியப்ப பதத்துக்கு எடுக்கவும், இந்த தண்ணி போதாமல் போயிட்டால், உங்களிடம் இருக்கும், கொதித்து பின் கொஞ்சம் ஆறிய நீரையும் சேருங்கோ. குழைத்து இப்படித் தட்டில் பிழி/ளிந்து எடுக்கவும்.

ஸ் ரீமரில் அவித்து எடுக்கவும்.

ஸ்ஸ்ஸ்ஸ் வெயிட்:) உண்டகளைப்பு  தொண்டனுக்கும் உண்டு:)

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/

 

ஊசி இணைப்பு:

இது எங்கட   “சமையல் ஸ்பெஷலிஸ்ட்”  நெல்லைத்தமிழனுடைய,  புளி மிளகாய்... இதில் இரு படங்கள் இணைச்சிருக்கிறேன்..  கறுப்பாக இருப்பது...........> மிளகாயைப் போட்டேன் பொரிந்துவிட்டது, புளியை மட்டும் கரைத்து சேர்த்தேன்ன்ன் ஸ்ஸ்ஸ் என்னா சுவை தெரியுமோ?:) புது ரெசிப்பி:).

சரி இது நெ.த ரெசிப்பிக்கு பொருந்தாதே என, அந்த டிஸ்[கறுப்பு] முடியும்வரை வெயிட் பண்ணி:), முடிஞ்சபின், அவரோட முறைப்படியே மீண்டும் செய்தேன்.. பச்சை மிளகாய் அரைத்துப் போட்டேன்.. ஆனா காரம் அதிகமாகிடுமோ எனும் பயத்தில் ஒரே ஒரு மேசைக்கரண்டி தேங்காய்ப்பூவும் சேர்த்து அரைத்தேன். என்னா சூப்பர் தெரியுமோ.. இடியப்பத்துக்கும்.. முக்கியமா “பாண்” உடன் சாப்பிட ஸ்ஸ்ஸ் சூப்பர் ... உறைப்பு, பிளிப்பை விரும்புவோருக்கு ஒரு உன்னதமான டிஸ் இது:). 

ஸ்ஸ்ஸ்ஸ் யாரும் பேசக்குடா:).. 

சகோ நெல்லைத்தமிழன் “பாண்” எண்டால் என்ன?:))

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\

ஊசிக்குறிப்பு:

ஒரு பழமொழி இருக்குது தெரியுமோ உங்களுக்கு?:).. “அம்பு இருக்க, எய்தவரை நோகலாமோ?:)” என ஒன்றிருக்கு:) இதெல்லாம் உங்களுக்கு எங்கே தெரிஞ்சிருக்கப்போகுது:).... அதனால, இதில் ஏதும் தப்புத்தண்டா எனில் ஸ்ரீராமைப் பிடியுங்கோ:).. பரிசு தரப்போறீங்கள் எனில், அதிரா பெயர் போட்டு, என் செக்கரட்டறிக்கு அனுப்பி விடுங்கோ பிளீஸ்ஸ்:). நன்றி வணக்கம்_()_.

______________________________________( )________________________________________

இங்கு க்ளிக் செய்து தமிழ்மணத்தில் வாக்களிக்கலாம்.