புதன் 191218 :: ரி ட ஸ் ஹி

பானுமதி வெங்கடேஸ்வரன்.

ஹிஸ்டரி ரிபீட்ஸ் இட்செல்ஃப் என்பார்களே, அதன்படி நாடகம் மீண்டும் உன்னதம் அடையுமா?





$ அதுக்கு முன்னே சோழராஜா வரணுமில்லே!

# அடையும் என்று சொல்லித் தப்பித்துக் கொள்கிறேன்.

& Y R O T S I H 
               
இரவு உங்கள் வீட்டில் படுத்துக்கொண்ட நீங்கள் காலையில் கண் விழிக்கும் பொழுது நித்தியின் கைலாசத்தில் இருக்கிறீர்கள். அவர் வேறு நீங்கள்தான் அவருடைய வாரிசு என்று அறிவித்து விடுகிறார். அப்போ என்ன பண்ணுவீங்க?அப்போ என்ன பண்ணுவீங்க?(மாட்னீங்களா?)
                      

# உடனேயே அங்கே படுத்துறங்கி நம்ம ஊர் வந்து விட வேண்டியதுதான்.

& அவ்வளவு சாமியாரிணிகளுக்கு நடுவே நான் கண் விழிக்க நேர்ந்தால், அந்த அதிர்ச்சியிலேயே நிரந்தரமாக கண்ணை மூடிவிடுவேன்!  தப்பிப் பிழைத்தாலும் நித்தி செய்கிற பைத்தியக்காரத்தனங்களைக் கண்டு நானும் பைத்தியம் பிடித்துத் திரிய வேண்டியதுதான்! 
        
தி.ஜானகிராமனின் அம்மா வந்தாள் கதையில் வரும் அப்பு கதாபாத்திரத்தில் நடிக்க ஆசை என்று கமல்ஹாசன் ரொம்ப நாட்கள் முன்பு சொல்லியிருந்தார். இப்போது அதை படமாக்கினால் யாரை அப்புவாக போடலாம்?
    
# அம்மா வந்தாள் திரைக்கேற்றதல்ல என்று நினைக்கிறேன். யாரைப் போட்டாலும் எடுபடாது.

& கமல் தான் ஏற்கெனவே அப்பு வேடத்தில் நடித்துவிட்டாரே! ஓ அது வேற அப்புவா! 

==============================================


அவல் பொரி கடலை & கொக்கி 

சென்ற வாரக் கதைப் பகுதி 

கல்கி தீபாவளி மலர் 1943 வருடத்தியது. எழுதியவர் சக்கரவர்த்தி இராஜகோபலாச்சாரியார். நான் அந்தப் பகுதியை அந்தப் பதிவின் டிராஃப்ட் ஆக சேமித்த டிசம்பர் ஒன்பதாம் தேதி அவருடைய பிறந்தநாள். பதிவு வெளியான தேதி பாரதி பிறந்தநாள் ஆகிவிட்டதால், பலர் க்ளூவைப் படித்துக் குழம்பிவிட்டீர்கள். 

சென்ற வாரத்தில் நீங்க பார்த்த கார்கள் விலை 1950 ஆம் வருடத்தியவை. (கல்கி தீ ம 1950.) 

அப்போது அதே மலரில், வேறொரு பக்கத்தில் வந்திருந்த ரேடியோ விளம்பரம் : 

அந்தக் காலத்தில் பிலிப்ஸ் ரேடியோவின் விலை ரூ 240 முதல் ரூபாய்  1500 வரை ! 

அதிக பட்ச விலை கொடுத்து வாங்கப்பட்ட  ரேடியோ  பணத்தில்,  ஏழு பங்கு விலை கொடுத்தால் ஒரு கார் வாங்கியிருக்கலாம்! 

அதே காலகட்டத்தில், ஒரு பவுன் (எட்டு கிராம்) தங்கம் விலை : ரூ 80. 

அதாவது, ஆயிரத்து ஐநூறு ரூபாய் கொடுத்து ரேடியோ வாங்கியவர், அந்தப் பணத்துக்கு பதினெட்டே முக்கால் பவுனில் தங்கச்சங்கிலி வாங்கியிருந்தார் என்றால், அந்தச் சங்கிலியின் இன்றைய மதிப்பு சற்றேறக் குறைய : ரூ ஆறு லட்சம் ! 

பத்தாயிரம் ரூபாய் கொடுத்து அப்போது கார் வாங்கியவர் இப்போ அதை விற்க நினைத்தால், யார், என்ன விலை கொடுத்து வாங்குவார்? பழைய இரும்பு வியாபாரிகள்தான் பதில் சொல்லவேண்டும்! 

இந்த வாரக் கேள்விகள் : 

இதை எழுதியவர் யார்? 

கொக்கி : 

சென்ற வாரக் கொக்கியை யார் எல்லாம் பார்த்தீர்கள் என்று தெரியவில்லை. 
கொக்கியும், அதன் தொடர்ச்சிகளையும் மீண்டும் இங்கே உங்களுக்குச் சுட்டிக் காட்டியுள்ளேன்.

படித்து இன்புறுங்கள்! 

கொக்கி 191210 

catch 1 

catch 2 

இன்னும் நிறைய கொக்கிகள் வரவிருக்கின்றன! 

நிறைய catchகளும்  வரும் என்று எதிர்பார்க்கிறேன். 

=========================================================

மீண்டும் சந்திப்போம்! 

=========================================================