'திங்க'க்கிழமை : கைமா இட்லி - சியாமளா வெங்கடராமன் ரெஸிப்பி

 கைமா இட்லி

ஹோட்டல் சரவண பவனுக்கு எங்கள் நண்பர் ஒருவருடன் போனோம்.

அவர் இந்த ஹோட்டலில் கைமா இட்லி ரொம்ப நன்றாக இருக்கும் அதை ஆர்டர் பண்ணட்டுமாஎன்று கேட்டார் நான் சாப்பிட்டதில்லை என்று கூறி மறுத்தேன். 

அவர் அதை ஆர்டர் பண்ணி விட்டார்.தன்னுடைய தட்டிலிருந்து எங்களுக்கும் கொஞ்சம் போட்டார் .டேஸ்ட் பண்ணி பாருங்க என்றார்.

ஆஹா..... நன்றாக இருந்தது உடனே நாங்களும் ஆர்டர் பண்ணோம் என்பது சொல்லவும் வேண்டுமா 

நான் அந்து சர்வரிடம் அதை பண்ணுவது எப்படி என்று ரெசிபி கேட்டு தெரிந்து கொண்டேன். அதை என் மகன் மருமகள் பேத்திக்கு செய்துகொடுத்து பாராட்டையும் பெற்றேன்.  நீங்களும் செய்து அனைவரின் பாராட்டையும் பெறலாமே!!!!!

தேவையான பொருட்கள்

பெரிய வெங்காயம்........2

தக்காளி..............................2

குடைமிளகாய்...................1

இஞ்சி.......,.............................1 அங்குலம்

பூண்டு....................................5 பல்

மிளகாய்த்தூள்....,...............1 டீஸ்பூன்

கரம் மசாலாத்தூள்..............1 டீஸ்பூன்

கடுகு......................................1 டீஸ்பூன்

எண்ணெய்........................... இரண்டு கரண்டி

உப்பு தேவையான அளவு

கொத்தமல்லி தழை.... ஒரு பிடி

Step 1

வெங்காயம் தக்காளி குடைமிளகாயை பொடியாக நறுக்கிக் கொள்ள வேண்டும்

இஞ்சி& பூண்டு இரண்டையும் மிக்ஸியில் அரைத்துக் கொள்ள வேண்டும்

3. ஐந்து இட்லியை 1"சதுர துண்டுகளாக வெட்டி கொள்ள வேண்டும்

செய்முறை

அடுப்பில் வாணலியை வைத்து அதில்  ஒரு டேபிள் ஸ்பூன் எண்ணெய் விட்டு கடுகு தாளிக்க வேண்டும் அதில் இஞ்சி பூண்டு விழுதை போட்டு வதக்க வேண்டும் பின்பு அதில் நறுக்கி வைத்துள்ள கறி காய்களை போட்டு காஷ்மீர் சில்லி பவுடர் அல்லது மிளகாய் பொடி கரம் மசாலாத்தூள் உப்பு ஆகியவற்றை போட்டு நன்கு வதக்க வேண்டும். 

நன்றாக வெந்ததும் கீழே இறக்கி வைத்து விட வேண்டும். மற்றொரு வாணலியில் எண்ணெய் விட்டு அதில் இட்லி துண்டுகளை போட்டு பொரித்தெடுக்க வேண்டும் 

அதை காய்கறி கலவையில் கொட்டி நன்றாக கலக்க வேண்டும் 

அத்துடன் பொடியாக நறுக்கிய கொத்தமல்லித்தழையை போட்டு கலக்க வேண்டும்.  சூப்பர் கைமா இட்லி தயார்!!!!!

இந்த கொரொனாடகாலத்தில் எதையும் வீணாக்காமல் புதிய டிஷ் செய்தால்யார் தான் உங்களை பாராட்டாமல் இருப்பார்கள்? நீங்களும் ஹோட்டல் கைமா இட்லி செய்து அசத்துங்களேன்.