சுற்றிச் சுற்றி வந்த யானை....

ஹோட்டல் ஆர்த்தினு போர்ட் பார்த்து வண்டியை நிறுத்தி இறங்கினோம்.  இடம் குடவாசல் சாலை.  நம்ம ட்ரைவர் தம்பி வண்டியை நிறுத்தி விட்டு வருவதாகச் சொல்லி வண்டியைக் கிளப்பிக்கிட்டு  ஓரம் தேடிபோனார்.  

குடந்தை சிட்டி வழியா [போயிருந்தா நிறைய பெரிய ஹோட்டல்லாம்  இருந்திருக்கும்.  நாங்கள் [போனது வேறு வழி!  எங்க வழி தனி வழி!

ஹோட்டல் ஆர்த்திக்குள் நுழைந்த பாஸ் அதே வேகத்தில வெளியே வந்துட்டார்.  எங்கள் ஏழு பேரைக் கண்டதும் சுறுசுறுன்னு எழுந்து வந்த த ஹோட்டல்காரர்கள் முழிக்கறாங்க....  என்னடா...   குடவாசலுக்குவந்த சோதனைன்னு!  ஏன்னு  நான் உள்ளே போயி பார்க்கறேன்...   பூரி, தோசை, இட்லி எல்லாமே இருக்கு...  அதாவது ஏற்கெனவே செஞ்சு வச்சுபெரிய தாம்பாளத்துல தயார் நிலையில் திறந்து வச்சுருக்காங்க!

வெளிய வந்தோமா...  ஆர்த்தியை விட்டு இறங்கி கொஞ்ச தூரம் நடந்திருப்போம்.  டொய்ங்.. ன்னு ஒரு சத்தம்.  ஹோட்டல் ஆர்த்திக்கு எவ்வளவு மார்க் போடுவேன்னுட்டு  அஞ்சு நட்சத்திரங்களுடன் காத்திருந்தது கூகுள்!  பார்றா...   எப்போ லொகேஷன் ஆன்ல இருக்கு, எப்போ ஆஃப்ல இருக்குன்னே தெரிய மாட்டேங்குது!

அப்புறம் நம்ம ட்ரைவர் தம்பி போயி வண்டியை எடுத்துக்கிட்டு வந்ததும் அவரையும் சேர்த்துக்கிட்டு சமயபுரத்தாள் ங்கிற கடைக்குள்ற போனோம்.  பூரியும் ரவாதோசையும் சாப்பிட்டோம்..   அங்க எல்லாமே நல்லா இருந்துச்சு. .

அர்ச்சகர் எங்களை வரும் வழியிலேயே இளநீர் வாங்கி வரச்சொன்னார்.  அதுமட்டும் கிடைக்கவில்லையாம்.  நாங்களும் பார்த்துக்கிட்டே போனோம், கிடைக்கவில்லை.   மழை இல்லையா...   யாரும் இளநீர் சாப்பிடற மூட்ல இல்ல போல!  அதைச் அவர்கிட்ட சொன்னதும் அவர் கிளம்பி ஊருக்குள் போயி வாங்கி வந்துட்டார்.  அந்த ஏரியாக்கள்ள தென்னைக்கா பஞ்சம்!  ஆனால் அதனால பூஜையெல்லாம் ஆரம்பிக்கவே ரொம்ப லேட் ஆகிவிட்டது.

ஊருக்கு வெளியே இருக்கும் சிறு கோவில்.  அந்தக் காலத்தில எனக்கும் இங்குதான் மொட்டை போட்டிருப்பாங்க..   என் அப்பா நடந்த இடம்.  பள்ளி சென்ற பாதை.   நான் என் மகன்களுக்கு இங்கதான் முதல் முடி இறக்கினேன்.  என் மகன்களிடம் அவர்கள் காலத்திலும் இதெல்லாம் தொடரவேண்டும் என்பதை வலியுறுத்தினேன்.  

எங்க கல்யாணம் முடிஞ்சு நாங்கள் எங்க குலதெய்வம் கோவில் போனப்போ சுற்றுச்சுவர்லாம் கிடையாது. மேடை கிடையாது. இப்போ எவ்வளவோ தேவலாம்.  97 ஆம் வருஷத்துக்குப்புறம் போன வருஷம்தான் மறுபடி போக முடிஞ்சுது.  இனிமேல வருஷத்துக்கு ஒருவாட்டி கட்டாயம் வந்துடறதுங்கற தீர்மானத்தை இந்த வருஷம் நிறைவேற்றினோம்.  அடுத்தடுத்த வருஷங்களிலும் தடங்கலில்லாமல் தொடர அந்த சாத்தியப்பா அருளவேண்டும். 

பால சாஸ்தாவுக்கு தொடங்க இருக்கும் சந்தனக்காப்பு அலங்காரத்துக்காக ஆர்வமுடன் பார்த்துக் கொண்டிருக்கிறோம் நாங்கள் இருவரும்!  நாங்கன்னா நானும் பைரவரும்!

பூசாரியும் வந்து விட, மதுரை வீரன், பொம்மி, சப்த கன்னிகளுக்கான அலங்காரத்தை அவர் மேற்கொண்டார்.  அர்ச்சகர் நீர், பால், தயிர், மோர், இளநீர், நார்த்தைச்சாறு, விபூதி, பஞ்சாமிர்தமென்று வரிசையாக அபிஷேகங்கள் முடித்து சந்தனக்காப்பில் இறங்கினார்.  சுத்தமாக இரண்டு மணிநேரம் பிடித்தது.

நடுவில் அந்தச் சிறிய கோவிலைச் சுற்றினால்...

இதோ... மேலே நடுவில் சற்றே பெரிதாய்த் தெரியும் இந்த மஞ்சள் மலருக்குப் பின்னே ஒரு சிட்டுக்குருவி இருக்கிறது தெரியுமா?

அங்கிருக்கும் இந்தப் பூக்களில் பறந்து பறந்து எதையோ சாப்பிட்டுக் கொண்டிருந்தன சில சிட்டுக்குருவிகள். கிர்ச் கிர்ச்கிர்ச் என்று அதன் சத்தத்தையும் சிறகடிக்கும் சத்தத்தையும் வைத்துதான் என் கவனம் அங்கு திரும்பி இருந்தது.

எவ்வளவோ முயன்றும் சட்சட்டென இடம் மாறும் அந்த சிட்டுகளை படம் பிடிக்க முடியவில்லை. மெ...து...வா...ய்... நெ....ரு....ங்....கி.. நை...ஸா...ய் படம் பிடித்த இந்தப் புகைப்படத்திலும் சட்டென பூவின் பின்னே மறைந்தது அந்த சிட்டுக்குருவி.

விடுங்கள்... பூவை ரசிப்போம். சிட்டுக்குருவியை நேசிப்போம்.

நீ எடுக்கும் புகைப்படத்துக்கு நான் மயங்க மாட்டேன்..

என் தெய்வத்தின் மேலிருந்து கண்ணை எடுக்க மாட்டேன்...

தூரப்பார்வையில் கோவில் 

கிணறு என்றும் ஒன்று உண்டு.  தண்ணீர்தான் இல்லை.  உள்ளே ஒரு ஒற்றைச் செருப்புக்கிடந்துச்சு!

அசலும் நகலும்...

அடுத்த கும்பாபிஷேக நாள் நெருங்குகிறது.  அதற்கு என்னென்ன செய்ய வேண்டும் என்று ஆலோசித்தார்கள்.

அபிஷேகம் முடிந்து இப்படியிருந்த சாஸ்தா 

சந்தனக்காப்பு அலங்காரத்துக்குப்பின் அர்ச்சகரின் கைவண்ணத்தில் இப்படி காட்சி தந்து அருளினார்.

வாசலில் குதிரை அருகே இரு வீரர்கள்..புத்தாடை அணிந்து..

வீரனும் பொம்மியும் 

சப்தகன்னியர் 

பொங்கலும், புளியோதரையும் (ஆமாம், புளியோதரைதான்!  சுமாரான சுவை!) சாப்பிட்டுட்டு, அங்கிருந்து கிளம்பி அறையை அடைந்தபொழுது மணி நான்கரை ஆகிவிட, மறுபடி ஒரு சிறு ஒய்வு.

================================================================================================================

உரத்த சிந்தனை என்று கொள்ளலாமா?  பின்னே கஷ்டங்கள் மட்டுமே உணரப்பட்டால் வேறு எப்படிதான் நினைக்க? 

இதற்கு வந்த பதில்கள்...   

==============================================================================================================

சுற்றிச் சுற்றி வந்த யானை...

================================================================================================================

நேற்று புதன் கேள்வி பதில்களில் இம்போசிஷன் பற்றி கேள்வியும், பதிலும் இடம்பெற்றது இல்லையா?  அதற்காக ஒரு பழைய மதன் ஜோக் - இம்போசிஷன் பற்றி!

========================================================================================================


புதுக்கோட்டை கணினித் தமிழ்ச் சங்கம் நடத்தும் இணையத் தமிழ்ப் பயிச்சி முகாம் பற்றிய விவரங்கள் அறிய இங்கு செல்லுங்கள்.  புதிதாக வலைப்பதிவு தொடங்குவது முதல் கணினி பயன்படுத்தும் முறை  பயிற்சி வகுப்புகள் எடுக்கிறார்கள் புதுவை வலைப்பதிவர் குழுமம்.  

எளிய கட்டணம் உண்டு.

============================================================================================